Hausa - Chapter 19 - Maryam

K.H. Y.I. S

Ambaton rahamar Ubangijinka ne ga BawanSa Zakariyya

A lokacin da ya kirayi Ubangijinsa, kira ɓoyayye

Ya ce: "Ya Ubangijina! Lalle ne ni, ƙashi na daga gare ni ya yi rauni, kuma kaina ya kunnu da furfura, kuma ban kasance marashin arziki ba game da kiranKa, ya Ubangiji

Kuma lalle ni, na ji tsoron* dangi a bayana, kuma matata ta kasance bakarariya! Sai ka ba ni wani mataimaki daga wajenKa

Ya gaje ni, kuma ya yi gado daga gidan Yaƙuba. Kuma Ka sanya shi yardajje, ya Ubangiji

(Allah Ya karɓa) "Ya zakariyya! Lalle ne Mu, Muna yi maka bushara da wani yaro, sunansa Yahaya. Ba Mu sanya masa wani takwara ba a gabani

Ya ce: "Ya Ubangijina! Yaya wani yaro zai kasance a gare ni, alhali kuwa matata ta kasance bakarariya, kuma ga shi na kai ga matuƙa ta tsufa

Ya ce: "Kamar wancan Ubangijinka Ya ce. Shi, a gare Ni mai sauƙi ne, kuma haƙiƙa Na halitta ka a gabanin haka, alhali ba ka kasance kome ba

Ya ce: "Ya Ubangijina! Ka sanya mini alama." Ya ce: "Alamarka ita ce ka kasa yi wa mutane magana a daruruwa uku daidai

Sai ya fita ga mutanensa daga masallaci, sa'an nan ya yi ishara zuwa gare su da cewa, "Ku yi tasbihi safe da yamma

Ya kai Yahaya! Ka kama littafi da ƙarfi. Kuma Muka ba shi hukunci yana yaro

Kuma (Muka sanya shi) abin girmamawa daga gun Mu, kuma mai albarka, kuma ya kasance mai ɗa'a da taƙawa

Kuma mai biyayya ga mahaifan sa biyu, kuma bai kasance mai girman kai mai saɓo ba

Kuma aminci ya tabbata a gare shi a ranar da aka haife shi da ranar da yake mutuwa da ranar da ake tayar da shi yana mai rai

Kuma ka ambaci Maryamu* a cikin Littafi, a lokacin da ta tsallake daga mutanenta a wani wuri, a gefen gabas

Sa'an nan ta riƙi wani shamaki daga barinsu. Sai Muka aika ruhinMu zuwa gare ta. Sai ya bayyana a gare ta da siffar mutum madaidaci

Ta ce: "Lalle ni ina neman tsari ga Mai, rahama daga gare ka, idan ka kasance mai tsaron addini

Ya ce: "Abin sani kawai, ni Manzon Ubangijinki ne domin in bayar da wani yaro tsarkakke gare ki

Ta ce: "A ina yaro zai kasance a gare ni alhali kuwa wani mutum bai shafe ni ba, kuma ban kasance karuwa ba

Ya ce: "Kamar wancan Ubangijinki Ya ce. Shi, a gare Ni mai sauƙi* ne. Kuma domin Mu sanya shi wata alama ga mutane, kuma wata rahama ce daga gare Mu.' Kuma abin ya kasance wani al'amari hukuntacce

Sai ta yi cikinsa, sai ta tsallake da shi ga wani wuri mai nisa

Sai naƙuda ta kai ta zuwa ga wani kututturen dabiniya, ta ce "Kaitona, da dai na mutu a gabanin wannan kuma na kasance wani abu wulakantacce wanda aka manta

Sai (yaron da ta haifa) ya* kira ta daga ƙarƙashinta, "Kada ki yi baƙin ciki! Haƙiƙa Ubangijinki Ya sanya wani marmaro a ƙarƙashinki

