Back to Languages
Afrikaans - Chapter 88
Translation by Imam M. A. Baker
Verse 1
Het nuus van die Oorweldigende Gebeurtenis u bereik
Verse 2
Op dié Dag sal sommige gesigte neergeslaan wees
Verse 3
verslae, afgemat
Verse 4
verskroei deur ’n Brandende Vuur
Verse 5
terwyl hulle sal drink uit ’n kokende fontein
Verse 6
Hulle sal geen voedsel kry nie, behalwe giftige dorings
Verse 7
en dit sal nie voedsaam wees, en hulle teen die honger ook niks baat nie
Verse 8
Ander gesigte sal op dié Dag bly wees
Verse 9
weltevrede met hul strewe
Verse 10
in ’n verhewe Tuin
Verse 11
waarin u geen ydele gesprek sal hoor nie
Verse 12
In hierdie Tuin is ’n borrelende fontein
Verse 13
en hoë rusbanke
Verse 14
en drinkbekers
Verse 15
en gerangskikte kussings
Verse 16
en oopgespreide tapyte
Verse 17
Kyk hulle nie na die wolke, hoe hulle gevorm word nie
Verse 18
En na die hemel, hoe verhewe dit is nie
Verse 19
En na die berge, hoe hulle gevestig is nie
Verse 20
En na die aarde en sy uitgestrektheid nie
Verse 21
Vermaan dan, want u is slegs ’n waarskuwer
Verse 22
U is geen bewaarder oor hulle nie
Verse 23
Maar wie ook al wegdraai en weier om te glo
Verse 24
Allah sal hulle met die strengste kastyding straf
Verse 25
Voorwaar, hulle terugkeer is na Ons
Verse 26
dan kom dit Ons toe om hulle te vergeld