Kendayan - Chapter 28

°± S³n M³m

Nianlah ayat-ayat kitab (Al-Quran) nang jalas (dari Allah)

Kami macaatnnya ka’ kao sabagiatn dari gesah (curita) Musa man firman nang sabanrnya nto’ urakng-urakng nang baiman

Sungguh fir’aun udah babuat sawenang- wenang ka’ dunia man mamuat panduduknya bapacah balah, ia nindasi’ sagolongannya ka’ koa (Bani Israel), ia nyambalehi’ kamunda’nang laki-laki, man miaratn idup kamunda’ nang bini-bininya. Sungguh ia (fir’aun) tamasok urakng nang babuat karusakatn

Kami (Allah) mao mare’ ia karunia ka’ urakng-urakng nang tatindas ka’ dunia (mesir) koa, man mao nyadiaaatn ia ka’ ko pamimpin, man nyadiaatn ia ka’ koa urakn nang nang mawarisi’ (Dunia)

Man kami (Allah) taguhatn kadudukatnnya ka’ koa ka’ dunia, man kami (Allah) tele’at ka’fir’aun man Haman basama bala tantaranya ahe nang kajuh ia ka’ koa gali’i’ darinya ka’ koa

Uga’ kami (Allah) ilhampatn ka’ we’nya Musa, man susu’i’lah ia (Musa), kade’ kao kawater ka’ ia (Musa) maka anyutatnlah ia ka’ sunge (Nil), amelah kao gali’ man amelah kao basadih ati, sabatolnya kami na mulangkatna’nya ka’ kao, man nyadiaatnya saurakng Rasul

Maka ia (Musa), diangkat di kaluarga Fir’aun supaya (Nae) ia manjadi munsuh man kasadihatn nto’nya ka’ koa. Sungguh fir’aun man haman uga’ balatantaranya ialah urakng-urakng nang basalah. ‘

Man Bini Fir’aun bakata,”ia ka’ koa panyajuk mata ati ku man mata atinyu. Amelah kao munuhnya, mudah-mudahatn ia bamanfaat ka’ diri’ ato’ diri’ naapnya jadi nak diri”. Sadangkan ia ka’ koa (Fir’aun) nana’ nyadari’nya

Man ati we’ Musa manjadi kosong.605 Sungguh, amper ja’ ia ngataatn nya (Rahasia tantang Musa). Sa’ande’nya nana’ kami (Allah) taguhatn atinya, supaya ia tamsok urakng-urakng nang baiman (ka’ janji Allah)

Man ia (uwe’ Musa) bakata ka’ kamarkapala nauda’nya Musa,“ikuti’lah ia (Musa),” maka di tele’nya (Musa) dari jauh, sedangkan ia ka’ koa nana’ nyadari’nya

Kami cagah ia (Musa) nusu’ka’ nang bini- bini (uwe’-uwe’) nang mao nusu’ianya sanape’ koa, maka bakatalah ia (kamarkapalanya Musa tadi). Mao’ ke’ aku nojokatn nya ka’ kao urakng nang mao maliharanya nto’nyu man bisa babuat baik ka’ ia?”

Maka kami kambaliatn ia (Musa) ka’ uwe’nya, supaya sanang atinya man nana’ basadih ati, man supaya ia (we’ Musa) nau’an bahowa janji Allah koa batol-batol banar. Tapi kamanyakatn iaka’ koa nana’ nau’annnya

Man salaka’ ia (Musa) dah aya’ man samparana akalnya, kami bare’atn ka’ ia hikmah (kanabiatn) man pangatahuan. Ampaiknglah kami mare’ balasatn ka’ urakng-urakng nang babuat baik

Ia (Musa) masok ka’ kota, (mamphis) katika panduduknya gi’ langah. Maka ia namui’ dua urakn glaki-laki gi’ tangah bakalahi, nang seko’ koa dari golongannya (kaomnya) Bani Israel man nang seko’ (agi’) dari pihak musuhnya. Urang nang dari golongannya minta’ partolongan ka’ Musa, nto’ (ngalahatn) urakng dri pihak Musuhnya (fir’aun), lalu Musa Ninjunya lalu matilah munsuhnya koa tadi, ia (Musa) bakata,”nian koalah pabuatatn setan,606 sungguh ia (setan koa) munsuh nang batol-batol jalas nyasatatn”

Ia (Musa) bado’a, o Tuhanku, sasungguhnya aku udah nyolimi’ diri’ku. Maka ia (Allah) ngamponi’nya . sungguh Allah ialah nang maha pangampon, maha panyayang

Ia (Musa) bakata, wahe Tuhanku! Barakat nikmat nang kita’ anugarahatn ka’ aku, maka aku nana’ akan jadi panolong ka’ urakng-urakng nang badosa.”