Kuma ki girgiza zuwa gare ki game da kututturen dabinon ya zuba a kanki yana 'ya'yan dabino, ruɗabi nunannu

Sai ki ci kuma ki sha kuma ki ji sanyi ga idanunki*. To, idan kin ga wani aya daga mutane, sai ki ce, 'Lalle ni, na yi alwashin azumi domin Mai rahama saboda haka ba zan yi wa wani mutum magana ba

Sai ta je wa mutanenta tana auke da shi. Suka ce: "Ya Maryamu! Lalle ne, haƙiƙa kin zo da wani abu mai girma

Ya 'yar'uwar Haruna! Ubanki bai kasance mutumin alfasha ba, kuma uwarki ba ta kasance karuwa ba

Sai ta yi ishara zuwa gare shi, suka ce: "Yaya za mu yi magana da wanda ya kasance a cikin shimfiar tsumma yana jariri

Ya ce: "Lalle ne, ni bawan Allah ne Allah Ya ba ni Littafi kuma Ya sanya ni Annabi

Kuma Ya sanya ni mai albarka a inda duk na kasance kuma Ya umurce ni da yin salla da zakka matuƙar ina da rai

Kuma mai biyayya ga uwata, kuma bai sanya ni mai kaushin zuciya ba marashin alheri

Kuma aminci ya tabbata a gare ni a ranar da aka haife ni da ranar da nake mutuwa da ranar da ake tayar da ni ina mai rai

Wancan ne Isa ɗan Maryamu, maganar gaskiya wadda suke shakka a cikinta

Ba ya kasancewa ga Allah Ya riƙi wani ɗa*. Tsarki ya tabbata a gare shi! Idan Ya hukunta wani al'amari sai kawai Ya ce masa, "Kasance." Sai ya dinga kasan cewa

Kuma lalle Allah ne Ubangijina* kuma Ubangijinku, sai ku bauta Masa. Wannan shi ne tafarki madaidaici

Sai ƙungiyoyin* suka saɓa wa juna a tsakanins u. To, bone ya tabbata ga waɗanda suka kafirta daga halartar yini mai girma

Mene ne ya yi jinsu*, kuma mene ne ya yi ganinsu a ranar da suke zo Mana! Amma azzalumai suna a cikin ɓata bayyananna

Kuma ka yi musu gargaɗi da ranar nadama a lokacin da aka hukunta al'amari alhali kuwa suna a cikin ɓata, kuma su ba su yin imani

Lalle ne Mu, Mu ne ke gadon ƙasa* da wanda yake a kanta, kuma zuwa gare Mu ake mayar da su

Kuma ambaci Ibrahim* a cikin Littafi. Lalle shi ya kasance mai yawan gaskatawa, Annabi

A lokacin da ya ce wa ubansa, "Ya baba! Don me kake bauta wa abin da ba ya ji, kuma ba ya ga ni, kuma ba ya wadatar da kome daga barinka

Ya baba! Lalle ni, haƙiƙa abin da bai je maka ba na ilmi ya zo mini, saboda haka ka bi ni in shiryar da kai wani tafarki madaidaici

Ya baba! Kada ka bauta wa Shaiɗan. Lalle Shaiɗan ya kasance mai saɓawa ga Mai rahama

Ya baba! Lalle ne ni ina tsoron wata azaba daga Mai rahama ta shafe ka, har ka zama masoyi ga Shaiɗan

Ya ce: "Ashe, mai gudu ne kai daga gumakana? Ya Ibraim! Lalle ne, idan ba ka hanu ba, haƙi ƙa, zan jefe ka. Kuma ka ƙaurace mini tun kana mai mutunci

Ya ce: "Aminci ya tabbata a gare ka! zan nemi Ubangijina Ya gafarta maka.* Lalle Shi Ya kasance Mai girmamawa gare ni

Kuma ina nisantar ku da abin da kuke kira, baicin Allah kuma ina kiran Ubangijina, tsammanin kada in zama marashin arziki game da kiran Ubangijina

