Hindi - Chapter 39 - Az-Zumar

is kitaab ka avataran allaah atyant prabhutvashaalee, tatvadarshee kee or se hai

nissandeh hamane yah kitaab tumhaaree or saty ke saath avatarit kee hai

jaan rakho ki vishuddh dharm allaah hee ke lie hai. rahe ve log jinhonne usase hatakar doosare samarthak aur sanrakshak bana rakhe hai (kahate hai,) "ham to unakee bandagee isee lie karate hai ki ve hamen allaah ka saameepy praapt kara den." nishchay hee allaah unake beech us baat ka faisala kar dega jisamen ve vibhed kar rahe hai. allaah use maarg nahin dikhaata jo jhootha aur bada akrtagy ho

yadi allaah apanee koee santaan banaana chaahata to vah usamen se, jinhen paida kar raha hai, chun leta. mahaan aur uchch hai vah! vah allaah hai akela, sab par qaaboo rakhanevaala

usane aakaashon aur dharatee ko saty ke saath paida kiya. raat ko din par lapetata hai aur din ko raat par lapetata hai. aur usane soory aur chandrama ko vasheebhut kar rakha hai. pratyek ek niyat samay ko poora karane ke lie chal raha hai. jaan rakho, vahee prabhutvashaalee, bada kshamaasheel hai

usane tumhen akelee jaan paida kiya; phir usee se usaka joda banaaya aur tumhaare lie chaupaayon mein se aath nar-maada utaare. vah tumhaaree maanon ke peton mein teen andheron ke bheetar tumhen ek srjanaroop ke pashchaat any ek srjanaroop deta chala jaata hai. vahee allaah tumhaara rab hai. baadashaahee usee kee hai, usake atirikt koee poojy-prabhu nahin. phir tum kahaan phire jaate ho

yadi tum inakaar karoge to allaah tumase nisprh hai. yadyapi vah apane bandon ke lie inakaar ko pasand nahin karata, kintu yadi tum krtagyata dikhaoge, to use vah tumhaare lie pasand karata hai. koee bojh na uthaega. phir tumhaaree vaapasee apane rab hee kee or hai. aur vah tumhe bata dega, jo kuchh tum karate rahe hoge. nishchay hee vah seenon tak kee baaten jaanata hai

jab manushy ko koee takaleef pahunchatee hai to vah apane rab ko usee kee or rujoo hokar pukaarane lagata hai, phir jab vah usapar apanee anukampa karata hai, to vah us cheez ko bhool jaata hai jisake lie pahale pukaar raha tha aur (doosaro ko) allaah ke samakaksh thaharaane lagata hai, taaki isake parinaamasvaroop vah usakee raah se bhataka de. kah do, "apane inakaar ka thoda maza le lo. nissandeh tum aagavaalon mein se ho.

(kya ukt vyakti achchha hai) ya vah vyakti jo raat kee ghadiyon mein sajada karata aur khada rahata hai, aakhirat se darata hai aur apane rab kee dayaaluta kee aasha rakhata hua vinayasheelata ke saath bandagee mein laga rahata hai? kaho, "kya ve log jo jaanate hai aur ve log jo nahin jaanate donon samaan honge? shiksha to buddhi aur samajhavaale hee grahan karate hai.

kah do ki "ai mere bando, jo eemaan lae ho! apane rab ka dar rakho. jin logon ne achchha kar dikhaaya unake lie is sansaar mein achchhaee hai, aur allaah kee dharatee vistrt hai. jame rahanevaalon ko to unaka badala behisaab milakar rahega.

kah do, "mujhe to aadesh diya gaya hai ki main allaah kee bandagee karoon, dharm (bhaktibhaav evan nishthaan) ko usee ke lie vishuddh karate hue

aur mujhe aadesh diya gaya hai ki sabase badhakar main svayan aagyaakaaree banoon.

kaho, "yadi main apane rab kee avagya karoon to mujhe ek bade din kee yaatana ka bhay hai.

kaho, "main to allaah hee kee bandagee karata hoon, apane dharm ko usee ke lie vishuddh karate hue

ab tum usase hatakar jisakee chaaho bandagee karo." kah do, "vaastav mein ghaate mein padanevaale to vahee hai, jinhonne apane aapako aur apane logon ko qiyaamat ke din ghaate mein daal diya. jaan rakho, yahee khula ghaata hai

unake lie unake oopar se bhee aag kee chhatariyaan hongee aur unake neeche se bhee chhatariyaan hongee. yahee vah cheez hai, jisase allaah apane bandon ko daraata hai, "ai mere bando! atah tum mera dar rakho.

rahe ve log jo isase bache ki ve taagoot (badhe hue fasaadee) kee bandagee karate hai aur allaah kee or rujoo hue, unake lie shubh soochana hai.