Karna koa (Musa) jajikagali’anan badiapm ka’ kota koa sambel nunggu (akibat nang pabuatatnnya), lalu tiba-tiba urakng nang tumare’nya minta’ patolongan (ka’ Musa) ngampak minta’ patolongan ka’ ia (Musa). Musa bakata, kao sungguh urakng nang nyata-nyata sasat

Man katika koa Musa mao’ mangkukngnya kuat-kuta urakng nang jadi munsuhnya badua, ia (munsuhnya) pun bakata, Wahe Musa! Ahe ke’ kaobamaksud munuha’ aku, mpahe tumare’ kao munuh urakng? Kao hanya bamaksud jadia’ urakng nang babuat sawenang-wenang ka’ nagari nian, man koa uga’ nana’ bamaksud jadi urakng-urakng nang mamuat padamean

Saurakng nang laki atakng batalamah dari ujukng kota lalu bakata, wahe Musa! Sabatolnya sagala pamane nagari dah barunding tantang kao nto’ munuha’ kao, maka kaluarlah (dari kota nian). Sungguh aku nian urakng nang mare’ nasehat ka’ kao

Maka kaluarlah ia (Musa)dari kota koa man rasa gali’ (waspad akade’ urakng nang nyusul nangkapa’nya), ia bado’a”Oh Tuhanku! Salamatatnlah aku dari urakng- urakng nang jalim”

Man katika ia ngarah ka’ nagari madyan ia bado’a agi’ “Mudah-mudahan Tuhanku ngirikng aku ka’ jalatn nang banar.”

Man katika ia sampe’ ka’ sumber ai’ nagari Madyan, ia namui’nya ka’ koa sagarombolan urakng nang gi’ tagah mare’ cocok (ayamannya), man ia uga’ namui’ ka’ balakang urakng rami koa, dua urakng nang bini gi’ tagah ngarabia (ayamannya). Ia (Musa) bakata,”ahe maksut kita’ (babuat pakoa)?” kadua (nang bini) koa bajawab, “kami nana’ bisa nyocoki’ (Ayaman), sanape’ pangambala ka’ koa ngincang pulakng (Ayamannya), udah koa agi’ pak kami dah miah ...omornya.”

Maka ia (Musa) mare’ cocok nyaman nang bini badua koa, kamudian ia ka’ tampat nangtaduh sarata bado’a,”Oh Tuhanku! Sasungguhnya, aku batol-batol malaluatna’ kabaikatn (makanan) nang kita (Allah) turuntatn ka’ aku”

Satalah koa ataknglah salahs satu dari kadua nang bini koa bajalatn aga’ tabe’-tabe’, ia bakata,”sasungguhnya pa’ ku ngundang kita’ (Musa) nto’ mare’ balasatn sabage’ imbalatn /upah ka’ kabaikatn kita’ mare’ cocok (ayaman) kami, katika Musa ngatakngi’ pa’ nya man nyaritaatn gesahnya (masalah diri’nya), ia bakata amelah kao gali’! kao udah salamat dari urakng-urakng nang jalim ka’ koa”

Salah satu dari nang bini badua koa bakata”O… Pak! Jadiatn ia (Musa) sabage’ tukang karaja (ka’ diri’). Sasungguhnya urakng nang paling baik nang kita’ ta’ap nto’ manto’ diri’ ia koalah urakng nang kuat, man bisa di pucaya’.”

