Back to Languages
Hindi - Chapter 38 - Sad
Translation by Muhammad Farooq Khan And Muhammad Ahmed — Permalink
Verse 1 — Surah Sad 38:1
saad. qasam hai, yaadadihaanee-vaale quraan kee (jisamen koee kamee nahin ki dharmavirodhee saty ko na samajh saken)
Verse 2 — Surah Sad 38:2
balki jinhonne inakaar kiya ve garv aur virodh mein pade hue hai
Verse 3 — Surah Sad 38:3
unase pahale hamane kitanee hee peedhiyon ko vinasht kiya, to ve lage pukaarane. kintu vah samay hatane-bachane ka na tha
Verse 4 — Surah Sad 38:4
unhonne aashchary kiya isapar ki unake paas unheen mein se ek sachetakarta aaya aur inakaar karanevaale kahane lage, "yah jaadoogar hai bada jhootha
Verse 5 — Surah Sad 38:5
kya usane saare upaasyon ko akela ek upaasy thahara diya? nissandeh yah to bahut achambhevaalee cheez hai
Verse 6 — Surah Sad 38:6
aur unake saradaar (yah kahate hue) chal khade hue ki "chalate raho aur apane upaasyon par jamen raho. nissandeh yah vaanchhich cheez hai
Verse 7 — Surah Sad 38:7
yah baat to hamane pichhale dharm mein sunee hee nahin. yah to bas managhadat hai
Verse 8 — Surah Sad 38:8
kya ham sabamen se (chunakar) isee par anusmrti avatarit huee hai?" nahin, balki ve meree anusmrti ke vishay mein sandeh mein hai, balki unhonne abhee tak meree yaatana ka maza chakha hee nahin hai
Verse 9 — Surah Sad 38:9
ya, tere prabhutvashaalee, bade daata rab kee dayaaluta ke khazaane unake paas hai
Verse 10 — Surah Sad 38:10
ya, aakaashon aur dharatee aur jo kuchh unake beech hai, un sabakee baadashaahee unheen kee hai? phir to chaahie ki ve rassiyon dvaara oopar chadh jae
Verse 11 — Surah Sad 38:11
vah ek saadhaaran sena hai (vinasht honevaale) dalon mein se, vahaan maat khaana jisakee niyati hai
Verse 12 — Surah Sad 38:12
unase pahale nooh kee qaum aur aad aur mekhonvaale firaun ne jhuthalaaya
Verse 13 — Surah Sad 38:13
aur samood aur loot kee qaum aur aikaavaale bhee, ye hai ve dal
Verse 14 — Surah Sad 38:14
unamen se pratyek ne rasoolon ko jhuthalaaya, to meree or se dand avashyambhaavee hokar raha
Verse 15 — Surah Sad 38:15
inhen bas ek cheekh kee prateeksha hai jisamen tanik bhee avakaash na hoga
Verse 16 — Surah Sad 38:16
ve kahate hai, "ai hamaare rab! hisaab ke din se pahale hee sheeghr hamaara hissa de de.
Verse 17 — Surah Sad 38:17
ve jo kuchh kahate hai usapar dhairy se kaam lo aur zor va shaktivaale hamaare bande daood ko yaad karo. nishchay hee vah (allaah kee or) bahut rujoo karanevaala tha
Verse 18 — Surah Sad 38:18
hamane parvaton ko usake saath vasheebhoot kar diya tha ki praatahkaal aur sandhy samay tasabeeh karate rahe.
Verse 19 — Surah Sad 38:19
aur pakshiyon ko bhee, jo ekatr ho jaate the. pratyek usake aage rujoo rahata
Verse 20 — Surah Sad 38:20
hamane usaka raajy sudrdh kar diya tha aur use tatvadarshita pradaan kee thee aur nirnaayak baat kahane kee kshamata pradaan kee thee
Verse 21 — Surah Sad 38:21
aur kya tumhen un vivaadiyon kee khabar pahunchee hai? jab ve deevaar par chadhakar meharaab (ekaant kaksh) me aa pahunche
Verse 22 — Surah Sad 38:22
jab ve daood ke paas pahunche to vah unase saham gaya. ve bole, "darie nahin, ham do vivaadee hain. hamamen se ek ne doosare par zyaadatee kee hai; to aap hamaare beech theek-theek faisala kar deejie. aur baat ko door na daalie aur hamen theek maarg bata deejie
Verse 23 — Surah Sad 38:23
yah mera bhaee hai. isake paas ninyaanabe dumbiyaan hai aur mere paas ek dumbee hai. ab isaka kahana hai ki ise bhee mujhe saup de aur baatacheet mein isane mujhe daba liya.