To, sa'ad da ya nisance su da abin da suke bautawa baicin Allah, Muka ba shi Is'haƙa da Ya'aƙuba alhali kuwa kowanensu Mun mayar da shi Annabi

Kuma Muka yi musu kyauta daga Rahamar Mu, kuma Muka sanya musu harshen gaskiya* maɗaukaki

Kuma ka ambaci Musa a cikin Littafi. Lalle ne shi, ya kasance zaɓaɓɓe, kuma ya kasance Manzo, Annabi

Kuma Muka kira shi daga gefen dutse na dama kuma Muka kusanta shi yana abokin ganawa

Kuma Muka yi masa kyauta daga Rahamar Mu da ɗan'uwan sa Haruna, ya zama Annabi

Kuma ka ambaci Isma'ila a cikin Littafi. Lalle shi, ya kasance mai gaskiyar alkawari, kuma ya kasance Manzo, Annabi

Kuma ya kasance yana umurnin mutanens *da salla da zakka. Kuma ya kasance yardajje a wurin Ubangijinsa

Kuma ka ambaci Idrisa a cikin Littafi. Lalle shi, ya kasance mai yawan gaskatawa, Annabi

Muka ɗaukaka shi a wuri maɗaukaki

Waɗancan su ne waɗanda Allah Ya yi wa ni'ima daga Annabawa daga zurriyar Adamu, kuma daga waɗanda muka ɗauka tare da Nuhu, kuma daga zurriyar Ibrahim da Isra'ila, kuma daga waɗanda Muka shiryar kuma Muka zaɓe su. Idan ana karatun ayoyin Mai rahama a kansu, sai su faɗi suna masu sujada kuma masu kuka

Sai waɗansu 'yan baya* suka maye a bayansu suka tozarta salla, kuma suka bi sha'awowinsu. To, da sannu za su hau da wani sharri

Face wanda ya tuba, kuma ya yi imani, kuma ya aikata aiki na ƙwarai. To, waɗannan suna shiga Aljanna, kuma ba a zaluntar su da kome

Gidajen Aljannar zama wadda Mai rahama ya yi alkawarin bayarwa ga bayinSa (masu aikin imani) a fake. Lalle ne shi, alkawarin ya kasance abin riskuwa

Ba su jin yasassar magana a cikinta, face sallama. Kuma suna da abinci, a cikinta, safe da maraice

Wancan Aljannar ce wadda Muke gadar da wanda ya kasance mai aiki da taƙawa daga bayiNa

(Suna masu cewa) "Kuma ba mu sauka* Face da umuruin Ubangijinka (Muhammad). Shi ne da mulkin abin da ke a gaba gare mu da abin da ke a bayanmu da abin da ke a tsakanin wannan." Kuma** (Ubangijinka bai kasance wanda ake mantawa ba)

Shi ne Ubangijin sammai da ƙasa da abin da yake a tsakanin su. sai ka bauta Masa, kuma ka yi haƙuri ga bautar sa. Shin ka san wani takwara a gare shi

Kuma mutum yana cewa, "Shin idan na mutu lalle ne haƙi ƙa da sannu za a fitar da ni ina mai rai

Shin, kuma mutum ba zai tuna ba cewa lalle ne Mun halitta shi a gabani, alhali kuwa bai kasance kome ba

To, Muna rantsuwa da Ubangijin ka, lalle ne, Muna tayar da su da kuma shaianun sa'an nan, kuma lalle Muna halatar da su da kuma Shaiɗanun sa'an nan, kuma, lalle Muna halatar da su a gefen Jahannama suna gurfane

Sa'an nan kuma lalle Muna fizge wanda yake mafi tsananin girman kai ga Mai rahama daga kowace ƙungiya

Sa'an nan kuma lalle Mu ne Mafi sani ga waɗan da suke su ne mafiya cancantar ƙonuwa da ita