Ia (sheh Madyan) koa bakata,”sasungguhnya aku bamaksud ingin nikahatn kao man salah satu naku nang badua koa, man katantuatnnya/syaratnya” kao arus karaja ka’ aku salama’ lapan tahutn, man kade’ kao sampurnaatn jadi sapuluh tahutn, maka nang koalah (soatu kabaikatn) darinyu, man aku nana’ bamak- sud ngabaratnia’ kao. insyaAllah kao pasti namui’ aku tamasok urakng nang baik

Ia (Musa) bakata,”ngkoa pajanjiatn antara aku man kita’. Nang mae ma’an dari kadua waktu nang ditantuatn koa nang aku sampurnaatn, maka nana’ ada tuntutatn (tambahatn) ka’ diri’ ku agi’. Man Allah manjaji saksi ka’ ahe nang diri’ ucapatn”

Maka katika Musa udah nyalaseatn waktu nang udah di nantuatn koa, lalu ia barangkat man kaluarganya (bininya), ia (Musa) nele’ api ka’ arokng gunung.607 Ia bakata ka’ bininya (kaluarganya). Tunggu didiatn, sungguh aku nele’ api, mudah-mudahatn aku namu barita nto’ nyu dari tampat api naum, ato’ (ingincakng) saebet api supaya kao bisa ngangati’ tubuh

Maka katika (Musa) sampe’ ka’ (tampat) api koa, ia dinyaru’ dinyimpado dari arah pinggir sabalah kanan arokng, dari saba- takng kayu, ka’ sabidang tanah nang di barakati’, wahe Musa! Sungguh, aku nian Allah, Tuhan saluruh alam

Man tabakatnlah tungkatnyu,”maka ketika ia (Musa) nele’nya bagarak-garak saakan- akan mpehe seko’ ular nang (lineah), ia dari babalik ka’ balakang man bai’ malek. (Allah bafirman) wahe’ Musa! Kaiknglah amel gali’. Sasungguhnya kao tamasok urakng nang aman”

Masokatnlah kokotnyu ka’ leher bajunyu, ia (kokotnyu) nae kaluar putih (bacahaya) nana’ cacat, man kapanganlah kadua kokotnyu ka’ dadanyu kade’ kao kagali’anan. Ngkoalah dua mukjiazat dari Tuhannyu (nang akan koa tele’atn ka’ fiir’aun man sagana paname’- nya). Sungguh ia ka’ koalah urakng-urakng nang fasiq

Ia (Musa) bakata,”O… Tuhanku! Sungguh aku udah munuh seko’ urakng dari golongan- nya ka’ koa, sahingga aku gali’ kade’ ia ka’ koa munuha’ aku”

Man sodaraku Harun, ia labih fashih (edo’) jilahnya dari aku,609 maka suruhlah ia barage man aku sabage’ pambanto’ ku nto’ malanar (pakataatn) ku, sungguh aku gali’ kade’ ia ka’ koa madah aku alok

Ia (Allah) bafirman,”kami akan kuatatn kao (manto’nyu) man sodaranyu, man kami (Allah)bare’atn ka’ kao badua kakuasa’an nang miah aya’, maka ia ka’ kao nana’ akan bisa sampe notok kao (barangkatnlah kao badua) man ngincakng mukjijat kami, kao badua man urakng-urakng nang ngikuti’ kaolah nang akan manang”

Maka katika Musa atakng ka’ ia ka’ koa man ngincakng mukjijat kami (Allah) nang nyata, ia ka’ koa bakata,”nian koa nggan seher nang di pamuat-pamuat, kami nana’ paranah nangar curita (nang macam nian) dari da’ ne’ nangi kami”

Musa bajawab,”Tuhanku labih nau’an sae nang pantas ngincakng patunjuk dari-Nya man sae nang akan namu ahir nang baik/ edo’ ka’ naherat. Sasungguhnya urakng- urakng nang jalim (jahat) nana’ akan namu kamanangan”

Fir’aun bakata,”wahe’ sagana pangaya’ (pamane’) kaomku! Aku (Fir’aun) nana’ nau’an ada Tuhan nto’ kita’ salain aku. Maka tunuhlah tanah liat koa nto’ku wahe haman (nto’ mamuat batu bata), udah koa pamuatatn aku bangunan nang tinggi supaya aku bisa naik nele’a’ Tuhanya Musa, aku yakin bahowa’ ia koa pangalok”

