Back to Languages

Yau - Chapter 56 - Al-Waqiah

Translation by Muhammad Bin Abdul Hamid Silika — Permalink

Verse 1 — Surah Al-Waqiah 56:1

Patichitendekwa chakutendekwa (Kiyama)
View verse 56:1 page →Raw JSON

Verse 2 — Surah Al-Waqiah 56:2

Pangali jwakanila yakutendekwa kwakwe
View verse 56:2 page →Raw JSON

Verse 3 — Surah Al-Waqiah 56:3

(Chalakwe ni) chakwaatulusya (achimakafili pakwajinjisya ku Moto) ni kwakwesya (Asilamu pakwajinjisya ku Mbepo)
View verse 56:3 page →Raw JSON

Verse 4 — Surah Al-Waqiah 56:4

Ndema jalichitenganyika litaka kutenganyika kwamachili
View verse 56:4 page →Raw JSON

Verse 5 — Surah Al-Waqiah 56:5

Matumbi ni kusyajidwa-syajidwa
View verse 56:5 page →Raw JSON

Verse 6 — Surah Al-Waqiah 56:6

Ni kuŵa luwundu lyakuwululusyidwa
View verse 56:6 page →Raw JSON

Verse 7 — Surah Al-Waqiah 56:7

Ni tinchiŵa jenumanja (pa Kiyama) mikutula jitatu
View verse 56:7 page →Raw JSON

Verse 8 — Surah Al-Waqiah 56:8

Basi (pachiŵa pana) ŵandu ŵa kunkono wan’dyo, ana ŵandu ŵa kunkono wan’dyo ni ŵapi (uchimbichimbi wao uchiŵa uli)
View verse 56:8 page →Raw JSON

Verse 9 — Surah Al-Waqiah 56:9

Ni (pachiŵa pana soni) ŵandu ŵa kunkono wanchiji, ana ŵandu ŵa kunkono wanchiji ni ŵapi (kusakala kwao kuchiŵa uli)
View verse 56:9 page →Raw JSON

Verse 10 — Surah Al-Waqiah 56:10

Ni (pachiŵa pana soni) ŵaŵalongolele (pakutenda yambone ku duniya) ŵatachiŵa ŵakulongolela (ku Mbepo)
View verse 56:10 page →Raw JSON

Verse 11 — Surah Al-Waqiah 56:11

Ŵanganyao ni ŵatachiŵa ŵakuŵandichisyidwa (kwa Allah)
View verse 56:11 page →Raw JSON

Verse 12 — Surah Al-Waqiah 56:12

Tachiŵa m’Matimbe Gachindimba (ku Mbepo)
View verse 56:12 page →Raw JSON

Verse 13 — Surah Al-Waqiah 56:13

Likuga lyejinji (lya akulongolela ku yambone) lichiŵa lyakutyochela mu ŵandu ŵandanda
View verse 56:13 page →Raw JSON

Verse 14 — Surah Al-Waqiah 56:14

Sano (likuga) lyannono (lya akulongolela ku yambone) lichiŵa lyakutyochela mu ŵandu ŵakumalichisya
View verse 56:14 page →Raw JSON

Verse 15 — Surah Al-Waqiah 56:15

Ali pa itengu yauchimbichimbi yeluche (ni golodi ni mitapo jine)
View verse 56:15 page →Raw JSON

Verse 16 — Surah Al-Waqiah 56:16

Tachiyijegamaga mwakulolegana
View verse 56:16 page →Raw JSON

Verse 17 — Surah Al-Waqiah 56:17

Tachasyungulaga (pa kwatumichila) achachanda ŵakutamilichika (pa uchanda)
View verse 56:17 page →Raw JSON

Verse 18 — Surah Al-Waqiah 56:18

Ni migao kwisa soni mabilika (ga yakumwa), ni ipanda ya ukana wakuumila mu tutumule jwakujilimaga
View verse 56:18 page →Raw JSON

