Back to Languages
Fulah - Chapter 26 - Ash-Shuara
Translation by Rowad Translation Center And Islamhouse — Permalink
Verse 1 — Surah Ash-Shuara 26:1
Taa, Siin, Miim
Verse 2 — Surah Ash-Shuara 26:2
Ɗen ko Aayeeje Deftere ɓanngunde nden
Verse 3 — Surah Ash-Shuara 26:3
Belajo'o an a tampiniray hoore maaɗa kin fii ɓe laataaki gomɗinɓe
Verse 4 — Surah Ash-Shuara 26:4
Si Men Muuyii Men jippinay e maɓɓe immorde ka kammu Aaya daaɗe maɓɓe ɗen ñalla ko ɗe yankinaniiɗe mo
Verse 5 — Surah Ash-Shuara 26:5
Arataa e maɓɓe waaju immorde ka Hinnorante On fuɗɗaangu si wanaa ɓe laatike ɗuuriiɓe ngu
Verse 6 — Surah Ash-Shuara 26:6
Gomɗii ɓe fennii aroyay e maɓɓe kabaruuji ko ɓe laatinoo koɓe jalkitano
Verse 7 — Surah Ash-Shuara 26:7
Enee, ɓe yi'aali faade e leydi ndin, no foti hewde ko Men fuɗini e mayri immorde e kala noone tedduɗo
Verse 8 — Surah Ash-Shuara 26:8
Pellet, wonii e ɗum [ko jaŋtaa ɗoo] Aaya, ɓurɓe heewuɓe e maɓɓe laataaki gomɗinɓe
Verse 9 — Surah Ash-Shuara 26:9
Pellet, Joomi maaɗa ko Kanko woni Tedduɗo Yurmeteeɗo On
Verse 10 — Surah Ash-Shuara 26:10
Jaŋto tuma nde Joomi maaɗa noddunoo Muusaa, ɗum woni aru e yimɓe tooñooɓe ɓen
Verse 11 — Surah Ash-Shuara 26:11
Yimɓe Fir'awna, kaa on hulataa
Verse 12 — Surah Ash-Shuara 26:12
O maaki: "Joom am , min miɗo huli wata ɓe fennam
Verse 13 — Surah Ash-Shuara 26:13
Ɓernde am nden ɓittoo hara ɗemngal am ngal wellitaaki, awa Nulu Haaruuna
Verse 14 — Surah Ash-Shuara 26:14
No woodani ɓe e dow am bakkaatu miɗo huli fii wata ɓe waram
Verse 15 — Surah Ash-Shuara 26:15
O Daali: "Wanaa non, yahee onon ɗiɗo, Menɗen wonndi e mooɗon ko Men heɗiiɓe
Verse 16 — Surah Ash-Shuara 26:16
Aree ka Fir'awna wi'on: "Menen dey ko men Nulaaɓe Jooma winndere nden
Verse 17 — Surah Ash-Shuara 26:17
Ɗum woni accitu ɓiɗɓe Isra'iila ɓen wonndude e amen
Verse 18 — Surah Ash-Shuara 26:18
O wi'i: "Enee, men ne'aano ma ka amen ɗoo hari ko a boobo, ñiiɓuɗaa ka amen ɗoo duuɓi e ngurndam maaɗam
Verse 19 — Surah Ash-Shuara 26:19
Golluɗaa gollal maaɗa ngal gollunoɗaa ngal, an ko e yedduɓe ɓen jeyaɗaa
Verse 20 — Surah Ash-Shuara 26:20
O maaki: "Mi waɗii ɗum, ontuma hara min ko mi jeyaaɗo e majjuɓe ɓen
Verse 21 — Surah Ash-Shuara 26:21
Mi dogi on, tuma nde mi hulunoo on, Joomi am okkin mi Ganndal O waɗin mi jeyaaɗo e Nulaaɓe ɓen
Verse 22 — Surah Ash-Shuara 26:22
Ɗum ko neema mo wajitirtaa mi ɗum, fii a maccinɗinii ɓiɗɓe Israa'iila ɓen
Verse 23 — Surah Ash-Shuara 26:23
Fir'awna wi'i: " Ko hommbo jeyi winndere nden
Verse 24 — Surah Ash-Shuara 26:24
O maaki: "Ko Jooma kammuuli ɗin e leydi ndin e ko woni kon hakkunde majji, si on laatike yananaaɓe
Verse 25 — Surah Ash-Shuara 26:25