Ia (far’aun) man balatantaratnya balaku sombong ka’ dunia tampa alasan nang banar. Man ia ka’ koa ngira bahowa’ iaka’ koa nana’ dipulangkatna’ ka’ kami (Allah)

Maka kamisiksa ia (Fir’aun) man balatantaranya. Lalu kami tabakatn ia ka’ koa ka’ dalapm laut. Maka tele’lah mpahe ahernya urakng nang jalim (jahat)

Man kami jadiatn ia ka’ koa pamimpin nang maba (talino) ka’ naraka man ari kiamat nae ia ka’ koa nana’ akan ditolong

Kami susulatn laknat ka’ ia ka’ koa ka’ dunia nian, sadangkan ka’ ari kiamat nae ia ka’ koa tamasok urakng nang dijauhatn (dari rahmat Allah)

Man sungguh, udah kami bare’atn ka’ Musa kitab Taurat salaka’ kami minasaatn umat- umat nang dahoya’, nto’ jadi eurong panarakng ka’ tallino man patunjuk sarata rahmat, supaya ia ka’ koa namu palajaran

Kao (Muhammad) nana’barada ka’ sabalah barat (arokng cuci baraseh nang dimarakati’ Tuwa) katika kami nyampeatn parentah ka’ Musa, uga’ kao nana’ (pula) tamasok urakng-urakng nang nyaksiatn (kajadiatn koa)

Tapi kami (Allah) udah nyiptaatn dah sangahe umat manyaknya, man udah balalu ka’ ia ka’ koa masa nang panyakng, Man kao (Muhammad) nana’ badiapm manda’ panduduk Madyan nang macaatn ayat-ayat kami ka’ ia ka’ koa. Tapi kami udah ngutus sagana Rasul-rasul

Man uga’ kao (Muhammad) nana’ barada ka’ samak tur (gunung) katika kami nyimpa- do/nyaru’ (Musa), tapi kami ngutus koa sabage rahmat dari Tuhannyu, supaya kao mare’ paringatatn ka’ kaom (Qurays) nang gi’ nana’ di atakngi’ dipamare’ paringatatn sanape’ kao supaya ia ka’ koa namu palajaratn

Man supaya ia ka’ koa nana’ ngataatn katika siksa nimpa’nya disabapatn ahe nang ia ka’ koa karajaatn,”O… Tuhan kami, jahe kita’ nana’ ngutus saurakng Rasul ka’ kami, supaya kami ngikuti’ ayat-ayat kita’ (Allah) man tamasok urakng-urakng nang mukmin”

Maka katika udah atakng ka’ ia ka’ koa kabanaratn (Al-Quran) dari sisi kami, ia ka’ koa bakata,”jahe nana’ dibare’atn ka’ ia (Muhammad) saparati ahe nang udah dibare’ atn ka’ Musa de’e?”ina’ ke’ ia ka’ koa memang dah ingkar (uga’) ka’ ahe nang dah di bare’atn ka’ Musa de’e? ia ka’ koa de’e babakataatn,”Musa man Harun koa”dua urakng panyihir610 nang babanto’-banto’.”ia ka’ koa uga’ babakataatn,”sasungguhnya kami nana’ sama sakali mucaya’i’ iaka’ koa

Kataatnlah (Muhammad), atakngkanlah dinyu sabuah kitab dari sisi Allah nang kitab koa labih mare’ patunjuk dari pada ka’ duanya niann (taurat man Al-Quran), pasti aku ngikuti’nya, kade’ kita’ urakng nang banar

Maka kade’ ia ka’ koa nana’ nyawab (tantanganyu), maka katahui’lah bahoa’ ia ka’ koa ngge ngikuti’ kainginannya babaro, man saeke’ labih sasat dari pada urakng nang ngikuti’ kainginannya nang nana’ namu patunjuk dari Allah saebetpun? Sungguh Allah nana’ mare’ patunjuk ka’ urakng-urakng nang jalim (jahat)

Man sungguh, Kami (Allah) udah nyampeatn pakataatn nian (Al-Quran) ka’ iaka’ koa supaya ia ka’ koa salalu ngingatnya