Verse 19 — Surah Al-Waqiah 56:19

Ngasalwala nao ntwe namuno kutyoka lunda
View verse 56:19 page →Raw JSON

Verse 20 — Surah Al-Waqiah 56:20

Ni isogosi iliyose yatakaisaguleje
View verse 56:20 page →Raw JSON

Verse 21 — Surah Al-Waqiah 56:21

Ni nyama ja ijuni jatakajilaluchileje
View verse 56:21 page →Raw JSON

Verse 22 — Surah Al-Waqiah 56:22

Ni achimmasyeto ŵameso gakulanguka soni gekulungwa mwakusalalila
View verse 56:22 page →Raw JSON

Verse 23 — Surah Al-Waqiah 56:23

(Ŵakuswejela) nti chisawu ngalekale syesunjidwe
View verse 56:23 page →Raw JSON

Verse 24 — Surah Al-Waqiah 56:24

Kuŵa malipilo pa yaŵaliji nkupanganya
View verse 56:24 page →Raw JSON

Verse 25 — Surah Al-Waqiah 56:25

Ngaaja kupikana mwalakwemo maloŵe gangali mate, namuno gakutendekasya kupata sambi
View verse 56:25 page →Raw JSON

Verse 26 — Surah Al-Waqiah 56:26

Ikaŵeje maloŵe ganti: Ntendele, ntendele
View verse 56:26 page →Raw JSON

Verse 27 — Surah Al-Waqiah 56:27

Sano (pachiŵa pana) ŵandu ŵa kunkono wan’dyo, ana ŵandu ŵa kunkono wan’dyo ni ŵapi (uchimbichimbi wao uchiŵa uli)
View verse 56:27 page →Raw JSON

Verse 28 — Surah Al-Waqiah 56:28

(Tachiŵa) mu itela ya masaawu yetyosye miŵa
View verse 56:28 page →Raw JSON

Verse 29 — Surah Al-Waqiah 56:29

Ni itela ya magombo yesogole magombo gakwe mwakusajikana chenene
View verse 56:29 page →Raw JSON

Verse 30 — Surah Al-Waqiah 56:30

Ni miwulili jakwendelechela
View verse 56:30 page →Raw JSON

Verse 31 — Surah Al-Waqiah 56:31

Ni mesi gakujilima ndaŵi ni katema
View verse 56:31 page →Raw JSON

Verse 32 — Surah Al-Waqiah 56:32

Ni isogosi yejinji
View verse 56:32 page →Raw JSON

Verse 33 — Surah Al-Waqiah 56:33

Yangakatichisya kasogole nambo soni yangasiŵiilidwa
View verse 56:33 page →Raw JSON

Verse 34 — Surah Al-Waqiah 56:34

Ni yakutandika yenyakulidwe (pa itengu yauchimbichimbi)
View verse 56:34 page →Raw JSON

Verse 35 — Surah Al-Waqiah 56:35

Chisimu Uwwe chitukaaguumbe ŵanganyao (achakongwe ŵakuumila ku duniya) kagumbidwe kane (kakusalala nnope kulekangana ni muŵaŵelele ku duniya)
View verse 56:35 page →Raw JSON

Verse 36 — Surah Al-Waqiah 56:36

Basi chitukatende kuŵa ŵaali
View verse 56:36 page →Raw JSON

Verse 37 — Surah Al-Waqiah 56:37

Ŵakulinonyelesya kwa achalume ŵao, ŵakulandana misingu
View verse 56:37 page →Raw JSON

Verse 38 — Surah Al-Waqiah 56:38

(Tachiŵa) ŵa (achalume) ŵa kunkono wan’dyo
View verse 56:38 page →Raw JSON

Verse 39 — Surah Al-Waqiah 56:39

Likuga lyejinji (lya ŵa kunkono wan’dyo) lichityochela mu ŵandu ŵandanda
View verse 56:39 page →Raw JSON

Verse 40 — Surah Al-Waqiah 56:40

Nambo soni likuga lyejinji (lya ŵa kunkono wan’dyo) lichityochela mu ŵandu ŵakumalichisya
View verse 56:40 page →Raw JSON