O wi'ani ɓen wonuɓe banŋe makko: "Enee; on heɗataako
Verse 26 — Surah Ash-Shuara 26:26
O maaki: "Joomi mooɗon e Jooma baabiraaɓe ardiiɓe ɓen
Verse 27 — Surah Ash-Shuara 26:27
[Fir'awna] wi'i: "Pellet, Nulaaɗo mooɗon on Nulaaɗo faade e mooɗon ko o feetuɗo
Verse 28 — Surah Ash-Shuara 26:28
O maaki: "Ko Jooma funnaange e hirnaange e ko woni kon hakkunde majji, si on laatike hakkilooɓe
Verse 29 — Surah Ash-Shuara 26:29
[Fir'awna] wi'i: "Mi woondii si jogitike reweteeɗo tanaa am, mi waɗete jeyaaɗo dummbaaɓe ɓen
Verse 30 — Surah Ash-Shuara 26:30
O maaki: "Enee, hay si mi addanii ma huunde ɓanngunde
Verse 31 — Surah Ash-Shuara 26:31
[Fir'awna] wi'i: "Awa addu ɗum, si tawii ko e goongu ɓen jeyaaɗaa
Verse 32 — Surah Ash-Shuara 26:32
O werliiii tuggordu makko ndun, jaka ko ndu biidaande(ngoolwa) ɓannguba
Verse 33 — Surah Ash-Shuara 26:33
O yaltini junngo makko ngon, jaka yoo ko ngo rawnungo wonannde ndaarooɓe ɓen
Verse 34 — Surah Ash-Shuara 26:34
[Fir'awna] wi'ani mbatu ngun fee makko: "Pellet, ooɗoo ko mbileejo heewuɗo ganndal
Verse 35 — Surah Ash-Shuara 26:35
Himo faandii yaltinirgol on ka leydi mooɗon mbilewu makko ngun. Ko hunɗun yamirɗon
Verse 36 — Surah Ash-Shuara 26:36
Ɓe wi'i : "Nennu mo e musiɗɗo makko on, nulaa e ca'e ɗen mooɓooɓe (mbile)
Verse 37 — Surah Ash-Shuara 26:37
Ɓe addane kala mbileejo annduɗo
Verse 38 — Surah Ash-Shuara 26:38
Mbileeɓe ɓen mooɓaa fii fodoore ñalaande anndaande
Verse 39 — Surah Ash-Shuara 26:39
Yimɓe ɓen wi'anaa: "Taw si onon ko on mooɓike(ndenndi)
Verse 40 — Surah Ash-Shuara 26:40
Belajo'o menen men jokkay mbileeɓe ɓen, si ɓe laatike ko kamɓe woni fooluɓe ɓen
Verse 41 — Surah Ash-Shuara 26:41
Tuma nde mbileeɓe ɓen arunoo; ɓe wi'ani Fir'awna: "Enee, hara no woodani men njoɓdi si tawii ko men woni fooluɓe ɓen
Verse 42 — Surah Ash-Shuara 26:42
O wi'i : "Eyyo, haray ontuma on jeyaama e ɓaɗtinaaɓe ɓen
Verse 43 — Surah Ash-Shuara 26:43
Muusaa maakani ɓe: "mbeddee, ko werloton kon
Verse 44 — Surah Ash-Shuara 26:44
Ɓe liɓi ɓokkoy maɓɓe koy e cawoy maɓɓe kon, ɓe wi'i: "Sabu teddungal Fir'awna, ko menen woni foolooɓe ɓen
Verse 45 — Surah Ash-Shuara 26:45
Muusaa werlii tuggordu makko ndun, tawi kayru hindu moɗa ko ɓe fefindii kon
Verse 46 — Surah Ash-Shuara 26:46
Mbileeɓe ɓen suuyi ɓe sujji
Verse 47 — Surah Ash-Shuara 26:47
Ɓe wi'i : "Men gomɗinii Jeyɗo Winndere nden
Verse 48 — Surah Ash-Shuara 26:48
Jeyɗo Muusaa e Haaruuna
Verse 49 — Surah Ash-Shuara 26:49
[Fir'awna] wi'i: "Enee, on gomɗinay mo, ko adii mi duŋanaade on? Pellet, ko kanko woni mawɗo mooɗon anndinɗo on on mbilewu ngun, kono aray anndon, mami taƴu juuɗe mooɗon e koyɗe mooɗon [taƴa] luutindira. Mami fetu on, on fow mooɗon
