Back to Languages

    Afar - Chapter 74

    Translation by Sheikh Mahmoud Abdel Qader Hamz And Group Of Scholars

    Verse 1

    Kee bududet yan Nabiyow

    Verse 2

    Ugutaay sinam Yallih digaalák meesis

    Verse 3

    Kaadu isi Rabbi eyneb

    Verse 4

    Kaadu isi sara najaasak saytunnos

    Verse 5

    Kaadu Yallat agleyta haanam kee raqqate umaaneenak exxer

    Verse 6

    Kaadu tu edde tassamgguh acwa maabin

    Verse 7

    Kaadu ku Rabbih kacanu edde geytu waytaamal isbir

    Verse 8

    Tokkel ugut Baantá fooximtu wayta waqdi

    Verse 9

    Too ayró gibdi ayró

    Verse 10

    Too ayró korosul xabcá mali

    Verse 11

    Nabiyow! Yoo kee inâ bagut dibuk anuk gineh an num (waliid ibnul mughiira kinnuk) sittah cab

    Verse 12

    Kaadu maggo maalu kah ecee num

    Verse 13

    Kaadu kaallih geytimta xaylo kah ecee num

    Verse 14

    Addunyal mano xabbacoysiyyah kah xabbacoyseeh farakka kah hee num

    Verse 15

    Tohuk lakal xalay kee maalu kaah ossam qaagitaah sangeela

    Verse 16

    Caagid usuk elle yakkale inna hinna, diggah usuk naayoota cirdih angadduk suge

    Verse 17

    Saytutticin qaley girák tani yawqeemih kaa dirkiseyyo

    Verse 18

    Diggah usuk isi nafsil cubbuseeh, massoyseh Nabii kee Qhuraan xagitik iyyuwaam

    Verse 19

    Tokkel usuk abbarsimehik mannal massoysee ta uma xagit

    Verse 20

    Tohuk lakal abbarsimehik mannal massoyseeh ta uma xagit

    Verse 21

    Tohuk lakal usuk cubbii kee malat qagteh

    Verse 22

    Tohuk lakal ceereeh fooca kaxxa ribiyyah ribe

    Verse 23

    Tohuk lakal cakkit derre cabeeh, kaxxamariiniteh

    Verse 24

    Tokkel Qhuraanak: ah tu hinna Mucammad naharsi marak baahe baab akke waytek iyye

    Verse 25

    Ah tu hinna seehadâ maxcó akke waytek iyye

    Verse 26

    Saqhar deqsitta girá kaa culseyyo, teetit cararaah tet digaalá tammoysuh

    Verse 27

    Saqhar kinni girá maca koo tiysixxigeeh

    Verse 28

    Is xagaral cado macabtaay, lafa macabta carrissa tet akke waytek

    Verse 29

    Is xagar carissaah, dattossah

    Verse 30

    Taban kee sagaal tet amol yan malaykak

    Verse 31

    Kaadu girá dacrisa mara malayka akke waytek maabinnino, Kaadu maabinnino ken ixxu koroosite marah aqayyaareey, kitab kah yontocowwime mari yasmitê gideh iyyaanam akke waytek, kaadu yeemene mari iimaan elle ossituuy, kitab kah yontocowwime maraa kee moominiin elle agaywaagite waytu, kaadu sorkocobbaxittet biyak le maraa kee koros Yalli tahat ceelalloh maca faxee ittuh, Tonnaah Yalli isih faxe mara makkoysaah isih faxe mara tirri haa, ku Rabbih qandé takkeh gide taaxigê matan kaa akke waytek, girá tu hinna is seehadah kassis takkemkeh iyyaanam akke waytek

    Verse 32

    Koros elle takkale inna hinna, Yalli alsál xiibite

    Verse 33

    Kaadu Bari derre caba waqdil xiibite

    Verse 34

    Maaci ifá waqdil xiibite

    Verse 35

    Diggah, is (girá kinnuk) nabaamak tiyak teyná

    Verse 36

    Is seehadah meesissoh tan

    Verse 37

    Siinik faxe mari maqaanél taturay hinnay umaanél wadirrooway

    Verse 38

    Ummaan nafsi abiteemit axawah yan

    Verse 39

    Migdi maray moominiinih yani akke waytek

    Verse 40

    Jannat addal sitta esseraanah

    Verse 41

    Umeyniitiy gira cultê caalat

    Verse 42

    Saqhar deqsitta girá maca sin culussee keenik iyyan

    Verse 43

    Addunyal salat aba marâ lih salat abak masuginnino iyyan

    Verse 44

    Kaadu tu mali askamuk masuginnino

    Verse 45

    Kaadu umaanet giirisa marâ lih giirisak sugne

    Verse 46

    Kaadu galtóh ayró (Qhiyaamah ayró kinnuk) dirabboysak sugne

    Verse 47

    Asmat (Raba kinnuk) net xikki iyyam fanah

    Verse 48

    Tokkel shafaaqat abá marih shafaaqatta tu keenih maxiqta

    Verse 49

    A koros kassitit (Qhuraan kinnuk) derre kah cabtam maca lee

    Verse 50

    Gilsime dibookolih innah

    Verse 51

    Lubaakak kude waqdi

    Verse 52

    Wonna hinnay keenik kulli seehadayti fakut tan kitooba iseh tantacawwimeeh geyam faxa

    Verse 53

    Tonna hinnay diggah, usun ellecaboh ayrók ma meesitan

    Verse 54

    Nummah ta Qhuraan usuk kassiisi elle kaskassoowa marah

    Verse 55

    Tokkel kassitam faxa mari kaal kaskassoowah

    Verse 56

    Kaal (Qhuraan kinnuk) kaskassowtam matan Yalli kah faxe num akke waytek, usuk (Yalla kinnuk) kak meesitoonu meesi caglitaah, dambi cabti caglita Rabbi kinni