Hausa - Chapter 29 - Al-Ankabut

L. M

Ashe, mutane sun yi zaton a bar su su ce: "Mun yi imani," alhali kuwa ba za a Jarrabe su ba

Kuma lalle Mun fitini waɗanda ke a gabaninsu, domin lalle Allah Ya san waɗanda suka yi gaskiya, kuma lalle Ya san maƙaryata

Ko waɗanda ke aikata miyagun ayyuka sun yi zaton su tsere Mana? Abin da suke hukuntawa ya munana

Wanda ya kasance yana fatan gamuwa da Alah to lalle ajalin Allah mai zuwa ne, kuma (Allah) Shi ne Mai ji, Masani

Kuma wanda ya yi jihadi, to, yana yin jihadin ne domin kansa. lalle Allah haƙiƙa waɗatacce ne daga barin talikai

Kuma waɗanda suka yi imani, kuma suka aikata ayyukan ƙwarai, lalle Muna kankare musu miyagun ayyukansu, kuma lalle Muna saka musu da mafi kyaun abin da suka kasance suna aikatawa

Kuma Mun yi wa mutum wasiyyar kyautatawa ga uwayensa, kuma idan sun tsananta maka domin ka yi shirki da Ni game da abin da ba ka da ilmi gare shi, to, kada ka yi musu ɗa'a. Zuwa gare Ni makomarku take sa'an nan In ba ku labari ga abin da kuka kasance kuna aikatawa

Kuma waɗanda suka yi imani, kuma suka aikata ayyukan ƙwarai, lalle Muna shigar da su a cikin mutanen kirki

Kuma daga cikin mutane akwai mai cewa, 'Mun yi imani da Allah" sa'an nan idan aka cuce shi wajen aikin Allah, sai ya sanya fitinar mutane kamar azabar Allah kuma lalle idan taimakon Ubangijinka ya zo, haƙiƙa, ya kan ce: "Lalle mu mun kasance tare da ku." shin, Allah bai zama Mafi sani ba ga abin da ke a cikin ƙirazan halittun Sa

Kuma lalle Allah na sanin waɗanda suka yi imani kuma lalle Yana sanin munafukai

Kuma waɗanda suka kafirta suka ce wa waɗanda suka yi imani, "Ku bi hanyarmu, kuma Mu ɗauki laifuffukanku," alhali kowa ba su zamo masu ɗauka da a kome ba daga laifuffukansu. Lalle su maƙaryata ne

Kuma lalle suna ɗaukar kayan nauyinsu da waɗansu nauyayan kaya tare da kayan nauyinsu, kuma lalle za a tambaye su a Ranar ¡iyama game da abin da suka kasance suna ƙirƙirawa na ƙarya

Kuma lalle Mun aika Nuhu zuwa ga mutanensa, sai ya zauna a cikinsu shekara dubu face shekara hamsin, sa'an nan cikowar (¦ufana) ta kama su, alhali kuwa su ne masu zalunci

Sa'an nan Muka tsirar da shi da mutanen jirgin, kuma Muka sanya jirgin ya zama wata aya ga talikai

Da Ibrahim a lokacin da ya ce wa mutanensa, "Ku bauta wa Allah ku bi Shi da taƙawa. Wannan Shi ne alheri a gare ku idan kun kasance kuna sani

Abin da dai kuke bautawa, baiein Allah, gumaka ne, kuma kun ƙirƙira ƙarya. Lalle waɗannan da kuke bauta wa baicin Allah, ba su mallaka muku arziki. Saboda haka ku nemi arziki a wurin Allah kawai, kuma ku bauta Masa, kuma ku yi godiya zuwa gare Shi. Zuwa gare Shi ake mayar da ku

Kuma idan kun ƙaryata, to, lalle waɗansu al'ummomi a gabaninku sun ƙaryata, kuma babu abin da ke kan Manzo, face ayar da manzanci, iyarwa bayyananna

Shin, ba su* ga yadda Allah ke fara yin halitta ba, sa'an nan kuma Ya mayar da ita? Lalle wannan abu ne mai sauƙi ga Allah

Ka ce: "Ku yi tafiya cikin ƙasa, sa'an nan ku duba yadda (Allah) Ya fara yin halitta, sa'an nan kuma Allah Yana ƙaga wata halittar mayarwa. Lalle Allah Mai ikon yi ne a kan kome

Yana azabta wanda Ya so, kuma Yana jin ƙan wanda Ya so. Kuma zuwa gare shi ake juyaku

Kuma ba ku zamo masu buwaya ba a cikin ƙasa, kuma haka a cikin sama kuma ba ku da wani majiɓinci wanda ba Allah ba, kuma ha ku da wani mataimaki

Kuma waɗanda suka kafirta da ayoyin Allah da gamuwa da shi, waɗannan sun yanke ƙauna daga rahamaTa kuma waɗannan suna da wata azaba mai raɗaɗi

Sa'an nan babu abin da ya kasance jawabin mutanensa (Ibrahim) face dai suka ce: "Ku kashe shi ko, ku ƙona shi," Sai Allah Ya tsirar da shi daga wuta. Lallea cikin wannan akwai ayoyi ga mutanen da ke yin imani

