Kendayan - Chapter 18

Sagala puji ka’ Allah nang udah nuruntatn Kitab (al-Quran) ka’ hamba-Nya man Ia nana’ ngajiatnya bengkok

sabage bimbingan nang locor, nto’ ngingatatn ka’ siksaan nang miah padih dari sisi-Nya man marentatn kabar repo ka’ urakng-urakng mukmin nang ngarajaatn kabaikatn bahoa’ iaka’koa nae’ namu balasan nang baik

Iaka’koa kakal ka’ dalapmnya nto’ salama-lamanya

Man nto’ ngingatatn ka’ urakng nang bakata, ”Allah na’ap sa’urakng anak. ”

Iaka’koa sama sakali nana’ ba pangatahuan tentang hal koa, ampakoa uga’ da’ nek nangenya. Miah jahatnya kata-kata nang kaluar ka’ molotnya ka’koa; iaka’koa ngge bakata pangalok ihan

Maka barangkali kao (Muhammad) mao’ nyilakaatn diri’nyu karana basadih ati saudah iaka’koa bapaling, sakiranya iaka’koa nana’ baiman ka’ katarangan nian (al-Quran)

Sabatolnya Kami udah nyajiatn ahe nang ada ka’ bumi sabage pariasan unto’nya, Nto’ Kami nguji iaka’koa, sae ke’ ka’ antarnya nang tabaik pabuatatnnya

Man Kami banar-banar mao’ nyajiatn (uga’) ahe nang ka’ atasnya manjaji tanah nang tandus agi’ karikng

Ahe ke’ kao ngira bahoa’ urakng nang niami ohankng, man (nang ngampu’i’) raqim 484 koa, tamasok tanda-tanda kabasaratn Kami nang menakjubkan

(Ingatlah) waktu pamuda-pamuda koa balindukng ka’ dalapm ohakng lalu iaka’koa bado’a, ”Oh Tuhan kami. Bare’lah rahmat ka’ kami dari sisi-Nyu Man sampuranaatnkanlah patunjuk nang locor ka’ kami dalapm urusatn kami nian.”

Maka Kami tutup tarenyekngnya ka’ dalapm ohakng koa,485 ntah sangahe tahutn’

kamudian Kami lumpatatn’ iaka’koa, supaya Kami nau’an sae ke’ ka’ antara kadua’ golongan koa486 nang labih tapat dalapm baretong’ sangahe lama’nya iaka’koa badiapm’ (dalapm ohakng koa)

Kami curitaatn ka’ kao (Muhammad) gesah iaka’koa mang sabanarnya. Sabatolnya iaka’koa da pemuda-pemuda nang baiman ka’ Tuhannya iaka’koa man Kami tambahi’ patunjuk ka’ iaka’koa

man Kami kuatatn atinya iaka’koa waktu iaka’koa badiri487 lalu iaka’koa bakata, ”Tuhan kami koalah Tuhan langit man bumi; Kami nana’ nyaru’ Tuhan selain Ia. Sungguh, kade’ kami babuat ampakoa, tantu kami udah bakata man pakataatn nang miah jauh dari kabanaratn. ”

Iaka’koa kaum kami nang udah nyajiatn tuhan-tuhan (nto’ disambah) selain Ia. Ngahe iaka’koa nana’ matakatn alasan nang jalas (tentang kapucaya’annya ka’koa)? Maka sae ke’ nang labih jalim daripada urakng nang ngadaatn kaalokatn ka’ Allah

Man kade’ kao ningalatn iaka’koa man ahe nangnya ka’koa sambah selain Allah maka gago’lah tampat balindung ka’ 18. AL-KAH dalapm ohakng koa, pasti Tuhannyu mao’ mare sabagian sabagiatn rahmat-Nya ka’ kao man nyadiaatn jukut nang baguna nto’ nyu dalapm urusatnnyu

