Hausa - Chapter 32 - As-Sajdah

L. M

Saukar da Littafin babu shakka a gare shi, daga Ubangijin talikai yake

Ko suna cewa (Muhammadu ne) ya ƙirƙira shi? A'a, shi ne gaskiya daga Ubangijinka, domin ka yi gargaɗi ga mutane waɗanda wani mai gargaɗi bai je musu ba a gabaninka, fatan za su shiryu

Allah ne wanda Ya halitta sammai da ƙassai da abin da yake a tsakaninsu a cikin kwanuka shida, sa'an nan Ya daidaita a kan Al'arshi. Ba ku da, baicin Shi, wani majiɓinci kuma babu wani maceci. Shin, ba za ku yi tunani ba

Yana shirya al'amari daga sama zuwa ga ƙasa, sa'an nan ya taka zuwa gare Shi a cikin yini, wanda gwargwadonsa shekaru dubu ne ga abin da kuke lissafawa

Wannan shi ne Masanin fake da bayyane, Mabuwayi, Mai jinƙai

Wanda Ya kyautata kome, Wanda Ya halitta shi. Shi ne kuma Ya fara halittar mutum daga laka

Sa'an nan Ya sanya ɗiyansa daga wani asali na wani ruwa wulakantacce

Sa'an nan Ya daidaita shi, kuma Ya hura a cikinsa, daga ruhinSa kuma Ya sanya muku ji, da ganunuwa da zukata. Godiyarku kaɗan ce ƙwarai

Kuma suka ce: "Shin, idan mun ɓace a cikin ƙasa, shin, lalle mu, tabbas ne muna zama a cikin wata halitta sabuwa?" A'a, su game da gamuwa da Ubangijinsu kafirai

Ka ce: "Mala, ikin mutuwa ne. wanda aka wakkala a gare ku, shi ne ke karɓar rayukanku.* Sa'an nan zuwa ga Ubangijinku ake mayar da ku

Kuma da ka gani a lokacin da masu laifi suke masu sunkuyar da kawunansu a wurin Ubangijinsu, "Ya Ubangijinmu! Mun gani, kuma mun ji, to, Ka mayar da mu mu aikata aiki na ƙwarai. Lalle mu masu yaƙini ne

Kuma da Mun so da Mun bai wa kowane rai shiriyarsa to, amma magana ta tabbata daga gare Ni! Lalle ne Ina cika Jahannama daga aljannu da mutane gaba ɗaya

To, ku ɗanɗana saboda abin da kuka manta na haɗuwa da ranarku wannan. Lalle Mu ma Mun manta da ku, kuma ku danɗani azabar dawwama saboda abin da kuka kasance kuna aikatawa

Waɗanda ke imani da ayoyin Mu kawai, su ne waɗanda idan aka karanta musu ayoyinMu sai su faɗi suna masu sujada kuma su yi tasbihi game da gode wa Ubangijinsu, alhali kuwa su ba su yin girman kai

Sasanninsu na nisanta daga wuraren kwanciya, suna kiran Ubangijinsu bisa ga tsoro da ɗammani, kuma suna ciryawa daga abin da Muka azurta su

Saboda haka wani rai bai san abin da aka ɓoye musu ba, na sanyin idanu, domin sakamako ga abin da suka kasance suna aikatawa

Shin, wanda ya zama mumini yana kamar wanda ya zama fasiƙi? Ba za su yi daidai ba

Amma waɗanda suka yi imani, kuma suka aikata ayyukan ƙwafai, to, suna da gidajen Aljannar makoma, a kan liyafa saboda abin da suka kasance suna aikatawa

Kuma waɗanda suka yi fasiƙanci to makomarsu ita ce wuta, ko da yaushe suka yi nufin su fita daga gare ta, sai a mayar da su a cikinta, kuma a ce musu: "Ku ɗanɗana azabai wuta, wadda kuka kasance kuna ƙaryatawa game da ita

Kuma lalle Muna ɗanɗana musu daga azaba, mafi ƙasƙanci, kafin a kai ga azaba mafi girma, domin fatan za su komo

Kuma wane ne ya fi zalunci bisa ga wanda aka tunatar da ayoyin Ubangijinsa, sa'an na ya bijire daga barinsu? Lalle Mu, Masu yin azabar ramuwa ne ga masu laifi

Kuma lalle haƙiƙa, Mun bai wa Musa Littafi,* saboda haka kada ka kasance a cikin shakka daga haɗuwa da shi. Kuma Mun sanya shi ya zama shiriya ga Bani Isra'ila

Kuma Mun sanya shugabanni daga cikinsu, suna shiryarwa da umurnin Mu, a lokacin da suka yi haƙuri, kuma sun kasance suna yin yaƙini da ayoyin Mu

Lalle Ubangijinka shi ne zai rarrabe a tsakaninsu a Ranar ¡iyama a cikin abin da suka kasance suna saɓa wa juna a cikinsa

Shin, ba ya shiryar da su cewa da yawa Muka halakara gabaninsu, daga al'ummomi suna tafiya a cikin masaukansu?* Lalle a cikin wancan akwai ayoyi. Shin, ba su ji ne

Shin, kuma ba su gani ba cewa lalle Mu, Muna kora ruwa zuwa ga ƙasa ƙeƙasasshiya, sa'an nan Mu fitar, game da shi, wata shuka wadda dabbobinsu, da su kansu ke ci daga gare ta? Ashe fa ba su gani ba

Kuma suna cewa, "Yaushe wannan hukunci yake, aukuwa idan kun kasance masu gaskiya

Ka ce: "Ranar hukuncin nan, imanin waɗanda suka kafirta ba zai amfane su ba (a cikinta) kuma ba za a yi musu jinkiri ba

Saboda haka ka kau da kai daga barinsu, kuma, ka yi jira lalle, su ma masu jira ne