Hausa - Chapter 20 - Ta-Ha

T,H

Ba Mu saukar da Alƙur'ani a gare ka domin ka wahala ba

Face domin tunatarwa ga wanda ke tsoron Allah

(An saukar da shi) saukarwa daga wanda Ya halitta ƙasa da sammai maɗaukaka

Mai rahama, Ya daidaita* a kan Al'arshi

Abin da yake a cikin sammai nasa ne, da abin da yake a cikin ƙasa da abin da yake a tsakaninsu da abin da ke ƙarƙashin turɓaya

Kuma idan ka bayyana da magana, to, lalle Shi, Yana sanin asiri da mafi boyuwa

Allah babu abin bautawa face Shi. Yana da sunaye mafiya kyau

Kuma shin, labarin Musa yaje maka

A lokacin da ya ga wata wuta, sai ya ce wa iyalinsa, "Ku dakata. Lalle ne ni, na tsinkayi wata wuta tsammanina in zo mukuda makamashi daga gare ta, ko kuwa in sami wata shiriya a kan wutar

Sa'an nan a lokacin da ya je mata, aka kira shi, "Ya Musa

Lalle ne, Ni ne Ubangijnka, sai ka ɗebe takalmanka* Lalle ne kana a rafin nan abin tsarkakewa, ¦uwa

Kuma Ni na zaɓe ka. Sai ka saurara ga abin da ake yin wahayi

Lalle, Ni Ni ne Allah. Babu abin bautawa face Ni. Sai ka bauta Mini, kuma ka tsayar da salla domin tuna Ni

Lalle ne Sa'a mai zuwa ce, lna kusa da In ɓoye ta domin a saka wa dukan rai da abin da yake aikatawa

Saboda haka, kada wanda ba ya yin imani da ita kumaya bi son zuciyarsa, ya taushe ka daga gare ta har ka halaka

Kuma wace ce waccan ga damanka ya Musa

Ya ce: "Ita sandata ce, ina dogara a kanta, kuma ina kakkaɓar ganye da ita a kan ƙananan bisashena kuma ina da waɗansu bukatoci* na dabam a gare ta

Ya ce: "Ka yi jifa da ita, ya Musa

Sai ya jefa ta. Sai ga ta dabbar macijiya, tana tafiya da gaggawa

Ya ce: "Ka kama ta kuma kada ka ji tsoro. Za Mu mayar da ita ga halinta na farko

Kuma ka haɗa hannunka zuwa ga damtsenka, ya fita yana fari, babu sofane, wata aya ta dabam

Domin Mu nuna maka daga ayoyin Mu manya

Ka tafi zuwa ga Fir'auna. Lalle shi ya ƙetare haddi (da girman kai)

Ya ce: "Ya Ubangiji! Ka buɗa* mini, ƙirjina

kuma ka sawwake mun Al'amari na

Kuma Ka warware mini wani ƙulli daga harshena

Su fahimci maganata

Kuma Ka sanya mini wani mataimaki daga mutanena

Haruna ɗan uwana

Ka ƙarfafa halittata da shi

Kuma Ka shigar da shi a cikin al'amarina

Domin mu tsarkake Ka da yawa

Kuma mu tuna Ka da yawa

Lalle Kai, Ka kasance Mai gani gare mu

Ya ce: "Lalle ne, an ba ka roƙonka, ya Musa

Kuma lalle ne haƙiƙa, Mun yi wata baiwa gare ka a wani lokacin na dabam

A lokacin da Muka yi wahayin abin da aka yi wahayi zuwa ga uwarka

Cewa, Ki jefa shi a cikin akwatin nan, sa'an nan ki jefa shi a cikin kogi, sa'an nan kogin ya jefa shi a gaɓa, wani maƙiyi Nawa kuma maƙiyi nasa ya ɗauke shi.' Kuma Na jefa wani so daga gare Ni a kanka. Kuma domin a riƙe ka da kyau a kan gan iNa

A sa'ad da 'yar'uwrka ke tafiya har ta ce, shin, in shiryar da ku ga wanda ke renonsa?' Sai Muka mayar da kai zuwa ga uwarka domin idonta ya yi sanyi* kuma ba za ta yi baƙin ciki ba. Kuma ka kashe wani rai, sa'an nan Muka tserar da kai daga baƙin ciki, kuma Muka fitine ka da waɗansu fitinoni. Sa'an nan ka zauna shekaru a cikin mutanen Madyana. Sa'an nan kuma ka zo a kan wata ƙaddara, ya Musa