Man kade kao mao’ nele’ mata’ari dah tarabit, condong dari ohakngnya ka’koa ka’ sabalah kanan, man kade’ mata ari koa tingalapm’, nyauhi’nya ka’koa ka’ sabalah keba’ samintara iaka’koa barada ka’ dalapm tampat nang luas ka’ dalapm (ohakng) koa. Koalah sabagian dari tanda-tanda (kabasar- atn) Allah. Sae ma’an nang dibare’ patun- juk di Allah maka ia lah nang namui’ patunjuk; man sae ma’an disasatatn-Nya maka kao nana’ akan napati’ saurakng panolong nang dapat mare’ patunjuk ka’ ia

Man kao ngira bahoa’ iaka’koa nana’ tidur, padahal iaka’koa tidur; man Kami bolak-balikatn iaka’koa ka’ kanan man ka’ keba’, samintara asu’ nya ka’koa iaka’koa badapa’ kokot nya ka’ dapan pintu ohakng. Man kade’ kao nele’nya’ ka’koa tantu kao mulakng dari babaro dari nya ka’koa man pasti kao marasa kagali’anan ka’ iaka’koa

Man ampakoalah Kami ngunaki’ nya ka’koa, supaya iaka’koa batanya’-tanyai’. Ka’ antaranya ka’ koa ada nang bakata dah, ”nian ka’ sangae lama diri ka’ (ka’ didiatn)? ”Iaka’ koa nyawap, ”diri’ barada ka’ didiatn sa’ari ato satangah ari. ”Bakata (nang lain agi’), ”Tuhannyu labih ngatahui’ sangae lama’ diri’ barada (ka’ didiatn). Maka suruhlah salah saurakng ka’ antara kita’ ampus ka’ kota mang ngincakng duit peraknyu nian, man hendaknya ia nele’ mae ke’ makanan nang labih baik, man incaknglah sabagian makanan koa nto’nyu, man hendaklah ia balaku lamah lamut man amelah kao nyaritaatn nian ka’sae pun

Sabatolnya kade’ iaka’koa dapat ngatahui’ tampatnyu, pasti iaka’koa mao’ nabaki’ kita’ mang batu, ato maksanyu mulakng ka’ agamanya, man kade’ ampakoa pasti kita’ nana’ akan baruntukng salama- lamanya. ”

Man ampakoa (uga’) Kami tele’atn ka’ (talino) mang iaka’koa, supaya iaka’koa nau’an, bahoa’ janji Allah batol, man bahoa’ (ka atangan) ari kiamat nana’ ada karaguan ka’ ia. Ke’dah iaka’koa basalisih ka’ urusannya ka’koa, 489 maka iaka’ koa bakata, ”Diriatnlah sabuah bangunan ka’ atas (ohakng) nya ka’koa, Tuhan nyaka’koa labih ngatahui’ tentang iaka’koa. ”Urakng nang bakuasa atas urusatn iaka’koa bakata, ”Kami pasti mao’ niriatn sabuah rumah ibadah ka’ atasnya. ”

Nae (ada urakng nang mao’) ngataatn, 490 (Jumbalah nyaka’koa) talu (urakng), nang ka’ Ampat ialah asu’nya, ”man (nang lain) ngataatn, ”(Jumbalah nyaka’koa) lima (urakng), nang ka’ anam ialah asu’nya, ”sabage terkaan ka’ nang gaib; man (nang lain agi’) ngataatn, ”(Jumbalah iaka’koa) tujuh (urakng), nang ka’ delapan nya ialah asu’nya. ”Batakatnlah (Muhammad), ”Tuhannyu labih nau’an jumbalah nyaka’ koa; nana’ ada nang nau’an (etongan) nyaka’koa kacoali sabebet. ”Karana koa amelah kao (Muhammad) babantah ka’ hal nyaka’koa, kacoali pabantahatn lahir ihan man amelah kao nanya’an masalah (pamuda-pamuda) kota ka’ sae pun

