Hindi - Chapter 35 - Fatir

sab prashansa allaah ke lie hai, jo aakaashon aur dharatee ka paida karanevaala hai. do-do, teen-teen aur chaar-chaar farishton ko baazuonvaalon sandeshavaahak banaakar niyukt karata hai. vah sanrachana mein jaisee chaahata hai, abhivrddhi karata hai. nishchay hee allaah ko har cheez kee saamarthy praapt hai

allaah jo dayaaluta logon ke lie khol de use koee rokanevaala nahin aur jise vah rok le to usake baad use koee jaaree karanevaala bhee nahin. vah atyant prabhutvashaalee, tatvadarshee hai

ai logo! allaah kee tumapar jo anukampa hai, use yaad karo. kya allaah ke siva koee aur paida karanevaala hai, jo tumhen aakaash aur dharatee se rozee deta ho? usake siva koee poojy-prabhu nahin. to tum kahaan se ulate bhatake chale ja rahe ho

aur yadi ve tumhen jhuthalaate to tumase pahale bhee kitane hee rasool jhuthalae ja chuke hai. saare maamale allaah hee kee or palatate hain

ai logon! nishchay hee allaah ka vaada sachcha hai. atah saansaarik jeevan tumhen dhokhe mein na daale aur na vah dhokhebaaz allaah ke vishay mein tumhen dhokha de

nishchay hee shaitaan tumhaara shatru hai. atah tum use shatru hee samajho. vah to apane giroh ko keval isee lie bula raha hai ki ve dahakatee aagavaalon mein sammilit ho jaen

ve log hai ki jinhonne inakaar kiya unake lie kathor yaatana hai. kintu jo eemaan lae aur unhonne achchhe karm kie unake lie kshama aur bada pratidaan hai

phir kya vah vyakti jisake lie usaka bura karm suhaana bana diya gaya ho aur vah use achchha dikh raha ho (to kya vah buraee ko chhodega)? nishchay hee allaah jise chaahata hai maarg se vanchit rakhata hai aur jise chaahata hai seedha maarg dikhaata hai. atah unapar afasos karate-karate tumhaaree jaan na jaatee rahe. allaah bhalee-bhaanti jaanata hai jo kuchh ve rach rahe hai

allaah hee to hai jisane havaen chalaee phir vah baadalon ko ubhaaratee hai, phir ham use kisee shushk aur nirjeev bhoobhaag kee or le gae, aur usake dvaara hamane dharatee ko usake murda ho jaane ke pashchaat jeevit kar diya. isee prakaar (logon ka nae sire se) jeevit hokar uthana bhee hai

jo koee prabhutv chaahata ho to prabhutv to saara ka saara allaah ke lie hai. usee kee or achchha-pavitr bol chadhata hai aur achchha karm use ooncha uthaata hai. rahe ve log jo buree chaalen chalate hai, unake lie kathor yaatana hai aur unakee chaalabaazee matiyaamet hokar rahegee

allaah ne tumhen mittee se paida kiya, phir veery se, phir tumhen jode-jode banaaya. usake gyaan ke bina na koee stree garbhavatee hotee hai aur na janm detee hai. aur jo koee aayu ko praapti karanevaala aayu ko praapt karata hai aur jo kuchh usakee aayu mein kamee hotee hai. anivaaryatah yah sab ek kitaab mein likha hota hai. nishchay hee yah sab allaah ke lie atyant saral hai

donon saagar samaan nahin, yah meetha susvaad hai jisase pyaas jaatee rahe, peene mein ruchikar. aur yah khaara-kaduva hai. aur tum pratyek mein se tarotaaza maans khaate ho aur aabhooshan nikaalate ho, jise tum pahanate ho. aur tum naukaon ko dekhate ho ki cheeratee huee usamen chalee ja rahee hain, taaki tum usaka udaar anugrah talaash karo aur kadaachit tum aabhaaree bano

