Back to Languages

    Iranun - Chapter 56

    Translation by Abdul Aziz Gro Aalem Saromintang

    Verse 1

    Amai ka makatana so phakatana (a so Alongan a Qiyamah)

    Verse 2

    Da ko kapakatana iyan i Maka-ongkiron

    Verse 3

    Phakarondanun Niyan (so saba-ad), phaka-ombaon Niyan (so saba-ad)

    Verse 4

    Amai ka Linogun so Lopa sa Linog a samporna

    Verse 5

    Go masharoput so manga Palao sa samporna a kasharoput

    Verse 6

    Na mbaloi a lopapuk, a mikakayambur

    Verse 7

    Go mbaloi kano a tulo ka dinis

    Verse 8

    Na so manga tao sa kawanan;na antona-a 1 manga tao sa kawanan

    Verse 9

    Go so manga tao sa diyowang,- na antona-a i manga tao sa diyowang

    Verse 10

    Go so miyanga o ona (ko Paratiyaya) na phanga-o ona (ko Sorga)

    Verse 11

    Na siran man i manga rarani (ko Allah)

    Verse 12

    A khatago ko manga Sorga, a Pakalma

    Verse 13

    Madakul a pudon ko miyanga-o ona

    Verse 14

    Na maito a pudon ko miyanga-o ori

    Verse 15

    Khidadarpa ko manga kantir, a piyamarabowatan

    Verse 16

    Gi-i siran ro-o shasanda-sandang, a khipaga-adapadapa

    Verse 17

    Ipuphagilid kiran o manga Wata a tatap a manga Kangoda an

    Verse 18

    So manga baso, go manga kundi, go so khitatagowan sa ino- mun a pho-on ko bowalan

    Verse 19

    Di ron shakıit a Olo iran, go di siran non khaburug

    Verse 20

    Go manga Onga, a pud ko matotomo iran

    Verse 21

    Go sapo a manga papanok a pud ko pukhababaya-an niran

    Verse 22

    Go so (manga bai a) manga tataid, a manga pipiya i kapumata

    Verse 23

    Manga ishan o manga Montiya, a totongkopun

    Verse 24

    Balas ko Pinggolaola iran (a mapiya)

    Verse 25

    Da-a khanug iran ro-o a ilang, go da-a kambaradosa

    Verse 26

    Inonta so Katharo a Salaam, Kalilintad

    Verse 27

    Na so manga tao sa kawanan;- antona-a 1 manga tao sa kawanan

    Verse 28

    Khatago siran ko kayo a sidur a disoroken

    Verse 29

    Go manga saging, a manga titryolig

    Verse 30

    Go kasisirongan a tatap

    Verse 31

    Go ig a mabobobos

    Verse 32

    Go manga Onga a madakul

    Verse 33

    Dikharintas go da-a run niyan

    Verse 34

    Go manga iga-an a manga poporo

    Verse 35

    Mata-an! A Sukami na Pagadunun Nami siran (a manga bai ko Sorga) sa bago a Kapangadun

    Verse 36

    Na mbalowin Ami siran a manga Raga

    Verse 37

    A manga Sasalinggagao, a murusha rusha

    Verse 38

    A bagiyan o manga tao sa kawanan

    Verse 39

    Madakul a pudon ko miyanga-o ona

    Verse 40

    Go madakul a pudon ko miyanga-o ori

    Verse 41

    Na so manga tao sa diyowang; -antona-a 1 manga tao sa diyowang

    Verse 42

    Khatago ko mayao, go phulikabo a ig

    Verse 43

    Go along, a bul a maitum

    Verse 44

    Di pakarunggai, go di mapiya

    Verse 45

    Mata-an! A siran na aya butad iran ko ona-an noto na khikasosonor

    Verse 46

    Go aya butad iran na lalalayonun niran so dosa a mala

    Verse 47

    Go aya butad iran na gi-iran Tharo-on: Ino amai ka matai kami, go mbaloi kami a botha, go manga tolan, ba Mata-an! A khaoyag kami dun (sharoman)

