Kinyarwanda - Chapter 84 - Al-Inshiqaq

Igihe ikirere kizasandara (ku munsi w’imperuka)

Nuko kikumvira (itegeko rya) Nyagasani wacyo kandi ibyo birakwiye (ko kimwumvira)

N’igihe isi izaringanizwa

Maze igasohora ibiyirimo (abapfuye), igasigarira aho

Nuko ikumvira (itegeko rya) Nyagasani wayo kandi ibyo birakwiye (ko imwumvira)

Yewe muntu! Mu by’ukuri, ukorana umuhate imirimo yawe ugana kwa Nyagasani wawe, kandi muzahura (ku munsi w’imperuka)

Bityo, uzahabwa igitabo cye (cy’ibikorwa bye) mu kuboko kw’iburyo

Azabarurirwa mu buryo bworoshye

Kandi azasubira mu bantu be (umuryango we wakoze neza ku isi, ndetse n’abagore azagororerwa bo mu ijuru) yishimye

Naho uzahabwa igitabo cye (cy’ibikorwa bye, akacyakirira) inyuma y’umugongo

Azisabira kurimbuka

Kandi azinjira mu muriro ugurumana

Mu by’ukuri, (mu buzima bwo ku isi) yabagaho mu muryango we mu bwirasi

Mu by’ukuri, yibwiraga ko atazagaruka (kwa Nyagasani we)

Nyamara si byo! Mu by’ukuri, Nyagasani we yabaga amubona neza

Bityo, ndahiriye ku gicu gitukura cy’izuba rirenga

No ku kwezi igihe kuzuye

Ko rwose muzanyura mu byiciro bitandukanye (mu buzima bwa hano ku isi no ku munsi w’imperuka)

Ese babaye bate, kuki batemera

Ndetse n’iyo basomewe Qur’an ntibajya bubama

Ahubwo abahakanye bahinyura (Intumwa Muhamadi n’inyigisho zayo)

Kandi Allah azi neza ibyo bahisha (mu mitima yabo)

Bityo, bagezeho inkuru y’ibihano bibaza

Uretse abemeye bakanakora ibikorwa byiza, bazagororerwa ibihembo bidashira (Ijuru)