Kuma Na zaɓe ka domin Kaina

Ka tafi kai da ɗan uwanka game da ayoyi Na, kuma kada ku yi rauni ga ambato Na

Ku tafi ku biyu zuwa ga Fir'auna. Lalle shi ya ƙetare haddi (ga girman kai)

Sai ku gaya masa magana mai laushi,* tsammaninsa yana tunawa ko kuwa ya ji tsoro

Su biyu suka ce: "Ya Ubangijinmu! Lalle ne muna tsoron ya yi gaggawa a kanmu, ko ya ƙetare haddi

Ya ce: "Kada ku ji tsoro. Lalle Ni, Ina tare da ku, Inaji, kuma Ina gani

Sai ku je masa sa'an nan ku ce, Lalle mu, Manzanni biyune na Ubangijinka, sai ka saki Bani Isra'ila tare da mu. Kuma kada ka yi musu azaba. Haƙiƙa mun zomaka da wata aya daga, Ubangijinka. Kuma aminci ya tabbata ga wanda ya bi shiriya

Lalle mu, haƙiƙa, an yi wahayi zuwa gare mu, cewa azaba tana a kan wanda ya ƙaryata, kuma ya juya baya

Ya ce: "To, wane ne Ubangijinku? Ya Musa

Ya ce: "Ubangijin mu Shi ne wanda Ya bai wa dukan kome halittarsa, sa'an nan Ya shiryar

Ya ce: "To, mene halin ƙarnonin farko

Ya ce: "Saninsu yana a wurin Ubangijina, Ubangijina ba Ya ɓacewa kuma ba Ya mantuwa

Wanda Ya sanya muku ƙasa shimfiɗa, kuma Ya shigar muku da hanyoyi a cikinta, kuma Ya saukar da ruwa daga sama." Sa'an nan game da shi* Muka fitar da nau'i-nau'i daga tsiruruwa dabam-dabam

Ku ci kuma ku yi kiwon dabbobin ni'imarku. Lalle ne, a cikin wannan akwai ayoyi ga masu hankali

Daga gare ta* Muka halitta ku, kuma a cikinta Muke mayar da ku, kuma daga gare ta Muke fitar da ku a wani lokaci na dabam

Kuma lalle, haƙiƙa, Mun nuna masa ayoyin Mu dukansu sai ya ƙaryata, kuma ya ƙiya

Ya ce: "Shin ka zo mana ne domin ka fitar da mu daga ƙasarmu game da sihirinka, ya Musa

To, lalle ne muna zo maka da wani sihiri irinsa. Sai ka sanya wani wa'adi a tsakaninmu da tsakaninka ba mu saɓa masa mu kai kuma, ba ka saɓawa, a wani wuri mai dacewa

Ya ce: "Wa'adinku shi ne ranar ƙawa kuma a tara mutane da hantsi

Sai Fir'auna ya juya, sa'an nan ya tara mugunyar dabararsa, sa'an nan kuma ya zo

Musa ya ce musu, "Kaitonku! Kada ku ƙirƙira ƙarya ga Allah har Ya tumɓuke ku da wata azaba. Kuma wanda ya ƙirƙira ƙarya, ya taɓe

Sai suka yi jayayya ga al'amarinsu a tsakanin su kuma suka asirta ganawa

Suka ce: "Lalle ne waɗannan biyun, haƙiƙa masihirta ne suna nufin su fitar da ku daga ƙasarku* game da sihirinsu kuma su tafi da tabi'arku mafificiya

Sai ku haɗa dabararku sa'an nan kuma ku tafi a sahu guda, kuma haƙiƙa, wanda ya rinjaya, a yau, ya rabbanta

Suka ce: "Ya Musa! Imma ka jefa, ko kuma mu kasance farkon mai jefawa

Ya ce: "A'a, ku jefa." Sai ga igiyoyinsu da sandunansu ana suranta su a gare shi, daga sihirinsu, lalle suna tafiya da sauri

Sai Musa ya ji tsoro a cikin ransa

Muka ce: "Kada ka ji tsoro. lalle kai ne mafi ɗaukaka

Kuma ka jefa abin da ke a cikin hannun damanka, ta cafe abin da suka aikata. Lalle ne abin da suka aikata makircin masihirci ne kuma masihirci ba ya cin nasara a duk inda ya je