vah raat ko din mein pravisht karata hai aur din ko raat mein pravisht karata hain. usane soory aur chandrama ko kaam mein laga rakha hai. pratyek ek niyat samay pooree karane ke lie chal raha hai. vahee allaah tumhaara rab hai. usee kee baadashaahee hai. usase hatakar jinako tum pukaarate ho ve ek tinake ke bhee maalik nahin

yadi tum unhen pukaaro to ve tumhaaree pukaar sunege nahin. aur yadi ve sunate to bhee tumhaaree yaachana sveekaar na kar sakate aur qiyaamat ke din ve tumhaare saajhee thaharaane ka inakaar kar denge. pooree khabar rakhanevaala (allaah) kee tarah tumhen koee na bataega

ai logon! tumhee allaah ke muhataaj ho aur allaah to nisprh, svaprashansit hai

yadi vah chaahe to tumhen hata de aur ek naee sansrti le aae

aur yah allaah ke lie kuchh bhee kathin nahin

koee bojh uthaanevaala kisee doosare ka bojh na uthaega. aur yadi koee koee se daba hua vyakti apana bojh uthaane ke lie pukaare to usamen se kuchh bhee na uthaaya, yadyapi vah nikat ka sambandhee hee kyon na ho. tum to keval saavadhaan kar rahe ho. jo paroksh mein rahate hue apane rab se darate hain aur namaaz ke paaband ho chuke hai (unakee aatma ka vikaas ho gaya) . aur jisane svayan ko vikasit kiya vah apane hee bhale ke lie apane aapako vikasit karega. aur palatakar jaana to allaah hee kee or hai

andha aur aankhonvaala baraabar nahin

aur na andhere aur prakaash

aur na chhaaya aur dhoop

aur na jeevit aur mrt baraabar hai. nishchay hee allaah jise chaahata hai sunaata hai. tum un logon ko nahin suna sakate, jo qabron mein ho.

tum to bas ek sachetakarta ho

hamane tumhen saty ke saath bheja hai, shubh-soochana denevaala aur sachetakarta banaakar. aur jo bhee samudaay guzara hai, usamen anivaaryatah ek sachetakarta hua hai

yadi ve tumhen jhuthalaate hai to jo unase pahale the ve bhee jhuthala chuke hai. unake rasool unake paas spasht aur zabooren aur prakaashamaan kitaab lekar aae the

phir main un logon ko, jinhonne inakaar kiya, pakad liya (to phir kaisa raha mera inakaar)

kya tumane nahin dekha ki allaah ne aakaash se paanee barasaaya, phir usake dvaara hamane phal nikaale, jinake rang vibhinn prakaar ke hote hai? aur pahaado mein bhee shvet aur laal vibhinn rangon kee dhaariyaan paee jaatee hai, aur bhujang kaalee bhee

aur manushyon aur jaanavaron aur chaupaayon ke rang bhee isee prakaar bhinn hain. allaah se darate to usake vahee bande hain, jo baakhabar hai. nishchay hee allaah atyant prabhutvashaalee, kshamaasheel hai

nishchay hee jo log allaah kee kitaab padhate hain, is haal me ki namaaz ke paaband hain, aur jo kuchh hamane unhen diya hai, usamen se chhipe aur khule kharch kiya hai, ve ek aise vyaapaar kee aasha rakhate hai jo kabhee tabaah na hoga

parinaamasvaroop vah unhen unake pratidaan poore-poore de aur apane udaar anugrah se unhen aur adhik bhee pradaan kare. nissandeh vah bahut kshamaasheel, atyant gunagraahak hai

jo kitaab hamane tumhaaree or prakaashana dvaara bhejee hai, vahee saty hai. apane se pahale (kee kitaabon) kee pushti mein hai. nishchay hee allaah apane bandon kee khabar pooree rakhanevaala, dekhanevaala hai

phir hamane is kitaab ka uttaraadhikaaree un logon ko banaaya, jinhen hamane apane bando mein se chun liya hai. ab koee to unamen se apane aap par zulm karata hai aur koee unamen se madhy shrenee ka hai aur koee unamen se allaah ke krpaayog se bhalaiyon mein agrasar hai. yahee hai badee shreshthata.

