Yau - Chapter 84 - Al-Inshiqaq

Pandema jalichipapuka liwunde

Ni kwisa kunda lilamusi lya M’mbujeegwe, soni liichiwajilwa (kuti likunde)

Ni ndema jalichijasyisyidwa litaka (pakusyaga matumbi ni ikwesya)

Ni kwisa kuponya kusa (litakalyo) yayaliji nkati mwakwe nikuwa mwangali chachipali

Ni kwisa kunda lilamusi lya M’mbujeegwe, soni liichiwajilwa (kuti likunde)

E mmwe amundu! Chisimutu mmwe nkukangamala wa kwa Ambuje wenu (Allah) nchilimbichilaga (kutenda itendo yambone kapena yakusakala), basi ni tinchisimangana nayo (pa lisiku lya Kiyamalyo)

Sano mundu jwatachipedwa chitabu chakwe ku nkono wakwe wan'dyo

Basi jwalakwe tachiwalanjidwa kuwalanjidwa kwakwepepala

Soni ni tachiujila kwa achalongo achin'jakwe ali jwakusengwa

Nambo mundu jwatachipedwa chitabu chakwe cha kunyuma kwa n'gongo wakwe

Basi jwalakwe, tachichiwilanga chonasiko (kuti bola agambe kuwa, nambo ngasiyikomboleka)

Ni tachijinjila ku Moto Wakulapuka

Chisimu jwalakwe jwasimichisyaga kuti ngasaujila (kwa Allah)

Elo! Chisimu Ambujegwe waliji ali nkunnolechesya

Basi ngukulumbila kuchejela kwegulo

Kwisa soni chilo ni yachikusonganganyaga

Ni mwesi ndema jaukwanila lilanguka (lyakwe)

Chisimu wanganyammwe chinsimanganeje nako kawe kane kutyochela pa kawe kane (paumi wa duniya uno mpaka kwa Akhera)

Ana akwete chichi wanganyao chikwatendekasya kuti akakulupilila

Soni pati jichisoomedwaga kukwao Qur’an wangasujudu

Nambo kuti achimakafili agamba kanila basi

Sano Allah ni jwaakuyimanya chenene yaakusonganganya wanganyao

Basi mwatagulilani ya ilagasyo yakupoteka nnope

Ikaweje awala waakulupilile ni kutendaga yambone, akwete kupata wanganyao malipilo gangamala