Verse 50 — Surah Ash-Shuara 26:50
Ɓe wi'i: "Tanaa alaa, menen ko faade ka Joomi amen men ruttotoo
Verse 51 — Surah Ash-Shuara 26:51
Menen meɗen tamƴinii nde Joomi amen yawtani men goopi amen ɗin,tawde men laatike adiiɓe gomɗinnde ɓen
Verse 52 — Surah Ash-Shuara 26:52
Men Wahayini faade e Muusaa: "Ɗum woni roƴidu e jeyaaɓe Am ɓen. Pellet, onon ko on jokkiteteeɓe
Verse 53 — Surah Ash-Shuara 26:53
Fir'awna nuli ka ca'e mooɓooɓe
Verse 54 — Surah Ash-Shuara 26:54
[O wi'i:] Pellet, ɓee ko ɓe mojobun pamarun
Verse 55 — Surah Ash-Shuara 26:55
Pellet, kamɓe hiɓe tikkinnde men
Verse 56 — Surah Ash-Shuara 26:56
Enen non en fow ko en rentiiɓe
Verse 57 — Surah Ash-Shuara 26:57
Men yaltini ɓe immorde e gese e canɗi
Verse 58 — Surah Ash-Shuara 26:58
E ngaluuji e ñiiɓirde teddunde
Verse 59 — Surah Ash-Shuara 26:59
Ko wano nii, Men ronini ɗum ɓiɗɓe Israa'iila ɓen
Verse 60 — Surah Ash-Shuara 26:60
Ɓe jokkiɓe ka puɗal
Verse 61 — Surah Ash-Shuara 26:61
Tuma nde jamaaji ɗin ɗin yi'ndirnoo, yimɓe Muusaa ɓen wi'i: "Enen en hewtoyte
Verse 62 — Surah Ash-Shuara 26:62
O maaki: "Ɗum waɗataa, pellet, Joomi am no wonndi e am O fewnay lam
Verse 63 — Surah Ash-Shuara 26:63
Men Wahayini e Muusaa, ɗum woni piyir tuggordu maaɗa ndun maayo ngon, ngo seekii seekol kala seekol na foti e tulde mawnde
Verse 64 — Surah Ash-Shuara 26:64
Men ɓanni ton heddiiɓe ɓen
Verse 65 — Surah Ash-Shuara 26:65
Men danndi Muusaa e wonnduɓe e makko ɓen fow maɓɓe
Verse 66 — Surah Ash-Shuara 26:66
Refti Men yooli heddii ɓe ɓen
Verse 67 — Surah Ash-Shuara 26:67
Pellet, wonii e ɗum [ko jaŋtaa ɗoo] Aaya, ɓurɓe heewude e maɓɓe laataaki gomɗinɓe
Verse 68 — Surah Ash-Shuara 26:68
Pellet, Joomi maaɗa, ko Kanko woni Tedduɗo Yurmeteeɗo
Verse 69 — Surah Ash-Shuara 26:69
Janngan ɓe kumpital fii Ibraahiima
Verse 70 — Surah Ash-Shuara 26:70
Tuma nde o wi'annoo ben makko e yimɓe makko ɓen; ko honɗum rewoton
Verse 71 — Surah Ash-Shuara 26:71
Ɓe wi'i: "Meɗen rewude sanamuuji, men ñallay ufinanaade ɗi
Verse 72 — Surah Ash-Shuara 26:72
O maaki: "Yalli hiɗi nanana on, nde noddoton
Verse 73 — Surah Ash-Shuara 26:73
Kaa hiɗi nafa on maaɗum ɗi lorra on
Verse 74 — Surah Ash-Shuara 26:74
Ɓe wi'i: "Ko woni, men tawii baabiraaɓe amen ɓen konii ɓe golliraynoo
Verse 75 — Surah Ash-Shuara 26:75
O maaki: "Enee, on yi'ii kon ko wonuɗon e rewude
Verse 76 — Surah Ash-Shuara 26:76
Onon e baabiraaɓe mooɗon adinooɓe ɓen
Verse 77 — Surah Ash-Shuara 26:77
Pellet, kamɓe ko ɓe ayɓe am, si wanaa Jooma winndire nden
Verse 78 — Surah Ash-Shuara 26:78
On Taguɗo lam, ko Kanko fewnata lam
Verse 79 — Surah Ash-Shuara 26:79
On ko Kanko ñamminta lam O yarnan-mi
Verse 80 — Surah Ash-Shuara 26:80