Verse 24 — Surah Sad 38:24
usane kaha, "isane apanee dumbiyon ke saath teree dumbee ko mila lene kee maang karake nishchay hee tujhapar zulm kiya hai. aur nissandeh bahut-se saath milakar rahanevaale ek-doosare par zyaadatee karate hai, sivaay un logon ke jo eemaan lae aur unhonne achchhe karm kie. kintu aise log thode hee hai." ab daood samajh gaya ki yah to hamane use pareeksha mein daala hai. atah usane apane rab se kshama-yaachana kee aur jhukakar (seedhe sajade mein) gir pada aur rujoo hua
Verse 25 — Surah Sad 38:25
to hamane usaka vah qasoor maaf kar diya. aur nishchay hee hamaare yahaan usake lie anivaaryatah saameepy aur uttam thikaana hai
Verse 26 — Surah Sad 38:26
ai daood! hamane dharatee mein tujhe khaleefa (uttaraadhikaaree) banaaya hai. atah too logon ke beech haq ke saath faisala karana aur apanee ichchha ka anupaalan na karana ki vah tujhe allaah ke maarg se bhataka de. jo log allaah ke maarg se bhatakate hai, nishchay hee unake lie kathor yaatana hai, kyonki ve hisaab ke din ko bhoole rahe.
Verse 27 — Surah Sad 38:27
hamane aakaash aur dharatee ko aur jo kuchh unake beech hai, vyarth nahin paida kiya. yah to un logon ka gumaan hai jinhonne inakaar kiya. atah aag mein jhonke jaane ke kaaran inakaar karanevaalon kee badee durgati hai
Verse 28 — Surah Sad 38:28
(kya ham unako jo samajhate hai ki jagat kee sanrachana vyarth nahin hai, unake samaan kar denge jo jagat ko nirarthak maanate hai.) ya ham un logon ko jo eemaan lae aur unhonne achchhe karm kie, unake samaan kar denge jo dharatee mein bigaad paida karate hai; ya dar rakhanevaalon ko ham duraachaariyon jaisa kar denge
Verse 29 — Surah Sad 38:29
yah ek isakee aayaton par soch-vichaar karen aur taaki buddhi aur samajhavaale isase shiksha grahan karen.
Verse 30 — Surah Sad 38:30
aur hamane daood ko sulaimaan pradaan kiya. vah kitana achchha banda tha! nishchay hee vah bahut hee rujoo rahanevaala tha.
Verse 31 — Surah Sad 38:31
yaad karo, jabaki sandhya samay usake saamane sadhe hue drutagaamee ghode haazir kie gae
Verse 32 — Surah Sad 38:32
to usane kaha, "mainne inake prati prem apane rab kee yaad ke kaaran apanaaya hai." yahaan tak ki ve (ghode) ot mein chhip gae
Verse 33 — Surah Sad 38:33
unhen mere paas vaapas lao!" phir vah unakee pindaliyon aur garadanon par haath pherane laga
Verse 34 — Surah Sad 38:34
nishchay hee hamane sulaimaan ko bhee pareeksha mein daala. aur hamane usake takht par ek dhad daal diya. phir vah rujoo hua
Verse 35 — Surah Sad 38:35
usane kaha, "ai mere rab! mujhe kshama kar de aur mujhe vah raajy pradaan kar, jo mere pashchaat kisee ke lie shobhaneey na ho. nishchay hee too bada daata hai.
