Back to Languages

    Iranun - Chapter 44

    Translation by Abdul Aziz Gro Aalem Saromintang

    Verse 1

    Ha Mim. So Allah i Mata-o ko Paka-a antapan Niyan non

    Verse 2

    Ibut ko Kitab a Miyakapayag (ko ontol a go so ribat)

    Verse 3

    Mata-an! A Sukami na Initoron Ami Sukaniyan (a Qur-an) ko Gagawi-i a Piyakandakulan sa Mapiya: Mata-an! A Sukami na Miyabaloi Kami a Puphamaka-iktiyar

    Verse 4

    Ron gi-i Pakashusunggaya-a so langowan o Sogowan a Miyapasad a kokoman

    Verse 5

    Sogowan a pho-on ko Hadapan Nami. Mata-an! A Sukami na Miyabaloi Kami a Puphanonogo

    Verse 6

    Limo a pho-on ko Kadnan Ka: Mata-an naya! a Sukaniyan so Puphakanug, a Mata-o

    Verse 7

    A Kadnan o manga Langit a go so Lopa go so nganin a Pagulutan a dowa nan, o sukano na Thotomangkud kano

    Verse 8

    Da-a Tohan a inonta Sukaniyan: A Puphangoyag go Puphangimatai,- Kadnan iyo go Kadnan o manga Lokus iyo a Miyanga-o ona

    Verse 9

    Kuna, ka siran na matatago ko kashasangka a sa-sabulaon niran

    Verse 10

    Na Nayawangka so Gawi-i a Kitalingoma-an o Langit ko Bul a Mapayag

    Verse 11

    A Mikolob ko manga Manosiya: (na Matharo iran a:) Giyai na siksa a Malipudus

    Verse 12

    (Go Matharo iran:) Kađdnan nami! Pokasangka rukami so siksa, ka Mata-an! A sukami na Miyaratiyaya kami

    Verse 13

    Andamanaya i Kakhaparoliya iran ko Pananadum, a Sabunar a Miyakaoma kiran so Sogo, a

    Verse 14

    Miyakapayag,14. Oriyan niyan na Tiyalikhodan niran noto, go Pitharo iran: A Piyangundao a Pumbuthangun

    Verse 15

    Mata-an! A Sukami na Piyokas Ami so siksa sa da Mathai, na Mata-an! A sukano na Mimbalingan kano (bo)

    Verse 16

    Si-i ko isa Alongan na Olangun Nami so Bagur a Mala: Mataan! A Sukami i Pundadanug

    Verse 17

    Na Sabunsabunar a Tiniyoba Ami ko Miya-ona an niran so Pagtao o Pir-aon: Go Minitalingoma kiran o (musa a) Sogo a susula-an, (a Pitharo Iyan)

    Verse 18

    Palada niyo Rakun so manga Oripun o Allah: Mata-an! A Sakun na Sogo rukano a Kasasana-an

    Verse 19

    Go di niyo Pagombawi so Allah: Mata-an! A Sakun na Minitalingoma Ko rukano so KĶKatantowan a Mapayag

    Verse 20

    Go Mata-an! A Sakun na Lominindong Ako ko Kadnan Ko go Kadnan niyo, ka o ba a Ko niyo Radiyama

    Verse 21

    Na o di Ako niyo Pharatiyaya-a na awata Ko niyo

    Verse 22

    Na Miyangangarapan ko Kadnan Niyan: Mata-an! A siran naya na Pagtao a manga Baradosa

    Verse 23

    Na (Pitharo o Allah a:) Pangulumun Ka so manga Oripun Ko ko Kagagawi-i: Mata-an! A sukano na Thondogun kano (iran)

    Verse 24

    Go Ganatingka so Kalodan a Masusurai: Mata-an! A siran na Tantara a Phanguludun

    Verse 25

    Madakul a Kiyaganatan niran a manga Pamomolan a go manga Bowalan

    Verse 26

    Go manga Pur go Darpa a Mapiya

    Verse 27

    Go Limo a Miyabaloi siran non a Khikasosonor

    Verse 28

    Giyoto man (i inikidiya Mi kiran)! Go Piyakipangowarisan Ami oto ko Pagtao a Miyangao ori (a pagtao o Musa)