Si mi nawnii, ko Kanko sellinta lam
Verse 81 — Surah Ash-Shuara 26:81
E On warayɗo lam refti O wurnitan mi
Verse 82 — Surah Ash-Shuara 26:82
On Mo mi tamƴinii kadi nde O yaafatoomi goopi am ɗin Ñalnde [njoɓdi] Diina kan
Verse 83 — Surah Ash-Shuara 26:83
Joomam, okkam Ganndal wattidaa mi e moƴƴuɓe ɓen. @Corrected
Verse 84 — Surah Ash-Shuara 26:84
Waɗanaa lam ɗemngal goongungal ka sakkitiiɓe ɓen
Verse 85 — Surah Ash-Shuara 26:85
Waɗaa mi jeyaaɗo e ronooɓe Aljanna Neemaaji ɗin
Verse 86 — Surah Ash-Shuara 26:86
Yawtanaa baaba am, pellet, kanko o laatinoke jeyaaɗo e majjuɓe ɓen
Verse 87 — Surah Ash-Shuara 26:87
Wata A hersinoyam Ñalnde ɓe Immital
Verse 88 — Surah Ash-Shuara 26:88
Ñalnde nde jawdi e ɓiɗɓe nafataa
Verse 89 — Surah Ash-Shuara 26:89
Si wanaa on arduɗo ka Alla e ɓernde hisunde
Verse 90 — Surah Ash-Shuara 26:90
Aljanna on ɓatinanee hulooɓe Alla ɓen
Verse 91 — Surah Ash-Shuara 26:91
Jahiim ngen feññinanee bewɓe ɓen
Verse 92 — Surah Ash-Shuara 26:92
Ɓe wi'nee: "Honto woni ko laatinoɗon kon hiɗon rewa
Verse 93 — Surah Ash-Shuara 26:93
Gaanin Alla? Taw si ɗi wallay on maaɗum ɗi wallay hoore majji
Verse 94 — Surah Ash-Shuara 26:94
Ɓe hippee e nder magge kanɓe e bewɓe ɓen
Verse 95 — Surah Ash-Shuara 26:95
E konnuuji ibliisa ɗin ɗi fow majji
Verse 96 — Surah Ash-Shuara 26:96
Ɓe wi'i tawi kamɓe hiɓe wennjondira nder ton
Verse 97 — Surah Ash-Shuara 26:97
Men woondirii Alla, men woniino e nder majjere ɓanngunde
Verse 98 — Surah Ash-Shuara 26:98
Tuma nde men fonnunoo on e Jooma winndere nden
Verse 99 — Surah Ash-Shuara 26:99
Majjinaali men si wonaa bonɓe ɓen
Verse 100 — Surah Ash-Shuara 26:100
Alanaa men tefooɓe
Verse 101 — Surah Ash-Shuara 26:101
Wanaa kadi giɗo ñallamɓereejo(tigi tigi)
Verse 102 — Surah Ash-Shuara 26:102
Sinndo no woodannoo men rutteede, men laatoo jeyaaɓe e gomɗinɓe ɓen
Verse 103 — Surah Ash-Shuara 26:103
Pellet, wonii e ɗum [ko jaŋtaa ɗoo] Aaya, ɓurɓe heewuɓe e maɓɓe laataaki gomɗinɓe
Verse 104 — Surah Ash-Shuara 26:104
Pellet, Joomi maaɗa, ko Kanko woni Tedduɗo Yurmeteeɗo
Verse 105 — Surah Ash-Shuara 26:105
Yimɓe Nuuhu ɓen fenni Nulaaɓe ɓen
Verse 106 — Surah Ash-Shuara 26:106
Tuma nde Nuuhu musiɗɗo maɓɓe on wi'annoo ɓe: "Enee, on hulataa [Alla]
Verse 107 — Surah Ash-Shuara 26:107
Min dey, ko mi Nulaaɗo e mooɗon hoolaaɗo
Verse 108 — Surah Ash-Shuara 26:108
Hulee Alla ɗoftoɗon mi
Verse 109 — Surah Ash-Shuara 26:109
Mi toraaki on e dow ɗum njoɓdi, njoɓdi am ndin fawaaki si wanaa Jooma winndere nden
Verse 110 — Surah Ash-Shuara 26:110
Hulee Alla ɗoftoɗon mi
Verse 111 — Surah Ash-Shuara 26:111
Ɓe wi'i: "Enee, hara men gomɗinte, jaasuɓe ɓen no jokkumaa
Verse 112 — Surah Ash-Shuara 26:112