Urakng-urakng nang udah kami bareatn ka’ ia ka’ koa Al kitab sanape’ Al-Quran, ia ka’ koa baiman (uga’) ka’ ia (Al-Quran)

Kade’ (Al-Quran) dibacaatn ka’ iaka’ koa, ia babakataatn,”kami baiman ka’ ia, sabatolnya (Al-Quran) koa ialah kabanaratn dari Tuhan kami. Sungguh, sanape’nya koa kami ngka’ dah urakng”

Ia ka’ koa dibare’ pahala dua kali (karana baiman ka’ Taurat man ka’ Al-Quran) karana kasabarannya ka’ koa, uga’ ia ka’ koa nolak kajahatatn mang kabaikatn, uga’ nginpakatn sabagiatn dari rajaki nang udah kami (Allah) bare’atn ka’ ia ka’ koa

Man kade’ ia ka’ koa nangar pakataatn nang buruk, ia ka’ babanomongan dari pabuatatn koa man bakata,”bagi kami amal kami, bagi kita’ amal kita’, samoga salamat barasehlah kita’, kami dah bai’ bagaula’ man urakng- urakng nang bodoh mangkakng”

Sungguh kao (Muhammad) nana’ dapat mare’ patunjuk ka’ urakng-urakng nang kao kasihi’, tapi Allahlah nang mare’ patunjuk ka’ sae nang ia kahandaki’, man ia labih nau’an ka’ urakng-urakng nang mao narema’ patunjuk

Iaka’ koa bakata,”kade’ kami ngikuti’ patun- juk barage man kao, tatap kami pasti di usir dari nagarikampokng kami,”(Allah bafirman) nana’ ke’ kami (Allah) udah naguhatn kadudukatnnya ka’ koa katanah haram (tanah baraseh/cuci) nang aman nang di ngatangan ka’ tampat koa buah-buahatn dari sagala macam (jukut nang batumuhatn sabage’ rajaki (nto’nyu) dari sisi kami (Allah)? Tapi kamanyakatn iaka’ koa nana’ nau’an

Man sididah manyak (panduduk) nagari nang udah basanang-sanang dalapm kaidupatn nang udah kami (Allah) binasaatn maka ngkoalah tampat kadiaman nya ka’ koa nang nana’ di diapmi’ (agi’) satalah ia ka’ koa, kacoalai sabagian enek. Kamilah nang mawarisi’nya

Man Tuhannyu nana’ akan minasaaatn nagari-nagari, sanape’ ia (Allah) ngutus saurakng Rasul ka’ ibu kotanya nang macaatn ayat-ayat kami ka’ ia ka’ koa. Man nana’ uga’ kami (Allah) paranah minasaaatn (panduduk) nagari kacoali panduduknya ngalakuatn kajahatatn (kajoliman)

Man ahe ma’an (kakaya’an, jabatatn, katurunan) nang dibare’atn ka’ kita’, maka ngkoa hanyalah kasanangan idup dalapm dunia man sagana pariasatnnya, sadangkan ahe nang ada ka’ sisi Allah koa labih baik man labih kakal, nana’ ke’kita’ ngarati

Maka ahe ke’ sama urakng nang kami (Allah) janjiatn ka’ ia janji nang baik (saruga) lalau ia ngampu’nya, man urakng nang kami bare’atn ka’ ia kasanangan idup ka’ dunia,612 laka’koa ka’ ari kiamat ia tamasok urakng-urakng nang diseret (ka’ dalapm naraka)

Man (ingatlah) ka’ ari nang katika ia (Allah) nyimpadoi’ nya ka’ koa man bafirman,”ka’ mae ke’ sakutu-sakutu-ku nang de’e kita’ sangka?”

