Back to Languages
Yau - Chapter 78 - An-Naba
Translation by Muhammad Bin Abdul Hamid Silika — Permalink
Verse 1 — Surah An-Naba 78:1
Ana akuwusyana ya chichi
Verse 2 — Surah An-Naba 78:2
Ya abali jekulungwa (ja Kiyama)
Verse 3 — Surah An-Naba 78:3
Jaakuŵa ŵanganyao pa jalakwejo ali nkutindana
Verse 4 — Surah An-Naba 78:4
Ngwamba! Sampano chaimanye (isyesyene yakwe)
Verse 5 — Surah An-Naba 78:5
Soni ngwamba! Sampano chaimanye (isyesyene yakwe)
Verse 6 — Surah An-Naba 78:6
Ana nganituliŵika litaka kuŵa chakutandika
Verse 7 — Surah An-Naba 78:7
Matumbi ni kuŵa ichili
Verse 8 — Surah An-Naba 78:8
Ni tun'gumbile ŵanganyammwe mitundu jiŵili (achalume ni achakongwe)
Verse 9 — Surah An-Naba 78:9
Soni tuluŵisile lugono lwenu kuŵa kupumula (kwa ilu yenu)
Verse 10 — Surah An-Naba 78:10
Ni tuchiŵisile chilo kuŵa chiwaalo (pakusiŵilila ilu yenu ni chipi chakwe)
Verse 11 — Surah An-Naba 78:11
Ni tuuŵisile muusi kuŵa ndema jakupalila
Verse 12 — Surah An-Naba 78:12
Ni tutaŵile pachanya penu (mawunde) nsano nagaŵili gakulimbangana
Verse 13 — Surah An-Naba 78:13
Soni tuŵisile (kwalakweko) nyali jaakolela kusyene (lyuŵa)
Verse 14 — Surah An-Naba 78:14
Ni tutulwisye kuumila m’mawunde gawula mesi gakugwa mwamachili
Verse 15 — Surah An-Naba 78:15
Kuti tukopochesye mbeju ni mmela
Verse 16 — Surah An-Naba 78:16
Kwisa soni migunda jetotekane (nyambi sya itela)
Verse 17 — Surah An-Naba 78:17
Chisimu Lisiku Lyachiilanyo liŵele lyana ndema jakwe jisyesyene
Verse 18 — Surah An-Naba 78:18
Lisiku lya chiiligombedwa lipenga, mwanti ŵanganyammwe chinchiikanganaga mikutula-mikutula
Verse 19 — Surah An-Naba 78:19
Ni lichiugulidwa liwunde, mwanti lichiŵa milango-milango
Verse 20 — Surah An-Naba 78:20
Nombe matumbi gachityosyedwa m’mangwakwe, mwanti gachiŵa lunyisinyisi
Verse 21 — Surah An-Naba 78:21
Chisimu Jahannama jikuŵa nkwajembecheya (ŵakulemwa)
Verse 22 — Surah An-Naba 78:22
Kwa ŵakusumba mpika gaŵele malo gakuujila
Verse 23 — Surah An-Naba 78:23
Tachiŵa nkutama mwalakwemo yaka-yaka
Verse 24 — Surah An-Naba 78:24
Ngasapasya mwalakwemo kusisimila namuno yakumwa (yakumasya njota)
Verse 25 — Surah An-Naba 78:25
Ikaŵeje mesi gamasemule nnope ni uwowu
Verse 26 — Surah An-Naba 78:26
(Kuŵa) malipilo gakulandanila (ni masengo gao)
Verse 27 — Surah An-Naba 78:27
Chisimu ŵanganyao ŵaliji ali ngaakwembecheya ya chiŵalanjilo
Verse 28 — Surah An-Naba 78:28
Ni ŵaikaaniile imanyilo Yetu naikanilape
Verse 29 — Surah An-Naba 78:29
Soni chindu chilichose tuchisunjile paachilemba m’Chitabu
Verse 30 — Surah An-Naba 78:30
Basi pasyani; mwanti ngatun'jonjechesya (inepe) ikaŵeje ilagasyo (pachanya pa ilagasyo)
Verse 31 — Surah An-Naba 78:31
Chisimu ŵaoga (wakun’jogopa Allah) akwete kupata malo ga kupunda (ku Mbepo)
Verse 32 — Surah An-Naba 78:32
Matimbe gana uŵigo ni itela ya zabibu
Verse 33 — Surah An-Naba 78:33
Ni ŵaali ŵangagwa maŵele ŵakulandana misingu
Verse 34 — Surah An-Naba 78:34
Kwisa soni ipanda yachigumbalile
Verse 35 — Surah An-Naba 78:35
Ngasaja kupikana mwalakwemo yangali mate atamuno unami
Verse 36 — Surah An-Naba 78:36
(Aga ni) malipilo gakuumila kwa Ambuje ŵenu (Allah), ntuuka wakwana
Verse 37 — Surah An-Naba 78:37
M'mbuje jwa kumawunde ni petaka ni yaili chilikati chakwe, Jwaukoto wejinji. Pangali ŵachachikola machili gakuŵecheta Najo
Verse 38 — Surah An-Naba 78:38
Lisiku lyatiuchijima Nsimu (Jibulilu) pamo ni Achimalaika m’misela; ngasaŵecheta (jwalijose) ikaŵeje jwatachipedwa lusa ni (Allah) Jwaukoto wejinji, ni tachiŵecheta yakulungamika
Verse 39 — Surah An-Naba 78:39
Lyele ni Lisiku lyakuonaonape, basi jwaakusaka aliikolochesye chilepe malo gakuujila kwa M'mbujegwe (Allah)
Verse 40 — Surah An-Naba 78:40
Chisimu Uwwe tukuntetela chilepe ya ilagasyo yakuŵandika. Lisiku lyataachiiwona mundu yagaalongwesye makono gakwe, nitachiŵecheta kafili kuti: “Nkongwene! Bola ningaliji litaka.”