Kuma Ibrahim ya ce "Babu abin da kuka yi sai dai kub bar Allah kun riƙi gumaka saboda soyayyar tsakaninku a cikin rayuwar duniya, a'an nan a Ranar ¡iyama sashinku zai kafirce wa sashi, kuma makomarku ita ce wuta kuma ba ku da waɗansu mataimaka

Sai Luɗu ya yi imani da shi. Kuma Ibrahim ya ce: "Lalleni mai ƙaura ne zuwa ga Ubangijina. Lalle Shi Shi ne Mabuwayi, Mai hikima

Kuma Muka ba shi Ishaƙa da Ya'aƙuba, kuma Muka sanya Annabci da littafi a cikin zuriyarsa. Kuma Mun ba shi sakamakonsa a duniya, kuma lalle shi a Lahira, tabbas, yana a cikin salihai

Da Luɗu, a lokacin daya ce wa mutanensa, "Lalle ku, haƙiƙa kuna je wa alfasha wadda wani mahaluƙi daga cikin duniya bai riga ku gare ta ba

Ashe, lalle ku kuna je wa maza, kuma ku yi fashin hanya kuma ku je, a cikin majalisarku da abin da ba shi da kyau? To, jawabin mutanensa bai kasance ba face dai sun ce: 'Ka zo mana da azabar Allah, idan ka kasance daga masu gaskiya

Ya ce: "Ya Ubangijina! Ka taimake ni a kan mutanen nan maɓarnata

Kuma a lokacin da Manzannin Mu suka je wa Ibrahim da bushara suka ce: "Lalle mu masu halaka mutanen, wannan alƙarya ne. Lalle mutanenta sun kasance masu zalunci

Ya ce: "Lalle akwai Luɗu a cikinta!" Suka ce: "Mu ne mafiya sani ga waɗanda suke a cikinta, lalle muna tsirar da shi da mutanensa, face fa matarsa ta kasance a cikin masu wanzuwa

Kuma a lokacin da Manzannin Mu suka je wa Luɗu ya ɓata rai saboda su, kuma ya ƙuntata ga kirji saboda su. Kuma suka ce: "Kada ka ji tsoro kuma kada ka yi baƙin ciki lalle mu masu tsirar da kai ne da iyalanka, face dai matarka ta kasance daga masu wanzuwa

Lalle mu, masu saukar da azaba ne daga sama a kan mutanen wannan alƙarya saboda abin da suka kasance suna yi na fasiƙanci

Kuma lalle Mun bar wata aya bayyananna daga gare ta ga mutane masu hankalta

Kuma zuwa ga Madyana, Mun aika ɗan'uwansu shu'aibu, sai ya ce: "Ya mutanena! Ku bauta wa Allah kuma ku yi fatan (rahamar) Ranar Lahira, kuma kada ku yi ɓarna a cikin ƙasa, alhali kuwa kuna masu lalatarwa

Sai suka ƙaryata shi, saboda haka tsawa ta kama su, domin haka suka wayi gari suna guggurfane

Da Adawa da Samudawa alhali kuwa lalle alamun azaba sun bayyana a gare su daga gidajensu kuma Shaiɗan ya ƙawata musu ayyukansu, saboda haka ya kange su daga hanyar Allah, kuma sun kasance masu basira

Kuma ¡aruna da Fir'auna da Hamana, kuma lalle Musaya je musu da hujjoji, sai suka yi girman kai a cikin ƙasa kuma ba su kasance masu tserewa ba

Saboda haka kowanensu Mun kama shi da laifinsa. Watau daga cikinsu akwai wanda Muka aika iskar tsakuwa a kansa kuma daga cikinsu akwai wanda tsawa ta kama, kuma daga cikinsu akwai wanda Muka birkice ƙasa da shi kuma daga cikinsu akwai wanda Muka nutsar. Ba ya yiwuwa ga Allah Ya zalunce su, amma sun kasance kansu suke zalunta

Misalin waɗanda suka riƙi waɗansu masoya waɗanda ba Allah ba, kamar misalin gizogizo ne wanda ya riƙi wani ɗan gida, alhali kuwa lalle mafi raunin gidaje, shi ne gidan gizogizo, da sun kasance suna sane

Lalle Allah Yana sane da abin da suke kira wanda ba Shi ba na wani abu duka kuma shi ne Mabuwayi, Mai hikima

Kuma waɗancan misalan Muna bayyana su ga mutane kuma babu mai hankalta da su sai masu ilmi

Allah Ya halitta sammai da ƙasa da gaskiya. Lalle cikin wancan akwai aya ga muminai

Ka karanta abin da ake yin wahayi zuwa gare ka daga Littafi, kuma ka tsayar da salla. Lalle salla tana hanawa daga alfasha da abni ƙyama, kuma lalle ambaton Allah yafi girma, kuma Allah Yana sane da abin da kuke aikatawa

