Fulah - Chapter 71 - Nuh

O maakani [ɓe] : "Ko onon yo yimɓe am, min ko mi jertinoowo on ɓannguɗo

wonnde yo on rewu Allah, hulon Mo, ɗoftoɗon lam

O haforanay on junuubi mon ɗin, O nenna on haa e lajal taƴaangal. [Ko woni tun] lajal Allah ngal si hewtii, ngal nennetaake, si tawii hiɗon anndunoo

O maaki : "Joomi am, min mi noddirii yimɓe am ɓen jemma e ñalorma

kono noddaandu am ndun ɓeydaali ɓe, si wanaa dogugol

Tuma kala kadi nde mi noddi ɓe fii no Hafaranaa ɓe, ɓe waɗay kolli maɓɓe ɗin ka nder noppi maɓɓe, ɓe buumora comci maɓɓe ɗin, ɓe deppitoo, ɓe townitora townitaadee

Refti mi noddirii ɓe e kene

Refti mi feññinani ɓe, mi gunndii ɓe gunndaadee

Mi wi'i [ɓe] : "Insinanee Joomi mon, tawde O siforii wonnde Haforoow

O wurtira toɓo ngon e mo'on rewnindiral

O ɓeydira on jawle e ɓiɗɓe, O waɗana on gese, O waɗana on canɗi

E ko heɓi on, on jortaaki manngural Allah ngal

Hara le O tagir on taaɓe-taaɓe

E on yi'aali no Allah tagiri kammuulli jeeɗiɗi tegondirɗi

O waɗi lewru ndun jalɓundu e majji, O waɗi naange ngen pitilol

Ko Allah fuɗniri on ka leydi fuɗnugol

refti O ruttiray on e mayri, O yaltina on yaltinndee

Allah waɗiranii on leydi ndin weertaandi

fii yo on naatir e mayri laawi yaajuɗi

Nuuhu maaki : "Joomi am, ɓee yeddii lam, ɓe jokkii on mo jawle mun e ɓiɗɓe ɓeydaali ɗum si wanaa hayrugol

Ɓe fewji feere mawnde

ɓe wi'i: "Wata on terto dey reweteeɗi mon ɗin: wata on terto Wudda, e Suwaa'a, e Ya'uuqatha, e Nasr

Ko pellet, ɓe majjinii ko ɗuuɗi. [Joomi] wata A ɓeydir tooñuɓe ɓen, si wanaa majjere

Ko sagu goopi maɓɓe ɗin ɓe yooliranoo, ɓe naadaa Yiite, ɓe heɓanaano ko'e maɓɓe faabotooɗo gaanin Allah

Nuuhu maaki kadi : "Joomi am, wata A accu e leydi ndin, hay keefeero dilloowo

Ko pellet, si A accii ɓe, ɓe majjinay jeyaaɓe Maa ɓen, ɓe jiidoytaako si wanaa bonnooɓe ɗuuɗuɓe geddi

Joomi am, haforanam min e jibimɓe lam ɓen, e ɓen gomɗimɓe naatuɓe ka suudu am, e gomɗimɓe worɓe ɓen e gomɗimɓe rewɓe ɓen; wata A ɓeydir tooñuɓe ɓen, si wanaa halakuyee