Back to Languages
Hindi - Chapter 36 - Ya-Sin
Translation by Muhammad Farooq Khan And Muhammad Ahmed — Permalink
Verse 1 — Surah Ya-Sin 36:1
ya॰ seen॰
Verse 2 — Surah Ya-Sin 36:2
gavaah hai hikamatavaala quraan
Verse 3 — Surah Ya-Sin 36:3
ki tum nishchay hee rasoolon mein se ho
Verse 4 — Surah Ya-Sin 36:4
ek seedhe maarg par
Verse 5 — Surah Ya-Sin 36:5
kya hee khoob hai, prabhutvashaalee, atyant dayaavaal ka isako avatarit karana
Verse 6 — Surah Ya-Sin 36:6
taaki tum aise logon ko saavadhaan karo, jinake baap-daada ko saavadhaan nahin kiya gaya; is kaaran ve gafalat mein pade hue hai
Verse 7 — Surah Ya-Sin 36:7
unamen se adhikatar logon par baat satyaapit ho chukee hai. atah ve eemaan nahin laenge.
Verse 8 — Surah Ya-Sin 36:8
hamane unakee gardanon mein tauq daal die hai jo unakee thodiyon se lage hai. atah unake sir oopar ko uchake hue hai
Verse 9 — Surah Ya-Sin 36:9
aur hamane unake aage ek deevaar khadee kar dee hai aur ek deevaar unake peechhe bhee. is tarah hamane unhen dhaank diya hai. atah unhen kuchh sujhaee nahin deta
Verse 10 — Surah Ya-Sin 36:10
unake lie baraabar hai tumane sachet kiya ya unhen sachet nahin kiya, ve eemaan nahin laenge
Verse 11 — Surah Ya-Sin 36:11
tum to bas saavadhaan kar rahe ho. jo koee anusmrti ka anusaran kare aur paroksh mein rahate hue rahamaan se dare, atah kshama aur pratishthaamay badale kee shubh soochana de do
Verse 12 — Surah Ya-Sin 36:12
nissandeh ham murdon ko jeevit karenge aur ham likhenge jo kuchh unhonne aage ke lie bheja aur unake chinhon ko (jo peechhe raha) . har cheez hamane ek spasht kitaab mein gin rakhee hai
Verse 13 — Surah Ya-Sin 36:13
unake lie basteevaalon kee ek misaal pesh karo, jabaki vahaan bheje hue doot aae
Verse 14 — Surah Ya-Sin 36:14
jabaki hamane unakee or do doot bheje, to unhonne jhuthala diya. tab hamane teesare ke dvaara shakti pahunchaee, to unhonne kaha, "ham tumhaaree or bheje gae hain.
Verse 15 — Surah Ya-Sin 36:15
ve bole, "tum to bas hamaare hee jaise manushy ho. rahamaan ne to koee bhee cheez avatarit nahin kee hai. tum keval jhooth bolate ho.
Verse 16 — Surah Ya-Sin 36:16
unhonne kaha, "hamaara rab jaanata hai ki ham nishchay hee tumhaaree or bheje gae hai
Verse 17 — Surah Ya-Sin 36:17
aur hamaaree zimmedaaree to keval spasht roop se sandesh pahuncha dene kee hain.
Verse 18 — Surah Ya-Sin 36:18
ve bole, "ham to tumhen apashakun samajhate hai, yadi tum baaj na aae to ham tumhen patharaav karake maar daalenge aur tumhen avashy hamaaree or se dukhad yaatana pahunchegee.
Verse 19 — Surah Ya-Sin 36:19
unhonne kaha, "tumhaara avashakun to tumhaare apane hee saath hai. kya yadi tumhen yaadadihaanee karaee jae (to yah koee kruddh hone kee baat hai)? nahin, balki tum maryaadaaheen log ho.
Verse 20 — Surah Ya-Sin 36:20
itane mein nagar ke dooravartee sire se ek vyakti daudata hua aaya. usane kaha, "ai meree qaum ke logo! unaka anuvartan karo, jo bheje gae hai.
