Hausa - Chapter 30 - Ar-Rum

L. M

An rinjayi Rumawa

A cikin mafi kusantar ƙasarsu, kuma su, a bayan rinjayarsu, za sn rinjaya

A cikin'yan shekaru. Al'amari na Allah ne a gabanin kome da bayansa, kuma a ranar nan muminai za su yi farin ciki

Da taimakon Allah Yana taimakon wanda Yake so. Kuma Shi ne Mabuwayi, Mai jin ƙai

Wa'adin Allah, Allah ba ya saɓawa ga wa'adinsa, kuma amma mafi yawan mutane ba su sani ba

Suna sanin bayyanannar rayuwar duniya, alhali kuwa su shagalallu ne daga rayuwar Lahira

Shin, ba su yi tunani ba a cikin zukatansu cewa Allah bai halitta sammai da ƙasa ba da abin da ke tsakaninsu, face da gaskiya* da ajali ambatacce? Kuma lalle masu yawa daga mutane kafirai ne ga gamuwa da Ubangijinsu

Shin, kuma ba su yi tafiya ba, a cikin ƙasa domin su gani yadda aƙibar waɗanda ke a gabaninsu ta kasance? Sun kasance mafiya ƙarfi daga gare su kuma suka nomi ƙasa suka raya ta fiye da yadda suka raya ta, kuma manzanninsu suka je musu da hujjoji bayyanannu. Sabo da haka Allah ba Ya yiwuwa Ya zalunce su, amma kansu suka kasance suna zalunta

Sa'an nan aƙibar waɗannan da suka aikata mugun aiki ta kasance mafi muni, watau sun ƙaryata game da ayoyin Allah, kuma suka kasance suna izgili da su

Allah ne ke fara yin halitta, sa'an nan Ya sake ta sa'an nan zuwa gare Shi ake mayar da ku

Kuma a ranar da sa'a ke tsayuwa, masu laifi za su kasa magana

Kuma ba su da masu ceto daga abubuwan shirkinsu, kuma snn kasance masu kafircewa daga abubuwan shirkinsu

kuma a ranar tashin Alkiyama ranar ne suke rarrabuwa

To, amma waɗanda suka yi imani, kuma suka aikata ayyukan ƙwarai to su ana faranta musu rayuka, a cikin wani lambu

Kuma waɗanda suka kafirta, kuma suka ƙaryata, game da ayoyinMu da kuma haɗuwa da Ranar Lahira, to, waɗancan ana halartar da su a cikin azaba

Saboda haka tsarkakewa ta tabbata ga Allah a lokacin da kuke shiga maraice, da lokacin da kuke shiga safiya

Kuma Shi ne da godiya, a cikin sammai da ƙasa kuma da lokacin yamma da lokacin zawali

Yana fitar da mai rai daga matacce kuma Yana fitar da matacce daga mai rai, kuma Yana rayar da ƙasa a bayan mutuwarta. Kuma haka ake fitar da ku

Kuma akwai daga ayoyin Sa, Ya halitta ku daga turɓaya, sai ga ku kun zama mutum, kuna watsuwa

Kuma akwai daga ayoyinsa, Ya halitta muku matan aure daga kanku, domin ku natsu zuwa gare ta, kuma Ya sanya soyayya da rahama a tsakaninku.* Lalle a cikin wancan akwai ayoyi ga mutane masu yin tunani

Kuma akwai daga ayoyin Sa halittar sammai da ƙasa da saɓa, war harsunanku, da launukanku. Lalle a cikin wannan akwai ayoyi ga masu ilmi

Kuma akwai daga cikin ayoyin Sa, barcinku a cikin dare da rana, da nemanku ga falalarsa. Lalle a cikin wannan akwai ayoyi ga mutane masu saurarawa

Kuma akwai daga cikin ayoyin Sa, Ya nuna muku walƙiya a kan tsoro da ɗammani kuma Ya dinga saukar da ruwa daga sama Sa'an nan Ya rayar da ƙasa game da shi a bayan mutuwarta. Lalle a cikin wannan akwai ayoyi ga mutane masu hankaltawa

