Back to Languages

    Afar - Chapter 86

    Translation by Sheikh Mahmoud Abdel Qader Hamz And Group Of Scholars

    Verse 1

    Yalli qaran kee bar mira cutuktal xiibite

    Verse 2

    Kaadu maca koo tiysixxigee bar mira cutukti kinnim

    Verse 3

    Usuk bolok iyya cutuktay, diifut dite boohaysa kinni

    Verse 4

    Hebeltô nafsi mayan malaykatti dacayrih amol kaak yanih akke waytek

    Verse 5

    Toysa Seehadayti wagitay cubbusay kak ginniimem

    Verse 6

    Usuk leey (woh daacoyta kinnuk) sissikuk kaqittak ginniime

    Verse 7

    Numtin xiiron kee barrah aliilik fanak tawqe

    Verse 8

    Diggah tohuk kaa gine Rabbi kaa gacsaamah duddali kinni. rabeek lakal

    Verse 9

    Kassit! Niyaayik lubbittet qellittem fokkaqsimtaah tamballu wayta ayro (woh Qhiyaamah ayró)

    Verse 10

    Toysa Usuk cayla maliiy, cateyna mali

    Verse 11

    Yalli qaraanay qagaa-qagita roblel xiibite

    Verse 12

    Kaadu baaxoy teetik tawqeemit baqittal xiibite

    Verse 13

    Diggah Qhuraan yani deedalak baxissa maxcó kinni

    Verse 14

    Kaadu usuk digir hinna

    Verse 15

    Diggah usun Nabiih uma malah malsan.(koros kinnuk)

    Verse 16

    Kaadu wohuk gibdi malah anu keenih malsa cakki yambulleemkeh

    Verse 17

    Tokkel Nabiyow Ķoros qambaalis, digaalah obtit keenih maqataatakinaay dagoh gide ken qambaalis