Hindi - Chapter 34 - Saba

prashansa allaah hee ke lie hai jisaka vah sab kuchh hai jo aakaashon aur dharatee mein hai. aur aakhirat mein bhee usee ke lie prashansa hai. aur vahee tatvadarshee, khabar rakhanevaala hai

vah jaanata hai jo kuchh dharatee mein pravisht hota hai aur jo kuth usase nikalata hai aur jo kuchh aakaash se utarata hai aur jo kuchh usamen chadhata hai. aur vahee atyant dayaavaan, kshamaasheel hai

jin logon ne inakaar kiya unaka kahana hai ki "hamapar qiyaamat kee ghadee nahin aaegee." kah do, "kyon nahin, mere paroksh gyaata rab kee qasam! vah to tumapar aakar rahegee - usase kanabhar bhee koee cheez na to aakaashon mein ojhal hai aur na dharatee mein, aur na isase chhotee koee cheez aur na badee. kintu vah ek spasht kitaab mein ankit hai.

taaki vah un logon ko badala de, jo eemaan lae aur unhonne achchhe karm kie. vaheen hai jinake lie kshama aur pratishthaamay aajeevika hai

rahe ve log jinhonne hamaaree aayaton ko maat karane ka prayaas kiya, vah hai jinake lie bahut hee bure prakaar kee dukhad yaatana hai.

jin logon ko gyaan praapt hua hai ve svayan dekhate hai ki jo kuchh tumhaare rab kee or se tumhaaree or avatarit hua hai vahee saty hai, aur vah usaka maarg dikhaata hai jo prabhutvashaalee, prashansa ka adhikaaree hai

jin logon ne inakaar kiya ve kahate hai ki "kya ham tumhen ek aisa aadamee bataen jo tumhen khabar deta hai ki jab tum bilakul choorn-vichoorn ho jaoge to tum naveen kaay mein jeevit hoge

kya usane allaah par jhooth ghadakar thopa hai, ya use kuchh unmaad hai? nahin, balki jo log aakhirat par eemaan nahin rakhate ve yaatana aur parale daraje kee gumaraahee mein hain

kya unhonne aakaash aur dharatee ko nahin dekha, jo unake aage bhee hai aur unake peechhe bhee? yadi ham chaahen to unhen dharatee mein dhansa den ya unapar aakaash se kuchh tukade gira den. nishchay hee isamen ek nishaanee hai har us bande ke lie jo rujoo karanevaala ho

hamane daood ko apanee or se shreshth ta pradaan kee, "ai parvaton! usake saath tasabeeh ko pratidhvanit karo, aur pakshiyon tum bhee!" aur hamane usake lie lohe ko narm kar diya

ki "pooree kavachen bana aur kadiyon ko theek andaazen se jod." - aur tum achchha karm karo. nissandeh jo kuchh tum karate ho use main dekhata hoon

aur sulaimaan ke lie vaayu ko vasheebhut kar diya tha. praatah samay usaka chalana ek maheene kee raah tak aur saayankaal ko usaka chalana ek maheene kee raah tak - aur hamane usake lie pighale hue taanbe ka srot baha diya - aur jinnon mein se bhee kuchh ko (usake vasheebhoot kar diya tha,) jo apane rab kee anugya se usake aage kaam karate the. (hamaara aadesha tha,) "unamen se jo hamaare hukm se phirega use ham bhadakatee aag ka maza chakhaenge.

ve usake lie banaate, jo kuchh vah chaahata - bade-bade bhavan, pratimaen, bade hauz jaise thaal aur jamee rahanevaalee degen - "ai daood ke logon! karm karo, krtagyata dikhaane roop mein. mere bandon mein krtagy thode hee hain.

phir jab hamane usake lie maut ka faisala laagoo kiya to phir un jinnon ko usakee maut ka pata bas bhoomi ke us keede ne diya jo usakee laathee ko kha raha tha. phir jab vah gir pada, tab jinnon par prakat hua ki yadi ve paroksh ke jaananevaale hote to is apamaanajanak yaatana mein pade na rahate

saba ke lie unake nivaas-sthaan hee mein ek nishaanee thee - daen aur baen do baag, "khao apane rab kee rozee, aur usake prati aabhaar prakat karo. bhoomi bhee achchhee-see aur rab bhee kshamaasheel.