atah mere un bandon ko shubh soochana de do jo baat ko dhyaan se sunate hai; phir us achchhee se achchhee baat ka anupaalan karate hai. vahee hain, jinhen allaah ne maarg dikhaaya hai aur vahee buddhi aur samajhavaale hai

to kya vah vyakti jisapar yaatana kee baat satyaapit ho chukee hai (yaatana se bach sakata hai)? to kya tum chhuda loge usako jo aag mein hai

alabatta jo log apane rab se darakar rahe unake lie ooparee manzil par kaksh honge, jinake oopar bhee nirmit kaksh honge. unake neeche naharen bah rahee hogee. yah allaah ka vaada hai. allaah apane vaade ka ullanghan nahin karata

kya tumane nahin dekha ki allaah ne aakaash se paanee utaara, phir dharatee mein usake srot pravaahit kar die; phir usane dvaara khetee nikaalata hai, jisake vibhinn rang hote hai; phir vah sookhane lagatee hai; phir tum dekhate ho ki vah peelee pad gaee; phir vah use choorn-vichoorn kar deta hai? nissandeh isamen buddhi aur samajhavaalon ke lie badee yaadadihaanee hai

ab kya vah vyakti jisaka seena (hrday) allaah ne islaam ke lie khol diya, atah vah apane rab kee or se prakaash par hai, (us vyakti ke samaan hoga jo kathor hrday aur allaah kee yaad se gaafil hai)? atah tabaahee hai un logon ke lie jinake di kathor ho chuke hai, allaah kee yaad se khaalee hokar! vahee khulee gumaraahee mein pade hue hai

allaah ne sarvottam vaanee avatarit kee, ek aisee kitaab jisake sabhee bhaag paraspar milate-julate hai, jo rukh pher denevaalee (kraantikaaree) hai. usase un logon ke rongate khade ho jaate hai jo apane rab se darate hai. phir unakee khaalen (shareer) aur unake dil narm hokar allaah kee yaad kee or jhuk jaate hai. vah allaah ka maargadarshan hai, usake dvaara vah seedhe maarg par le aata hai, jise chaahata hai. aur jisako allaah pathabhrasht rahane de, phir usake lie koee maargadarshak nahin

ab kya jo qiyaamat ke din apane chaharen ko buree yaatana (se bachane) kee dhaal banaega vah (yaatana se surakshit logon jaisa hoga)? aur zaalimon se kaha jaega, "chakhon maza us kamaee ka, jo tum karate rahe the

jo log unase pahale the unhonne bhee jhoothalaaya. antatah unapar vahaan se yaatana aa pahunchee, jisaka unhen koee pata na tha

phir allaah ne unhen saansaarik jeevan mein bhee rusavaee ka maza chakhaaya aur aakhirat kee yaatana to isase bhee badee hai. kaash! ve jaanate

hamane is quraan mein logon ke lie har prakaar kee misaalen pesh kar dee hain, taaki ve shiksha grahan karen

ek arabee quraan ke roop mein, jisamen koee tedh nahin, taaki ve dharmaparaayanata apanaen

allaah ek misaal pesh karata hai ki ek vyakti hai, jisake maalik hone mein kaee kyakti saakshee hai, aapas mein kheenchaataanee karanevaale, aur ek kyakti vah hai jo poora ka poora ek hee vyakti ka hai. kya donon ka haal ek jaisa hoga? saaree prashansa allaah hee ke lie hai, kintu unamen se adhikaansh log nahin jaanate

tumhen bhee marana hai aur unhen bhee marana hai

phir nishchay hee tum sab qiyaamat ke din apane rab ke samaksh jhagadoge

phir us vyakti se badhakar atyaachaaree kaun hoga, jisane jhooth ghadakar allaah par thopa aur saty ko jhoothala diya jab vah usake paas aaya. kya jahannam mein inakaar karanevaalon ka thikaana nahin hain

aur jo vyakti sachchaee lekar aaya aur usane usakee pushti kee, aise hee log dar rakhate hai

unake lie unake rab ke paas vah sab kuchh hai, jo ve chaahenge. yah hai uttamakaaron ka badala

taaki jo nikrshtatam karm unhonne kie allaah un (ke bure prabhaav) ko unase door kar de. aur jo uttam karm ve karate rahe usaka unhen badala pradaan kare

kya allaah apane bande ke lie kaafee nahin hai, yadyapi ve tumhen unase daraate hai, jo usake siva (unhonne apane sahaayak bana rakhe) hai? allaah jise gumaraahee mein daal de use maarg dikhaanevaala koee nahee

aur jise allaah maarg dikhae use gumaraah karanevaala bhee koee nahin. kya allaah prabhutvashaalee, badala lenevaala nahin hai

yadi tum unase poochho ki "aakaashon aur dharatee ko kisane paida kiya?" ko ve avashy kahenge, "allaah ne." kaho, "tumhaara kya vichaar hai? yadi allaah mujhe koee takaleef pahunchaanee chaahe to kya allaah se hatakar jinako tum pukaarate ho ve usakee pahunchaee huee takaleef ko door kar sakate hai? ya vah mujhapar koee dayaaluta darshaanee chaahe to kya ve usakee dayaaluta ko rok sakate hai?" kah do, "mere lie allaah kaafee hai. bharosa karanevaale usee par bharosa karate hai.

