Kendayan - Chapter 29

Alif Lam Mim

Ahe ke’ talino ngira bahoa’ ia ka’ koa di biaratna’ ngge bakata “kami udah baiman,”ia ka’ koa nana’ diujia’”

Man Sungguh Kami (Allah) udah nguji urakng-urakng sanape’ ia ka’ koa, maka Allah pasti nau’an sae urakng nang banar, sae urakng nang banar, man urakng-urakng nang pangolok

Ato’ urakng-urakng nang ngarajaatn kajahatatn koa ngira bahoa’ ia ka’ koa akan tahindar dari (siksa) Kami? Batol miah buruk ahe nang nya ka’ koa tatapatn

Barang sae baarap batamua’ man Allah, maka sasungguhnya waktu nang dijanjiatn Allah pasti atakng. Ia (Allah) maha Nangar, man Maha Nali’an

Barang sae nang bajihat, maka sasungguhnya jihatnya koa nto’ nya babaro. Sungguh, Allah maha kaya (nana’ malaluatn ahe nang ada) ka’ saluruh alam

Man urakng-urakng nang baiman mang nang ngarajaatn kabaikatn, pasti akan Kami (Allah) apus sagana kasalahatn –kasalahatn- nya, man ia ka’ koa pasti akan Kami bare’ balasatn nang labih baik dari ahe nang ia ka’ koa karajaatnt

Man Kami wajipatn ka’ talino supaya (majuat) kabaikatn ka’ kadua urakng Tuahnnya. Kade’ kaduanya koa maksa koa nto’ masakutuatn Aku (Allah) mang sagala sasoatu/jukut nang koa nana’ bapangatahu- an/ilmu tantang ngkoa. Maka amelah kao patuhi kaduanya (uwe’ man apa’nya). Ngge ka’ Aku tampat kambalinyu, man akan aku padahatn ka’ kita’ ahe nang dah udah kita’ karajaatn

Urakng-urakng nang baiman manang ngarajaatn kabaikatn, ia ka’ koa pasti akan Kami masokkatn ka’ dalapm golongan urakng nang saleh

Man ka’ antara talino koa ada sabagiatn nang bakataatn, “kami baiman ka’ Allah. Tapi kade’ ia disakiti’ (karana ia baiman) ka’ Allah, ia nganggap coba’an talino koa sabage siksa’an Allah617, man kade’ atakng patolongan dari Tuhannyu. Niscaya iaka’koa bakata, “sasungguhnya kami batage kao” buke’ ke’ Allah labih ngatahui’ahe nang ada ka’ dalapm dada samua talino

Allah pasti ngatahui’ urakng-urakng nang baiman, man pasti nagtahui urakng-urkng nang munafik

Urakng-urakng nang kafir bakata ka’ urakng nang baiman, “Tuna’anlah maraga kami, kami tatap manto’ nguba’i’ dosa-dosa kita’ padahal ia ka’ koa pun nana’ sanggup saebetpun nguba’ dosa-dosanya babaro, sabatolnya ia ka’ koa banar-banar pangalok”

Man ia ka’ koa batol-batol tatap nguba’ dosanya babaro, man dosa-dosa nang lain barage dosa-dosa nya ka’ koa, man nae waktu dunia kiamat ia ka’ koa pasti akan ditanya’ tantang kaalokatnnya nang kajuh nya ka’ kao pajoat

Man sungguh, Kami (Allah) udah ngutus Nuh ka’ kaomnya, maka ia badiapm basama man kaomnya salama’ saribu tahutn kurang lima puluh tahutn. Salaka’koa dilanda banjir aya’? sadangkan ia ka’ koa (kaum Nuh) ialah urakng-urakng nang jalim/jahat

Maka Kami salamatatn Nuh, mang urakng nang ada ka’ kapal koa, lalu Kami jadiatn (paristiwa) koa sabage palajaratn ka’ nsamua talino

Man (Ingat) Ibrahim, katika ia bakata ka’ kaomnya,”sambahlah Allah man bataqwalah ka’ Ia. Nang ampakoa labih edo’ka’ kita’ kade’ kita’ nau’ani’nya.”