Urakng-urakng nang dah pasti namu ukuman bakata, “O… Tuhan kami, ia ka’ koa nianlah urakng-urakng nang udah kami nyasatatn koa, kami udah nyasatatnnya ka’ koa sabage mae kami (sandiri) uga’ sasat, kami bapadah ka’ kita’ nto’ balapas diri’ dari (nya ka’koa), ia ka’ koa sakalipun nana’ nyambah kami”

Dikataatn (ka’ ia ka’ koa), saru’lah sakutu- sakutu kita’ lalu ia ka’ koa nyaru’i’nya, tapi nangnya nyaru’i’ ka’ koa nana’ notoknya, iaka’ koa nele’ siksaan, Lalau bakainginan sakiranya de’e ia ka’koa narima’ ka’patunjuk

Man (ingatlah) ka’ ari katika ia (Allah) nyaru’i’nya ka’ koa, man bafirman,”ahe jawapatn kita’ ka’ rasul-rasul koa?”

Maka galaplah baginya ka’ koa sagala macam alasan ka’ ari koa, karna koa, ia ka’ koa nana’ kanjah batanya’ (babatanya’an)

Maka adapun urakng-urakng nang batobat man baiman, sarata ngarajaatn kabaikatn, maka mudah-mudahan ia tamasok urakng nang batuah baruntukng

Man Tuhannyu nyiptaatn man milih ahe nang ia kahandaki’. Baginya ka’ koa (talino) nana’ ada pilihatn. Maha baraseh/ maha cuci Allah, mana maha tinggi ia dari ahe nang ia ka’ koa pasakutuatn

Man Tuhannyu nau’an ahe nang di sosokatn ia dalapm dadanya ka’ koa, man ahe nang ia ka’ koa padahatn

Ia-lah Allah, nana’ ada Tuhan (nang bisa di sambah) salain Ia (Allah). Sagala puji nto’ Ia (Allah) ka dunia man ka’ naherat. Man bagi-Nya sagala panantuatn sarata ka’ Ia kita’ samua di kambaliatn

Kataatnlah (Muhammad),”mpahe pandapatnyu, kade’ Allah nyadiaatn nto’nyu malam koa tarus-manarus sampe’ ari kiamat, saeke’ Tuhan salain dari Allah nang akan ngatangan sinar tarang ka’ kita’? ahe ke’ kita’ nana’ nangar”

Kataatnlah (muhammad),”ampahe panda- patnyu, kade’ Allah nyadiaatn nto’nyu siakng koa tarus- manarus sampe dunia kiamat. Sae ke’ Tuhan nang salian Allah sanggup ngatangan malam ka’ kita sabage waktu nto’ istirahatnyu? Ahe ke’ kita’ nana’ maratiatni’nya?”

Man karana rahmat-Nya, Ia manyadiaatn nto’nyu malam man siakng, supaya kita’ baistirahat ka’ malam ari, supaya kita’ ngago sabagiatn dari karunia-Nya (ka’ siakng ari) supaya kita’ basyukur ka’ Ia (Allah)

Man (ingatlah) ka’ ari katika ia (Allah) nyaru’i’nya ka’ koa man bakata,”dimae ke’ sakutu-sakutu Ku nang de’e kita’ sangka?”

Man Kami atangan dari satiap umat saurakng saksi,613 lalu Kami kataatn, ”padahatnlah bukti kabanaratn kita’,”maka nu’anlah ia ka’ koa bahowa nang batol (kabanaratn) koa hanya milik Allah, man lanyaplah darinya ka’ koa ahe nang de’enya ia ka’ koa ada-adaatn

Sasungguhnya, Qarun tamasok kaumnya Musa,614 tapi balaku jalim ka’ ia ka’ koa, Kami (Allah) udah nganugarahatn ka’ ia bandahara harta nang kunci-kuncinya batol. Barat kade’ di uba’ di urakng-urakng nang kuat-kuat. (ingatlah) katika kaumnya bakata ka’ ia,”amelah kao talalu laga’, sungguh Allah nana’ nyukai’ urakng-urakng nang ngalaga’atn diri’nya”

Man gago’lah (pahala) nagari aherat man ahe nang udah bare’atn Allah ka’ kao, tapi amelah uga’ kao ngalupaatn bagiatnnyu ka’ dunia man babuat baiklah (ka’urakng lain) sabage mae Allah udah babauat baik ka’kao, man amelah uga’ kao babuat karusakatn ka’ai’ tanah. Sungguh, Allah nana’ nyukai’ urakng nang mamuat karusakatn

