Yau - Chapter 61 - As-Saf

Translation by Muhammad Bin Abdul Hamid Silika — Permalink

Verse 1 — Surah As-Saf 61:1

Iŵele ili nkunswejesya Allah yosope yaili kumawunde ni yaili petaka, soni Jwalakwe ni Jwamachili gakupunda, Jwalunda lwakusokoka

View verse 61:1 page →Raw JSON

Verse 2 — Surah As-Saf 61:2

E jenumanja ŵankulupilile! Ligongo chichi nkuŵechetaga yangankutendaga

View verse 61:2 page →Raw JSON

Verse 3 — Surah As-Saf 61:3

Ikunchimaga kwekulungwa nnope Allah yakuti m'becheteje yangankutendaga

View verse 61:3 page →Raw JSON

Verse 4 — Surah As-Saf 61:4

Chisimu Allah akwanonyela aŵala ŵaakumenyanaga ngondo petala Lyakwe ali chilili pansela nti chisawu ŵanganyao lipupa lyekamulane chenene

View verse 61:4 page →Raw JSON

Verse 5 — Surah As-Saf 61:5

Soni (kumbuchilani) katema kajwaŵechete Musa ku ŵandu ŵakwe kuti: “E ŵandu ŵangu! Ligongo chichi nkuusausya, kutendaga nkumanyilila kusyene yanti une ni Ntenga jwa Allah kukwenu?” Basi ndema jaŵapombotele (kuleka litala lya Allah), Allah ŵajipombotesye mitima jao, sano Allah ngakwajongolaga ŵandu ŵakunyosya

View verse 61:5 page →Raw JSON

Verse 6 — Surah As-Saf 61:6

Soni (kumbuchilani) katema kajwaŵechete Isa mwanache jwa Maryam kuti: “E jenumanja ŵanache ŵa Israila! Chisimu une ni Ntenga jwa Allah kukwenu jungwitichisya yaili paujo pangu yakuumila mu Taurat, soni ni ngutagulila ya abali jakusengwasya ja Ntenga jwatachiika panyuma pangu lina lyakwe Ahmadu.” Nambo ndema jajwaichilile ni ilosyo yakuonechela papaswela, ŵatite: “Awu ni usaŵi ŵakuonechela.”

View verse 61:6 page →Raw JSON

Verse 7 — Surah As-Saf 61:7

Ana soni nduni jwali jwalupuso nnope kumpunda mundu jwansepele Allah unami kutendaga jwalakwe ali nkuŵilanjidwa ku Usilamu? Sano Allah ngaakwajongolaga ŵandu ŵakulitenda lupuso

View verse 61:7 page →Raw JSON

Verse 8 — Surah As-Saf 61:8

Akasasachililaga ali asimisye lilanguka lya Allah (Usilamu) ni ngamwa syao, sano Allah ni Jwakwanilisya lilanguka Lyakwe namuno achimakafili yachime

View verse 61:8 page →Raw JSON

Verse 9 — Surah As-Saf 61:9

Jwalakwe ni Ajula jwaatumisye Ntenga Jwakwe (Muhammadi ﷺ) ni chongolo kwisa soni Dini jakuona kuti ajikwesye pachanya pa dini syosope, namuno ŵakuwanganya (Allah ni isanamu) yachime

View verse 61:9 page →Raw JSON

Verse 10 — Surah As-Saf 61:10

E jenumanja ŵankulupilile! Ana nammanyisye malonda gampaka gan'jokole ku ilagasyo yakupoteka nnope

View verse 61:10 page →Raw JSON

Verse 11 — Surah As-Saf 61:11

Munkulupilileje Allah ni Ntenga Jwakwe ﷺ, soni mputeje ngondo petala lya Allah ni chipanje chenu ni mwachimisyene ŵakwe, yalakweyo ni yaili yambone kukwenu naga n'di ŵakumanyilila

View verse 61:11 page →Raw JSON

Verse 12 — Surah As-Saf 61:12

Tankululuchile sambi syenu ni kun'jinjisya ku Matimbe ga ku Mbepo gasikujilima cha pasi pakwe sulo, ni malo gambone nnope ku Matimbe Gandamo. Kwalakweko ni kupunda kwekulungwa nnope

View verse 61:12 page →Raw JSON

Verse 13 — Surah As-Saf 61:13

Ni (ukoto) wine wachiwwunonyele (chachili) chikamuchisyo chakuumila kwa Allah kwisa soni kuugula (Maaka) kwakuli pakuŵandika, ni mwatagulilani abali jakusengwasya ŵakulupilila

View verse 61:13 page →Raw JSON

Verse 14 — Surah As-Saf 61:14

E jenumanja ŵankulupilile! Ŵaagaani ŵakamuchisya (pakwenesya Dini ja) Allah, mpela yajwatite kuŵecheta Isa mwanache jwa Maryam pakwawusya achinafunsi (ŵakwe kuti): “Ana akungamuchisya ŵangu niŵani kwa Allah?” Achinafunsi (ŵakwe) ŵatite: “Uwwe ni akukamuchisya (pakwenesya Dini ja) Allah.” Basi likuga line mu ŵanache ŵa Israila lyakulupilile, nambo likuga line lyakanile. Basi ni twaalimbangenye aŵala ŵaŵakulupilile pa amagongo ŵao ni ŵasyuchile kuŵa ŵapachanya

View verse 61:14 page →Raw JSON