Back to Languages

    Achinese - Chapter 87

    Translation by Tgk. H. Mahjiddin Jusuf

    Verse 1

    Takheun teuseubeh tapujoe Tuhan Takheun Nan Tuhan nyang manyang leupah

    Verse 2

    Tuhan nyang peujeut bandum lat batat Seupureuna that peuneujeut Allah

    Verse 3

    ‘Oh Iheuh Neukada Neutunyok teuma

    Verse 4

    Naleung dum teuma udep jroh leupah Na padum na trep naleung nyan ijo

    Verse 5

    Lheuh nyan Neupeutho rupa meuubah

    Verse 6

    Di Kamoe teuma meupeubeut gata Bek teuwo gata taseubot Allah

    Verse 7

    Meulengkan peue nyang ka kheundak Tuhan Keubit di Tuhan Neuteupue sudah Peue nyang deuh nyata got pih nyang meusom Neuteupue bandum hana meuilah

    Verse 8

    Kamoe peumudah keu gata jalan Nyang jeut keu seunang bahgia leupah

    Verse 9

    Teuma di gata beu tapeuingat Meunyo munaphaʻat raya phaedah

    Verse 10

    Soe nyang teumakot di jih keu Tuhan Jeut peulajaran peue nyang tapeugah

    Verse 11

    Nyang han tem pateh cit si ceulaka

    Verse 12

    Apui nuraka raya sileupah Keunoe jitamong soe nyang ceulaka

    Verse 13

    Sinan sengsara hanaban peugah Mate jih pih han udep jih pih han

    Verse 14

    Teuma nyang seunang ureueng meutuah Ureueng peugleh droe ngon geumeuiman

    Verse 15

    Geuseubot Tuhan sabe di babah Geuingat Tuhan lom geuseumbahyang

    Verse 16

    Tapi that sayang gata dum salah Gata dum galak keu udep donya

    Verse 17

    Akhirat teuma nyang leubeh indah Lom leubeh keukai seulama-lama

    Verse 18

    Atra nyoe beuna ka lheuh geupeugah Ka lheuh geutuleh lam kitab jameun

    Verse 19

    Kitab Ibrahim geunaseh Allah Lam Kitab Musa pih ka geusurat Haba beuna that tan na meusalah