Kuma babu kowa daga gare ku sai mai tuzga mata.* Ya kasance wajibi ga Ubangijinka, hukuntacce

Sa'an nan kuma Mu tserar da waɗanda suka yi aiki da taƙawa, kuma Mu bar azzalumai a cikinta gurfane

Kuma idan ana karatun ayoyinMu, bayyanannu a kansu, sai waɗanda suka kafirta su ce wa waɗanda suka yi imani, "Wanne daga ƙungiyoyin biyu ya fi zama mafi alheri ga matsayi, kuma mafi kyaun majalisa

Kuma da yawa daga mutanen ƙarni Muka halakar a gabaninsu su (waɗandaMuka halakar) in ne mafi kyaun kayan aki da magana

Ka ce: "Wanda ya kasance a cikin ɓata sai Mai rahama Ya yalwata masa yalwatawa, har idan sun ga abin da ake yi musu wa'adi, imma azaba ko sa'a, to za su sani, wane ne yake shi ne, mafi sharri ga wuri, kuma mafi rauni ga runduna

Kuma Allah na ƙara wa wa ɗanda suka nemi shiryuwa da shiriya. Kuma ayyuka masu wanzuwa na ƙwarai ne mafi alheri awurin Ubangijinka ga lada, kuma mafi alheri ga makoma

Shin, ka ga wanda ya kafirta da ayoyinMu, kuma ya ce: "Lalle ne za a ba ni dukiya da ɗiya

Shin, ya tsinkayi gaibi ne, ko kuwa ya ɗauki wani alkawari daga Mai rahama ne

A'aha! za mu rubuta abin da yake faɗa, kuma Mu yalwata masa, daga azaba, yalwatawa

Kuma Mu gade shi ga abin da yake faɗa, kuma ya zo Mana yana shi kɗai

Kuma suka riƙi gumaka,* baicin Allah, domin su kasance mataimaka a gare su

A'aha! Za su kafirta da ibadarsu, kuma su kasance maƙiya a kansu

Shin, ba ka gani ba cewa Mun saki shaiɗanu* a kan kafirai suna shushuta su ga zunubi shushutawa

Saboda haka kada ka yi gaggawa a kansu, Muna yi musu ƙidayar Ajali ne kawai, ƙidayawa

A ranar da Muka tara masu taƙawa zuwa ga Mai rahama suna baƙin girma

Kuma Muna kora masu laifi zuwa Jahannama, gargaawa

Ba su malakar ceto face wanda ya riƙi alkawari a wurin Mai rahama

Kuma suka ce: "Mai rahama Ya riƙi a

Lalle ne haƙiƙa kun zo da wani abu mai girman muni

Sammai suna kusa su tsattsage saboda shi, kuma ƙasa ke kece kuma duwatsu su faɗi suna karyayyu

Domin sun yi da'awar ɗa ga Mai rahama

Alhali ba ya kamata ga Mai rahama ya riƙi wani ɗa

Dukkan wanda yake a cikin sammai da ƙasa bai zama ba face mai je wa Mai rahama ne yana bawa

Lalle ne haƙiƙa Ya lissafe su, kuma ya ƙidaye su, ƙidaya

Kuma dukan kowanensu mai je Masa ne a Ranar ¡iyama yana shi kaɗai

Lalle ne waɗanda suka yi imani, kuma suka aikata ayyuka na ƙwarai, Mai rahama zai sanya musu so

Sa'an nan Ibin sani kawai Mun sauƙaƙar da shi (Alƙur'ani) a harshenka, domin ka yi bushara da shi ga masu aiki da taƙawa kuma ka yi gargaɗi da shi ga mutane masu tsananin husuma

Kuma da yawa Muka halakar da mutanen ƙarnoni a gabaninsu. Shin kana jin motsin wani guda daga gare su, ko kuwa kana jin wata ɗuriya tasu