kintu ve dhyaan mein na lae to hamane unapar bandh-tod baadh bhej dee aur unake donon baagon ke badale mein unhen do doosare baag die, jinamen kadave-kasaile phal aur jhaad the, aur kuchh thodee-see jhad-beriyaan

yah badala hamane unhen isalie diya ki unhonne krtadhnata dikhaee. aisa badala to ham krtadhn logon ko hee dete hai

aur hamane unake aur un bastiyon ke beech jinamen hamane barakat rakhee thee pratyaksh bastiyaan basaee aur unamen safar kee manzilen khaas andaaze par rakheen, "unamen raat-din nishchint hokar chalo phiro

kintu unhonne kaha, "ai hamaare rab! hamaaree yaatraon mein dooree kar de." unhonne svayan apane hee oopar zulm kiya. antatah ham unhen (ateet kee) kahaaniyaan banaakar rahe, aur unhen bilkul chhinn-bhinn kar daala. nishchay hee isamen nishaaniyaan hai pratyek bade dhairyavaan, krtagy ke lie

ibalees ne unake vishay mein apana gumaan saty paaya aur eemaanavaalo ke ek giroh ke siva unhonne usee ka anusaran kiya

yadyapi usako unapar koee zor aur adhikaar praapt na tha, kintu yah isalie ki ham un logon ko jo aakhirat par eemaan rakhate hai un logon se alag jaan le jo usakee or se kisee sandeh mein pade hue hai. tumhaara rab har cheez ka abhirakshak hai

kah do, "allaah ko chhodakar jinaka tumhen (upaasy hone ka) daava hai, unhen pukaar kar dekho. ve na allaah mein kanabhar cheez ke maalik hai aur na dharatee mein aur na un donon mein unaka koee saajhee hai aur na unamen se koee usaka sahaayak hai.

aur usake yahaan koee sifaarish kaam nahin aaegee, kintu usee kee jise usane (sifaarish karane kee) anumati dee ho. yahaan tak ki jab unake dilon se ghabaraahat door ho jaegee, to ve kahenge, "tumhaare rab ne kya kaha?" ve kahenge, "sarvatha saty. aur vah atyant uchch, mahaan hai.

kaho, "kaun tumhen aakaashon aur dharatee mein rozee deta hai?" kaho, "allaah!" ab avashy hee ham hai ya tum hee ho maarg par, ya khulee gumaraahee mein

kaho, "jo aparaadh hamane kie, usakee poochh tumase na hogee aur na usakee poochh hamase hogee jo tum kar rahe ho.

kah do, "hamaara rab ham sabako ikattha karega. phir hamaare beech theek-theek faisala kar dega. vahee khoob faisala karanevaala, atyant gyaanavaan hai.

kaho, "mujhe unako dikhao to, jinako tumane saajheedaar banaakar usake saath jod rakha hai. kuchh nahin, balki bahee allaah atyant prabhutvashaalee, tatvadarshee hai.

hamane to tumhen saare hee manushyon ko shubh-soochana denevaala aur saavadhaan karanevaala banaakar bheja, kintu adhikatar log jaanate nahin

ve kahate hai, "yah vaada kab poora hoga, yadi tum sachche ho

kah do, "tumhaare lie ek vishesh din kee avadhi niyat hai, jisase na ek ghadee bhar peechhe hatoge aur na aage badhoge.

jin logon ne inakaar kiya ve kahate hai, "ham is quraan ko kadaapi na maanenge aur na usako jo isake aage hai." aur yadi tum dekh paate jab zaalim apane rab ke saamane khade kar die jaenge. ve aapas mein ek-doosare par ilzaam daal rahe honge. jo log kamazor samajhe gae ve un logon se jo bade banate the kahenge, "yadi tum na hote to ham avashy hee eemaanavaale hote.

ve log jo bade banate the un logon se jo kamazor samajhe gae the, kahenge, "kya hamane tumhe us maargadarshan se roka tha, vah tumhaare paas aaya tha? nahin, balki tum svayan hee aparaadhee ho.

ve log kamazor samajhe gae the bade bananevaalon se kahenge, "nahin, balki raat-din kee makkaaree thee jab tum hamase kahate the ki ham allaah ke saath kufr karen aur doosaron ko usaka samakaksh thaharaen." jab ve yaatana dekhenge to man hee man pachhataenge aur ham un logon kee garadanon mein jinhonne kufr kee neeti apanaee, tauq daal denge. ve vahee to badale mein paenge, jo ve karate rahe the

hamane jis bastee mein bhee koee sachetakarta bheja to vahaan ke sampann logon ne yahee kaha ki "jo kuchh dekar tumhen bheja gaya hai, ham to usako nahin maanate.

