Hindi - Chapter 64 - At-Taghabun

allaah kee tasabeeh kar rahee hai har vah cheez jo aakaashon mein hai aur jo dharatee mein hai. usee kee baadashaahee hai aur usee ke lie prashansa hai aur use har cheez kee saamarthy praapt hai

vahee hai jisane tumhen paida kiya, phir tumamen se koee to inakaar karanevaala hai aur tumamen se koee eemaanavaala hai, aur tum jo kuchh bhee karate ho allaah use dekh raha hota hai

usane aakaashon aur dharatee ko haq ke saath paida kiya aur tumhaara roop banaaya, to bahut hee achchhe banae tumhaare roop aur usee kee or antatah jaana hai

vah jaanata hai jo kuchh aakaashon aur dharatee mein hai aur use bhee jaanata hai jo kuchh tum chhipaate ho aur jo kuchh tum prakat karate ho. allaah to seenon mein chhipee baat tak ko jaanata hai

kya tumhen un logon kee khabar nahin pahunchee jinhonne isase pahale inakaar kiya tha, phir unhonne apane karm ke vabaal ka maza chakha aur unake lie ek dukhad yaatana bhee hai

yah is kaaran ki unake paas unake rasool spasht pramaan lekar aate rahe, kintu unhonne kaha, "kya manushy hamen maarg dikhaenge?" is prakaar unhonne inakaar kiya aur munh pher liya, tab allaah bhee unase beparavaah ho gaya. allaah to hai hee nisprh, apane aap mein svayan prashansit

jin logon ne inakaar kiya unhonne daava kiya ve marane ke pashchaat kadaapi na uthae jaenge. kah do, "kyon nahin, mere rab kee qasam! tum avashy uthae jaoge, phir jo kuchh tumane kiya hai usase tumhen avagat kara diya jaega. aur allaah ke lie yah atyant saral hai.

atah eemaan lao, allaah par aur usake rasool par aur us prakaash par jise hamane avatarit kiya hai. tum jo kuchh bhee karate ho allaah usakee pooree khabar rakhata hai

ikattha hone ke din vah tumhen ikattha karega, vah paraspar laabh-haani ka din hoga. jo bhee allaah par eemaan lae aur achchha karm kare usakee buraeeyaan allaah usase door kar dega aur use aise baagon mein daakhil karega jinake neeche naharen bah rahee hongee, unamen ve sadaiv rahenge. yahee badee saphalata hai

rahe ve log jinhonne inakaar kiya aur hamaaree aayaton ko jhuthalaaya, vahee aagavaale hai jisamen ve sadaiv rahenge. antatah lautakar pahunchane kee vah bahut hee buree jagah hai

allaah kee anugya ke bina koee bhee museebat nahin aatee. jo allaah par eemaan le aae allaah usake dil ko maarg dikhaata hai, aur allaah har cheej ko bhalee-bhaanti jaanata hai

allaah kee aagya ka paalan karo aur rasool kee aagya ka paalan karo, kintu yadi tum munh modate ho to hamaare rasool par bas spasht roop se (sandesh) pahuncha dene kee zimmedaaree hai

allaah vah hai jisake siva koee poojy-prabhu nahin. atah allaah hee par eemaanavaalon ko bharosa karana chaahie

ai eemaan laanevaalo, tumhaaree patniyon aur tumhaaree santaan mein se kuchh aise bhee hai jo tumhaare shatru hai. atah unase hoshiyaar raho. aur yadi tum maaf kar do aur taal jao aur kshama kar do nishchay hee allaah bada kshamaasheel, atyant dayaavaan hai

tumhaare maal aur tumhaaree santaan to keval ek aazamaish hai, aur allaah hee hai jisake paas bada pratidaan hai

atah jahaan tak tumhaare bas mein ho allaah ka dar rakho aur suno aur aagyaapaalan karo aur kharch karo apanee bhalaee ke lie. aur jo apane man ke lobh evan krpanata se surakshit raha to aise hee log saphal hai

yadi tum allaah ko achchha rn do to vah use tumhaare lie kaee guna badha dega aur tumhen kshama kar dega. allaah bada gunagraahak aur sahanasheel hai

paroksh aur pratyaksh ko jaanata hai, prabhutvashaalee, tatvadarshee hai