Verse 41 — Surah Al-Waqiah 56:41

Ni (pachiŵa pana) ŵandu ŵa kunkono wanchiji, ana ŵandu ŵa kunkono wanchiji ni ŵapi (kusakala kwao kuchiŵa uli)
View verse 56:41 page →Raw JSON

Verse 42 — Surah Al-Waqiah 56:42

(Tachiŵa) mu chimbunga chamoto, ni mesi gamasemule nnope
View verse 56:42 page →Raw JSON

Verse 43 — Surah Al-Waqiah 56:43

Ni m’bulili wa lyosi lyepiliwu nnope
View verse 56:43 page →Raw JSON

Verse 44 — Surah Al-Waqiah 56:44

Wangapeleka kusisimila namuno kutulalila
View verse 56:44 page →Raw JSON

Verse 45 — Surah Al-Waqiah 56:45

Chisimu ŵanganyao nkaniyiŵe yalakweyi (ku duniya) ŵaliji nkutama umi wakusangalala (ni yakanyisyidwa)
View verse 56:45 page →Raw JSON

Verse 46 — Surah Al-Waqiah 56:46

Ni ŵaliji nkwendelechela (kutenda) sambi syekulungwa
View verse 56:46 page →Raw JSON

Verse 47 — Surah Al-Waqiah 56:47

Ni ŵaliji nkuŵecheta kuti: “Ana patuchiwapo ni kusyuka litaka ni maupa, nambo yakuona uwwe tuchiukulidwa (m’malembe)?”
View verse 56:47 page →Raw JSON

Verse 48 — Surah Al-Waqiah 56:48

“Ni achatati ŵetu ŵakwe ŵandanda?”
View verse 56:48 page →Raw JSON

Verse 49 — Surah Al-Waqiah 56:49

Jilani (mmwe Muhammadi ﷺ): “Chisimu ŵandanda ni ŵambesi ŵakwe.”
View verse 56:49 page →Raw JSON

Verse 50 — Surah Al-Waqiah 56:50

“Tachisonganganyisyidwa wa kunsongangano wetomechedwe wa lisiku lyakumanyika.”
View verse 56:50 page →Raw JSON

Verse 51 — Surah Al-Waqiah 56:51

“Kaneka chisimu ŵanganyammwe, E jenumanja ŵalupuso, (soni) ŵakanila!”
View verse 56:51 page →Raw JSON

Verse 52 — Surah Al-Waqiah 56:52

“Tinkalye kwene chitela cha Zakkum.”
View verse 56:52 page →Raw JSON

Verse 53 — Surah Al-Waqiah 56:53

“Ni tinkachigumbasyeje ndumbo (syenu).”
View verse 56:53 page →Raw JSON

Verse 54 — Surah Al-Waqiah 56:54

“Ni tinkachimweleje mesi gamasemule nnope.”
View verse 56:54 page →Raw JSON

Verse 55 — Surah Al-Waqiah 56:55

“Ni tinkamweje mwasikumwelaga ngamiya syanjota nnope.”
View verse 56:55 page →Raw JSON

Verse 56 — Surah Al-Waqiah 56:56

Aji ni mbiiko jao Lisiku Lyamalipilo
View verse 56:56 page →Raw JSON

Verse 57 — Surah Al-Waqiah 56:57

Uwwe twan’gumbile jenumanja, nambi ligongo chichi ngankukulupilila (ya kwimuka m’malembe panyuma pakuwa)
View verse 56:57 page →Raw JSON

Verse 58 — Surah Al-Waqiah 56:58

Ana nkuliona uli lindondwa lya ulume lyankudondechesyaga (m’chiŵelechelo)
View verse 56:58 page →Raw JSON

Verse 59 — Surah Al-Waqiah 56:59

Ana jenumanja niŵankuligumbaga (kuti liŵe mundu), kapena Uwwe niŵatukuligumbaga
View verse 56:59 page →Raw JSON