unhonne yah bhee kaha ki "ham to dhan aur santaan mein tumase badhakar hai aur ham yaatanaagrast honevaale nahin.

kaho, "nissandeh mera rab jisake lie chaahata hai rozee kushaada kar deta hai aur jise chaahata hai napee-tulee deta hai. kintu adhikaansh log jaanate nahin.

vah cheez na tumhaare dhan hai aur na tumhaaree santaan, jo tumhen hamase nikat kar de. alabata, jo koee eemaan laaya aur usane achchha karm kiya, to aise hee log hai jinake lie usaka kaee guna badala hai, jo unhonne kiya. aur ve ooparee manjil ke kakshon mein nishchintata-poorvak rahenge

rahe ve log jo hamaaree aayaton ko maat karane ke lie prayaasarat hai, ve laakar yaatanaagrast kie jaenge

kah do, "mera rab hee hai jo apane bandon mein se jisake lie chaahata hai rozee kushaada kar deta hai aur jisake lie chaahata hai napee-tulee kar deta hai. aur jo kuchh bhee tumane kharch kiya, usakee jagah vah tumhen aur dega. vah sabase achchha rozee denevaala hai.

yaad karo jis din vah un sabako ikattha karega, phir farishton se kahega, "kya tumhee ko ye poojate rahe hai

ve kahenge, "mahaan hai too, hamaara nikatata ka madhur sambandh to tujhee se hai, unase nahin; balki baat yah hai ki ve jinnon ko poojate the. unamen se adhikatar unheen par eemaan rakhate the.

atah aaj na to tum paraspar ek-doosare ke laabh ka adhikaar rakhate ho aur na haani ka." aur ham un zaalimon se kahenge, "ab us aag kee yaatana ka maza chakho, jise tum jhuthalaate rahe ho.

unhen jab hamaaree spasht aayaten padhakar sunaee jaatee hai to ve kahate hai, "yah to bas aisa vyakti hai jo chaahata hai ki tumhen unase rok den jinako tumhaare baap-daada poojate rahe hai." aur kahate hai, "yah to ek ghada hua jhooth hai." jin logon ne inakaar kiya unhonne saty ke vishay mein, jabaki vah unake paas aaya, kah diya, "yah to bas ek pratyaksh jaadoo hai.

hamane unhen na to kitaabe dee theen, jinako ve padhate hon aur na tumase pahale unakee or koee saavadhaan karanevaala hee bheja tha

aur jhoothalaaya un logon ne bhee jo unase pahale the. aur jo kuchh hamane unhen diya tha ye to usake dasaven bhaag ko bhee nahin pahunche hai. to unhonne mere rasoolon ko jhuthalaaya. to phir kaisee rahee meree yaatana

kaho, "main tumhen bas ek baat kee naseehat karata hoon ki allaah ke lie do-do aur ek-ek karake uth rakhe ho; phir vichaar karo. tumhaare saathee ko koee unmaad nahin hai. vah to ek kathor yaatana se pahale tumhen sachet karanevaala hee hai.

kaho, "main tumase koee badala nahin maangata vah tumhen hee mubaarak ho. mera badala to bas allaah ke zimme hai aur vah har cheej ka saakshee hai.

kaho, "nishchay hee mera rab saty ko asaty par gaalib karata hai. vah paroksh kee baaten bhalee-bhaanthi jaanata hai.

kah do, "saty aa gaya (asaty mit gaya) aur asaty na to aarambh karata hai aur na punaraavrtti hee.

kaho, "yadi main pathabhrasht. ho jaoon to pathabhrasht hokar main apana hee bura karoonga, aur yadi main seedhe maarg par hoon, to isaka kaaran vah prakaashana hai jo mera rab meree or karata hai. nissandeh vah sab kuchh sunata hai, nikat hai.

aur yadi tum dekh lete jab ve ghabarae hue honge; phir bachakar bhaag na sakenge aur nikat sthaan hee se pakad lie jaenge

aur kahenge, "ham usapar eemaan le aae." haalaanki unake lie kahaan sambhav hai ki itane doorasth sthaan se usako paas saken

isase pahale to unhonne usaka inakaar kiya aur doorasth sthaan se bin dekhe teer-tookke chalaate rahe

unake aur unakee chaahaton ke beech rok laga dee jaegee; jis prakaar isase pahale unake sahamaargee logon ke saath maamala kiya gaya. nishchay hee ve daanvaadol kar denevaale sandeh mein pade rahe hain