Man ame sakali-sakali kao ngatakatn, ”Aku pasti ngarajaatn nya koa alapm ampagi’, ”

kacoali (mang ngataatn), ”Insya Allah. ”491 Man ingatlah ka’ Tuhannyu kade’ kao lupa man kataamlah, ”Mudah-mudahan Tuhanku mao’ mare’ku patunjuk ka’ aku supaya aku labih samak (kabanaratnnya) 18. AL-KA daripada nian. ”

Man iaka’koa badiapm’ dalapm ohakng salama’ talu ratus tahutn’ man dinambah sambilan tahutn’

Batakatnlah, ”Allah labih nalian’ sangae lama’nya iaka’koa badiapm’ (ka’ ohakng); ampu’-Nya samua nang tasambunyi ka’ langit man ka’ bumi. Sidi miah tarang panele’atn-Nya man miah tajapm’ panangaratn-Nya; nana’ ada saurakng palindungpun bagi iaka’koa salain Ia; man Ia nana’ na’ap saurakng pun jadi sakutu- Nya dalapm natapatn kaputusatn. ”

Man bacaatnlah (Muhammad) ahe nang diwahyukan ka’ kao, iakoa Kitab Tuhannyu (al-Quran). Nana’ ada nang dapat ngobah kalimat-kalimat-Nya. Man kao nana’ akan dapat namuan tampat balinukng selain ka’ Ia

Man basabarlah kao (Muhammad) bersama urakng nang nyaru’ Tuhannya ka’ alapm’ man gumare’ ari mang ngarapatn karidoan-Nya; man amelah kadua’ matanyu bapaling dari iaka’koa (karana) ngarapatn pariasan kaidupatn dunia; man amelah kao ngikuti’ urakng nang atinya udah Kami laleatn dari ngingati’ Kami, serata nuruti’ kamao’annya man kaadaannya udah ngalewati’ batas

Man batakatnlah (Muhammad), ”kabanaratn koa atakngnya dari Tuhannyu; barangsae ngahandaki (baiman) handaklah ia baiman, man sae ma’an ngahandaki (kapir) biarlah ia kapir. ”Sungguh Kami udah nyadiaatn naraka bagi urakng jalim, nang gajolaknya ngapongi’ iaka’koa. Kade’ iaka’koa minta patolongan (nyocok), iaka’koa mao’ dibare’i’ ai’ saparati basi nang ningkorak nang ngangusatn muha. (Koalah) cocokatn nang miah buruk man tampat istirahat nang miah jahat

Sungguh, iaka’koa nang baiman man ngarajaatn kabaikatn, Kami nana’ akan nyia-nyiaatn pahala urakng nang ngarajaatn pabuatan nang edo’ koa

Iaka’koa koalah nang mamparoleh Surga ‘Adn, nang namu ka’ babahnya sunge- sunge; (dalapm surga koa) iaka’ koa dibare’ pariasan galakng amas man iaka’koa makei’ pakean ijo dari sutera alus man sutera tabal, sedang iaka’koa duduk sambil nyanar ka’ atas pene-pene nang edo’. (koalah) sabaik-baik pahala man tampat istirahat nang edo’

Man bare’lah (Muhammad) ka’ iaka’koa492 sabuah parumpamaan, dua urakng nang-laki, 493 nang surakng (nang kapir) Kami bare’ dua buah kabon anggur man Kami kulilikngi’ kadua’ kabon koa mang puhutn’-puhutn’ kurma man ka’ antara kadua’nya (kabon koa) Kami panjuati’ uma

Kadua’ kabon koa ngasilatn buahnya, man nana’ bakurang (buahnya) saebet pun, man samak-samak kadua’ kabon koa Kami aliratn sunge

man ia ngampu’i’ samua kakayaan maka ia bakata ka’ ayukngnya (nang baiman) waktu ngomong-ngomong mang ia, ”Hartaku labih manyak daripada hartanyu man pangikutku labih kuat. ”