O maaki: "Ko honɗum woni ganndal am e ko ɓe wonunoo e gollude
Verse 113 — Surah Ash-Shuara 26:113
Hasboore maɓɓe nden fawaaki si wanaa e Joomi am, sinndo hiɗon so'aynoo
Verse 114 — Surah Ash-Shuara 26:114
Min mi wonaali raɗotooɗo gomɗinɓe ɓen
Verse 115 — Surah Ash-Shuara 26:115
Min mi wonaali si wanaa jertinoowo ɓannguɗo
Verse 116 — Surah Ash-Shuara 26:116
Ɓe wi'i: "Men woondii si a accaali an Nuuhu, ma a laato sanne jeyaaɗo e rajmeteeɓe ɓen
Verse 117 — Surah Ash-Shuara 26:117
O maaki: "Joom am, pellet, yimɓe am ɓen ɓe fenni lam
Verse 118 — Surah Ash-Shuara 26:118
Ñaawu hakkunde am e maɓɓe ñaawoore, danndaa mi e ɓen wonnduɓe e am jeyaaɓe e gomɗinɓe ɓen
Verse 119 — Surah Ash-Shuara 26:119
Men danndi mo e ɓen wonnduɓe e makko ka nder laana ƴoltiika(loowaaka)
Verse 120 — Surah Ash-Shuara 26:120
Refti Men yooli ɓaawo [maɓɓe] heddiiɓe ɓen
Verse 121 — Surah Ash-Shuara 26:121
Pellet, wonii e ɗum [ko jaŋtaa ɗoo] Aaya, ɓurɓe heewude e maɓɓe laataaki gomɗinɓe
Verse 122 — Surah Ash-Shuara 26:122
Pellet, Joomi maaɗa, ko Kanko woni Tedduɗo Yurmeteeɗo
Verse 123 — Surah Ash-Shuara 26:123
Aadinkooɓe ɓen fenniino Nulaaɓe ɓen
Verse 124 — Surah Ash-Shuara 26:124
Tuma nde Huudu musiɗɗo maɓɓe on wi'annoo ɓe: "Enee, on hulataa [Alla]
Verse 125 — Surah Ash-Shuara 26:125
Min dey, ko mi Nulaaɗo e mooɗon hoolaaɗo
Verse 126 — Surah Ash-Shuara 26:126
Hulee Alla ɗoftoɗon mi
Verse 127 — Surah Ash-Shuara 26:127
Mi toraaki on e dow ɗum njoɓdi, njoɓdi am ndin fawaaki si wanaa Jooma winndere nden
Verse 128 — Surah Ash-Shuara 26:128
Enee, on mahay maande e kala tulde hiɗon fija
Verse 129 — Surah Ash-Shuara 26:129
Jogitoɗon kuɓeeje a wi'ayma onon ko on luttinteeɓe [ka aduna]
Verse 130 — Surah Ash-Shuara 26:130
Si on jaggitii, janggiton ko ndunndarankooɓe
Verse 131 — Surah Ash-Shuara 26:131
Hulee Alla ɗoftoɗon mi
Verse 132 — Surah Ash-Shuara 26:132
Hulee On ɓeydirɗo on ko annduɗon
Verse 133 — Surah Ash-Shuara 26:133
O ɓeydiri on neemoraaɗi e ɓiɗɓe worɓe
Verse 134 — Surah Ash-Shuara 26:134
E gese e canɗi
Verse 135 — Surah Ash-Shuara 26:135
[O maaki] min dey, miɗo hulani on Lepte Ñalaande mawnde
Verse 136 — Surah Ash-Shuara 26:136
Ɓe wi'i: "No fotana men ter, si a waajike maaɗum si a laataaki jeyaaɗo e waajotooɓe ɓen
Verse 137 — Surah Ash-Shuara 26:137
Pellet, ɗum wonaali si wanaa jikku adinooɓe ɓen
Verse 138 — Surah Ash-Shuara 26:138
Menen men wonaali leptoyteeɓe
Verse 139 — Surah Ash-Shuara 26:139
Ɓe fenni mo, Men halki ɓe. Pellet, wonii e ɗum [ko jaŋtaa ɗoo] Aaya, ɓurɓe heewude e maɓɓe laataaki gomɗinɓe
Verse 140 — Surah Ash-Shuara 26:140
Pellet, Joomi maaɗa, ko Kanko woni Tedduɗo Yurmeteeɗo