Verse 36 — Surah Sad 38:36
tab hamane vaayu ko usake lie vasheebhoot kar diya, jo usake aadesh se, jahaan vah pahunchana chaahata, saralataapoorvak chalatee thee
Verse 37 — Surah Sad 38:37
aur shaitaanon ko bhee (vasheebhut kar diya), pratyek nirmaata aur gotaakhor ko
Verse 38 — Surah Sad 38:38
aur doosaron ko bhee jo zajeeron mein jakade hue rahat
Verse 39 — Surah Sad 38:39
yah hamaaree behisaab den hai. ab ehasaan karo ya roko.
Verse 40 — Surah Sad 38:40
aur nishchay hee hamaare yahaan usake lie anivaaryatah sameepy aur uttam thikaana hai
Verse 41 — Surah Sad 38:41
hamaare bande ayyoob ko bhee yaad karo, jab usane apane rab ko pukaara ki "shaitaan ne mujhe dukh aur peeda pahuncha rakhee hai.
Verse 42 — Surah Sad 38:42
apana paanv (dharatee par) maar, yah hai thanda (paanee) nahaane ko aur peene ko.
Verse 43 — Surah Sad 38:43
aur hamane use usake parijan die aur unake saath vaise hee aur bhee; apanee or se dayaaluta ke roop mein aur buddhi aur samajh rakhanevaalon ke lie shiksha ke roop mein.
Verse 44 — Surah Sad 38:44
aur apane haath mein tinakon ka ek muttha le aur usase maar aur apanee qasam na tod." nishchay hee hamane use dhairyavaan paaya, kya hee achchha banda! nissandeh vah bada hee rujoo rahanevaala tha
Verse 45 — Surah Sad 38:45
hamaare bandon, ibaraaheem aur isahaaq aur yaaqoob ko bhee yaad karo, jo haathon (shakti) aur nigaahonvaale (gyaan-chakshuvaale) the
Verse 46 — Surah Sad 38:46
nissandeh hamane unhen ek vishisht baat ke lie chun liya tha aur vah vaastavik ghar (aakhirat) kee yaad thee
Verse 47 — Surah Sad 38:47
aur nishchay hee ve hamaare yahaan chune hue nek logon mein se hai
Verse 48 — Surah Sad 38:48
isamaeel aur al-yas aur zulakifl ko bhee yaad karo. inamen se pratyek hee achchha raha hai
Verse 49 — Surah Sad 38:49
yah ek anusmrti hai. aur nishchay hee dar rakhanevaalon ke lie achchha thikaana hai
Verse 50 — Surah Sad 38:50
sadaiv rahane ke baag hai, jinake dvaar unake lie khule honge
Verse 51 — Surah Sad 38:51
unamen ve takiya lagae hue honge. vahaan ve bahut-se meve aur pey mangavaate honge
Verse 52 — Surah Sad 38:52
aur unake paas nigaahen bachae rakhanevaalee striyaan hongee, jo samaan avastha kee hongee
Verse 53 — Surah Sad 38:53
yah hai vah cheez, jisaka hisaab ke din ke lie tumase vaada kiya jaata hai
Verse 54 — Surah Sad 38:54
yah hamaara diya hai, jo kabhee samaapt na hoga
Verse 55 — Surah Sad 38:55
ek aur yah hai, kintu sarakashon ke lie bahut bura thikaana hai
Verse 56 — Surah Sad 38:56
jahannam, jisamen ve pravesh karenge. to vah bahut hee bura vishraam-sthal hai
Verse 57 — Surah Sad 38:57
yah hai, ab unhen ise chakhana hai - khaulata hua paanee aur raktayukt peep
Verse 58 — Surah Sad 38:58
aur isee prakaar kee doosaree aur bhee cheezen
Verse 59 — Surah Sad 38:59
yah ek bheed hai jo tumhaare saath ghusee chalee aa rahee hai. koee aavabhagat unake lie nahin. ve to aag mein padanevaale hai.