Man ia nama’i’ kabonnya mang sikap ngarugiatn diri’nya babaro (karana angkuh man kapir); ia bakata, ”Aku kira kabon nian nana’ akan binasa salama-lama’nya

man aku kira ari kiamat koa nana’ akan atakng, man sakiranya aku dipulangan ka’ Tuhanku, pasti aku mao’ napati’ tampat mulakng nang labih edo’ daripada nian. ”

Ayukngnya (nang baiman) bakata ka’ ia sambil ngomong-ngomong man ia, ”Ahe ke’ kao ingkar ka’ (Tuhan) nang nyiptaatn kao dari tanah, kamudian dari satetek ai’ 18. AL-K mani, lalu Ia nyajiatn kao surakng nang laki nang sampurana

Tapi aku (pucaya’’ bahoa’), Ia lah Allah, Tuhanku, man aku nana’ nyakutuatn Tuhanku mang nang lain

Man ngahe waktu kao masoki’ kabonnyu nana’ ngucapatn”Masya Allah, La quwwata illa billah”(Sungguh, atas kamao’an Allah, samua nian tawujud), nana’ ada kakuatan kacoali mang (patolongan) Allah, sakaliapun kao anggap harta man katurunanku labih saebet dari nu’nyu

Maka mudah-mudahan Tuhanku, mao’ marentatn ka’ aku (kabon) nang labih edo’ dari kabonnyu (nian); man Ia nuruntatn late’ dari langit ka’ kabonnyu, sahingga (kabon koa) jadi tanah nang licin

Ato ai’nya jadi surut ka’ dalapm tanah maka kao nana’ akan namuannya agi’. ”

Man harta kekayaatnnya dibinasaatn, lalu ia molak-malikan kadua lapa’ kokotnya (tanda nyasali’) terhadap ahe nang udah dibalanjaatn nto’ koa, sedang puhutn’ anggur rabah basama panyanggahnya (tunjar-tunjar) lalu ia bakata, ”ke’ sakirnya dee aku nana’ nyakutuatn Tuhanku mang nang lain. ”

Man nana’ ada (agi’) baginya sagolongan pun nang dapat nulukngi’nya selain Allah; man ia pun nana’ dapat mambela diri’nya

Ka’ naung, patolongan koa ngge dari Allah Nang Mahabanar. Ia lah (pamare’) pahala tabaik man (pamare’) balasan tabaik

Man buatatnlah nto’ iaka’koa (talino) parumpamaan kaidupatn dunia nian, ibarat ai’ (ujatn) nang Kami turuntatn dari langit, sahingga nyuburatn tumbuh-tumbuhan ka’ bumi, kamudian (tumbuh-tumbuhan) manjaji karikng nang ditaraba ngkatn di nyaru. Man Allah Mahakuasa atas sagala sasuatu

Harta man anak-anak koa pariasatn kaidupatn dunia tapi amal kabaikatn nang tarus-manarus koa, labih edo’ pahalanya ka’ sisi Tuhannyu serata labih edo’ nto’ manjaji harapan

Man (ingatlah) ka’ ari (waktu) Kami nyalantatn gunung-gunung man kao mao’ nele’ bumi koa rata man Kami kumparatn iaka’koa (saluruh talino), man nana’ Kami pasar surakng pun dari iaka’koa

Man iaka’koa mao’ diincakng ngadap ka’ Tuhannyu mang babaris. (Allah bapirman)”Sabatolnya kita’ atakng ka’ Kami, seampahe Kami nyiptaatn kita’ ka’ patama kali; bahkan kita’ nganggap bahoa’ Kami nana’ akan natapatn nto’ kita’ waktu (balumpatatn nto’ manohi’) pajanjian

Man dilalaka’atnlah kitab (catatan amal), lalu kao mao’ nele’ urakng nang badosa marasa kagali’atn ka’ ahe nang (tatulis) ka’ dalapm nya, man iaka’koa bakata, ”miah sidi cilaka kami, kitab ahe ke’ nian, nana’ ada nang tatinggal, nang enek man nang aya’ melainkan tacatat samuanya, ”man iaka’koa napati’ (samua) ahe nang udah iaka’koa karajatn’ (tatulis). Man Tuhannyu nana’ ngajalimi’ saurakng pun