Sai aka jefar da masihirtan suna masu sujada, suka ce: "Mun yi imani da Ubangijin Haruna da Musa

Ya ce: "Kun yi imani saboda shi a gabanin in yi muku izni? Lalle shi, haƙiƙa, babbanku ne wanda ya sanar da ku sihirin! To, lalle ne zan kakkatse hannayenku da ƙafafunku a tarnaƙi kuma lalle zan tsire ku a cikin kututturan itacen dabino, kuma lalle za ku sani wanenmu ne mafi tsananin azaba kuma wane ne mafi wanzuwar (azaba)

Suka ce: "Ba za mu fifita ka ba faufau a kan abin da ya zo mana na hujjoji. Muna rantsuwa da wanda Ya ƙaga halittarmu sai ka hukunta abin da kake mai hukuntawa, ai kana ƙare wannan rayuwar duniya kawai ne

Lalle mu, mun yi imani da Ubangijinmu domin Ya gafarta mana laifuffukanmu da abin da ka tilasta mu a kansa na sihiri. Kuma Allah ne Mafi alheri, kuma Mafi wanzuwa

Lalle* shi wanda ya je wa Ubangijinsa yana mai laifi, to lalle ne yana da Jahannama, ba ya mutuwa a cikinta kuma ba ya rayuwa

Kuma wanda ya je Masa yana mai imani, alhali kuwaya aikata aikin ƙwarai to waɗannan suna da darajoji maɗaukaka

Gidajen Aljannar zama koguna na gudana daga ƙarƙashinsu, suna madawwama a cikinsu. Kuma wannan ne sakamakon wanda ya tsarkaku

Kuma lalle ne haƙiƙa Mun yi wahayi zuwa ga Musa cewa, "Ka yi tafiyar dare da bayiNa. Sa'an nan ka doka musu hanya a cikin teku tana ƙeƙasasshiya, ba ka tsoron riska, kuma ba ka fargabar nutsewa

Sai Fir'auna ya bi su game da rundunarsa. Sai abin da ya rufe su daga teku ya rufe su

Kuma Fir'auna ya ɓatar da mutanensa, kuma bai shiryar (dasu) ba

Ya Bani Isra'ila! Lalle Mun tserar da ku daga maƙiyinku, kuma mun yi muku wa'adi a gefen Dutsen nan na dama, kuma Mun sassaukar da darɓa da tattabaru dominku

Ku ci daga masu daɗin abin da Muka azurta ku kuma kada ku ƙetare haddi a cikinsa har fushi Na ya sauka a kanku. Kuma wanda fushi Na ya sauka a kansa, to, lalle ne, ya faɗi

Kuma lalle Ni haƙiƙa Mai gafara ne ga wanda ya tuba kuma ya yi imani, kuma ya aikata aikin ƙwarai, sa'an nan kuma ya nemi shiryuwa

Kuma mene ne ya gaggautar* da kai ga barin mutanenka? Ya Musa

Ya ce: "Su ne waɗannan a kan sawuna, kuma na yi gaggawa zuwa gare Ka, ya Ubangiji! Domin Ka yarda

Ya ce: "To, lalle ne, haƙiƙa, Mun fitini, mutanenka daga bayanka, kuma samiri ya ɓatar da su

Sai Musa ya koma zuwa ga mutanensa yana mai hushi, mai baƙin ciki, ya ce: "Ya mutanena! shin, Ubangijinku bai yi muku wa'adi ba, wa'adi mai kyau? Shin, lokacin ya yi tsawo a kanku ne, ko kun yi nufi ne wani hushi ya sauka a kanku daga Ubangijinku, saboda haka kuka saɓa wa alkawarina

Suka ce: "Ba mu saɓa wa alkawarinka* ba da ikonmu kuma amma an ɗora mana waɗansu kaya masu nauyi daga abin ƙawar mutanen ne, sai muka jefar da su. Sa'an nan kamar haka ne samiri ya jefa

Sai ya fitar musu da wani maraƙi, jikin mutane, yana ruri, sa'an nan suka ce: wannan ne gunkinku kuma gunkin Musa, sai ya manta

Shin, to, ba su ganin cewaba ya mayar musu da magana, kuma ba ya mallakar wata cuta a gare su, kuma ba ya mallakar amfani