Ia (Qarun) bakata,”sasungguhnya, aku dibare’ (harta koa), samata-mata karana kapanean (ilmu) nangg ada aka’ aku”, nana’ ke’ ia (Qarun) nau’an, bahoa Allah udah minasaatn umat-umat sanape’nya nang labih kuat dari pada ia, man labih badakah ngumpulatn harta (kajukutatn)? Urakng- urakng nang badosa koa nana’ palalu ditanya’ agi’ sagana dosa-dosanya

Maka kaluarlah ia (Qarun) man kamagahat- nya. Urakng-urakng nang ngingintatn kaidu- patn ka’ dunia (rangka’ ka dunia) bakata, ”mudah-mudahatn diri’ ada bakajukutatn ampahe ahe nang udah dibare’ atn ka’ Qarun, sasungguhnya ia banar-banar ngampu’i’ kauntungan nang aya’”

Tatapi urakng-urakng nang di anugarahi’ kapanean (bailmu) bakata,”celaka’ kita’! Tu’ani’lah pahala Allah labih edo’ nto’ baik bagi urkang-urakng nang baiman manang ngajaratn kabaikatn, man (pahala nang aya’) koa nggan ditamu di urakng-urakng nang sabar”

Maka Kami (Allah) tingalampatn ia (Qarun) man rumahnya ka’ dalapm ai’ tanah. Maka nana’ bagi ia seko’ panolong pun nang nolonga’nya salain Allah, ia koa tamasok urakng-urakng nang nana’ bisa mambela diri’nya babaro

Uga’ urakng-urakng nang waktu koa baka’inginan / malatn ka’ kadudukatnnya (Qarun) koa bakata,”adohai, batollah mamang Allah nang ngalapangkatn rajaki ka’ sae nang ia kahandaki’ ka’ ntara amba- ambanya, man matasi’ (ka’ sae nang Ia kahandaki’ dari ntara-ntara amba-ambanya). Sakiranya Allah nana’ ngalimpahatn karunianya ka’ diri’ samua, tantu Ia pasti ningalampatn diri’ uga’. Adohai, batolah kira’nya nana’akan baruntukng urakng- urakng ngingkari’ (nikmat Allah)”

Nagari naherat koa Kami (Allah) jadiatn nto’ urakng-urakng nang nana’ nyombong- katn diri’nya man nana’ majoat karusakatn ka’ dunia. Aher nang ado’ /baik615 koa ialah nto’ urakng-urakng nang bataqwa

Barang sae nang atakng ngincakng kabaikatn maka ia tatap namu (pahala) nang labih baik dari pada kabaikatnnya koa, man barang sae nang atakng ngincakng kajahatatn, maka urakng-urakng nang ngincakng kajahatatn koa nggan dibare’ balasatn sa’imbang mang ahe nang nya karajaatn de’enya

Sasungguhnya (Allah) nang ngawajipatn kao (Muhammad) nto’ ngalaksanaatn (ukum-ukum) ka’ dalpam Al-Quran, nang banar-banar mulakngkatna’ kao ka’ tampat kambali616 (ka’ Allah). Kataatnlah (muhammad),” Tuhanku nau’an urakng nang ngincakng patunjuk, mang urakng- urakng nang barada ka’ dalapm kasasatatn nang nyata’”

Man kao (Muhammad) nana’ paranah baarap supaya kitab (Al-Quran) koa dituruntatn ka’ kao. Tapi ia di turuntatn sabage’ rahmat dari Tuhannyu. Sabab koa amelah sakali-sakali jaji panolong ka’ urakng-urakng kafir

Man amelah sampe’ ia ka’ koa ngalang- ngalangi’ salaka’ ayat-ayat koa dituruntatn ka’ kao. Uga’ babai’ (talino) supaya (baiman) ka’ Tuhannyu. Man amelah kao tamasok urakng-urakng musyrik

Man ame uga’ kao nyambah Tuhan lain salain Allah. Nana’ ada Tuhan nang banar (hak) di sambah salain Ia Allah. Sagala jukut pasti binasa, kacoali Allah, sagala kaputusatn manjadi hakNya, man nggan ka’ ia kao di pulakngkatn