Man (ingatlah) ke’dah Kami bapirman ka’ sigana mala’ekat, ”sujudlah kita’ ka’ Adam!”Maka iaka’koa pun sujud kacoali balis. Ia koa dari (golongan) jin maka ia mandurhakai’ parentah Tuhannya. Pantas ke’ kita’ nyajiatnnya man katurunannya sabage pamimpin selain Aku, padahal iaka’koa ialah musuhnyu? Miah buruklah (balis koa) sabage pangganti (Allah) nto’ urakng nang jalim

Aku nana’ nyuruhnya atakng iaka’koa (balis man anak ucu’nya) nto’ nyaksiatn panciptaan langit man bumi man nana’ (uga’) panciptaan diri’ nyaka’koa babaro; man Aku nana’ nyadiatn urakng nang nyasatatn koa sabage panolong. 18. AL-K

Man (ingatlah) ka’ ari (waktu) Ia bapirman, ”Saru’lah dinyu sakutu-sakutu- Ku nang kao anggap koa. ”Iaka’koa lalu nyaru’i’nya, tapi iaka’koa (sakutu-sakutu) nana’ malasi’ (saru’atn) iaka’koa man Kami adaatn nto’ iaka’koa tampat kabinasaan (naraka)’

Man urakng nang badosa nele’ naraka, lalu iaka’koa ngira, bahoa’ iaka’koa mao’ jantu’ ka’ dalapmnya, man iaka’koa nana’ namuan tampat bapaling darinya

Man sabatolnya Kami udah ngajalasatn baulang-ulang ka’ talino dalapm Al-Quran nian mang bamacam-macam parumpamaan. Tapi talino kaolah nang paling manyak mantah

Man nana’ ada (sote’ pun) nang ngalangi’ talino nto’ baiman ke’dah patunjuk udah atakng ka’ iaka’koa man minta’ amponan ka’ Tuhannya, kacoali (kamao’an nunggu) atakngnya hukuman (Allah nang udah balaku ka’) umat nang dee ato atakngnya siksaatn ka’ iaka’koa mang nyata

Man Kami nana’ ngutus rasul-rasul malaintatn sabage pangincakng kabar edo man pamare’ paringatatn; tapi urakng nang kapir mambantah mang (cara) nang batil supaya nang ampakoa iaka’koa dapat ngalanyapatn nang hak (kabanaratn), man iaka’koa nyajiatn ayat-ayat-Ku man ahe nang diparingatatn ka’ iaka’koa nya jadiatn sabage pangolo’atn

Man sae ke’ nang labih jalim daripada urakngnang udah diparingatatn mang ayat- ayat Tuhannya, lalu koa bapaling dari ia man ngalupaatn ahe nang udah dikarajaatn di kadua’ kokotnya? Sungguh, Kami udah nyajiatn ati iaka’koa tatutup, (sahingga iaka’koa nana’) memahami’nya, man (Kami Tama’an uga’ pula’) panyumbatan ka’ tarenyekng nya koa. Walopun kao (Muhammad) maba iaka’koa ka’ patunjuk, pasti iaka’koa nana’ akan namu patunjuk nto’ salama’-lama’nya

Man Tuhannyu Maha Pengampun, ngampu’i’ kasih sayang. Kade’ Ia mao’ nyiksa kita’ ka’koa karana pabuatatn kita’, tantu Ia mao’ nyapati siksaan nto’ kita’. Tapi nto’ kita’ ada waktu tatantu (nto’ tampat panyiksaatn) nang iaka’koa nana’ akan namuan tampat balinukng dari-Nya

Man (panduduk) nagari koa udah Kami binasaatn waktu iaka’koa babuat jalim, man udah Kami tatapatn waktu tatantu nto’ minasanya ka’koa

