Urdu - Chapter 96 - Al-Alaq

پڑھو اپنے پروردگار کا نام لے کر جس نے سب کچھ پیدا کیا۔

اس نے انسان کو جمے ہوئے خون سے پیدا کیا ہے۔

جس نے قلم سے تعلیم دی۔

انسان کو اس بات کی تعلیم دی جو وہ نہیں جانتا تھا۔

حقیقت یہ ہے کہ انسان کھلی سرکشی کر رہا ہے۔

کیونکہ اس نے اپنے آپ کو بےنیاز سمجھ لیا ہے۔

سچ تو یہ ہے کہ تمہارے پروردگار ہی کی طرف سب کو لوٹنا ہے۔

بھلا تم نے اس شخص کو بھی دیکھا جو ایک بندے کو منع کرتا ہے

جب وہ نماز پڑھتا ہے ؟

بھلا بتلاؤ کہ اگر وہ (نماز پڑھنے والا) ہدایت پر ہو۔

یا تقوی کا حکم دیتا ہو (تو کیا اسے روکنا گمراہی نہیں ؟)

بھلا بتلاؤ کہ اگر وہ (روکنے والا) حق کو جھٹلاتا ہو، اور منہ موڑتا ہو۔

کیا اسے یہ معلوم نہیں ہے کہ اللہ دیکھ رہا ہے ؟

خبردار ! اگر وہ باز نہ آیا تو ہم (اسے) پیشانی کے بال پکڑ کر گھسیٹیں گے۔

اس پیشانی کے بال جو جھوٹی ہے، گنہگار ہے

اب وہ بلالے اپنی مجلس والوں کو۔

ہم دوزخ کے فرشتوں کو بلا لیں گے۔

ہرگز نہیں ! اس کی بات نہ مانو، اور سجدہ کرو، اور قریب آجاؤ۔