Yau - Chapter 98 - Al-Bayyinah

Wandu achimakafili kutandila achinsyene chitabu (Ayuda ni Akilisito) kwisa soni wakuwanganya (Allah ni isanamu), nganawa alekangene (ni ukafili wao) kwikanila ndema ja chayichilile chilosyo chakuonechela palangulangu

(Jwali) Ntenga (Muhammadi ﷺ) jwakuumila kwa Allah jwaakusooma (Qur’an jajili mu) ikalakala yakuswejesyedwa

Mwalakwemo mwana malamusi gagoloka

Chisimu Allah akupeleka chanasa kwa Ntume (Muhammadi ﷺ), nombe nao soni Achimalaika (akum’bombelaga chanasa Ntumejo ﷺ). E jenumanja wankulupilile! Mum’bombelani chanasa jwalakwe ni kum’bombela soni ntendele

Ni nganalamulidwa ikaweje yanti an'galagatileje Allah mwakunswejechesya dini Jakwe pakupendechela ku Uujika Wakwe (nikutalikangana nayo isanamu), nikuti ajimicheje Swala mwakolosya ni kutolaga Zaka, soni jalakwejo ni dini jagoloka

Chisimu wandu waakanile (dini ja Usilamu); kutandila achinsyene chitabu (Ayuda ni Akilisito) kwisa soni wakuwanganya (Allah ni isanamu), chakawe m’moto wa Jahannama, chakawe wandamo mwalakwemo. Wanganyao ni iwumbe yakusakala nnope

Chisimu wandu waakulupilile nikutendaga yambone, wanganyao ni iwumbe yambone nnope

Malipilo gao kwa Ambuje wao chigakawe Matimbe Gandamo gasikujilima cha pasi pakwe sulo. Chakawe wandamo mwalakwemo kwa yaka ni yaka. Allah tachanonyela (pakwapochela masengo gao gambone), nombe nao tachinonyelwa Najo (pamalipilo gataachaapa). Yalakweyo ni yamundu jwatan'jogope M'mbujeegwe (Allah)