Kuma, haƙiƙa, Haruna ya ce musu daga gabani, "Ya mutanena! Lalle an fitine ku da shi ne kawai. Kuma lalle Ubangijinku Mai rahama ne, sai ku bi ni, kuma ku yi ɗa'a ga umarnina

Suka ce ba zamu gushe ba muna bauta a gareshi ba har sai Musa dawo

(Musa) ya ce: "Ya Haruna! Me ya hane ka, sa'ad da kagan su sun ɓace

Ba ka bi ni ba! Shin, to, ka saɓa wa umarnina ne

(Haruna) ya ce: "Ya ɗan'uwana! Kada ka yi kamu ga gemuna ko ga kaina. Lalle ni, na ji tsoron ka ce: Ka rarraba a tsakanin Bani Isra'ila kuma ba ka tsare maganata ba

(Musa) ya ce: "Mene ne babban al'amarinka? Kai Samiri

(Samiri) ya ce: "Na ga abin da ba su gan shi ba shi, sai na yi damƙa, damƙa guda daga kufan sawun Manzon, sa'an nan na jefa ta. Kuma haka dai raina ya ƙawata mini

(Musa) ya ce: "To, ka tafi, saboda haka lalle ne kana da a cikin rayuwarka, ka ce 'Babu shafa' kuma kana da wani ma'alkawarta, ba za a saɓa maka gare ta ba. Kuma ka duba zuwa ga gunkinka wanda ka yini a kansa kana mai lazimta. Lalle ne muna ƙone shi,* sa'an nan kuma muna sheƙe shi, a cikin teku, sheƙewa

Abin sani kawai abin bautawarku Allah kawai ne wanda babu wani abin bautawa, face Shi kuma Ya yalwaci* dukkan kome da ilmi

Kamar wancan ne Muke labartawa* a gare ka, daga labaran abin da ya gabata, alhali kuwa haƙiƙa, Mun ba ka zikiri (Alƙur'ani) daga gun Mu

Wanda ya kau da kai daga gare shi, to, lalle shi, yana ɗaukar wani nauyi a Ranar ¡iyama

Suna madawwama a cikinsa, kuma ya munana ya zama abin ɗauka, a Ranar ¡iyama

A Ranar da ake hurawa a cikin ƙaho kuma Muna tara masu laifi, a ranar nan, suna masu shuɗayen idanu

Suna ɓoye magana a tsakaninsu, (Suna ce wa juna) "Ba ku zauna ba (a cikin duniya) face kwana goma

Mu ne mafi sani ga abin da suke faɗa a sa'ad da mafificinsu ga hanya ke cewa, "Ba ku zauna ba face a yini guda

Kuma suna tambayar ka daga duwatsu* sai ka ce: "Ubangijina Yana sheƙe su sheƙewa

Sa'an nan Yana barin (wurinsu) faƙo mai santsi

Ba ka ganin karkata a cikinsa, kuma ba ka ganin wani tudu

A ranar nan suna biyar mai kira, babu karkata a gare shi, kuma sautuka suka yi kawaici ga Mai rahama, ba ka sauraren kome face sautin tafiya

A yinin nan ceto ba ya yin amfani face wanda Mai rahama Ya yi masa izni kuma Ya yarda da shi, da ya yi magana

Yana sanin* abin da ke a gaba gare su da abin da ke bayansu, kuma ba su kewayewa da shi ga sani

Kuma fuskoki suka ƙanƙan da kai ga Rayayye, Tsayayye, alhali kuwa wanda ya ɗauko wani zalunci ya taɓe

Kuma wanda ya aikata wani abu daga ayyukan ƙwarai alhali kuwa yana mai imani, to, ba ya tsoron wani zalunci ko wata naƙasa

Kuma haka Muka saukar da shi, Alƙur'ani, yana abin karantawa, da Larabci kuma Muka jujjuya misalai, a cikinsa, na tsoratarwa, tsammaninsu, suna yin taƙawa ko ya sabbaba musu wata wa'aztuwa

Sa'an nan Allah Mamallaki, Tabbatacce Ya ɗaukaka. Kuma kada ka yi gaggawa* da Alƙur'ani a gabanin a ƙare wahayinsa zuwa gare ka. Kuma ka ce: "Ya Ubangiji! Ka ƙara mini ilmi