    Verse 48

    Go so manga lokus ami a miyanga-o ona

    Verse 49

    Tharowangka: Mata-an! A so miyanga-o ona, go so miyanga o ori

    Verse 50

    Na Pulimodun siran ndun ko Kaputhatalabokaan ko Alongan a mapupunto

    Verse 51

    Oriyan niyan na Mata-an! A sukano Hai Mithataridadag!- A Miyamanaplis

    Verse 52

    Na phakakan kano dun ko kayoa Zaqqum

    Verse 53

    Na mapunopuno 1yo ron so manga tiyan niyo

    Verse 54

    Na misondok iyo ron so phulikabo a ig

    Verse 55

    Na makainom kano sa kalnoma manga Onta a pukhawao

    Verse 56

    Giyaya i talagad kiran ko gawi-i a kapamalas

    Verse 57

    Sukami i Miyadun rukano; na ba kano di Phangimbunar

    Verse 58

    Aiguda iyo ko pukhaodod iyo (ko manga Rahim o manga Babai)

    Verse 59

    Ba sukano i Phagadun non, antawa-a Sukami i Puphangadun

    Verse 60

    Sukami i dominiyangka rukano ko kapatai, na di Kami niyo khapalagoyan

    Verse 61

    Ko kashambi Ami sa manga lagid iyo, go so Kaphagadun Nami rukano ko nganin a di niyo katawan

    Verse 62

    Na Sabunsabunar a kiyatokawan niyo so Kiyapangadun a paganai; na ba niyo di Khatadumi

    Verse 63

    Aiguda iyo ko ipushaod iyo

    Verse 64

    Ba sukano i Puphamakalonao ron, antawa-a Sukami 1 Puphamakalonao ron

    Verse 65

    O kabaya Ami na Mata-an a khabaloi Ami sukaniyan a pols, na mabaloi kano a puphamumusa kano

    Verse 66

    (Gi-i niyo Matharo:) Mataan! A sukami na bakami dun miyakambayadan

    Verse 67

    Kuna, ka sukami na piyapas rukami (so riskhi)

    Verse 68

    Aiguda iyo ko ig a so Phaglinomun niyo

    Verse 69

    Ba sukano i puphamakatoronon a pho-on ko manga Gabon, antawa-a Sukami i Puphamakatoronon

    Verse 70

    O kabaya Ami, na khabaloi Ami sukaniyan a mapulud; na ino kano di Phanalamat

    Verse 71

    Aiguda iyo ko Apoi a so Mapuphakagumao niyo

    Verse 72

    Ba sukano i Miyakatho ko kayo niyan, antawa-a Sukami i Miyamakatho-on

    Verse 73

    Sukami na biyaloi Ami sukaniyan a Pananadum, go kapunggona-an khitatanao

    Verse 74

    Na Phoroporo-on Ka so ngaran o Kadnan Ka, a Mala

    Verse 75

    Na Pushapa Ako dun sa Ibut ko manga darpa o manga Bito-on

    Verse 76

    Na Mata-an naya a titho a Kashapa o katawıi niyo a lubi a Mala

    Verse 77

    Mata-an! A Sukaniyan na titho a Qur-an, a Paga-adatan

    Verse 78

    Shisi-i ko daptar a pago-ongowan (a so Laokh mahfod)

    Verse 79

    Da-a phakasukho-on inonta so miyanga Sosoti

    Verse 80

    Initoron a pho-on ko Kadnan o manga Ka-adun

    Verse 81

    Antona-a i sabap a giyangkai a Tothol na sukano na paka-i ito-on niyo

    Verse 82

    Go pumbalowin niyo so pagupur rukano a Mata-an! A sukano na Phagongkirun niyo

    Verse 83

    Na ino igira-a miyakasampai (so Niyawa) ko bakurung

    Verse 84

    A sukano sa masa oto na pukhailai niyo

    Verse 85

    Go Sukami i lubi a marani ron a di sukano, -na ogaid na di niyo khailai

    Verse 86

    Na o sukano na di kano khabalasan

    Verse 87

    Na ino niyo to di maphakakasoi, o sukano i manga bunar

    Verse 88

    Na amai ka aya butad iyan na pud ko phamakaranın (ko Sorga)

    Verse 89

    Na (ruk Iyan) so Kapakadukha, go pagupur, go Sorga, a Pakalma

    Verse 90

    Na amai ka aya butad iyan na pud ko manga tao sa kawanan

    Verse 91

    Na (Tharo-on non:) Salaam a bagiyan ka a pud ko manga tao sa kawanan

    Verse 92

    Na amai ka aya butad iyan na si-i pud ko Miyamanaplis, a Mithataridadag

    Verse 93

    Na talagadon so phulikabo a ig

    Verse 94

    Go phagbong ko Naraka Jahim

    Verse 95

    Mata-an! A giyaya na titho a sukaniyan so bunar a matatangkud

    Verse 96

    Na Phoroporo-on Ka so ngaran o Kadnan Ka, a lubi a Mala