    Verse 29

    Na da siran Kasugadi o Langit a go so Lopa: Go da siran bugi sa Ta-alik

    Verse 30

    Na Sabunsabunar a Siyabut Ami so manga Moriyatao o Israil pho-on ko siksa a Phakahina

    Verse 31

    A pho-on ko Pir-aon; Mataan! A sukaniyan na Miyabaloi a Miphaporo a pud ko manga Malawani

    Verse 32

    Na Sabunsabunar a Pinili Ami siran si-i ko Kata-o ko manga Ka-adun (ko Masa iran)

    Verse 33

    Go bigan Nami siran ko manga Tanda a so KĶatatagowan sa tupung, a Mapayag

    Verse 34

    Mata-an! A siran naya na gi-i ran Tharo-on

    Verse 35

    Da-a salakao a rowar ko Kapatai tano a Paganai, go kuna a ba tano Phanga-o oyag ko oriyan o Kapatai

    Verse 36

    Na Pakambowata niyo so manga Lokus ami, o sukano 1 manga Bunar

    Verse 37

    Ba siran i tomo, antawa-a so Pagtao o Tubba, go so Miya-ona an niran? Bininasa Mi siran, Mata-an! A siran na Miyabaloi siran a manga sala

    Verse 38

    Da ko KĶKiya-aduna Mi ko manga Langit a go so Lopa, go so nganin a Pagulutan a dowa nan, o ba Kami Khikabibimban

    Verse 39

    Da ko Kiya-aduna Mi sa dowa nan inonta na si-i ko Bunar: Na ogaid na so Kadakulan kiran na di ran katawan

    Verse 40

    Mata-an! a so Alongan a Kokoman na diyandi kiran langon

    Verse 41

    Alongan a da-a Khilinding o Tonganaıi ko Tonganai niyan a malto bo, go di siran Phangatatabangan

    Verse 42

    IĪnonta so ini Kalimo o Allah: Mata-an! A Sukaniyan na Sukaniyan so Mabagur, a Makalimoon

    Verse 43

    Mata-an! A so kayo a Zaqqum

    Verse 44

    Na Pangunungkun o Baradosa

    Verse 45

    Lagid o Totonagun a Galang, a Pundidi ko manga Tiyan

    Verse 46

    Lagid o Kapundidi o Phulikabo a 1g

    Verse 47

    (Tharo-on:) Kowa-a niyo sukaniyan na goyoda niyo to ko Lumbak o Naraka Jahim

    Verse 48

    Oriyan niyan na ododa niyo ko Poro o Olo niyan so siksa a Phulikabo

    Verse 49

    (Tharo-on non:) Ta-a mingka! Mata-an! A suka na suka so Mabagur, a Paga-adatan (sa Doniya)

    Verse 50

    Mata-an! A giyaya so sukano na Shasangka kano ron

    Verse 51

    Mata-an! A so Khipanananggila na si-i koDarpa a sasarigan

    Verse 52

    Si-i ko manga Pamomolan go manga Bowalan

    Verse 53

    Ndiditar siran sa Sotra a Manipis go Sotra a Makapal, a Khipaga-adapa dapa

    Verse 54

    Giyoto dun man, go Pakaphamangaroma-an Nami siran sa manga Tataid, a manga. Pipiya i Kapumata

    Verse 55

    Puphananawag siran ro-o sa Pithibarang a Onga, a Khisasarig siran

    Verse 56

    Da-a khasagadan niran ro-o a Kapatai, inonta so Kapatai a Paganai (sa Doniya); go Phakalidasun Niyan siran ko siksa ko Naraka Jahim

    Verse 57

    Kakaya-an a pho-on ko Kadnan Ka! Giyoto man na Sukaniyan so Da-ag, a Mala

    Verse 58

    Na aya dun a Kiyaluboda Mi ron, si-i ko Basangka, na a niran Sabota (a Qur-an naya)

    Verse 59

    Na nayao Ka; Mata-an! A siran na Nomanayao siran (mambo)