Verse 60 — Surah Sad 38:60
ve kahenge, "nahin, tum nahin. tumhaare lie koee aavabhagat nahin. tumhee yah hamaare aage lae ho. to bahut hee buree hai yah thaharane kee jagah
Verse 61 — Surah Sad 38:61
ve kahenge, "ai hamaare rab! jo hamaare aage yah (museebat) laaya use aag mein doharee yaatana de
Verse 62 — Surah Sad 38:62
aur ve kahenge, "kya baat hai ki ham un logon ko nahin dekhate jinakee ganana ham buron mein karate the
Verse 63 — Surah Sad 38:63
kya hamane yoon hee unaka mazaak banaaya tha, yah unase nigaahen chook gaee hain
Verse 64 — Surah Sad 38:64
nissandeh aag mein padanevaalon ka yah aapas ka jhagada to avashy hona hai
Verse 65 — Surah Sad 38:65
kah do, "main to bas ek sachet karanevaala hoon. koee poojy-prabhu nahin sivaay allaah ke, jo akela hai, sabapar qaaboo rakhanevaala
Verse 66 — Surah Sad 38:66
aakaashon aur dharatee ka rab hai, aur jo kuchh in donon ke beech hai usaka bhee, atyant prabhutvashaalee, bada kshamaasheel.
Verse 67 — Surah Sad 38:67
kah do, "vah ek badee khabar hai, ‘
Verse 68 — Surah Sad 38:68
jise tum dhyaan mein nahin la rahe ho
Verse 69 — Surah Sad 38:69
mujhe male aala (ooparee lok ke farishton) ka koee gyaan nahin tha, jab ve vaad-vivaad kar rahe the
Verse 70 — Surah Sad 38:70
meree or to bas isalie prakaashana kee jaatee hai ki main khullam-khulla sachet karanevaala hoon.
Verse 71 — Surah Sad 38:71
yaad karo jab tumhaare rab ne farishton se kaha ki "main mittee se ek manushy paida karanevaala hoon
Verse 72 — Surah Sad 38:72
to jab main usako theek-thaak kar doon aur usamen apanee rooh phoonk doon, to tum usake aage sajade mein gir jaana.
Verse 73 — Surah Sad 38:73
to sabhee farishton ne sajada kiya, sivaay ibalees ke.
Verse 74 — Surah Sad 38:74
usane ghamand kiya aur inakaar karanevaalon mein se ho gaya
Verse 75 — Surah Sad 38:75
kaha, "ai ibalees! toojhe kis cheez ne usako sajada karane se roka jise mainne apane donon haathon se banaaya? kya toone ghamand kiya, ya too koee oonchee hastee hai
Verse 76 — Surah Sad 38:76
usane kaha, "main usase uttam hoon. toone mujhe aag se paida kiya aur use mittee se paida kiya.
Verse 77 — Surah Sad 38:77
kaha, "achchha, nikal ja yahaan se, kyonki too dhutkaara hua hai
Verse 78 — Surah Sad 38:78
aur nishchay hee badala die jaane ke din tak tujhapar meree laanat hai.
Verse 79 — Surah Sad 38:79
usane kaha, "ai mere rab! phir too mujhe us din tak ke lie muhallat de, jabaki log (jeevit karake) uthae jaenge.
Verse 80 — Surah Sad 38:80
kaha, "achchha, tujhe nishchit evan
Verse 81 — Surah Sad 38:81
gyaat samay tak muhalat hai.
Verse 82 — Surah Sad 38:82
usane kaha, "tere prataap kee saugandh! main avashy un sabako bahakaakar rahoonga
Verse 83 — Surah Sad 38:83
sivaay unamen se tere un bandon ke, jo chune hue hai.
Verse 84 — Surah Sad 38:84
kaha, "to yah saty hai aur main saty hee kahata hoon
Verse 85 — Surah Sad 38:85
ki main jahannam ko tujhase aur un sabase bhar doonga, jinhonne unamen se tera anusaran kiya hoga.
Verse 86 — Surah Sad 38:86
kah do, "main isapar tumase koee paarishramik nahin maangata aur na main banaanat karanevaalon mein se hoon.
Verse 87 — Surah Sad 38:87
vah to ek anusmrti hai saare sansaaravaalon ke lie
Verse 88 — Surah Sad 38:88
aur thodee hee avadhi ke pashchaat usakee dee huee khabar tumhe maaloom ho jaegee