Back to Languages

    Kinyarwanda - Chapter 86

    Translation by R. M. C. Rwanda

    Verse 1

    Ndahiriye ku kirere no ku kimurika nijoro

    Verse 2

    Ni iki cyakumenyesha ikimurika nijoro

    Verse 3

    Ni inyenyeri imurika

    Verse 4

    Nta muntu utagira umugenzuzi (abamalayika bashinzwe kugenzura ibikorwa bya muntu)

    Verse 5

    Ngaho umuntu niyitegereze icyo yaremwemo

    Verse 6

    Yaremwe mu mazi ataruka (intanga)

    Verse 7

    Aturuka hagati y’urutirigongo n’ibituza

    Verse 8

    Mu by’ukuri, (Allah waremye uwo muntu mu ntanga) afite ubushobozi bwo kumuzura

    Verse 9

    Umunsi amabanga azahishurwa

    Verse 10

    Icyo gihe (umuntu) nta mbaraga azaba afite cyangwa ngo agire umutabara

    Verse 11

    Ndahiriye ku kirere gitanga imvura igenda igaruka

    Verse 12

    No ku isi isaduka (kugira ngo ibiti n’ibimera bimere)

    Verse 13

    Mu by’ukuri, iyi (Qur’an) ni ijambo ritandukanya (ukuri n’ikinyoma)

    Verse 14

    Kandi ntabwo ari ijambo ridafite umumaro

    Verse 15

    Mu by’ukuri, (abahinyura ukuri) bacura umugambi mubisha (wo kurwanya ubutumwa bw’ukuri)

    Verse 16

    Maze nanjye (Allah) nkaburizamo umugambi wabo

    Verse 17

    Bityo, abo bahakanyi bahe igihe (yewe Muhamadi), ubarindirize gato (bazibonera ibizababaho)