Kuma lalle, haƙiƙa, Mun yi alkawari zuwa ga Adamu a gabanin wannan, sai ya manta, kuma ba Mu sami ƙarfin zuciya a gare shi ba

Kuma sa'ad da Muka ce wa mala'iku, "Ku yi sujada ga Adamu." Sai suka yi sujada, face Iblisa, ya ƙiya

Sai Muka ce: "Ya Adamu! Lalle ne wannan maƙiyi* ne gare ka da kuma ga matarka, saboda haka kada ya fitar da ku daga Aljanna har ku wahala

Lalle ne ka samu ba za ka ji yunwa ba a cikinta, kuma ba za ka yi tsiraici ba

Lalle kai, ba za ka ji ƙishirwa ba, kuma ba za ka shiga hantsi ba

Sai shaiɗan ya sanya waswasi zuwa gare shi, ya ce: "Ya Adamu! Shin, in shiryar da kai ga itaciyar dawwama da mulki wanda ba ya ƙarewa

Sai suka ci daga gare ta, saboda haka al'aurunsu suka bayyana, kuma suka shiga suna lulluɓawa a kansu daga ganyen Aljanna. Kuma Adamu ya saɓa wa Ubangijinsa, saboda haka ya ɓace

Sa'an nan kuma Ubangjinsa Ya zaɓe shi, Ya karɓi tuba gare shi, kuma Ya shiryar (da shi)

Ya ce: "Ku sauka ku biyu daga gare ta gaba ɗaya, sashenku yana maƙiyi ga sashe. To, imma dai wata shitiya ta je muku daga gare Ni, to, wanda ya bi shiryarwata, to, ba ya ɓacewa, kuma ba ya wahala

Kuma wanda ya bijire* daga ambatoNa (Alƙur'ani) to, lalle ne rayuwa mai ƙunci ta tabbata a gare shi, kuma Muna tayar da shi a Ranar ¡iyama yana makaho

Ya ce: "Ya Ubangiji! Don me Ka tayar da ni makaho alhali kuwa na kasance mai gani

Ya ce: "Kamar wancan ne ayoyin Mu suka je maka sai ka mance su, kuma kamar hakar a yau ake mance ka

Kuma kamar haka Muke saka wa wanda ya yawaita,* kuma bai yi imani da ayoyin Ubangijinsa ba. Kuma lalle ne azabar Lahira ce mafi tsanani, kuma mafi wanzuwa

Shin, to, bai shiryar da su ba cewa da yawa Muka halakarda (kafirai) daga ƙarnuka, a gabaninsu, suna tafiya a cikin masaukansu? Lalle ne, a cikin wancan akwai ayoyi ga masu hankula

Kuma ba domin wata kalma ba wadda ta gabata daga Ubangijinka, da kuma ajali ambatacce haƙiƙa, da azabarta kasance mai lazimta

Sai ka yi haƙuri* a kan abin da suke cewa, kuma ka yi tasbihi da gode wa Ubangijinka a gabanin fitowar rana da gabanin ɓacewarta, kuma daga sa'o'in dare sai ka yi tasbihi da sasannin yini, tsammaninka za ka sami yarda

Kuma kada ka miƙar da idanunka zuwa ga abin da Muka jiyar da su daɗi da shi, nau'i-nau'i daga gare su, kamar huren rayuwar duniya yake, domin Mu fitine su a cikin sa, alhali kuwa arzikin Ubangijinka, ne mafi alheri kuma mafi wanzuwa

Kuma ka umurci iyalanka da salla, kuma ka yi haƙuri a kanta. Ba Mu tambayar ka wani Arziki Mu ne Muke azurta ka. Kuma aƙiba mai kyau tana ga taƙawa

Kuma suka ce: "Don me ba ya zo mana da wata aya daga Ubangijinsa?" Shin, kuwa hujjar abin da ke a cikin littattafan farko, ba ta je musu ba

Kuma da dai Mun halaka su da wata azaba daga gabaninsa, lalle ne da sun ce: "Ya Ubangijinmu! Da Ka aiko da wani Manzo zuwa gare mu har mu bibiyi ayoyinKa daga gabanin mu ƙasƙanta, kuma mu wulakantu

Ka ce: "Kowa mai tsumaye ne. Sai ku yi tsumaye. Sa'an nan za ku san su wa ne ma'abuta tafarki madaidaici, kuma wane ne ya nemi shiryuwa