Back to Languages

    Fulah - Chapter 52

    Translation by Rowad Translation Center And Islamhouse

    Verse 1

    Mi woondirii [Fello] Tuuri ngon

    Verse 2

    E Deftere winndaande nden

    Verse 3

    e ɗeri fontaaɗi

    Verse 4

    E Suudu wuurniraandu ndun

    Verse 5

    E Kippoodi toowundi ndin

    Verse 6

    E maayo heewuno ngon

    Verse 7

    Pellet, lepte Joomi maa ɗen ko yanooje

    Verse 8

    Alaa duñoowo ɗe

    Verse 9

    Ñalnde kammu ngun dillirta dillere

    Verse 10

    pelle ɗen wona e yahugol

    Verse 11

    haray nden ñalnde, bone woodanii fennuɓe ɓen

    Verse 12

    ɓen wonuɓe e jumpugol, hiɓe fija

    Verse 13

    Ñalnde ɓe duñiroytee doole ka Yiite Jahannama duñannde

    Verse 14

    [Ɓe wi'anee] : "Ko ngee Yiite woni ko fennaynoɗon

    Verse 15

    E ko mbilewu nii? Kaa hara on alaa yi'ude

    Verse 16

    Sumee e magge! Muññiɗon maa on muññaaki, fow no fota e mon. Anndee ko yoɓeteɗon, ko kon ko gollaynoɗon

    Verse 17

    Pellet, gomɗuɓe ɓen hino e Aljannaaji e neemaaji

    Verse 18

    ko ɓe dakimitotooɓe kon ko Joomi maɓɓe okki ɓe, Joomi maɓɓe daɗndi ɓe lepte Jahiimi ɗen

    Verse 19

    [Ɓe wi'anee] : "Ñaamee yaron, ko newi moɗdeum, sabu kon ko gollaynoɗon

    Verse 20

    hara ko on soɓɓindiiɓe e hoore danɗe weertindiraaɗe", Men resina ɓe kadi yooɗa e yaaJa giteeɓe

    Verse 21

    Ɓen gomɗimɓe, geyngol maɓɓe ngol kadi jokki ɓe e gomɗinal, Men tawtindinay ɓe e geyngol maɓɓe ngol. Men ɗuytantaa ɓe huunde e golle maɓɓe ɗen; neɗɗo kala ko faggitii kon no tiginaa

    Verse 22

    Men ɓeydani ɓe muuyanteeɗi e tebbeeli kala ko tuuyetee

    Verse 23

    Hiɓe jaaɓondira ton, ñedduɗe ɗe jillaa meere wanaa ko bakkondinta

    Verse 24

    Sukaaɓe no eltanaaɓe hino wanngoo hakkunde maɓɓe, wa'uɓe wa kaŋŋe maraaɗe

    Verse 25

    Yoga maɓɓe fewtita yoga, ɓe lamndondira

    Verse 26

    ɓe wi'a: "Pellet, men laatino ado [hannde], hulunooɓe [lepte ɗen] hakkunde yimɓe amen

    Verse 27

    Allah moƴƴii e amen, O daɗni men lepte Norngal

    Verse 28

    Men laatino ado [hannde], torotonooɓe Mo. Pellet, ko Kanko woni Moƴƴo, Hinnotooɗo On

    Verse 29

    Anndintin tun, sabu neema Joomi maa on, a wonaa ndureejo wanaa a feetuɗo

    Verse 30

    Kaa ɓe wi'ay wonnde : "Ko yimoowo ! Men habbitani mo tun jikke maayde

    Verse 31

    Maaku : "Awa habbitee ! Min kadi miɗo habbitodi e mon

    Verse 32

    Kaa ko haqqille maɓɓe ɗen yamirɓe ɗum? Kaa hara ko ɓe yimɓe bewuɓe tun

    Verse 33

    Kaa ɓe wi'ay wonnde : "O sincu nde?" Si ko woni, wanaa ɓe gomɗinooɓe

    Verse 34

    Awa yo ɓe addii yewtere sugu mayre, si wonii ko ɓe goonguɓe

    Verse 35

    Kaa ɓe tagira ɓaawo taguɗo? Kaa ko kamɓe woni taguɓe ɓen

    Verse 36

    Kaa (ko) kamɓe tagi kammuuli ɗin e leydi ndin? Ko woni kon, ɓe yananaaka

    Verse 37

    Kaa ɓe jogiti ngaluuji Joomi maa ɗin? Kaa ko kamɓe woni huɓindiiɓe ɓen

    Verse 38

    Kaa ɓe jogiti ɓargal ngal ɓe jentorta? Awa yo heɗitiiɗo maɓɓe on addu hujja ɓannguɗo

    Verse 39

    Kaa hara ko ɓiɗɓe rewɓe woodanta Mo, onon kan worɓe ɓen

    Verse 40

    Kaa a lamndi ɓe njoɓdi, hara yoɓugol ndi no teddani ɓe

    Verse 41

    Kaa ɓe anndu fii wirniiɗi ɗin, hara hiɓe winnda

    Verse 42

    Kaa ɓe faala fewjoore? Doo ko yedduɓe ɓen, woni fooleteeɓe pewje ɓen

    Verse 43

    Kaa hiɓe mari reweteeɗo ko woori Allah? Senaade woodanii Allah, e kon ko ɓe sirkata

    Verse 44

    Si ɓe yi'ii taƴatine immornde ka kammu no yani, ɓe wi'a: "Ko duule fawondirɗe

    Verse 45

    Terto ɓe, haa ɓe hawroya e ñalaande maɓɓe nde ɓe leptoytee e mun

    Verse 46

    Ñalnde nde pewje maɓɓe duncanoytaa ɓe hay huunde, ɓe wonaa kadi walloyteeɓe

    Verse 47

    Ko pellet, hino woodani tooñuɓe ɓen, lepte goo ko wanaa ɗen ɗon. Kono ko ɓuri ɗuuɗude kon e maɓɓe, ɓe anndaa

    Verse 48

    Muñño ñaawoore Joomi maa nden. Tawde pellet, hiɗa e ndenka Amen. Seniniraa yettugol Joomi maa, tuma ɓaŋotoɗaa

    Verse 49

    Jemma on kadi, subbunhinanoɗaa Mo e ka mutugol koode