Verse 60 — Surah Al-Waqiah 56:60

Uwwe tupimiile chilikati chenu chiwa (kuti jwalijose mwa jenumanja tachiwa), ni nganituŵa Uwwe ŵakulepela
View verse 56:60 page →Raw JSON

Verse 61 — Surah Al-Waqiah 56:61

Kuti chitun’galawusye kagumbidwe kenu (lisiku lya Kiyama), nikun’gumba mu kaŵe kangankukamanyilila
View verse 56:61 page →Raw JSON

Verse 62 — Surah Al-Waqiah 56:62

Soni chisimu chene pamasile pankumanyi gumba kwandanda (kuti Allah ni juŵagumbile), nambi uli ngankukumbuchila (yanti Jwalakwe mpaka jukombole gumba kwaŵili)
View verse 56:62 page →Raw JSON

Verse 63 — Surah Al-Waqiah 56:63

Ana nkujiona uli mbeju jankupandaga
View verse 56:63 page →Raw JSON

Verse 64 — Surah Al-Waqiah 56:64

Ana jenumanja niŵankujimesyaga, kapena Uwwe niŵatukumesyaga
View verse 56:64 page →Raw JSON

Verse 65 — Surah Al-Waqiah 56:65

Tungasache tungajitesile kuŵa jakuteketuka, ni nkaliji ŵakusimonga (chachintendesye kuti jiteketuche)
View verse 56:65 page →Raw JSON

Verse 66 — Surah Al-Waqiah 56:66

(Ni nkatiji): “Chisimu uwwe tugambile kwasa chipanje chetu.”
View verse 56:66 page →Raw JSON

Verse 67 — Surah Al-Waqiah 56:67

“Nambo uwwe tujimidwe.”
View verse 56:67 page →Raw JSON

Verse 68 — Surah Al-Waqiah 56:68

Ana nkugaona uli mesi gankumwaga
View verse 56:68 page →Raw JSON

Verse 69 — Surah Al-Waqiah 56:69

Ana jenumanja ni ŵan’gatulwisye kuumila kumawunde gawula, kapena Uwwe ni Akutulsya
View verse 56:69 page →Raw JSON

Verse 70 — Surah Al-Waqiah 56:70

Tungasache tungagatesile kuŵa gachijete nnope, nambi ligongo chichi ngankutogolela
View verse 56:70 page →Raw JSON

Verse 71 — Surah Al-Waqiah 56:71

Ana nkuuwona uli moto wankukolesyaga
View verse 56:71 page →Raw JSON

Verse 72 — Surah Al-Waqiah 56:72

Ana jenumanja ni ŵamwagumbile itela yakwe, kapena Uwwe ni Akugumba
View verse 56:72 page →Raw JSON

Verse 73 — Surah Al-Waqiah 56:73

Uwwe tuwutesile walakwe (motowo) kuŵa chikumbusyo (cha Moto wa ku Akhera), ni wakwakamuchisya ŵa paulendo
View verse 56:73 page →Raw JSON

Verse 74 — Surah Al-Waqiah 56:74

Basi liswejesyani lina lya Ambuje ŵenu Ŵakulungwa nnope (Allah)
View verse 56:74 page →Raw JSON

Verse 75 — Surah Al-Waqiah 56:75

Ngumulumbila mwagwila ndondwa (mwakutiŵilila mwakwe kwinani)
View verse 56:75 page →Raw JSON

Verse 76 — Surah Al-Waqiah 56:76

Soni chisimu chalakwechi ni chilumbilo chekulungwa nnope ingaŵe mwamanyililaga
View verse 56:76 page →Raw JSON

Verse 77 — Surah Al-Waqiah 56:77

Chisimu jalakweji ni Qur’an jakuchimbichika
View verse 56:77 page →Raw JSON

Verse 78 — Surah Al-Waqiah 56:78

Jili m’Chitabu chesunjidwe chenene (Al-Lauh Al- Mahfȗz)
View verse 56:78 page →Raw JSON