Sabatolnya, ahe nang kao sambah. Salain Allah, hanyalah bahala-bahala, man kita’ salalu pangalok.618 Sabatolnya ahe nang kita’ sambah salain Allah ngkoa nana’ mampu mare’atn rajaki ka’ kita’, maka minta’lah rajaki ka’ Allah, man sambahlah Ia, uga’ basyukurlah ka’ Ia,nggan ka’ Ia kita’ ka’ koa akan di kambaliatn

Kade’ kita’ (urakng) kafir madah alok, maka sungguh umat nang sanape’ kita’ uga’ udah madah alok (rasul-rasul ka’ koa) kawajipatn rasul-rasul ka’ koa nggelah madahatn (agama Allah) nang jalas

Ahe ke’ ia ka’ koa nana’ maratiatni’ ampahe Allah mulai’ majoati’ (jukut, da’ laok-laok), kamudian Ia ngulangi’nya (agi’). Sungguh, nang ampeatn koa mudah bagi Allah

Kataatnlah, bajalatnlah ka’ ai’tanah, maka paratiatni’lah ampahe Allah mulai’ manjoat (sagana da’ jukut, da’ laok-laok), laka’ koa Allah mamuat kajadiatn akir,619 sungguh Allah maha kuasa ka’ sagala-galanya

Ia (Allah) nyiksa sae nang Ia kahandaki’ man ngge ka’ Ia-lah kita’ samua akan di pulangkatni’

Man kita’ sama sakali nana’ akan mampu ngalapasaatna’ diri’ (dari siksaatn Allah) baik ka’ ai’tanah mao’ pun ka’ langit, man nana’ uga’ palindung panolong ka’ kita’ salain Allah

Man Urakng-urakng nang nginkari’ ayat-ayat Allah mang ngingkari’ patamuana’ man Allah, ia ka’ koa baputus asa ka’ rahmat Ku, man ia ka’ koa akan namu siksa nang padih

Maka nana’ ada jawapatn dari kaomnya (Ibrahim) salain ngataatn,”bunuhlah ia, ato’ tunuh lah ia,”lalu Allah nyalamataatnya dari api. Sungguh, nang ampeatn koa past tadapat tanda-tanda (kabasaran Allah) ka’ urakng- urakng nang baiman

Ibrahim, bakata,”sasungguhnya bahala- bahala nang kita sambah salian Allah, nggan nto’ majoat parasa’an kasih sayang ka’ antara kita’ ka’ kaidupatn dunia ihan, laka’koa ka’ ari kiamat nae sabagiatn kita’ ka’ koa akan saling ngingkari’ man saling ngutuki’, man tampat (pulakng kambali) kita’ ialah naraka, man sama sakali nana’ ada panolong ka’ kita’

Maka Lut manaratn (Kanabiatn Ibrahim), Ia Ibrahim bakata, sabatolnya aku harus bapindah ka’ (tampat nang di parintahatn) Tuhan-ku, sungguh Ia-lah nang Maha gagah, Maha bijaksana

Man Kami (Allah) ngarahatn ka’ Ibrahim, Ishak, man Ya’kub, Kami (Allah) nyadiaatnnya nabi man mare’ kitab ka’ katurunannya, man Kami (Allah) bare’atn balasannya ka’ dunia,620 man sasungguhnya ia ka’’ naherat tamsok urakng nang saleh

Ingatlah katika Lut bakata ka’ kaomnya, “kita’ banar-banar ngalakuatn pabuatatn nang jahat (malatn ka’ sabayanya) nang gi’ nana’ paranah dilakuatn di seko’pun talino dari umat-umat sanape’ kita’”

Ahe ke’ pantas kita’ ngatakngi’ nang laki- laki (babaya’ sabaya’ laki), nyamun,621 man ngarajaatni’ kajahatatn ka’ tampat-tampat urakng rami? Maka jawapatn kaomnya nana’ lain ngge ngataatn, “atangkatn ka’ kami siksaan Allah koa, kade’ kao tamasok urakng-urakgng nang banar”

Ia (Lut) bado’a, “Oh Tuhanku, tuluknglah aku (supaya kita’ (Allah) nimpa’atn siksa) ka’ golongan (kalompok) nang majoat karusakatn koa”

Man katika utusatn Kami (da’ mala’ikat) atakng ka’ Ibrahim mang ngincakng kabar repo,622 ia ka’ koa ngataatn,”sungguh kami akan minasaatn panduduk kota (sodom) nian karana panduduk-nya sungguh urakng- urakng nang jahat”

Ibrahim bakata,”sasungguhnya ka’ kota koa ada Lut”, ia ka’ koa (da’ mala’ekat) bakata, kami labih nau’an sae nang ada ka’ dalapm kota koa. Kami pasti nyalamatatn ia (Lut) man pangikut-pangikutnya kacolai bininya, ia tamasok urakng-urakng nang dimasar (diminasaatn)