Verse 21 — Surah Ya-Sin 36:21
usaka anuvartan karo jo tumase koee badala nahin maangate aur ve seedhe maarg par hai
Verse 22 — Surah Ya-Sin 36:22
aur mujhe kya hua hai ki main usakee bandagee na karoon, jisane mujhe paida kiya aur usee kee or tumhen lautakar jaana hai
Verse 23 — Surah Ya-Sin 36:23
kya main usase itar doosare upaasy bana loon? yadi rahamaan mujhe koee takaleef pahunchaana chaahe to unakee sifaarish mere kuchh kaam nahin aa sakatee aur na ve mujhe chhuda hee sakate hai
Verse 24 — Surah Ya-Sin 36:24
tab to main avashy spasht gumaraahee mein pad jaoonga
Verse 25 — Surah Ya-Sin 36:25
main to tumhaare rab par eemaan le aaya, atah meree suno
Verse 26 — Surah Ya-Sin 36:26
kaha gaya, "pravesh karo jannat mein!" usane kaha, "ai kaash! meree qaum ke log jaanate
Verse 27 — Surah Ya-Sin 36:27
ki mere rab ne mujhe kshama kar diya aur mujhe pratishthit logon mein sammilit kar diya.
Verse 28 — Surah Ya-Sin 36:28
usake pashchaat usakee qaum par hamane aakaash se koee sena nahin utaaree aur ham is tarah utaara nahin karate
Verse 29 — Surah Ya-Sin 36:29
vah to keval ek prachand cheetkaar thee. to sahasa kya dekhate hai ki ve bujhakar rah gae
Verse 30 — Surah Ya-Sin 36:30
ai afasos bando par! jo rasool bhee unake paas aaya, ve usaka parihaas hee karate rahe
Verse 31 — Surah Ya-Sin 36:31
kya unhonne nahin dekha ki unase pahale kitanee hee naslon ko hamane vinasht kiya ki ve unakee or palatakar nahin aaenge
Verse 32 — Surah Ya-Sin 36:32
aur jitane bhee hai, sabake sab hamaare hee saamane upasthit kie jaenge
Verse 33 — Surah Ya-Sin 36:33
aur ek nishaanee unake lie mrt bhoomi hai. hamane use jeevit kiya aur usase anaaj nikaala, to ve khaate hai
Verse 34 — Surah Ya-Sin 36:34
aur hamane usamen khajooron aur angooron ke baag lagae aur usamen srot pravaahit kie
Verse 35 — Surah Ya-Sin 36:35
taaki ve usake phal khaen - haalaanki yah sab kuchh unake haathon ka banaaya hua nahin hai. - to kya ve aabhaar nahin prakat karate
Verse 36 — Surah Ya-Sin 36:36
mahimaavaan hai vah jisane sabake jode paida kie dharatee jo cheejen ugaatee hai unamen se bhee aur svayan unakee apanee jaati mein se bhee aur un cheezo mein se bhee jinako ve nahin jaanate
Verse 37 — Surah Ya-Sin 36:37
aur ek nishaanee unake lie raat hai. ham usapar se din ko kheench lete hai. phir kya dekhate hai ki ve andhere mein rah gae
Verse 38 — Surah Ya-Sin 36:38
aur soory apane niyat thikaane ke lie chala ja raha hai. yah baandha hua hisaab hai prabhutvashaalee, gyaanavaan ka
Verse 39 — Surah Ya-Sin 36:39
aur raha chandrama, to usakee niyati hamane manzilon ke kram mein rakhee, yahaan tak ki vah phir khajoor kee pooraanee tedhee tahanee ke sadrsh ho jaata hai
Verse 40 — Surah Ya-Sin 36:40
na soory hee se ho sakata hai ki chaand ko ja pakade aur na raat din se aage badh sakatee hai. sab ek-ek kaksha mein tair rahe hain
Verse 41 — Surah Ya-Sin 36:41
aur ek nishaanee unake lie yah hai ki hamane unake anuvartiyon ko bharee huee nauka mein savaar kiya
Verse 42 — Surah Ya-Sin 36:42