sadaiv rahane ke baag hai, jinamen ve pravesh karenge. vahaan unhen sone ke kanganon aur motee se aabhooshit kiya jaega. aur vahaan unaka vastr resham hoga

aur ve kahenge, "sab prashansa allaah ke lie hai, jisane hamase gam door kar diya. nishchay hee hamaara rab atyant kshamaasheel, bada gunagraahak hai

jisane hamen apane udaar anugrah se rahane ke aise ghar mein utaara jahaan na hamen koee mashaqqat uthaanee padatee hai aur na hamen koee thakaan hee aatee hai.

rahe ve log jinhonne inakaar kiya, unake lie jahannam kee aag hai, na unaka kaam tamaam kiya jaega ki mar jaen aur na unase usakee yaatana hee kuchh halkee kee jaegee. ham aisa hee badala pratyek akrtagy ko dete hai

ve vahaan chillaenge ki "ai hamaare rab! hamen nikaal le. ham achchha karm karenge, usase bhinn jo ham karate rahe." "kya hamane tumhen itanee aayu nahin dee ki jisamen koee hosh mein aana chaahata to hosh mein aa jaata? aur tumhaare paas sachetakarta bhee aaya tha, to ab maza chakhate raho! zaalimonn ko koee sahaayak nahin

nissandeh allaah aakaashon aur dharatee kee chhipee baat ko jaanata hai. vah to seeno tak kee baat jaanata hai

vahee to hai jisane tumhe dharatee mein khaleefa banaaya. ab to koee inakaar karega, usake inakaar ka vabaal usee par hai. inakaar karanevaalon ka inakaar unake rab ke yahaan keval prakop hee ko badhaata hai, aur inakaar karanevaalon ka inakaar keval ghaate mein hee abhivrddhi karata hai

kaho, "kya tumane apane thaharae hue saajheedaaro ka avalokan bhee kiya, jinhen tum allaah ko chhodakar pukaarate ho? mujhe dikhao unhonne dharatee ka kaun-sa bhaag paida kiya hai ya aakaashon mein unakee koee bhaageedaaree hai?" ya hamane unhen koee kitaab hee hai ki usaka koee spasht pramaan unake paksh mein ho? nahin, balki ve zaalim aapas mein ek-doosare se keval dhokhe ka vaada kar rahe hai

allaah hee aakaashon aur dharatee ko thaame hue hai ki ve tal na jaen aur yadi ve tal jaen to usake pashchaat koee bhee nahin jo unhen thaam sake. nissandeh, vah bahut sahanasheel, kshama karanevaala hai

unhonne allaah kee kadee-kadee qasamen khaee thee ki yadi unake paas koee sachetakarta aae to ve samudaayon mein se pratyek se badhakar seedhe maarg par honge. kintu jab unake paas ek sachetakarta aa gaya to is cheez ne dharatee mein unake ghamand aur buree chaalon ke kaaran unakee nafarat hee mein abhivrddhi kee

haalaanki buree chaal apane hee logon ko gher letee hai. to ab kya jo reeti agalon ke silasile mein rahee hai ve bas usee reeti kee pratiksha kar rahe hai? to tum allaah kee reeti mein kadaapi koee parivartan na paoge aur na tum allaah kee reeti ko kabhee talate hee paoge

kya ve dharatee mein chale-phire nahin ki dekhate ki un logon ka kaisa parinaam hua hai jo unase pahale guzare hain? haalaanki ve shakti mein unase kahee badh-chadhakar the. allaah aisa nahin ki aakaashon mein koee cheez use maat kar sake aur na dharatee hee mein. nissandeh vah sarvagy, saamarthyamaan hai

yadi allaah logon ko unakee kamaee ke kaaran pakadane par aa jae to is dharatee kee peeth par kisee jeevadhaaree ko bhee na chhode. kintu vah unhen ek niyat samay tak dheel deta hai, phir jab unaka niyat samay aa jaata hai to nishchay hee allaah to apane bandon ko dekh hee raha hai