Fulah - Chapter 53 - An-Najm

Gondiijo mon majjaani o bewaañi

O haalata belaaɗe

Ndee [Alqur’aanaare] wonaali, si wanaa waaju bahyateeɗo

Ko jom semmbe janngini ɗum mbo

Jom mbaadi njoondi o fotondiri

Hombo e jookli toowɗi

Refti o ɓadi o ɓattii

O woni ɓadiiɗo fotde laanye ɗiɗe wolla ko ɓuri ɓadaade

O wahyii e maccuɗo makko ko O wahyii ko

ɓernde mum fennaani ko o yi*i ko

mbela haɗa yeddandira e Mum ko O yi*i

Ko noon tigi o yi*ii Jibriir laawol goɗngol

ka lekki sidar njani sanne

ka kiin lekki woni aljanna koɗirɗo

Nde muurata e lekki sidra-he ko naatata

Yitere oonñaaki nde yawtaani keerol

Ko goonga o yi*ii e kaawsaaji Alla ɓurɗi mawnude

Onon heeferɓe mbela on nji*ii laata e ujjaa

E manaata tataɓiija goɗɗo o

Mbela na woodani on gorko na woodani Mbo debbo

ɗuum de wadde ko feccoore nde nuunɗaani

ɗi ngonah si wonah inɗe ɗe innuɗon onon e baabiraaɓe mon Alla jippinaani heen daliil ɓe ndewaani si wonah sikke e mbelamme pittaali ko goongo peewal arii e maɓɓe ummaade to Joom mum en

wolla mbela na woodani neɗɗo ko o wooɗa ko

Ko Alla woodani ko sakkati e ko adii

Heewii e malaykaaji e nder kammuuji ɗi tefoore majji nafatah huunde tawi wonah caggal de Alla sakkitani wonande mbo O wela O

Pellet ɓeen ɓe ngoonɗinaani laakira hoɓe innira malaykaaji inɗe rewɓe

Woodanaani ɓe ganndal, alah kove ndewata si wonah sikke, pellet sikke nafatah e goonga hay huunde

ɗuurno oon nduntiiɗa jikru amen mbo yiɗah si wonah nguurndam aduna

Ko ɗoon ganndal mum en haaɗi, pellet ko Alla ɓuri anndude oon majjuɗo laawol Makko, ko Kanko kadi ɓuri anndude oon peewɗo

Ko Alla woodani kala ko woni e kammuuji e leydi ngam o yoɓa ɓeen bonnuɓe koɓe mbonni ko, O yoɓa kadi moƴƴinɓe ko moƴƴi

ɓen woɗɗitotooɓe bakkatuuji mawɗi ɗin e pankare [ɓe faggitotaako] si wanaa tokoosi ɗin. Pellet, Joomi maa ko yaajuɗo yaafuyee. Ko Kanko ɓuri anndude on gila O fuɗɗunoo on ummaade e leydi, e nde wonunoɗon fuƴƴannde ka deedi neeniraaɓe mon. Wata on mantu ko'e mon; ko Kanko ɓuri anndude gomɗuɓe ɓen

E a tinaali ɗuurniiɗo on

hino okka seeɗaa, hooti o ɗawa

Kere o jogi ganndal wirniiɗi ngal o yiirata

Kaa o humpitaaka ko woni kon e ɗeri Muusa ɗin

e [ka ɗeri] Ibraahiima hunnuɗo [ahadi yottini]

wonnde wonkii [woo] ronndotaako doŋgal (bakkaatu) wokkii goo

e wonnde alanaa neɗɗanke, si wonaa ko o golli kon

e wonnde golle makko ɗen, aray ka yi'ee

refti o yoɓiree ɗe njoɓdi timmundi

e wonnde ko ka Joomi maa woni haattirde nden

e wonnde ko Kanko woni Weltinoowo Wullina

ko Kanko kadi woni Warooro Wuurnita

e wonnde O tagii resindirayɗi ɗin ɗiɗi : gorel e deyel

immorde e toɓɓere maniiyu si rufaama

e wonnde ko Kanko woodani tagitugol ɗimmun

e wonnde ko Kanko woni alɗinɗo e okkɗuɗo

e wonnde ko Kanko woni Jeyɗo hoodere Si'ira nden

e wonnde ko Kanko halki Aadi'en adinooɓe

e Samuuda'en, O heddinaano hay e gooto

Ko non kadi yimɓe Nuuhu ɓen ko adii[ɓe], pellet, ɓen laatino ɓurɓe tooñude e bewde

e yimɓe fitaare ɓen (ɓe) O waylitunoo

O hippiri ɗe kon ko O hippiri

Ko honɗum e neemaaji Joomi ma ɗin sikkitotoɗaa

Awa oo ko jertinoowo jeyaaɗo e jertinooɓe adinooɓe

Darngal ngal non ɓadike

Duñoowo ngal ko woori Allah, alaa

E ko ndee yewtere [Alqur'aana] haawetoɗon

Hiɗon jala, on wullataa

Hara ko on welsindiiɓe

Koni sujjanee Allah, rewon [Mo]