Back to Languages

    Gujarati - Chapter 77

    Translation by Rabila Al Omari

    Verse 1

    દિલ ખૂશ કરી નાખનારી હવાઓના સોગંદ

    Verse 2

    પછી તીવ્ર હવાઓના સોગંદ

    Verse 3

    પછી ઉકસાવીને વેરવિખેર કરનારના સોગંદ

    Verse 4

    પછી સત્ય અને અસત્ય ને જૂદા કરી નાખનાર

    Verse 5

    અને વહી લાવનારા ફરિશ્તાઓના સોગંદ

    Verse 6

    જે (વહી) પૂરાવા અને સચેત કરવા માટે છે

    Verse 7

    જે વસ્તુનું વચન તમને આપવામાં આવે છે તે નિ:શંક થઇને રહેશે

    Verse 8

    બસ ! જ્યારે તારાઓ પ્રકાશહીન કરી દેવામાં આવશે

    Verse 9

    અને જ્યારે આકાશ તોડી ફોડી નાખવામાં આવશે

    Verse 10

    અને જ્યારે પર્વતો ટુકડે ટુકડા કરી ઉડાવી દેવામાં આવશે

    Verse 11

    અને જ્યારે પયગંબરોને નક્કી કરેલ સમયે હાજર કરવામાં આવશે

    Verse 12

    કેવા દિવસ માટે (આ બધાને) લંબાવવામાં આવ્યા છે

    Verse 13

    નિર્ણયના દિવસ માટે

    Verse 14

    અને તને શું ખબર કે નિર્ણયનો દિવસ શું છે

    Verse 15

    તે દિવસ જુઠલાવનારાઓ માટે વિનાશ છે

    Verse 16

    શું અમે પૂર્વજોને વિનાશ નથી કર્યા

    Verse 17

    ફરી અમે તેમના પછી બીજાને લાવ્યા

    Verse 18

    અમે દુરાચારીઓ સાથે આવું જ કરીએ છીએ

    Verse 19

    તે દિવસ જુઠલાવનારાઓ માટે વૈલ (અફસોસ) છે

    Verse 20

    શું અમે તમને તુચ્છ પાણી (વિર્ય) થી પૈદા નથી કર્યા

    Verse 21

    પછી અમે તેમને મજબૂત અને સુરક્ષીત જગ્યાએ રાખ્યો

    Verse 22

    એક નક્કી કરેલ સમય સુધી

    Verse 23

    પછી અમે અંદાજો કર્યો. અને અમે ખુબ જ ઉત્તમ અંદાજો કરનારા છે

    Verse 24

    તે દિવસ જુઠલાવનારાઓ માટે વૈલ (અફસોસ) છે

    Verse 25

    શું અમે ધરતીને એકઠી કરી નાખનારી નથી બનાવી

    Verse 26

    જીવિત લોકોને પણ અને મૃતકોને પણ

    Verse 27

    અને અમે આમાં ઊંચા અને ભારે પર્વતો બનાવી દીધા અને તમને મીઠું પાણી પીવડાવ્યું

    Verse 28

    તે દિવસ જુઠલાવનારાઓ માટે વૈલ (અફસોસ) છે

    Verse 29

    તે જહન્નમ તરફ જાઓ જેને તમે જુઠલાવતા રહ્યા

    Verse 30

    ચાલો તે ત્રણ શાખાઓવાળા છાંયડા તરફ

    Verse 31

    જે ખરેખર ન છાંયડો આપનારો છે અને ન જવાળાઓથી બચાવશે

    Verse 32

    નિ:શંક જહન્નમ જવાળાઓ ફેંકે છે. જે મહેલો જેવી છે

    Verse 33

    જાણે કે તે પીળા ઊંટો છે

    Verse 34

    તે દિવસ જુઠલાવનારાઓ માટે વૈલ (અફસોસ) છે

    Verse 35

    આજ (નો દિવસ) તે દિવસ છે કે આ લોકો બોલી પણ નહીં શકે

    Verse 36

    ન તેમને તક આપવામાં આવશે

    Verse 37

    તે દિવસ જુઠલાવનારાઓ માટે વૈલ (અફસોસ) છે

    Verse 38

    આ છે નિર્ણયનો દિવસ અમે તમને અને આગળના દરેક લોકોને એકઠા કરી દીધા છે

    Verse 39

    બસ ! જો તમે મારી વિરૂધ્ધ કોઇ યુક્તિ કરી શકતા હોય તો કરી લોં

    Verse 40

    તે દિવસ જુઠલાવનારાઓ માટે વૈલ (અફસોસ) છે

    Verse 41

    નિ:શંક ડરવાવાળા છાંયડામાં છે. અને વહેતા ઝરણા પાસે

    Verse 42

    અને તે ફળો પાસે જેની તેઓ ઇચ્છા કરશે

    Verse 43

    (જન્નતીઓ) ખાવો પીવો મજાથી, પોતે કરેલા કાર્યોના બદલામાં

    Verse 44

    નિ:શંક અમે સદાચારી લોકોને આવી જ રીતે બદલો આપીએ છીએ

    Verse 45

    તે દિવસ જુઠલાવનારાઓ માટે વૈલ (અફસોસ) છે

    Verse 46

    (હે જુઠલાવનારાઓ તમે દૂનિયામાં) થોડુંક ખાઇ લો અને લાભ ઉઠાવી લો નિ:શંક તમે પાપી છો

    Verse 47

    તે દિવસ જુઠલાવનારાઓ માટે વૈલ (અફસોસ) છે

    Verse 48

    તેમને જ્યારે કહેવામાં આવે છે કે રુકૂઅ કરી લો તો નથી કરતા

    Verse 49

    તે દિવસ જુઠલાવનારાઓ માટે વૈલ (અફસોસ) છે

    Verse 50

    હવે આ કુરઆન પછી કેવી વાત પર ઇમાન લાવશો