Back to Languages
Yau - Chapter 71 - Nuh
Translation by Muhammad Bin Abdul Hamid Silika — Permalink
Verse 1 — Surah Nuh 71:1
Chisimu Uwwe twantumisye Nuhu ku ŵandu ŵakwe (ni kuntenda kuti): “Mwatetelani ŵandu ŵenu nkaniyayichilile ilagasyo yakupoteka nnope.”
Verse 2 — Surah Nuh 71:2
Jwalakwe jwatite: “E ŵandu ŵangu! Chisimu une ninkuntetela jwenu jwakuonechela.”
Verse 3 — Surah Nuh 71:3
“Mun'galagatilani Allah ni kun'jogopa soni mumbikanilani une.”
Verse 4 — Surah Nuh 71:4
“Tankululuchile sambi syenu ni kunchelewasya kwikanila ndema jajikolanjidwe (kuŵa mbesi ja umi wenu), chisimu ndema ja Allah (jakuwila mundu) pati jiyiche, jangaŵa nkujichelewasya ingaŵe mwamanyililaga.”
Verse 5 — Surah Nuh 71:5
Jwalakwe jwatite: “Ambuje ŵangu! Chisimu une mbele ndili nkwaŵilanjila ŵandu ŵangu chilo ni muusi.”
Verse 6 — Surah Nuh 71:6
“Nambo kuŵilanjila kwanguko nganikwajonjechesya (chilichose) ikaŵeje kutilape.”
Verse 7 — Surah Nuh 71:7
“Soni chisimu une ndema jilijose jimbele ndili nkwaŵilanjila (Kukwenu) kuti mwakululuchile, aŵele ali nkuŵika yala yao m’mawiwi mwao ni kuliunichilaga nguwo syao, soni aŵele ali nkuchalila (kutenda makani), ni alikwesisye kulikwesya kusyene.”
Verse 8 — Surah Nuh 71:8
“Kaneka une chisimu naŵilanjiile ŵanganyao mwakunyanyika.”
Verse 9 — Surah Nuh 71:9
“Kaneko chisimu une nagombelesye kukwao, soni ni nasongonele mwaasili.”
Verse 10 — Surah Nuh 71:10
“Basi ni natite: ‘Mum'bendani chikululuko M'mbuje gwenu, chisimu Jwalakwejo juŵele Jwakululuka kusyene.”
Verse 11 — Surah Nuh 71:11
“Juntuluchisye wula mwawinji.”
Verse 12 — Surah Nuh 71:12
“Ni jun'jonjechesye chipanje ni ŵanache, ni kum'bichila migunda, ni kum'bichila soni sulo.”
Verse 13 — Surah Nuh 71:13
“Chipali chichi kukwenu changampela Allah uchimbichimbi (pakun'galagatila Jwele Jikape)!”
Verse 14 — Surah Nuh 71:14
“Kutendaga pamasile pan'gumbile mu kaŵe kakulekangana-lekangana kane panyuma pa kane!”
Verse 15 — Surah Nuh 71:15
“Ana ngankuyiona yatite kagumbe Allah mawunde nsano nagaŵili mwakusajikanya?”
Verse 16 — Surah Nuh 71:16
“Ni auŵisile mwesi mwalakwemo kuŵa lilanguka, ni aliŵisile lyuŵa kuŵa nyali?”
Verse 17 — Surah Nuh 71:17
“Soni Allah ammesisye (pakun'gumba) kuumila mwitaka mwammela.”
Verse 18 — Surah Nuh 71:18
“Kaneka tachim'buchisya m’momo (panyuma pakuwa), ni kwisa kunkoposya mwanakamo (pa Kiyama).”
Verse 19 — Surah Nuh 71:19
“Soni Allah am'biichiile litaka kuŵa chakutandika.”
Verse 20 — Surah Nuh 71:20
“Kuti n'jendejejendeje palakwepo m’matala gakusapanguka.”
Verse 21 — Surah Nuh 71:21
Nuhu jwatite: “Ambuje ŵangu! Chisimu ŵanganyao anyosisye une, ni ankuyiye ajula jwangaŵa nkun'jonjechesya chipanje chakwe ni ŵanache ŵakwe (chilichose) ikaŵeje kupelelwape.”
Verse 22 — Surah Nuh 71:22
“Ni atesile malindi gamakulungwa nnope.”
Verse 23 — Surah Nuh 71:23
“Soni aŵele ali nkuti: ‘Ngasinneka (galagatila) milungu jenu ata panandi, ngasinnogwa kwaleka Awadda, Asuwa'a, Ayagh'utha, Aya’uka ni Anasra.”
Verse 24 — Surah Nuh 71:24
“Soni ŵanganyao pamasile paŵasokonesye (ŵandu) ŵajinji, ni ngasimwajonjechesya ŵakulitenda lupuso (chine chakwe) ikaŵeje kupotelape.”
Verse 25 — Surah Nuh 71:25
Ligongo lya ilemwa yao ŵamisyidwe (m’mesi) ni kwinjisyidwa ku Moto, soni nganansimana jwalijose jwanti ni kwakulupusya jwangaŵaga Allah
Verse 26 — Surah Nuh 71:26
Soni Nuhu jwatite: “Ambuje ŵangu! Ngasimunneka pa chilambo pano ata jumo mwa makafiliŵa.”
Verse 27 — Surah Nuh 71:27
“Chisimu Mmwe naga nkwaleka ŵanganyao taŵe ali nkwasokonesya achikapolo Ŵenu, soni ŵanyao ngaŵa nkuŵeleka (mwanache jwambone) ikaŵeje jwakusakasya nnope, jwakanila kusyene.”
Verse 28 — Surah Nuh 71:28
“Ambuje ŵangu! Mungululuchilani une ni achinangolo ŵangu, ni jwalijose jwaajinjile m’nyumba mwangu ali jwakulupilila, kwisa soni ŵakulupilila ŵachilume ni ŵachikongwe (wosope), ni ngasimwajonjechesya ŵakulitenda lupuso (chine chakwe) ikaŵeje chonasikope.”