Kuma akwai daga ayoyinsa, tsayuwar sama da asƙa bisa umurninsa, sa'an nan idan Ya kira ku, kira ɗaya, daga ƙasa, sai ga ku kuna fita

Kuma wanda ke cikin sammai da ƙasa Nasa ne shi kaɗai. Dukansu masu tawali'u ne a gare Shi

Kuma Shi ne Wanda Ya fara halitta, sa'an nan Ya sake ta kuma sakewarta ta fi sauƙi a gare shi. Kuma Yana da misali wanda ya fi ɗaukaka a cikin sammai da ƙasa kuma Shi ne Mabuwayi, Mai jin ƙai

Ya buga muku wani misali daga kanku. Ko kuna da abokan tarewa, daga cikin bayin da hannayenku na dama suka mallaka, a cikin arzikinku, watau ku zama daidai a ciki kuna tsoron su kamar tSoronku ga kanku? Haka dai Muke bayyana ayoyi, daki-daki, ga mutane masu hankaltuwa

A'aha! waɗanda suka yi zaunci sun bi son zuciyoyinsu, ba tare da wani ilmi ba. To wane ne zai shiryar da wanda Allah Ya ɓatar, kuma ba su da waɗansu mataimaka

Saboda haka, ka tsayar da fuskarka ga addini,* kana mai karkata zuwa ga gaskiya, halittar Allah da Ya halitta mutane a kanta. Babu musanyawa ga halittar Allah, wannan shi ne addini madaidaici kuma amma mafi yawan mutane ba su sani ba

Kuna masu mai da al'amari gare Shi, kuma ku bi Shi dataƙawa, kuma ku tsayar da salla, kuma kada ku kasance daga mushirikai

Watau waɗanda suka rarrabe addininsu kuma suka kasance ƙungiya-ƙungiya, kowace ƙungiya tana mai farin ciki da abin da ke a gare ta kawai

Kuma idan cuta ta shafi mutane, sai su kirayi Ubangijinsu, suna masu mai da al'amari gare Shi, sa'an nan idan Ya ɗanɗana musu wata rahama daga gare Shi, sai ga wani ɓangare daga gare su suna shirki da Ubangijinsu

Domin su kafirta dl abin da Muka ba su. To ku ji daɗi kaɗan Sa'an nan za ku, sani

Ko Mun saukar da wani dali li a gare su? Shi kuwa yana magana da abin da suka kasance suna shirkin da shi

Kuma idan Muka ɗanɗana wa mutane wata rahama, sai su yi farin ciki da ita kuma idan cuta ta same su, saboda abin da hannayensu suka gabatar, sai ga su suna yanke ƙauna

Shin, kuma ba su gani ba cewa Allah na shimfida arziki ga wanda Yake so kuma Yana ƙuntatawa? Lalle a cikin wancan akwai ayoyi ga mutane masu yin imani

Saboda haka ka bai wa zumu hakkinsa da miskinai da ɗan hanya, wannan shi ne alheri ga waɗanda ke nufin yardar Allah kuma waɗancan su ne masu samun babban rabo

Kuma abin da kuka bayar na riba domin ya ƙaru a cikin dukiyar mutane to, ba zai ƙaru ba, a wurin Allah. Kuma abin da kuka bayar na zakka, kana nufin yardar Allah to (masu yin haka) waɗancan su ne masu ninkawa (ga dukiyarsu)

Allah ne Wanda Ya halicce ku, sa'an nan Ya azurta ku, sa'an nan Ya matar da ku, sa'an nan Ya rayar da ku. Ashe, daga cikin abubuwan shirkinku akwai wanda ke aikata wani abu daga waɗannan ahubuwa? Tsarki ya tabbata ga Allah, kuma Ya ɗaukaka bisa ga abin da suke yi na shirki

¥arna ta bayyana a cikin ƙasa da teku, saboda abin da hannayen mutane suka aikata. Domin Allah Ya ɗanɗana musu sashin abin da suka aikata, ɗammaninsu za su komo