Man (ingatlah) waktu Musa bakata ka’ pambantu’nya, ”Aku nana’ akan baranti (bajalatn) sanape’ sampe ka’ patamuan dua’ laut; ato aku mao’ bajalatn (tarus sampe) batahutn-tahutn’. ”

Maka waktu iaka’koa sampe ka’ patamuan dua’ lautan koa, iaka’koa lupa’ ka’ ikatnnya, lalu (ikatn) koa malompat ngago’ maragaka’ laut koa

Maka waktu iaka’koa udah ngalewati’ (tampat koa), Musa bakata ka’ pambantu’nya, ”incaknglah ka’ keatn makanan diri’; sungguh diri’ udah marasa latih karana pajalanan diri’ nian.”

Ia (pambantu’nya) nyawap, ”nau’an ke’ kita’ katika diri’ ngago’ tampat balindung ka’ batu tadi maka aku lupa (nyaritaatn soal) ikatn koa man nana’ ada nang mamuat aku lupa nto’ ngingatatnnya kacoali setan, man (ikatn) koa bajalatn jalatnnya ka’ laut mang cara nang aneh sidi.”

Ia (Musa) bakata, “koalah (tampat) nang diri’ ngago’. Lalu kaduanya mulakng, ngikuti’ bakas pahanya samula

Lalu iaka’koa batamu mang saurakng hamba ka’; antara amba-amba Kami, nang udah Kami bareatn rahmat ka’ ia dari sisi Kami, man nang udah Kami ajaratn ilmu ka’ ia dari sisi Kami. 494 18. AL-KA

Musa bakata, “mulih ke’ aku ngikuti’nyu supaya kao ngajaratn ka’ aku (ilmu nang banar) nang udah diajaratn ka’ kao (nto’ manjadi) patunjuk?”

Ia nyawap, “sungguh, kao nana’ akan sanggup sabar barayukng man aku”

Man ampahe kao dapat basabar ka’ sasuatu, sadang kao nape’ ba pangatahuan nang cukup ka’ hal nang ampaksa?”

Ia (Musa bakata), “insya Allah nae kao dapati’ aku urakng nang sabar, man aku nana’ akan nantangnyu dalapm urusan ahe pun”

Ia bakata, “kade’ kao ngikuti’ku maka amelah kao nanya’an ka’ aku ahe pun sampe aku narangkatnnya ka’ kao”

Maka bajalatnlah ia badua, sahingga ia badua naiki’ parahu lalu ia ngalubakngi’nya. Ia (Musa) bakata, “ngahe kao ngalubakngi’ parahu koa, ahe ke’ nto’ ningalampatn panumpangnya?” sungguh kao udah babuat sasuatu kasalahatn nang aya’

Ia bakata, “buke’ ke’ udah aku kataatn, ka’ kao nana’ akan mampu sabar barayukng man aku

Ia (Musa) bakata, “amelah kao ngukum aku karana kalupaatnku man amelah kao ngabaratn ni’ aku mang kasulitatn dalapm urusanku”

Maka bajalatnlah ia badua; sahingga ia badua batamu mang saurakng kamuda’ maka nya munuh. Ia (Musa) bakata, “ngahe kao munuh jiwa nang baraseh?, buke’ karana ia munuh urakng lain? Sungguh, kao udah ngalakuatn sasuatu nang miah munkar”

Ia bakata, “buke’ ke’ udah aku kataatn ka’ kao, bahoa’ kao nana’ akan mampu sabar barayukng man aku

Ia (Musa) bakata, “kade’ aku batanya ka’ kao ahe ma’an salaka’ nian maka ame agi’ kao maba aku nyaratai’nyu, sabatolnya kao udah cukup (basabar) manarima alasan dariku”

