Yau - Chapter 72 - Al-Jinn

Translation by Muhammad Bin Abdul Hamid Silika — Permalink

Verse 1 — Surah Al-Jinn 72:1

Jilani (mmwe Muhammadi ﷺ): “Ijuwulidwe kukwangu yanti likuga line lya majini lyapikanile (Qur’an), basi ni gatite (pakugasalila majini gajao): ‘Chisimu uwwe tupikene Qur’an jakusimosya

View verse 72:1 page →Raw JSON

Verse 2 — Surah Al-Jinn 72:2

Jikongolela kuchongoko mwanti tujikulupilile, soni nganituŵa tum’bwanganyisye M’mbuje gwetu ni chilichose

View verse 72:2 page →Raw JSON

Verse 3 — Surah Al-Jinn 72:3

Soni chisimu Uchimbichimbi wa M’mbuje gwetu unyakwiche kusyene, nganijulitendela ŵankwakwe namuno mwanache

View verse 72:3 page →Raw JSON

Verse 4 — Surah Al-Jinn 72:4

Soni chisimu jwam’bwawate mwetuwe jwaliji nkum'bechetela Allah yaukoleko wakunaula

View verse 72:4 page →Raw JSON

Verse 5 — Surah Al-Jinn 72:5

Soni chisimu uwwe twaliji nkuganichisya yanti mundu ni lijini ngaŵa nkum'bechetela Allah yaunami

View verse 72:5 page →Raw JSON

Verse 6 — Surah Al-Jinn 72:6

Soni chisimu achalume ŵachiŵandu ŵaliji nkulijuya mwa achalume ŵachijini, basi niŵaliji nkwajonjechesya kusumba mpika pasambi

View verse 72:6 page →Raw JSON

Verse 7 — Surah Al-Jinn 72:7

Soni chisimu ŵanganyao ŵaiche mwaganisya mwamwaganichisyaga ŵanganyammwe kuti Allah ngaŵa nkutumisya (ntume) jwalijose (kuŵandu ni majini)

View verse 72:7 page →Raw JSON

Verse 8 — Surah Al-Jinn 72:8

Soni chisimu uwwe twasachilile kuja kwika kwinani, nambo twakusimene kuli kugumbele achilonda ŵamachili (ŵachilaika) ni yenje (yandondwa)

View verse 72:8 page →Raw JSON

Verse 9 — Surah Al-Jinn 72:9

Soni chisimu uwwe (kala) twaliji nkutama mwalakwemo m’malo mwakupikanila (abali syakwinani), nambo jwatasache kuja kupikanila sanojino, takachisimane chenje (chandondwa) chili chin'juŵilile

View verse 72:9 page →Raw JSON

Verse 10 — Surah Al-Jinn 72:10

Soni chisimu uwwe ngatukumanyilila kuti, ana akusachiilidwa yangalumbana ŵali pa chilambo kapena M’mbuje gwao jukwasachilila chongoko

View verse 72:10 page →Raw JSON

Verse 11 — Surah Al-Jinn 72:11

Soni chisimu mwetuwe mwana ŵane ŵambone, nambo ŵane mwetuwe nganaŵa iyyo. Tuŵele (mikutula ja) matala gakulekangana-lekangana (ga dini)

View verse 72:11 page →Raw JSON

Verse 12 — Surah Al-Jinn 72:12

Soni chisimu uwwe twaimanyi kusyene yanti ngaŵa nkunnepelaasya Allah (kutupa ilagasyo) pa chilambo pano, soni ngaŵa nkunnepelaasya pakutilila (kwinani)

View verse 72:12 page →Raw JSON

Verse 13 — Surah Al-Jinn 72:13

Soni chisimu uwwe ndema jatuchipikene chongolo (Qur’an) tuchikulupilile, basi jwatankulupilile M’mbujeegwe nikuti ngajogopa kupungusyidwa (yambone yakwe) kapena kutwichidwa (nsigo wa sambi sya jwine)

View verse 72:13 page →Raw JSON

Verse 14 — Surah Al-Jinn 72:14

Soni chisimu mwetuwe mwana Asilamu ni mwana ŵane mwetuwe ŵapombotale (kuleka litala lyagoloka lya Usilamu). Sano ŵajinjile mu Usilamu, basi ŵanganyao ni ŵalungeme ku chongoko.”