Verse 141 — Surah Ash-Shuara 26:141
Samuudinkooɓe ɓen fenniino Nulaaɓe ɓen
Verse 142 — Surah Ash-Shuara 26:142
Tuma nde Saalihu musiɗɗo maɓɓe on wi'annoo ɓe: "Enee, on hulataa [Alla]
Verse 143 — Surah Ash-Shuara 26:143
Min dey, ko mi Nulaaɗo e mooɗon hoolaaɗo
Verse 144 — Surah Ash-Shuara 26:144
Hulee Alla ɗoftoɗon mi
Verse 145 — Surah Ash-Shuara 26:145
Mi toraaki on e dow ɗum njoɓdi, njoɓdi am ndin fawaaki si wanaa Jooma winndere nden
Verse 146 — Surah Ash-Shuara 26:146
Enee, hara on accete e koo ko woni ɗoo ko on hooliiɓe
Verse 147 — Surah Ash-Shuara 26:147
E nder gese e canɗi
Verse 148 — Surah Ash-Shuara 26:148
E remuruuji e tamarooje hara dukke majje ko ɓennduɗum
Verse 149 — Surah Ash-Shuara 26:149
Hiɗon lesa pelle ɗen [waɗon] cuuɗi ko on haawitiiɓe
Verse 150 — Surah Ash-Shuara 26:150
Hulee Alla ɗoftoɗon mi
Verse 151 — Surah Ash-Shuara 26:151
Wata on ɗofto yamaruyee fantinooɓe ɓen
Verse 152 — Surah Ash-Shuara 26:152
Ɓen bonnooɓe ka leydi hara ɓe moƴƴintaa
Verse 153 — Surah Ash-Shuara 26:153
Ɓe wi'i: "Pellet, an ko a jeyaaɗo mbilaaɓe ɓen
Verse 154 — Surah Ash-Shuara 26:154
An a wonaali si wanaa ɓanndunke yeru amen, awa addu Aaya, si tawii a laatike jeyaaɗo e goonguɓe ɓen
Verse 155 — Surah Ash-Shuara 26:155
O maaki: "Mbaaɗoo ko naaqawa, no woodani mba yaramnde, no woodani on onon kadi yaramnde ñalaande anndaande
Verse 156 — Surah Ash-Shuara 26:156
Wata on memir mba ko boni, sakko nannga on Lepte Ñalnde Mawnde
Verse 157 — Surah Ash-Shuara 26:157
Ɓe mborii mba, ɓe wonti nimsuɓe
Verse 158 — Surah Ash-Shuara 26:158
Lepte ɗen nanngi ɓe. Pellet, wonii e ɗum [ko jaŋtaa ɗoo] Aaya, ɓurɓe heewude e maɓɓe laataaki gomɗinɓe
Verse 159 — Surah Ash-Shuara 26:159
Pellet, Joomi maaɗa, ko Kanko woni Tedduɗo Yurmeteeɗo
Verse 160 — Surah Ash-Shuara 26:160
Yimɓe Luutu ɓen fenni Nulaaɓe ɓen
Verse 161 — Surah Ash-Shuara 26:161
Tuma nde Luutu musiɗɗo maɓɓe on wi'annoo ɓe: "Enee, on hulataa [Alla]
Verse 162 — Surah Ash-Shuara 26:162
Min dey, ko mi Nulaaɗo e mooɗon hoolaaɗo
Verse 163 — Surah Ash-Shuara 26:163
Hulee Alla ɗoftoɗon mi
Verse 164 — Surah Ash-Shuara 26:164
Mi toraaki on e dow ɗum njoɓdi, njoɓdi am ndin fawaaki si wanaa Jooma winndere nden
Verse 165 — Surah Ash-Shuara 26:165
Enee, on aray worɓe ɓen immorde e winndere nden
Verse 166 — Surah Ash-Shuara 26:166
Ɗalon ko Joomi mooɗon tagani on kon immorde e sonnaaɓe mooɗon? Ko woni, onon ko on yimɓe jaggituɓe
Verse 167 — Surah Ash-Shuara 26:167
Ɓe wi'i: "Men woondii si a accaali an Luutu, ma a laato sanne jeyaaɗo e yaltiteeɓe ɓen
Verse 168 — Surah Ash-Shuara 26:168
O maaki: "Min dey, miɗo jeyaa e añuɓe ɓen golle mooɗon ɗen
Verse 169 — Surah Ash-Shuara 26:169