Maka kaduanya bajalatn; sahingga ia badua sampe ka’ panduduk nagari koa, ia ka’ badua minta dijamu ia badua panduduknya, tatapi iaka’koa (panduduk nagari koa) ba’i manjamu ia ka’koa, kamudian ia badua namui’ dinikng rumah nang amper tamukng (ka’ nagari koa), lalu ia nagakatnnya. Ia (Musa) bakata, “kade’ kao mao’ pasti kao dapat minta imbalannya nto’ kao”

Ia bakata, “nianlah papisahatn antara aku mang kao; aku nae mare’atn panjalasatn ka’ kao ka’ pabuatatn nang kao nana’ , mampu sabar nele’nya

Adapun parahu koa adalah nu’ urakng miskin nang bakaraja ka’ laut; aku bamaksud marusaknya, karana ka’ adapatn nyaka’koa ada saurakng raja nang akan ngarampas satiap parahu

Man adapun anak muda (kapir), kadua urakng tuhanya mukmin, man kami kawatir kalo ia akan maksa kadua urakng tuhanya ka’ sasatatn man ka’ kapiratn

Kamudian kami manghandaki’, sakiranya Tuhan iaka’koa ngantinya mang (saurakng anak lain) nang labih edo’ kasuciatnya daripada (anak) koa labih sayang (ka’ uwe’ apaknya)

Man adapun dinikng rumah koa adalah nu’ dua anak yatim ka’ kota koa, nang ka’abahnya tasimpan harta baginya badua, man apaknya saurakng nang soleh maka Tuhannyu mang handaki’ agar kaduanya sampe dewasa man kaduanya ngaluaratn simpanan koa sabage rahmat dari Tuhannyu. Ahe nang ku pamuat buke’ manurut kamao’anku babaro. Koalah katarangan pabuatatn-pabuatatn nang kao nana’ sabar tahadapnya”

Man iaka’koa batanya’ ka’ kao (Muhammad) tantang Zulkarnaen. Kataatnlah, “akan ku bacaatn ka’ kao gesahnya”

Sungguh, Kami udah mare’ kadudukatn ka’ ia ka’ bumi, man Kami udah mare’atn jalatn ka’ ia (nto’ mancape) sagala sasuatu

Maka iapun manampuh sasuatu jalatn

Hingga katika ia udah sampe ka’ tampat mata’ari tabanam, 495 ia nele’nya (mata’ari) tabanam ka’ dalapm laut, nang balumpur itapm, man ka’ naung ditamuannya sasuatu kaum (nana’ baragama). Kami bapirman, “wahe Zulkarnaen! Kao mulih ngukum ato babuat kabaikatn (maba baiman) ka’ iaka’koa”

Ia (Zulkarnaen) bakata, “sae ma’an babuat zalim, kami akan ngukumnya, lalu ia akan dikambaliatn ka’ Tuhannya, kamudian Tuhan nyiksanya mang sesa nang miah karas”

Adapun urakng nang baiman ngarajaatn kabaikatn maka ia namu (pahala) nang tabaik sabage balasan, man akan kami sampeatn ka’ parentahn kami nang mudah-mudah”

Kamudian ia nampuh suatu jalatn (nang lain)

Hingga katika ia sampe ka’ tampat tarabit mata’ari (sabalah timur)di dapati’nya (mata’ari) basinar ka’ atas suatu kaum nang nana’ Kami buatatn suatu palingdung bagi iaka’koa dari (cahaya mata’ari)496 koa

ampakoalah, man sabatolnya Kami ngatahui’ sagala sasuatu nang ada ka’ ia (Zulkarnaen)

Kamudian ia nampuh suatu jalatn (nang lain lagi)

Hingga katika ia sampe ka’antara kadua gunung, didapati’nya ka’ balakang (kadua gunung koa) sasuatu kaum nang amper nana’ mamahami’ pambicara’an

Ia ka’koa bakata, “wahe Zulkarnaen! Sungguh, Ya’juj man Ma’juj498 koa (makhluk nang) babuat karusakatn ka’ bumi maka mulih ke’ kami mayarnyu imbalan agar kao mamuat dinikng panghalang antara kami man iaka’koa?”

