Gujarati - Chapter 100 - Al-Adiyat

હાંફતા દોડનારા ઘોડાઓના સોગંદ

પછી ટાપ મારીને અંગારા ખેરનારાઓના સોગંદ

પછી વહેલી સવારે છાપા મારનારના સોગંદ

બસ ! તે વખતે ધુળની ડમરીઓ ઉડાવે છે

પછી તેની સાથે લશકરના ટોળામાં ઘુસી જાય છે

ખરેખર માનવી પોતાના પાલનહાર નો ખુબ જ અપકારી છે

અને નિ:સંદેહ તે સ્વયં તેના પર સાક્ષી છે

તે માલના મોંહ માં પણ સખત છે

શું તેને તે સમય ની ખબર નથી જ્યારે કબરો માં જે (કંઇ) છે, કાઢી લેવામાં આવશે

અને હૃદયો ની છુપી વાતો કાઢી નાખવામાં આવશે

ચોક્કસપણે તેમનો પાલનહાર તે દિવસે તેમની અવસ્થાથી વાકેફ હશે