Back to Languages

    Achinese - Chapter 83

    Translation by Tgk. H. Mahjiddin Jusuf

    Verse 1

    Ceulaka that-that ureueng peungeut gop

    Verse 2

    Jisukat bak gop peunoh sileupah

    Verse 3

    ‘Oh jiboh keu gop jisukat keu gop Jitimang keu gop ka jipeusalah Ka jipeureugoe dum manusia

    Verse 4

    Peue dih jisangka han le geubalah Peue han geubangket jih singoh teuma

    Verse 5

    Uroe that raya hanaban peugah

    Verse 6

    Uroe nyan jidong bandum na insan Di keu Po alam nyang Maha Murah

    Verse 7

    Teutapi kitab ureueng meudacha Lam sijjin cit ka sinan geukeubah

    Verse 8

    Na roe tateupue sìjjin dì gata

    Verse 9

    Ķitab meusahja geutuleh sudah

    Verse 10

    Ceulaka that-that teuma uroe nyan Keu ureueng nyang kheun sulet that leupah

    Verse 11

    Jipeugah sulet uroe kiamat

    Verse 12

    Nyang kheun nyan meuhat lalem sileupah Ureueng nyang lalem nyang raya dacha

    Verse 13

    Watee geubaca dum ayat Allah ‘Oh geukheun bak jih dum ayat Kamoe Jikheun atra nyoe haba beurakah Jikheun nyoe dongeng ureueng nyang dilee

    Verse 14

    Tapi ka teuntee atejih salah Ka jitop atejih le buet dacha Nyang jiusaha masa nyang sudah

    Verse 15

    Teutapi keubit uroe nyan di jih Dengon Tuhan jih jioh that leupah Ka teutop rahmat keu jih bak Tuhan

    Verse 16

    Jitamong lheuh nyan lam apui mirah Geupeulop jih nyan dalam nuraka

    Verse 17

    Geukheun le sigra nyoe teumpat di kah Nyang ka kheun sulet yoh masa dilee Jinoe meuteuntee karasa di kah

    Verse 18

    Teutapi kitab ureueng nyang got-got ‘Illiyin teumpat sinan geukeubah

    Verse 19

    Na roe tateupue ʻilliyun teuma

    Verse 20

    Kitab meusahja geutuleh sudah

    Verse 21

    Saksi kitab nyan dum malaikat Ureueng nyang toe that dum deungon Allah

    Verse 22

    Ureueng got keubit dalam churuga Nikmat that raya hanaban peugah

    Verse 23

    Ateuh kurusi geuduek meusadeu Geukalon di keu nikmat that leupah

    Verse 24

    Muka ureueng nyan watee takalon Nikmat di sinan trang meujeureulah

    Verse 25

    Geubri ie rahiq nyan keu minuman Ladat that ie nyan geuboh cap bak glah

    Verse 26

    Cap jih kasturi nyang be mangat that O Meukarat-karat tajak leh bagah Soe nyang meunapsu meudilee-dilee Je mangat that be hanaban peugah

    Verse 27

    Meujampu tasnim lazat hanaban

    Verse 28

    Nyan keuh minuman ureueng meutuah Minuman ureueng nyang toe ngon Tuhan Ureueng meuiman nyang han tom salah

    Verse 29

    Ureueng meuiman dilee jipeukhem Le awak lalem nyang pubuet salah

    Verse 30

    ‘Oh watee geujak di keu awak nyan Mata awak nyan meuklip-klip siblah Meu geuneng-geuneng sabe keudroe jih

    Verse 31

    Jiwoe bak ngon jih jikhem meuhah-hah

    Verse 32

    Watee jikalon ureueng meuiman Jikheun ureueng nyan sisat sileupah

    Verse 33

    Tan geuyue jaga bak jih ureueng nyan

    Verse 34

    Uroe nyoe jeut nyan meubalek kisah Ureueng meuiman geukhem keu kaphe

    Verse 35

    Geuduek dum sare ateuh peuratah Geuduek meusadeu geueu awak nyan

    Verse 36

    Buet kaphe yoh nyan bandum geubalah