Jooma, danndam min e ɓeynguure am nden kon ko ɓe gollata
Verse 170 — Surah Ash-Shuara 26:170
Men danndi mo e ɓeynguure makko nden, ɓe fow maɓɓe
Verse 171 — Surah Ash-Shuara 26:171
Si wonaa jiidiraare(nayeejo debbo) nden ka halkaaɓe ɓen
Verse 172 — Surah Ash-Shuara 26:172
Refti Men oƴƴi heddii ɓe ɓen
Verse 173 — Surah Ash-Shuara 26:173
Men toɓini e dow maɓɓe toɓo, bonii toɓo jertinaaɓe ɓen
Verse 174 — Surah Ash-Shuara 26:174
Pellet, wonii e ɗum [ko jaŋtaa ɗoo] Aaya, ɓurɓe heewuɓe e maɓɓe laataaki gomɗinɓe
Verse 175 — Surah Ash-Shuara 26:175
Pellet, Joomi maaɗa, ko Kanko woni Tedduɗo Yurmeteeɗo
Verse 176 — Surah Ash-Shuara 26:176
Yimɓe fitaare(sutu) nden fenniino Nulaaɓe ɓen
Verse 177 — Surah Ash-Shuara 26:177
Tuma nde Su'aybu wi'annoo ɓe: "Enee, on hulataa [Alla]
Verse 178 — Surah Ash-Shuara 26:178
Min dey, ko mi Nulaaɗo e mooɗon hoolaaɗo
Verse 179 — Surah Ash-Shuara 26:179
Hulee Alla ɗoftoɗon mi
Verse 180 — Surah Ash-Shuara 26:180
Mi toraaki on e dow ɗum njoɓdi, njoɓdi am ndin fawaaki si wanaa Jooma winndere nden
Verse 181 — Surah Ash-Shuara 26:181
Humnee ɓetu ngun, wata on laato jeyaaɓe e uytooɓe ɓen
Verse 182 — Surah Ash-Shuara 26:182
Manndikiree(peesre) manndikirɗe feewuɗe ɗen
Verse 183 — Surah Ash-Shuara 26:183
Wata on ustan yimɓe ɓen piiji maɓɓe ɗin, wata on lancito ka leydi hara ko on bonnooɓe
Verse 184 — Surah Ash-Shuara 26:184
Hulee On Taguɗo on, o tagu adinoongu ngun
Verse 185 — Surah Ash-Shuara 26:185
Ɓe wi'i: "Pellet, an ko a jeyaaɗo mbilɗaaɓe ɓen
Verse 186 — Surah Ash-Shuara 26:186
An a wonaali si wanaa ɓanndunke yeru amen, tawde meɗen jikkumaa ko a jeyaaɗo e fenuɓe ɓen
Verse 187 — Surah Ash-Shuara 26:187
Awa fukku e dow amen kunte kammu ngun, si tawii a laatike jeyaaɗo e goonguɓe ɓen
Verse 188 — Surah Ash-Shuara 26:188
O maaki: "Ko Joomi am woni Annduɗo ko golloton kon
Verse 189 — Surah Ash-Shuara 26:189
Ɓe fenni mo, nanngi ɓe Lepte ñalaande ɗowdiinde nden. Pellet, ɗen laatino Lepte ñalaande mawnde
Verse 190 — Surah Ash-Shuara 26:190
Pellet, wonii e ɗum [ko jaŋtaa ɗoo] Aaya, ɓurɓe heewuɓe e maɓɓe laataaki gomɗinɓe
Verse 191 — Surah Ash-Shuara 26:191
Pellet, Joomi maaɗa, ko Kanko woni Tedduɗo Yurmeteeɗo
Verse 192 — Surah Ash-Shuara 26:192
E pellet, kayre ko nde jippinaande Jooma winndere nden
Verse 193 — Surah Ash-Shuara 26:193
Jippinii nde Ruuhu hoolaaɗo on
Verse 194 — Surah Ash-Shuara 26:194
Ka ɓernde maaɗa fii yo a laato jeyaaɗo e jertinooɓe ɓen
Verse 195 — Surah Ash-Shuara 26:195
E ɗemngal Aarabu ɓanngungal
Verse 196 — Surah Ash-Shuara 26:196
Pellet, kayre hinde ka ɗeri aranɓe ɓen
Verse 197 — Surah Ash-Shuara 26:197
Enee, hara laatanaaki ɓe Maande, nde tawata anndiino nde ɓiɗɓe Israa'iila annduɓe ɓen