kah do, "ai meree qaum ke logo! tum apanee jagah kaam karo. main (apanee jagah) kaam karata hoon. to sheeghr hee tum jaan loge

ki kis par vah yaatana aatee hai jo use rusava kar degee aur kisapar atal yaatana utaratee hai.

nishchay hee hamane logon ke lie haq ke saath tumapar kitaab avatarit kee hai. atah jisane seedha maarg grahan kiya to apane hee lie, aur jo bhataka, to vah bhatakakar apane hee ko haani pahunchaata hai. tum unake zimmedaar nahin ho

allaah hee praanon ko unakee mrtyu ke samay grast kar leta hai aur jisakee mrtyu nahin aaee use usakee nidra kee avastha mein (grast kar leta hai) . phir jisakee mrtyu ka faisala kar diya hai use rok rakhata hai. aur doosaron ko ek niyat samay tak ke lie chhod deta hai. nishchay hee isamen kitanee hee nishaaniyaan hai soch-vichaar karanevaalon ke lie

(kya unake upaasy prabhuta mein saajheedaar hai) ya unhonne allaah se hatakar doosaron ko sifaarishee bana rakha hai? kaho, "kya yadyapi ve kisee cheez ka adhikaar na rakhate hon aur na kuchh samajhate hee ho tab bhee

akele allaah ka zikr kiya jaata hai to jo log aakhirat par eemaan nahin rakhate unake dil bhinchane lagate hai, kintu jab usake siva doosaron ka zikr hota hai to kya dekhate hai ki ve khushee se khile ja rahe hai

kaho, "ai allaah, aakaasho aur dharatee ko paida karanevaale; paroksh aur pratyaksh ke jaananevaale! too hee apane bandon ke beech us cheez ka faisala karega, jisamen ve vibhed kar rahe hai.

jin logon ne zulm kiya yadi unake paas vah sab kuchh ho jo dharatee mein hai aur usake saath utana hee aur bhee, to ve qiyaamat ke din buree yaatana se bachane ke lie vah sab fidaya (praan-mukti ke badale) mein de daale. baat yah hai ki allaah kee or se unake saamane vah kuchh aa jaega jisaka ve gumaan tak na karate the

aur jo kuchh unhonne kamaaya usakee buraiyaan unapar prakat ho jaengee. aur vahee cheez unhen gher legee jisakee ve hansee udaaya karate the

atah jab manushy ko koee takaleef pahunchatee hai to vah hamen pukaarane lagata hai, phir jab hamaaree or se usapar koee anukampa hotee hai to kahata hai, "yah to mujhe gyaan ke kaaran praapt hua." nahin, balki yah to ek pareeksha hai, kintu unamen se adhikatar jaanate nahin

yahee baat ve log bhee kah chuke hai, jo unase pahale guzare hai. kintu jo kuchh kamaee ve karate hai, vah unake kuchh kaam na aaee

phir jo kuchh unhonne kamaaya, usakee buraiyaan unapar aa padee aur inamen se bhee jin logon ne zulm kiya, unapar bhee jo kuchh unhonne kamaaya usakee buraiyaan jald hee aa padegee. aur ve kaaboo se baahar nikalanevaale nahin

kya unhen maaloom nahin ki allaah jisake lie chaahata hai rozee kushaada kar deta hai aur jisake lie chaahata hai napee-tulee kar deta hai? nissandeh isamen un logon ke lie badee nishaaniyaan hai jo eemaan laen

kah do, "ai mere bando, jinhonne apane aap par jyaadatee kee hai, allaah kee dayaaluta se niraash na ho. nissandeh allaah saare hee gunaahon ka kshama kar deta hai. nishchay hee vah bada kshamaasheel, atyant dayaavaan hai

rujoo ho apane rab kee or aur usake aagyaakaaree ban jao, isase pahale ki tumapar yaatana aa jae. phir tumhaaree sahaayata na kee jaegee

aur anusarn karo us sarvottam cheez ka jo tumhaare rab kee or se avatarit huee hai, isase pahale ki tum par achaanak yaatana aa jae aur tumhen pata bhee na ho.

