Hindi - Chapter 65 - At-Talaq

ai nabee! jab tum log striyon ko talaaq do to unhen talaaq unakee iddat ke hisaab se do. aur iddat kee ganana karo aur allaah ka dar rakho, jo tumhaara rab hai. unhen unake gharon se na nikaalo aur na ve svayan nikalen, sivaay isake ki ve koee spasht. ashobhaneey karm kar baithen. ye allaah kee niyat kee huee seemaen hai - aur jo allaah kee seemaon ka ullanghan kare to usane svayan apane aap par zulm kiya - tum nahin jaanate, kadaachit is (talaaq) ke pashchaat allaah koee soorat paida kar de

phir jab ve apanee niyat iddat ko pahunche to ya to unhen bhalee reeti se rok lo ya bhalee reeti se alag kar do. aur apane mein se do nyaayapriy aadamiyon ko gavaah bana do aur allaah ke lie gavaahee ko durust rakho. isakee naseehat us vyakti ko kee jaatee hai jo allaah aur antim din par eemaan rakhega usake lie vah (pareshaanee se) nikalane ka raah paida kar dega

aur use vahaan se rozee dega jisaka use gumaan bhee na hoga. jo allaah par bharosa kare to vah usake lie kaafee hai. nishchay hee allaah apana kaam poora karake rahata hai. allaah ne har cheez ka ek andaaja niyat kar rakha hai

aur tumhaaree striyon mein se jo maasik dharm se niraash ho chukee hon, yadi tumhen sandeh ho to unakee iddat teen maas hai aur isee prakaar unakee bhee jo abhee rajasvala nahin huee. aur jo garbhavatee striyaan ho unakee iddat unake shishu-prasav tak hai. jo koee allaah ka dar rakhega usake maamale mein vah aasaanee paida kar dega

yah allaah ka aadesh hai jo usane tumhaaree or utaara hai. aur jo koee allaah ka dar rakhega usase vah usakee buraeeyaan door kar dega aur usake pratidaan ko bada kar dega

apanee haisiyat ke anusaar yahaan tum svayan rahate ho unhen bhee usee jagah rakho. aur unhen tang karane ke lie unhen haani na pahunchao. aur yadi ve garbhavatee ho to unapar kharch karate raho jab tak ki unaka shishu-prasav na ho jae. phir yadi ve tumhaare lie (shishu ko) doodh pilaen to tum unhen unaka paarishraamik do aur aapas mein bhalee reeti se paraspar baatacheet ke dvaar koee baat tay kar lo. aur yadi tum donon mein koee kathinaee ho to phir koee doosaree stree usake lie doodh pila degee

chaahie ki samaee (saamarthy) vaala apanee samaee ke anusaar kharch kare aur jise usakee rozee napee-tulee milee ho to use chaahie ki allaah ne use jo kuchh bhee diya hai usee mein se vah kharch kare. jitana kuchh diya hai usase badhakar allaah kisee vyakti par zimmedaaree ka bojh nahin daalata. jald hee allaah kathinaee ke baad aasaanee paida kar dega

kitanee hee bastiyaan hain jinhonne rab aur usake rasoolon ke aadesh ke muqaabale mein sarakashee kee, to hamane unakee sakht pakad kee aur unhen buree yaatana dee

atah unhonne apane kie ke vabaal ka maza chakh liya aur unakee kaary-neeti ka parinaam ghaata hee raha

allaah ne unake lie kathor yaatana taiyaar kar rakhee hai. atah ai buddhi aur samajhavaalo jo eemaan lae ho! allaah ka dar rakho. allaah ne tumhaaree or ek yaadadihaanee utaar dee hai

(arthaat) ek rasool jo tumhen allaah kee spasht aayaten padhakar sunaata hai, taaki vah un logon ko, jo eemaan lae aur unhonne achchhe karm kie, andheron se nikaalakar prakaash kee or le aae. jo koee allaah par eemaan lae aur achchha karm kare, use vah aise baagon mein daakhil karega jinake neeche naharen bah rahee hogee - aise log unamen sadaiv rahenge - allaah ne unake lie uttam rozee rakhee hai

allaah hee hai jisane saat aakaash banae aur unhee ke sadrsh dharatee se bhee. unake beech (usaka) aadesh utarata rahata hai taaki tum jaan lo ki allaah ko har cheez ka saamarthy praapt hai aur yah ki allaah har cheez ko apanee gyaan-paridhi mein lie hue hai