Back to Languages

    Dagbani - Chapter 86

    Translation by Muhammad Baba Ghtobo

    Verse 1

    M (Mani Naawuni) po sagbana, ka po Taariki

    Verse 2

    (Yaa nyini Annabi)! Bo n-leei baŋsi a, bo n-nyɛ Taariki

    Verse 3

    Di nyɛla saŋmar’ so ŋun ne pam

    Verse 4

    Nyɛvuli n-kani naɣila di malila ŋun (Malaaika so) guli li

    Verse 5

    Dinzuɣu ninsala lihimi bɛ ni nam o na ni shɛli

    Verse 6

    Bɛ nam o mi ni ko’ shɛli di puhiri yiri na

    Verse 7

    Ka di yiri doo yaaŋkobli mini paɣa nyokoba ni na

    Verse 8

    Achiika! O (Naawuni) mali yiko din ni tooi labsi o na (o nyɛvuli ni)

    Verse 9

    Dabsi’ shɛli bɛ ni yɛn ti viigi ashiya

    Verse 10

    Ka o (ninsala) ti ka yaa bee sɔŋda

    Verse 11

    M (Mani Naawuni) po sagbana shɛli din mali sakom din miri ka labri mira

    Verse 12

    Ka po tiŋgbani shɛli din tahiri bɔɣira (ka bindira yiri na)

    Verse 13

    Achiika! Di (Alkur’aani) nyɛla yɛltɔɣa din wolgiri yɛlimaŋli mini ʒiri sunsuuni

    Verse 14

    Yaha! Di pala kpɛrigu

    Verse 15

    Achiika! Bɛ (chɛfurinim’) narila nabiɛri

    Verse 16

    Ka N (Mani Naawuni) gba nari ba nari

    Verse 17

    Dinzuɣu (yaa nyini Annabi)! Naɣisim ti chɛfurinima, ka guhi ba ni baalim