aur unake lie usee ke sadrsh aur bhee aisee cheeze paida kee, jinapar ve savaar hote hai
Verse 43 — Surah Ya-Sin 36:43
aur yadi ham chaahen to unhen doobo den. phir na to unakee koee cheekh-pukaar ho aur na unhen bachaaya ja sake
Verse 44 — Surah Ya-Sin 36:44
yah to bas hamaaree dayaaluta aur ek niyat samay tak kee sukh-saamagree hai
Verse 45 — Surah Ya-Sin 36:45
aur jab unase kaha jaata hai ki us cheez ka dar rakho, jo tumhaare aage hai aur jo tumhaare peechhe hai, taaki tumapar daya ki jae! (to chuppee saajh lete hai)
Verse 46 — Surah Ya-Sin 36:46
unake paas unake rab kee aayaton mein se jo aayat bhee aatee hai, ve usase kataraate hee hai
Verse 47 — Surah Ya-Sin 36:47
aur jab unase kaha jaata hai ki "allaah ne jo kuchh rozee tumhen dee hai unamen se kharch karo." to jin logon ne inakaar kiya hai, ve un logon se, jo eemaan lae hai, kahate hai, "kya ham usako khaana khilaen jise .di allaah chaahata to svayan khila deta? tum to bas khulee gumaraahee mein pade ho.
Verse 48 — Surah Ya-Sin 36:48
aur ve kahate hai ki "yah vaada kab poora hoga, yadi tum sachche ho
Verse 49 — Surah Ya-Sin 36:49
ve to bas ek prachand cheetkaar kee prateeksha mein hai, jo unhen aa pakadegee, jabaki ve jhagadate honge
Verse 50 — Surah Ya-Sin 36:50
phir na to ve koee vaseeyat kar paenge aur na apane gharavaalon kee or laut hee sakenge
Verse 51 — Surah Ya-Sin 36:51
aur narasingha mein phoonk maaree jaegee. phir kya dekhenge ki ve qabron se nikalakar apane rab kee or chal pade hain
Verse 52 — Surah Ya-Sin 36:52
kahenge, "ai afasos ham par! kisane hamen sote se jaga diya? yah vahee cheez hai jisaka rahamaan ne vaada kiya tha aur rasoolon ne sach kaha tha.
Verse 53 — Surah Ya-Sin 36:53
bas ek zor kee chinghaad hogee. phir kya dekhenge ki ve sabake-sab hamaare saamane upasthit kar die gae
Verse 54 — Surah Ya-Sin 36:54
ab aaj kisee jeev par kuchh bhee zulm na hoga aur tumhen badale mein vahee milega jo kuchh tum karate rahe ho
Verse 55 — Surah Ya-Sin 36:55
nishchay hee jannatavaale aaj kisee na kisee kaam nen vyast aanand le rahe hai
Verse 56 — Surah Ya-Sin 36:56
ve aur unakee patniyon chhaayon mein masahariyon par takiya lagae hue hai
Verse 57 — Surah Ya-Sin 36:57
unake lie vahaan meve hai. aur unake lie vah sab kuchh maujood hai, jisakee ve maang karen
Verse 58 — Surah Ya-Sin 36:58
(unapar) salaam hai, dayaamay rab ka uchchaarit kiya hua
Verse 59 — Surah Ya-Sin 36:59
aur ai aparaadhiyon! aaj tum chhantakar alag ho jao
Verse 60 — Surah Ya-Sin 36:60
kya mainne tumhen taakeed nahin kee thee, ai aadam ke beto! ki shaitaan kee bandagee na kare. vaastav mein vah tumhaara khula shatru hai
Verse 61 — Surah Ya-Sin 36:61
aur yah ki meree bandagee karo? yahee seedha maarg hai
Verse 62 — Surah Ya-Sin 36:62
usane to tumamen se bahut-se girohon ko pathabhrasht kar diya. to kya tum buddhi nahin rakhate the
Verse 63 — Surah Ya-Sin 36:63
yah vahee jahannam hai jisakee tumhen dhamakee dee jaatee rahee hai
Verse 64 — Surah Ya-Sin 36:64
jo inakaar tum karate rahe ho, usake badale mein aaj isamen pravisht ho jao.
