Back to Languages

    Dagbani - Chapter 96

    Translation by Muhammad Baba Ghtobo

    Verse 1

    (Yaa nyini Annabi)! Karimmi ni a Duuma So Ŋun nam yuli

    Verse 2

    O namla ninsala ni ʒitalli

    Verse 3

    Karimma! Yaha! A Duuma n- nyɛ Ŋun tibgi

    Verse 4

    Ŋuna n-nyɛ Ŋun baŋsi (ninsala) ni alkalimi

    Verse 5

    O (Naawuni) baŋsila ninsala binshɛɣu o ni ʒi

    Verse 6

    Haifa! Achiika! Ninsala nyɛla ŋun kpahiri yεɣiri tariga

    Verse 7

    Domin o nyaya ka o mali buni zuɣu

    Verse 8

    Achiika! Labbu shee nyɛla a Duuma (Naawuni) sani

    Verse 9

    A nya ninvuɣu so ŋun mɔŋda

    Verse 10

    Dabli (Annabi Muhammadu), o yi ti yɛn puhi jiŋli

    Verse 11

    Di ni bɔŋɔ, O (dabli maa) yi bela dolsigu zuɣu

    Verse 12

    Bee ka o puhi (niriba) ni wuntia

    Verse 13

    Di ni bɔŋɔ, a nya ka o (Abu Jahli) yi labsi ʒiri niŋ (Annabi noli ni), ka lebi biri

    Verse 14

    Di ni bɔŋɔ, o bi mi ni Naawuni nyara (o ni niŋdi shɛli maa zaa)

    Verse 15

    Haifa! O (Abu Jahli) yi bi chɛ o ni niŋdi shɛli maa, achiika! Ti ni gbaagi o o gbetaa zuɣu

    Verse 16

    ʒiri ni tuumbiɛrilana gbetaa

    Verse 17

    Dinzuɣu, o bolimi o ʒishee- nima (o sɔŋdiba)

    Verse 18

    Ni baalim, Ti (Tinim’ Naawuni) gba ni boli Zabaaniya- nima (Bana n-nyɛ Malaaika shɛba ban guli ʒahannama buɣum)

    Verse 19

    Haifa! (Yaa nyini Annabi)! Di doli o, ka zaŋ a gbiεɣu ŋmε tiŋgbani ni (A jεma shee), ka miri a Duuma Naawuni