Back to Languages
Afrikaans - Chapter 84
Translation by Imam M. A. Baker
Verse 1
Wanneer die hemel uiteen sal spat
Verse 2
en sy Heer gehoorsaam, soos dit hom betaam
Verse 3
en wanneer die aarde uitgestrek word
Verse 4
en alles sal uitwerp wat in hom is, en leeg word
Verse 5
en sy Heer gehoorsaam, soos dit hom betaam
Verse 6
O mens! U moet ywerig om u Heer se guns strewe, dan sal u Hom ontmoet
Verse 7
Wat hom betref, wat sy boek in sy regterhand ontvang
Verse 8
hy sal ’n rekening ontvang wat maklik is om te vereffen
Verse 9
en hy sal tot sy volk in vreugde terugkeer
Verse 10
Maar hy wat sy boek agter sy rug ontvang
Verse 11
hy sal die verdoemenis begeer
Verse 12
en die Brandende Vuur ingaan
Verse 13
Voorwaar, hy was vroeër vrolik onder sy volk
Verse 14
en het gereken dat hy nooit hoef terug te keer na Allah nie
Verse 15
Ja! Waarlik! Sy Heer sien hom altyd
Verse 16
Ja! Ek roep die aandskemering as getuie
Verse 17
en die nag en wat dit omsluier
Verse 18
en die maan as hy vol word
Verse 19
dat julle trap vir trap sal ontwikkel
Verse 20
Maar wat makeer hulle dat hulle nie wil glo nie
Verse 21
En wanneer die Qur’ãn aan hulle voorgelees word, val hulle nie in prostrasie neer nie
Verse 22
Inteendeel, die ongelowiges verloën dit
Verse 23
Maar Allah weet wat hulle verberg
Verse 24
Kondig vir hulle dus ’n smartlike straf aan
Verse 25
behalwe die gelowiges wat goeie werke doen ~ vir hulle is daar ’n oneindige beloning