Urdu - Chapter 87 - Al-Ala

اپنے پروردگار کے نام کی تسبیح کرو جس کی شان سب سے اونچی ہے۔

جس نے سب کچھ پیدا کیا اور ٹھیک ٹھیک بنایا۔

اور جس نے ہر چیز کو ایک خاص انداز دیا، پھر راستہ بتایا۔

پھر اسے کالے رنگ کا کوڑا بنادیا۔

(اے پیغمبر) ہم تمہیں پڑھائیں گے پھر تم بھولو گے نہیں۔

سوائے اس کے جسے اللہ چاہے۔ یقین رکھو وہ کھلی ہوئی چیزوں کو بھی جانتا ہے اور ان چیزوں کو بھی جو چھپی ہوئی ہیں۔

اور ہم تمہیں آسان شریعت (پر چلنے کے لیے) سہولت دیں گے۔

لہذا تم نصیحت کیے جاؤ، اگر نصیحت کا فائدہ ہو۔

جس کے دل میں اللہ کا خوف ہوگا، وہ نصیحت مانے گا۔

اور اس سے دور وہ رہے گا جو بڑا بدبخت ہوگا۔

جو سب سے بڑی آگ میں داخل ہوگا۔

پھر اس آگ میں نہ مرے گا اور نہ جیے گا۔

فلاح اس نے پائی ہے جس نے پاکیزگی اختیار کی۔

اور اپنے پروردگار کا نام لیا، اور نماز پڑھی۔

لیکن تم لوگ دنیوی زندگی کو مقدم رکھتے ہو۔

حالانکہ آخرت کہیں زیادہ بہتر اور کہیں زیادہ پائیدار ہے۔

یہ بات یقینا پچھلے (آسمانی) صحیفوں میں بھی درج ہے۔

ابراہیم اور موسیٰ کے صحیفوں میں۔