Back to Languages

    Afar - Chapter 91

    Translation by Sheikh Mahmoud Abdel Qader Hamz And Group Of Scholars

    Verse 1

    Yalli ayróo kee tet wallaqental xiibite

    Verse 2

    Kaadu alsál xiibite, teetil katayta waqdi

    Verse 3

    Kaadu laqól xiibite, is dite kalta waqdi

    Verse 4

    Kaadu baral xiibite, usuk ditet baaxó buula waqdi

    Verse 5

    Kaadu qaran kee qaran xise Rabbil xiibite

    Verse 6

    Kaadu baaxóo kee baaxó fidse Rabbil xiibite

    Verse 7

    Kaadu nafsii kee nafsi massoyse Rabbil xiibite

    Verse 8

    Tokkel umaanê gitaa kee maqaane teetik edde tan gita teetih baxxaqiseh

    Verse 9

    Nummah dambik tet saytunnoyse num naggooweh

    Verse 10

    Kaadu nummah umaanet tet yubkune num baxaysiteh

    Verse 11

    Samuud deqgsita mari Yallih farmoyta Nabii Saalic dirabboyseh, usun umaanet caddok tatreenimih sabbatah

    Verse 12

    Woo marak umaaneh gibdi num kaqteeh alá yusguude waqdi

    Verse 13

    Tokkel Yallih farmoyti Nabii saalic keenik iyyeh: Yallih alá umaaneh maxaginaay, tet arakih ayró teetih caba

    Verse 14

    Tokkel kaa dirabboyseeniih, tet yusguudeeniih, ken Rabbi digaalá ken duuduseh aliffi keenil hee ken dambih, Woo digaalá keenil massoyseh.(num keenik ma- raaqinna woo digaalák)

    Verse 15

    Yalli keenil baaheemik ciggiiliyyah kak meesitâ mali