Kada ku yi jayayya da mazowa Littafi sai fa da magana wadda ta fi kyau, sai fa waɗanda suka yi zalunci daga gare su, kuma ku ce, "Mun yi imani da abin da aka saukar a gare mu kuma aka saukar a gare ku, kuma Abin bautawarmu da Abin bautawarku Guda ne, kama mu masu sallamawa ne a gare shi

Kuma kamar haka Muka saukar da Littafi a gare ka, to, waɗannan da Muka bai wa Littafi sana imani da shi, daga cikin waɗannan akwai mai imani da shi, kuma babu mai musun ayoyin Mu, face kafirai

Kuma ba ka kasance kana karatun wani littafi ba a gabaninsa, kuma ba ka rubutunsa da damanka da haka ya auku, da masu ɓarna sun yi shakka

A'a, shi ayoyi ne bayyanannu a cikin ƙirazan waɗanda aka bai wa ilmi. Kuma babu mai musun ayoyin Mu face azzalumai

Kuma suka ce: "Don me ba a saukar masa da ayoi ba daga Ubangijinsa? "Ka ce: "Su ayoyi a wurin Allah kawai suke, kuma lalle ni mai gargaɗi kawai ne, mai bayyanawa

Shin bai ishe su ba cewa lalle Mu, Mun saukar da Littafin akanka, ana karanta shi a kansu? Lalle a cikin wancan haƙiƙa akwai rahama da tunatawa ga mutanen da ke yin imani

Ka ce: "Allah Ya isa shaida a tsakanina da tsakaninku Yana sane da abin da ke a cikin sammai da ƙasa, kuma waɗanda suka yi imani da ɗarya kuma suka kafirta da Allah, waɗannan su nemasu hasara

Kuma suna neman ka da gaggauta azaba, to, ba domin ajali ƙayyadadde ba, da azaba ta je musu kuma lalle da tana iske su bisa ia abke, alhali kuwa su ba su sani ba

Suna neman ka da gaggauta azaba, kuma lalle Jahannama, tabbas, mai kewayewa ce gakafirai

Ranar da azaba ke rufe su daga samansu da kuma ƙasan ƙafafunsu kuma Ya* ce: "Ku ɗanɗani abin da kuka kasance kuna aikatawa

Ya bayiNa, waɗanda suka yi imani! Lalle fa ƙasaTa mai yalwa* ce, sabada haka ku bauta Mini

Kowane rai mai ɗanɗanar mutuwa ne, sa'an nan zuwa gare Mu ake mayar da ku

Kuma waɗanda suka yi imani kuma suka aikata ayyukan ƙwarai, lalle za Mu zaunar da su daga cikin Aljanna a gidajen bene, ƙoramu na gudana daga ƙarƙashinsu, suna madawwama a cikinsu. To, madalla da sakamakon masu aikin ƙwarai

Waɗanda suka yi haƙuri, kuma suna dogara ga Ubangijinsu kawai

Kuma da yawa* dabba wadda ba ta ɗaukar abincinta Allah Yana ciyar da ita tare da ku, kuma Shi ne Mai ji, Mai ilmi

Lalle idan ka tambaye su: "Wane ne ya halitta sammai da ƙasa kuma ya hore rana da wata?" Lalle suna cewa Allah ne. TO, yaya ake karkatar da su

Alah ne ke shimfiɗa arziki ga wanda Yake so daga cikin bayinsa kuma Yana ƙuntatawa ga (wanda, Yake so). Lalle Allah, Masani ne ga dukan kome

Kuma lalle idan ka tambaye su. "Wane ne ya saukar da ruwa daga sama, har ya rayar da ƙasa game da shi a bayan mutuwarta?" Lalle suna cewa, "Allah ne." Ka ce: "Godiya ta tabbata ga Allah." A'a, mafi yawansu ba su hankalta

Kuma wannan rayuwa ta duniya ba ta zamo ba, face abar shagala da wasa kuma lalle Lahira tabbas, ita ce rayuwa, da sun kasance suna sani

To, a lokacin da suka shiga cikin jirgin ruwa, sun kirayi Allah suna masu tsarkake addini a gare shi, to, a lokacin da Ya tsirar da su zuwa ga tudun ƙasa, sai ga su suna shirki

Domin su kafirce wa abin da Muka ba su kuma domin su ji daɗi sa'an nan kuma za su sani

Shin, ba su ga cewa, lalle Mun sanya Hurumi amintacce ba alhali kuwa ana fisge mutane a gefensu? Shin, da ɓataccen abu suke imani kuma da ni'imarAllah suka kafirta

Kuma wane ne ya fi zalunci bisa ga wanda ya ƙirƙira ƙarya ya jingina ta ga Allah, ko kuma ya ƙaryata gaskiya a lokacin da ta je masa? Ashe a cikin Jahannama babu mazauna ga kafirai

Kuma wadannan da suka yi ƙoƙari ga neman yardarMu, lalle Muna shiryar da su ga hanyoyinMu, kuma lalle Allah, tabbas, Yana tare da masu kyautatawa (ga addininsu)