View verse 72:14 page →Raw JSON

Verse 15 — Surah Al-Jinn 72:15

Nambo aŵala ŵapombotele (kuleka Usilamu), nikuti chachiŵa sasu sya ku Jahannama

View verse 72:15 page →Raw JSON

Verse 16 — Surah Al-Jinn 72:16

Soni mwanti ingaŵe ŵajimilichiche (akupombotalao) petala (lya Usilamu), chisimu tungaamwesisye mesi gamajinji (nga nganalajila chilichose)

View verse 72:16 page →Raw JSON

Verse 17 — Surah Al-Jinn 72:17

Kuti twalinje muwele (ukotowo yanti: Ana chapitilisye Usilamu kapena chakufulu)? Sano jwatakutundumalile kunkumbuchila M’mbujeegwe (Allah), tan'jinjisye ku ilagasyo yakusausya nnope

View verse 72:17 page →Raw JSON

Verse 18 — Surah Al-Jinn 72:18

Soni chisimu misikiti nsyene jwakwe ni Allah, basi ngasimun'galagatila jwalijose pampepe ni Allah

View verse 72:18 page →Raw JSON

Verse 19 — Surah Al-Jinn 72:19

Soni chisimu ndema ja jwajimi kapolo jwa Allah (Muhammadi ﷺ pa swala) achim'bombaga (Allah), ŵasigele panandi (achimajini) kuti ammate (ligongo lya winji nnope ni kunyambatikana pakusaka kupikanila Qur’an)

View verse 72:19 page →Raw JSON

Verse 20 — Surah Al-Jinn 72:20

Jilani: “Chisimu ngun'galagatila M'mbuje gwangu pe, ni ngangum'bwanganya Najo julijose.”

View verse 72:20 page →Raw JSON

Verse 21 — Surah Al-Jinn 72:21

Jilani: “Chisimu une nganingola kukwenu (machili gakumpela) isausyo kapena chongoko.”

View verse 72:21 page →Raw JSON

Verse 22 — Surah Al-Jinn 72:22

Jilani: “Chisimu une ngaŵa nkuunjokola jwalijose (ku ipotesi ya) kuumila kwa Allah (naga ndili nannyosisye), soni ngaŵa nkupata kwakutilila kwangaŵaga Kukwakwe

View verse 72:22 page →Raw JSON

Verse 23 — Surah Al-Jinn 72:23

Ikaŵeje kulungusya (yakuona) ya kuumila kwa Allah ni utenga Wakwe (gele ni machili gangwete une), sano jwatannyosye Allah ni Ntenga Jwakwe ﷺ; basi chisimu uŵele wakwe jwalakwejo moto wa Jahannama, chakaŵe ŵandamo mwalakwemo yaka-yaka.”

View verse 72:23 page →Raw JSON

Verse 24 — Surah Al-Jinn 72:24

Kwikanila ndema jataachiiwona yaakuŵa ali nkupedwa chilanga (cha kwika kwakwe), pele nipatachimamyilila (yanti) ana ŵani ŵaakwete nkwaakamuchisya jwangali machili ni ŵaali chiŵalanjilo channono

View verse 72:24 page →Raw JSON

Verse 25 — Surah Al-Jinn 72:25

Jilani: “Ngangupata kumanyilila kuti ana ili pakuŵandika (ipotesi) yankupedwa chilangayo kapena Ambuje ŵangu tayiŵiichile ndaŵi jelewu!”

View verse 72:25 page →Raw JSON

Verse 26 — Surah Al-Jinn 72:26

(Jwalakwe ni) Nkumanyilila yakusisika, basi ni jwangailosya yakusisika Yakweyo kwa jwalijose

View verse 72:26 page →Raw JSON

Verse 27 — Surah Al-Jinn 72:27

Ikaŵeje Ntenga jwansagwile, basi chisimu akasam'biichilaga m'bujo mwakwe ni munyuma mwakwe (Achimalaika) ŵakunnonda-londa

View verse 72:27 page →Raw JSON

Verse 28 — Surah Al-Jinn 72:28

Kuti amanyilile (Ntengajo) yanti pamasile paŵaalungwisye (Achimitenga ŵane wosope) mautenga ga M’mbuje gwao, soni nikuti (Allah) ayisyuungwiile yali nayo (paaimanya chenene), soni ni akusenye chiŵalanjilo cha chilichose

View verse 72:28 page →Raw JSON