Back to Languages

    Iranun - Chapter 84

    Translation by Abdul Aziz Gro Aalem Saromintang

    Verse 1

    Amai ka so Langit na manga bubunsad

    Verse 2

    Go mangonot ko Kadnan Niyan, ka Miyapatoton

    Verse 3

    Go amai ka so Lopa na pakaoladun

    Verse 4

    Go iyawa iyan so nganin a madadalumon, na kada-an sa tago

    Verse 5

    Go mangonot ko Kadnan Niyan, ka miyapatoton

    Verse 6

    Hai Manosiya! Mata-an! A suka na Pananagontaman sa taman sa kitumo ko Kadnan ka sa samporna a panagontaman, ka mipumbaratumowa-a ka Sukaniyan

    Verse 7

    Na sa dun sa mibugai ron so Daptar iyan si-i ko kawanan niyan

    Verse 8

    Na mapamagitong dun sa itongan a malubod

    Verse 9

    Go makandod ko manga tonganai niyan a mabababaya

    Verse 10

    Na so puman so midawagon so Daptar iyan si-i ko tampar ko likod iyan

    Verse 11

    Na migoraok iyan ndun so kabinasa

    Verse 12

    Go makasolud ko kadug

    Verse 13

    Mata-an! A sukaniyan na so katatago iyan (sa doniya) ko manga tonganai niyan na mabababaya

    Verse 14

    Mata-an naya! A aya tangkap iyan non na di dun phakandod (ko Kadnan Niyan)

    Verse 15

    Owai na, Mata-an! A so Kadnan Niyan na tatap a phagilain Niyan

    Verse 16

    Na Pushapa Ako sa Ibut ko Pamorawag a mariga

    Verse 17

    A go so gagawi-i, go so nganin a miyatiganus iyan

    Verse 18

    Go so Olan igira-a mimbiring

    Verse 19

    Ka puphakasakat kano dun ko sapangkat pho-on ko sapangkat

    Verse 20

    Na antona-a i maka-arun kiran sa di iran Kapharatiyaya

    Verse 21

    Go-igira a biyatiya kiran so Qur-an na di siran Phangalimbabaan

    Verse 22

    Kuna, ka siran a da Pamaratiyaya na gi-i ran Pakambokhagun (so Qur'an)

    Verse 23

    Na so Allah i lubi a Mata-o ko pagu-unusun niran

    Verse 24

    Na Pamanotholangka kiran so siksa a malipudus

    Verse 25

    Ogaid na so siran a Miyamaratiyaya go Pinggalubuk iran so manga pipiya: Na adun a bagiyan niran a balas a di khaompas