Verse 198 — Surah Ash-Shuara 26:198
Sinndo Men jippinno nde e dow yoga e ajamiyankooɓe ɓen
Verse 199 — Surah Ash-Shuara 26:199
o janngi nde e dow maɓɓe, ɓe laatotaako gomɗinɓe nde
Verse 200 — Surah Ash-Shuara 26:200
Ko wano nii Men naadiri ɗum e ɓerɗe bonɓe ɓen
Verse 201 — Surah Ash-Shuara 26:201
Ɓe gomɗintaa nde, haa ɓe yi'a Lepte muusuɗe ɗen
Verse 202 — Surah Ash-Shuara 26:202
Ɗe ara e maɓɓe e juhayee, hara ɓe so'aa
Verse 203 — Surah Ash-Shuara 26:203
Sakko ɓe wi'a: "Taw si ko men nennanteeɓe
Verse 204 — Surah Ash-Shuara 26:204
Enee, ko Lepte Amen ɗen ɓe heñorta
Verse 205 — Surah Ash-Shuara 26:205
A tinii si Men dakmitii ɓe duuɓi
Verse 206 — Surah Ash-Shuara 26:206
Refti ari e maɓɓe kon ko ɓe laatinoo hiɓe fodee
Verse 207 — Surah Ash-Shuara 26:207
Nafaali ɓe ko ɓe laatinoo kon hiɓe dakmitoo
Verse 208 — Surah Ash-Shuara 26:208
Men halkaali saare woo, si wanaa hara no woodani nde jertinooɓe
Verse 209 — Surah Ash-Shuara 26:209
[Ɗum] ko waaju, Men laataaki tooñooɓe
Verse 210 — Surah Ash-Shuara 26:210
Wanaa seytanuuji ɗin jippini nde
Verse 211 — Surah Ash-Shuara 26:211
[Ɗum] haananaaɗi, ɗi hattantaake kadi
Verse 212 — Surah Ash-Shuara 26:212
Pellet, kannji ko ɗi follateeɗi gaayi heɗagol ngol
Verse 213 — Surah Ash-Shuara 26:213
Wata a noddu reweteeɗo goo wonndude e Alla, sakko laatoɗaa jeyaaɗo e Lepteteeɓe ɓen
Verse 214 — Surah Ash-Shuara 26:214
Jertin gorol maaɗa ɓurɓe ɓadaade ɓen
Verse 215 — Surah Ash-Shuara 26:215
Lesɗinan balbe maaɗen, wonannde ɓen jokkuɓe ma immorde e gomɗinɓe ɓen
Verse 216 — Surah Ash-Shuara 26:216
Si ɓe yeddii ma, haray maaku: "Min dey, ko mi danndiiɗo kon ko golloton
Verse 217 — Surah Ash-Shuara 26:217
Hoolor On Tedduɗo Yurmeteeɗo
Verse 218 — Surah Ash-Shuara 26:218
On Sutiiɗo ma fewndo darotoɗaa
Verse 219 — Surah Ash-Shuara 26:219
E waylitogol maaɗa e hakkunde sujjooɓe ɓen
Verse 220 — Surah Ash-Shuara 26:220
Pellet, ko Kanko woni Nanoowo Annduɗo On
Verse 221 — Surah Ash-Shuara 26:221
Taw si mi humpitay on ko e hommbo Seytanuuji ɗin jippotoo
Verse 222 — Surah Ash-Shuara 26:222
Hiɗi jippoo e dow kala fefindotooɗo bakkodinɗo
Verse 223 — Surah Ash-Shuara 26:223
Hiɗi werloo nanɗe ɗen, ko ɓurɓe heewude e majji ko fenooji
Verse 224 — Surah Ash-Shuara 26:224
Yimooɓe ɓen ko jokkata ɓe, ko bewɓe ɓen
Verse 225 — Surah Ash-Shuara 26:225
Enee, a tinaali wonndema kamɓe hiɓe yinoo e kala aynde
Verse 226 — Surah Ash-Shuara 26:226
E tawde kamɓe hiɓe wowla ko ɓe huuwataa
Verse 227 — Surah Ash-Shuara 26:227
Si wanaa ɓen gomɗinɓe ɓe golli golle moƴƴe ɓe jaŋtii Alla ko ɗuuɗi ɓe yoɓtii ɓaawo ɓe tooñaama. Aray ka ɓen tooñuɓe annday ko honde e waylitorde ɓe waylitotoo