Verse 65 — Surah Ya-Sin 36:65
aaj ham unake munh par muhar laga denge aur unake haath hamase bolenge aur jo kuchh ve kamaate rahe hai, unake paanv usakee gavaahee denge
Verse 66 — Surah Ya-Sin 36:66
yadi ham chaahen to unakee aankhen met den kyonki ve (apane roodh) maarg kee aur lapake hue hai. phir unhen sujhaee kahaan se dega
Verse 67 — Surah Ya-Sin 36:67
yadi ham chaahen to unakee jagah par hee unake roop bigaadakar rakh den kyonki ve saty kee or na chal sake aur ve (gumaraahee se) baaz nahin aate.
Verse 68 — Surah Ya-Sin 36:68
jisako ham deerdhaayu dete hai, usako usakee sanrachana mein ulta pher dete hai. to kya ve buddhi se kaam nahin lete
Verse 69 — Surah Ya-Sin 36:69
hamane us (nabee) ko kavita nahin sikhaee aur na vah usake lie shobhaneey hai. vah to keval anusmrti aur spasht quraan hai
Verse 70 — Surah Ya-Sin 36:70
taaki vah use sachet kar de jo jeevant ho aur inakaar karanevaalon par (yaatana kee) baat sthaapit ho jae
Verse 71 — Surah Ya-Sin 36:71
kya unhonne dekha nahin ki hamane unake lie apane haathon kee banaee huee cheezon mein se chaupae paida kie aur ab ve unake maalik hai
Verse 72 — Surah Ya-Sin 36:72
aur unhen unake bas mein kar diya ki unamen se kuchh to unakee savaariyaan hain aur unamen se kuchh ko khaate hai.
Verse 73 — Surah Ya-Sin 36:73
aur unake lie unamen kitane hee laabh hai aur pey bhee hai. to kya ve krtagyata nahin dikhalaate
Verse 74 — Surah Ya-Sin 36:74
unhonne allaah se itar kitane hee upaasy bana lie hai ki shaayad unhen madad pahunche.
Verse 75 — Surah Ya-Sin 36:75
ve unakee sahaayata karane kee saamarthy nahin rakhate, haalaanki ve (bahudevavaadiyon kee apanee spasht mein) unake lie upasthit senaen hain
Verse 76 — Surah Ya-Sin 36:76
atah unakee baat tumhen shokaakul na kare. ham jaanate hai jo kuchh ve chhipaate aur jo kuchh vyakt karate hai
Verse 77 — Surah Ya-Sin 36:77
kya (inakaar karanevaale) manushy ko nahin dekha ki hamane use veery se paida kiya? phir kya dekhate hai ki vah pratkshay virodhee jhagadaaloo ban gaya
Verse 78 — Surah Ya-Sin 36:78
aur usane hamapar phabatee kasee aur apanee paidaish ko bhool gaya. kahata hai, "kaun haddiyon mein jaan daalega, jabaki ve jeern-sheern ho chukee hongee
Verse 79 — Surah Ya-Sin 36:79
kah do, "unamen vahee jaal daalega jisane unako pahalee baar paida kiya. vah to pratyek sansrti ko bhalee-bhaanti jaanata hai
Verse 80 — Surah Ya-Sin 36:80
vahee hai jisane tumhaare lie hare-bhare vrksh se aag paida kar dee. to lage ho tum usase jalaane.
Verse 81 — Surah Ya-Sin 36:81
kya jisane aakaashon aur dharatee ko paida kiya use isakee saamarthy nahin ki un jaison ko paida kar de? kyon nahin, jabaki vah mahaan srashta , atyant gyaanavaan hai
Verse 82 — Surah Ya-Sin 36:82
usaka maamala to bas yah hai ki jab vah kisee cheez (ke paida karane) ka iraada karata hai to usase kahata hai, "ho ja!" aur vah ho jaatee hai
Verse 83 — Surah Ya-Sin 36:83
atah mahima hai usakee, jisake haath mein har cheez ka poora adhikaar hai. aur usee kee or tum lautakar jaoge