Ka ce: "Ku tafi a cikin ƙasa sa'an nan ku dubi yadda aƙibar waɗanda suka kasance a gabaninku ta kasance. Mafi yawansu sun kasance masu yin shirka

Saboda haka, ka tsayar da fuskarka ga addini madaidaici a gabanin wani yini ya zo, babu makawa gare Shi daga Allah, a ranar nan mutane suna tsagewa (su rabu biyu)

Wanda ya kafirta, to, kafircinsa na kansa, kuma wanda ya aikata aikin ƙwarai, to, saboda kansu suke yin shimfiɗa

Domin Ya saka wa waɗanda suka yi imani, kuma suka aikata ayyukan ƙwarai, daga falalarSa. Lalle Allah ba Ya son kafirai

Kuma akwai daga ayoyinSa, ya aika iskoki masu bayar da bushara kuma domin Ya ɗanɗana muku daga rahamarSa, kuma domin jiragen ruwa su gudana da umurninSa, kuma domin ku nema daga falalar Sa, fatanku za ku gode

Kuma lalle Mun aiki waɗansu Manzanni a gabaninka, zuwa ga mutanensu sai suka je musu da hujjoji, bayyanannu, sa'an nan Muka azabtar da waɗanda suka yi laifi, kuma ya kasance tabbatacce taimakon muminai wajibi ne a kan mu

Allah ne Wanda ke aika iskoki, sai su motsar da girgije, sa'an nan Ya shimfiɗa shi a cikin sama yadda Yake so, kuma Ya sanya shi wani ɓaɓɓake, sa'an nan ka ga ruwa na fita daga tsakaninsa. Sa'an nan idan Allah Ya sami waɗanda Ya so daga bayinsa, Sai ga su suna bushara da shi

Kuma ko da sun kasance a gabanin a saukar da shi a kansu, kusa-kusa, suna baƙin ciki hai ba su iya magana

Sai ka dubi alamomin rahamar Allah yadda Yake rayar da ƙasa a bayan mutuwarta. Lalle wannan (Mai wannan aiki), tabbas, Mai rayar da halitta ne, kuma Shi Mai ikon yi ne a kan kome

Kuma lalle idan Mun aika wata iska, suka ganta fatsifatsi, lalle za su yini a bayansa suna kafirta

Saboda haka, kai, ba ka jiyar da matattu kira, kuma ba ka jiyar da kurame kira idan sun juya baya suna gudu

Kuma ba ka zamo mai shiryar da makafi ba daga ɓatarsu, ba ka jiyarwa face wanda ke yin imani da ayoyin Mu, watau su ne masu miƙa wuya, su sallama

Allah ne Ya halitta ku daga rauni,* sa'an nan Ya sanya wani ƙarfi a bayan wani rauni, sa'an nan Ya sanya wani rauni da furfura a bayan wani ƙarfi, Allah na halitta abin da Ya so, kuma Shi ne Mai ilmi, Mai ikon yi

Kuma a ranar da Sa'a* ke tsayuwa, masu laifi na rantsuwa: Ba su zauna a cikin kabari ba face sa'a guda. Kamar haka suka kasance ana karkatar da su

Kuma waɗanda aka bai wa ilmi da imani suka ce: "Lalle, haƙiƙa kun zauna a cikin Littafin Allah, har zuwa ranar tayarwa, to, kuma wannan ita ce ranar tayarwar, kuma amma ku, kun kasance* ba ku sani ba

To, a ranar da uzurin waɗanda suka yi zalunci ba ya amfaninsu, kuma ba a neman yardarsu

Kuma lalle tabbas Mun buga kowane irin misali ga mutane a cikin wannan Alƙur'ani, kuma lalle idan ka je musu da kowace aya, lalle, waɗanda suka kafirta za su ce "Ku, ba kome kuke ba face masu barua

Kamar haka Allah Yake shafe haske a kan zukatan waɗanda ba su sani ba

Saboda haka ka yi haƙuri lalle wa'adin Allah gaskiya ne, kuma kada waɗanda ba su da yaƙini su sassance maka hankali