Ia (Zulkarnaen) bakata, “ahe nang udah dianugerahatn Tuhan ka’ aku labih edo’ (daripada imbalannyu) maka banto’lah aku mang kakuatatn, agar aku dapat mamuat dinikng panghalang antara kao man iaka’koa

Bare’lah aku potongan basi! “hingga katika (potongan) basi koa udah (tapasang) sama rata mang kadua (puncak) gunung koa, ia (Zulkarnaen) bakata, “siuplah (api koa)!”. Katika (basi) koa udah manjadi (merah saparati) api, iapun bakata, “bare’lah aku tambaga (nang mandidih) agar ku tuangkatn ka’ atasnya (basi panas koa)”

Maka iaka’koa (Ya’juj man Ma’juj) nana’ dapat naiki’nya man nana’ dapat (uga’) ngalubakngi’nya

Ia (Zulkarnaen) bakatya, “(dinikng) nian adalah rahmat dari Tuhanku maka kade’ janji Tuhanku udah atakng, ia akan ngancur-luluhatnnya; man janji Tuhan koa banar”

Man pada ari koa Kami biaratn iaka’koa (Ya’juj man Ma’juj) babaur antara sote’ man nang lain, man (kade’) sangkakala disiup (agi’), akan Kami kumpuratn iaka’koa samuanya

Man Kami tele’atn (naraka) Jahannam nang jalas pada ari koa ka’ urakng kapir

(Ia koa) urakng nang mata (ati)nya dalapm kaadaatn tatutup (nana’ mampu) dari maratiatn tanda-tanda (kabasaratn)-Ku, man iaka’koa nana’ sanggup nangaratnnya

Maka ahe ke’ urakng kapir nyangka bahoa’ iaka’koa (dapat) na’ap amba- amba-Ku manjadi panolong salain Aku? Sungguh, Kami udah nyadiaatn (naraka) Jahnnam sabage tampat badiapm bagi uarakng-urakng kapir

Kataatnlah (Muhammad), “ahe ke’ palalu Kami bare’ tahuatn ka’ kao tantang urakng nang paling rugi pabuatatnya?”

(ia koa) urakng nang sia-sia pabuatatnnya dalapm kaidupatn dunia, sadangkan iaka’koa mangira udah babuat sabaik- baiknya

Ia ka’koa adalah urakng nang ngingkari’ ayat-ayat Tuhannya man (nana’ pucaya’) tahadap patamuatn mang Ia. 499 Maka sia- sia amalnya ka’koa, man Kami nana’ mare’ panimbangatn tahadap (amal) iaka’koa ka’ ari Kiamat

Ampakoalah, balasan iaka’koa naraka Jahannam, karana kakapiratnnya man karana iaka’koa nyadiatn ayat-ayat-Ku man Rasul-rasul-Ku sabage bahan olo’olo’

Sungguh, urakng nang baiman man ngarajaatn kabaikan, nto’ iaka’koa disadiaatn saruga Firdaus sabage tampat tinggalnya

Iaka’koa kakal ka’ dalapmnya, iaka’koa nana’ ingin pindah dari koa

Kataatnlah (Muhammad), “saandenya lautan manjadi tintah nto’ (manulis) kalimat-kalimat Tuhanku maka pasti abislah lautan koa sanape’ salase panulisatn kalimat-kalimat Tuhanku, mekipun Kami atangan tambahan sabanyak koa (uga’)”

Kataatnlah (Muhammad), “sabatolnya aku nian ngge saurakng manusia saparati kao, nang udah narima wahyu, bahoa’ sabatolnya Tuhan kao adalah Tuhan nang Maha Esa”. Maka sae ma’an ngarap patamuan mang Tuhannya maka handaklah ia ngarajaatn kabaikan mang amelah ia mampaskutuatn mang sasuatu pun dalapm baibadah ka’ Tuhannya”. (Barakatnyabut) dama Allah nang Maha Pangasih, Maha Panyayang