Kurmanji - Chapter 88 - Al-Ghashiyah

Bi sond! Ji bona te ra ji bûyera (Qarsê, ku hemû tiştî kavil dike) peyv hatîye

Di wê rojê da hinek rû hene, melûl dibin

Xebitîne(westîyane) bi kerbî hatine teşqeladanê

Di agirê sor da têne avêtinê

Ji kanîyeke kel da vedixun

Ji pêştirê (berêdara) ererê qe tu xwarina wan tuneye

(Ewa) bi xwarinê qelew nabin, ça ji birçîbûnê jî fereste nabin

Di wê rojê da hinek rû jî hene, di nava xwarinan da (berxudarin)

Ji bona xebata xwe ye (cihanê) qayîl in

Ewanan (di behiştê da) qe tu (axiftinê) kêr nehatî nabîhên

Di (behiştê da) kanînê avê wan dikişin hene

Û şel bikne (avê) bi tijî amade (hene)

Û balgînê rêzkirî (hene)

Binraxne baha (hene)

Maqey ewan (merivan) îdî li bal devê da mêze nakin, ka ça hatîye afirandinê

(Ewan) li bal ezman da jî (mêze nakin) ka ça hatîye bilind kirinê

Û li bal çîyan da jî (mêze nakin) ka ça hatine çikandinê

(Û li bal zemin da jî mêze nakin) ka ça hatîye çê kirin û raxistinê

Îdî (Muhemmed!) Tu (ji bona wan ra) şîretan bike. Loma bi rastî hey tu şîret karî

Tu (ferman dêrekî) li ser wan hetibî (Verêhte kirinê) ku bi zor ewan bînî ser gotina xwe, nînî

Lê kîjan (ji piştî şîretan) rû fetilandibe û bibe file

Îdî Yezdan ê ewî bi şapateke meztir bide şapat kirinê

Loma bi rastî vegerandin û êwra wan bal me dane

Paşê bi rastî hijmara (kirinê wan) li ser meye (emê bihijmir in)

Hingê bi rastî, hesabê wan li ser me ye