Verse 79 — Surah Al-Waqiah 56:79

Ngakuchikwayaga ikaŵeje ŵaswejesyedwe
View verse 56:79 page →Raw JSON

Verse 80 — Surah Al-Waqiah 56:80

Chakutulusyidwa kuumila kwa M’mbuje jwa iwumbe yosope
View verse 56:80 page →Raw JSON

Verse 81 — Surah Al-Waqiah 56:81

Ana aji abaliji (Qur’an) jenumanja (achimakafili) nkujikaanila
View verse 56:81 page →Raw JSON

Verse 82 — Surah Al-Waqiah 56:82

Sano kanila kwenu (lisiki lyampele Allah) nikwankukutenda kuŵa kutogolela kwenu
View verse 56:82 page →Raw JSON

Verse 83 — Surah Al-Waqiah 56:83

Nambi uli ntima uli uyiche pekolongo (ndema jakuwa jumo jwenu ngankuuwuchisyaga m’chilu mwakwe)
View verse 56:83 page →Raw JSON

Verse 84 — Surah Al-Waqiah 56:84

Kutendaga jenumanja jele ndemajo nkasaŵaga n’di nkulola
View verse 56:84 page →Raw JSON

Verse 85 — Surah Al-Waqiah 56:85

Soni Uwwe (Achimalaika ŵakutyosya ntima) tukuŵaga dusi kwa jwalakwe kumpunda jenumanja, nambo ngankutuonaga
View verse 56:85 page →Raw JSON

Verse 86 — Surah Al-Waqiah 56:86

Nambi uli naga nganim’ba ŵanti nikuja kulipidwa (itendo yenu, soni ngasin’jimuka m’malembe)
View verse 56:86 page →Raw JSON

Verse 87 — Surah Al-Waqiah 56:87

(Uli) ngankuuwuchisyaga (ntimao m’chilu mwakwe kuti akawa mundujo), naga jenumanja nkuŵecheta yakuona (kuti kwangali kwimuka m’malembe, ngati nichiwa chakwe chikapagwa)
View verse 56:87 page →Raw JSON

Verse 88 — Surah Al-Waqiah 56:88

Sano naga juli (nkuwajo) mwa akuŵandichisyidwa (kwa Allah)
View verse 56:88 page →Raw JSON

Verse 89 — Surah Al-Waqiah 56:89

Basi jukasapata ntendele ni lisiki lyakununjila, kwisa soni Litimbe Lyachindimba lya ku Mbepo
View verse 56:89 page →Raw JSON

Verse 90 — Surah Al-Waqiah 56:90

Sano naga juli (nkuwajo) mwa ŵandu ŵakunkono wan’dyo
View verse 56:90 page →Raw JSON

Verse 91 — Surah Al-Waqiah 56:91

Basi (jukasasalilidwaga kuti): “Ntendele uli kukwenu, (ligongo lyakuŵa kwenu) mu ŵandu ŵakunkono wan’dyo.”
View verse 56:91 page →Raw JSON

Verse 92 — Surah Al-Waqiah 56:92

Nambo naga juli (nkuwajo) mwa akukanila, ŵakupotela
View verse 56:92 page →Raw JSON

Verse 93 — Surah Al-Waqiah 56:93

Mbiiko jakwe jikasaŵa mesi gamasemule nnope
View verse 56:93 page →Raw JSON

Verse 94 — Surah Al-Waqiah 56:94

Ni kupya m’Moto Waukali
View verse 56:94 page →Raw JSON

Verse 95 — Surah Al-Waqiah 56:95

Chisimu ayi (yatunsimbile mmwe Muhammadi ﷺ) ni yakuona yakusimichika
View verse 56:95 page →Raw JSON

Verse 96 — Surah Al-Waqiah 56:96

Basi liswejesyani lina lya Ambuje ŵenu Ŵakulungwa nnope (Allah)
View verse 56:96 page →Raw JSON