kaheen aisa na ho ki koee vyakti kahane lage, "haay, afasos usapar! jo kotaahee allaah ke haq mein mainne kee. aur main to parihaas karanevaalon man hee sammilit raha.

ya, kahane lage ki "yadi allaah mujhe maarg dikhaata to avashy hee main dar rakhanevaalon mein se hota.

ya, jab vah yaatana dekhe to kahane lage, "kaash! mujhe ek baar phir lautakar jaana ho, to main uttamakaaron mein sammilit ho jaoon.

kyon nahin, meree aayaten tere paas aa chukee theen, kintu toone unako jhoothalaaya aur ghamand kiya aur inakaar karanevaalon mein sammilit raha

aur qiyaamat ke din tum un logon ko dekhoge jinhonne allaah par jhooth ghadakar thopa hai ki unake chehare syaah hai. kya ahankaariyon ka thikaana jahannam mein nahin hain

isake vipareet allaah un logon ko jinhonne dar rakha unhen unakee saphalata ke saath mukti pradaan karega. na to unhen koee anisht chhoo sakega aur na ve shokaakul honge

allaah har cheez ka srashta hai aur vahee har cheez ka zimma leta hai

usee ke paas aakaashon aur dharatee kee kunjiyaan hai. aur jin logon ne hamaaree aayaton ka inakaar kiya, vahee hai jo ghaate mein hai

kaho, "kya phir bhee tum mujhase kahate ho ki main allaah ke siva kisee aur kee bandagee karoon, ai agyaaniyon

tumhaaree or aur jo tumase pahale guzar chuke hain unakee or bhee vahyas kee ja chukee hai ki "yadi tumane shirk kiya to tumhaara kiya-dhara anivaaryatah akaarath jaega aur tum avashy hee ghaate mein padanevaalon mein se ho jaoge.

nahin, balki allaah hee kee bandagee karo aur krtagyata dikhaanevaalon mein se ho jao

unhonne allaah kee qadr na jaanee, jaisee qadr usakee jaananee chaahie thee. haalaanki qiyaamat ke din saaree kee saaree dharatee usakee mutthee mein hogee aur aakaash usake daen haath mein lipate hue honge. mahaan aur uchch hai vah usase, jo ve saajhee thaharaate hai

aur soor (narasingha) phoonka jaega, to jo koee aakaashon aur jo koee dharatee mein hoga vah achet ho jaega sivaay usake jisako allaah chaahe. phir use doobaara phoonka jaega, to kya dekhege ki sahasa ve khade dekh rahe hai

aur dharatee rab ke prakaash se jagamaga uthegee, aur kitaab rakhee jaegee aur nabiyon aur gavaahon ko laaya jaega aur logon ke beech haq ke saath faisala kar diya jaega, aur unapar koee zulm na hoga

aur pratyek vyakti ko usaka kiya bharapoor diya jaega. aur vah bhalee-bhaanti jaanata hai, jo kuchh ve karate hai

jin logon ne inakaar kiya, ve giroh ke giroh jahannam kee or le jae jaenge, yahaan tak ki jab ve vahaan pahunchege to usake dvaar khol die jaenge aur usake praharee unase kahenge, "kya tumhaare paas tumheen mein se rasool nahin aae the jo tumhen tumhaare rab kee aayaten sunaate rahe hon aur tumhen is din kee mulaaqaat se sachet karate rahe hon?" ve kahenge, "kyon nahin (ve to aae the) ." kintu inakaar karanevaalon par yaatana kee baat satyaapit hokar rahee

kaha jaega, "jahannam ke dvaaron mein pravesh karo. usamen sadaiv rahane ke lie." to bahut hee bura thikaana hai ahankaariyon ka

aur jo log apane rab ka dar rakhate the, ve giroh ke giroh jannat kee or le jaenge, yahaan tak ki jab ve vahaan pahunchenge is haal mein ki usake dvaar khule honge. aur usake praharee unase kahenge, "salaam ho tumapar! bahut achchhe rahe! atah isamen pravesh karo sadaiv rahane ke lie to (unakee khushiyon ka kya haal hoga)

aur ve kahenge, "prashansa allaah ke lie, jisane hamaare saath apana vaada sach kar dikhaaya, aur hamen is bhoomi ka vaaris banaaya ki ham jannat mein jahaan chaahen vahaan rahen-base." atah kya hee achchha pratidaan hai karm karanevaalon ka

aur tum farishton ko dekhoge ki ve sinhaasan ke gird ghera baandhe hue, apane rab ka gunagaan kar rahe hai. aur logon ke beech theek-theek faisala kar diya jaega aur kaha jaega, "saaree prashansa allaah, saare sansaar ke rab, ke lie hai.