Back to Languages

    Afar - Chapter 70

    Translation by Sheikh Mahmoud Abdel Qader Hamz And Group Of Scholars

    Verse 1

    Korosuk num raq sinni digaaláy keenil obtu wayta essereeh kallace

    Verse 2

    Usuk korosuh tet essereeh keenik tet waasa num mayan, yalli tet oobisam faxek

    Verse 3

    Yallay fayya leeh nabna leh kabuk taniih keenik cattam matan

    Verse 4

    Malaykaa kee jibriil Yallâ fanah tawqe ixxi kak kontom alfih sanat yakke ayróh addat

    Verse 5

    Toysa isbir Nabiyow qaxmeqe sabrih

    Verse 6

    Diggah, usun (koros kinnuk) digaalá xer iimiy akke waytah yablen

    Verse 7

    Kaadu nanu xayiimiy takku waytah tet nable

    Verse 8

    Amah takkem Qaran diyaayisen lakqoo kee nacaasih innah gaca ayró

    Verse 9

    Kaadu qaleelá bisu le suufuy fikiikiseeniy caacayat gexah inna takke ayró

    Verse 10

    Elle xayi elle xayi essere waah, kacnoyti kacnoyta essere waa ayro

    Verse 11

    Yalli woo ayro sitta ken yaybulleeh, sitta yaaxigeeniih sittah xiqaanam malon. tokkel umeyni (korosta kinnuk) isi nafsik isi xaylo fidah yaceem faxaah sangeela Qhiyaamah ayroh digaalak

    Verse 12

    Kaadu isi barraa kee isi toobokoyta fidah yaceem faxa

    Verse 13

    Kaadu kay kedoy (gulub kinnuk) kaa orbissaah kaa reebissah tani fidah yaceem faxa

    Verse 14

    Baaxô bagul inkih enni ittaamat waddiimaamih sangel le, tohuk lakal Yallih digaalák naggoowam faxa woo fidat

    Verse 15

    Caagid usuk elle faxa inna hinna, diggah is ladá deqsitta giráy hadiidigtaah habuubugta kinni

    Verse 16

    Is arab siibtá gira niqnâ gibdah

    Verse 17

    Isî fanah secta iimaanat derre cabeeh, Yallaa kee Yallih farmoytih amri cine mara

    Verse 18

    Kaadu sectah maalu kobxiseeh, Yallih cakki kak aceewee mara

    Verse 19

    Diggah seehadayti baakerliiy, qaraarakolih (qambaxxaglih) anuk ginniime

    Verse 20

    usuk umaane kaa xagte tet tekkek qaraarako li kinni (qaxbaxxaagite)

    Verse 21

    Kaadu maqaané kaa xagteeh gaddalitek kaxxa gabâ gibda li kinni

    Verse 22

    Salat abá koh raqtuh immay

    Verse 23

    Woh umman sinni salaatih baguk kate waa mara kinni

    Verse 24

    Kaadu usun yimixxige cakki (maglab kinnuk) maalut kak yan mara kinni

    Verse 25

    Kallaca tu malii kee kallace waa tu malih

    Verse 26

    Kaadu usun cisab kee galtoh ayró (Qhiyaamah ayró kinnuk) nummaysa mara

    Verse 27

    Kaadu usun sinni Rabbih digaalák meesita mara

    Verse 28

    Tama meesih kah meesitaanam, diggaluk ken Rabbih digaalá yaamineenim mali (baggibda mali)

    Verse 29

    Kaadu usun sinni sammooma (sambooba) dalwak dacrisa mara

    Verse 30

    Sinni gennaaqoh agabuu kee sinni say naqoosay ken gabá timlike akke waytek, toysa diggah usun qeemu maloonuuy, yassacakken mara hinnon

    Verse 31

    Tokkel tamahak kalihim faxeeh, gurrise mari, woo mari usun caddok taturleela kinni

    Verse 32

    Kaadu usun sinni amaanootaa kee sinni xagna dacrisa mara kinni

    Verse 33

    Kaadu usun sinni sumaaqittel soolaah, wohul diggi iyya mara kinni

    Verse 34

    Kaadu usun sinni salat le waktil dacrisa mara kinni

    Verse 35

    Woo mari jannootah addal massakaxxa leeh, ruffu iyya

    Verse 36

    Nabiyow koroosite mari fillitte kadeedisak koo fanah edde yardem maca lee

    Verse 37

    Kok migdaa kee gura le kabul horta hortah gaca mara akkuk

    Verse 38

    Kulli seehadayti keenik, Yalli waara niqmat le jannat ise culsaamah sangeelaa

    Verse 39

    Aleey caagid usun elle yakkalen inna hinna, diggah nanu usun yaaxigeenimik ken ginne. (woh daacoyta kinnuk)

    Verse 40

    Ayrô mawqooqii kee ayrô kormaami Rabbil (Yalli isi nafsi edde faxak) xiibita diggah nanu dudda linoomul

    Verse 41

    Keenik yayse mara ciggiilisnaamal, kaadu hebeltô seehadayti keenik nek mayassaqqa, ken bayisnam fannek abe nee kaltam matan

    Verse 42

    Toysa usun Sinni baatilit giirisoonay ken ixxic, kaadu sinni addunyal digritoonay ken ixxic ken ayróy (woh Qhiyaamah ayró kinnuk) kah xagnisimeenit ongoorowwu iyyaanam fanah

    Verse 43

    Magooqak sissikuk yawqen ayró, addunyal sinni yallittey xeet kee cooxuk tanî fanah tet yaqbudoonuh asassakuk kah gexak sugen innah

    Verse 44

    Intiita keenik meesih rammitak buraa kee qunxaané ken buulta, woh addunyal kah xagnisimak sugen ayró (Qhiyaamah ayró kinnuk) kinni