Katika da’ utusatn Kami (da’ mala’ekat) atkng ka’ Lut, ia marasa basadih ati karana (kaatangan) ia ka’ koa,623 man (marasa) nana’ bakakuatan nto’ ngalindungia’nya ka’koa, man iaka’koa (da utusan) bakata,”amelah kao gali’ man ame’ (uga’) basadih. Sabatolnya kami akan nyalamatatna’ kao man pangikut- pangikutnyu, kacoali bininyu, ia tamasok urkng-urakng nang dimasar (diminasaatn)”

Sasungguhnya Kami akan nuruntatn ajab dari langit ka’ panduduk kota nian, karana ia ka’ koa babuat na’ sanonoh (jahat)

Man sungguh, ka’nang ngkoa udah Kami (Allah) masar soatu tanda nang Nampak nyata624 ka’ urakng-urkng nang ngarati

Man ka’ panduduk madyan, (kami udah ngutus) sodaranya Syu’aib. Ia bakata,”wahe kaumku! Sambahlah Allah, baarap lah (pahala) ka’ ari’aher (kiamat), man amelah kita’ bakaliaratn ka’ tanah ai’ babuat karusakatn”

Ia ka’ koa madah alok (Syu’aib), maka ia ka’ koa di timpa’ gempa nang miah dasat. lalau jajilah ia ka’ koa bangke-bangke nang bagalimpangan ka’ tampat-tampat padiamannya ka’ koa

Uga’ (ingatlah) ka’ kaom ‘Ad man kaom Samud. Sungguh, udah nyata ka’ kita’ (kaan- curatnya ka’ koa) dari bakas raba’ tampat badiapmnya ka’ koa. Setan udah majoat supaya katele’atnnya edo’ ka’ ia ka’ koa pabuatan jahatnya, sahingga ngalangi’nya dari jalatn (Allah), sadangkat ia ka’ koa ialah urakng-urakng nang bapanele’atn tajapm

Man uga’ Qarun, Fir’aun, Haman. Sungguh udah atakng ka’ ia ka’ koa Musa nang ngincakng katarangan-katarangan nang nyata. Tatapi ia ka’ koa balaku sombong ka’ dunia, ia ka’ koa urakng-urakng nang nana’ lapas (dari siksaatn Allah)

Maka masing-masing ia ka’ koa ada nang Kami (Allah) siksa karana dosa-dosanyaka’ antaranya ka’ koa ada nang Kami tinihatn ka’ ia ka’ koa ujan batu karikil, ada nang di timpa’ man suara karas nang mangguntur, ada nang Kami tingalampatn. Allah sama sakali nana’ nyalimia’nya ka’ koa, tatapi ia ka’ koalah nang nyalimi’ diri’nya babaro

Paumpama’an urakng-urakng nang naap palindung salian ka’ Allah, ialah saparati kaimpawa’ mamuat rumah, nang sasungguhnya rumah nang paling lamah (na’ kuat) ialah rumah kalimpawa’, sakiranya ia ka’ koa nau’an (ngarati)

Sungguh Allah nali’ah ahe ma’an nang ia ka’ koa sambah salain Ia, Ia maha Gagah man maha bijaksana

Man paumpama’an-paumpama’an nian Kami pamuat nto’ talino’, nana’ ada nang akan ngarati mahami’nya kacoali urakng- urakng nang bailmu

Allah majoat langit man ai’tanah nang haq,625 sungguh nang ka’ ampeatn koa pasti tadapat tanda-tanda (kakuasa’an Allah) ka’ urakng-urakng nang baiman

Bacalah Kitab (al-Quran ) nang udah diwahyuatn ka’ kao (Muhammad) man karajaatn salat. Sasungguhnya salat koa nyagah dari (pabuatatn) keji man mungkar, man (tau’antni’lah) ngingat Allah (Salat) koa labih aya’ (kautamaannya dari ibadah nang lain). Allah nau’an ahe nang kao karajaatn

Man amelah kao badebat mang ahli kitab, malaintatn mang cara nang baik, Kacoali man urakng-urakng nang zalim ka’antara iaka’koa,626 man kataatnlah, ”Kami udah ba iman ka’ (kitab-kitab) nang dituruntatn ka’ kami man nang dituruntatn ka’ kita’ Tuhan kami man Tuhannyu sote’; man nggan ka’ Ia kami nyarahatn diri’ kami”

Man ampakoalah Kami turuntatn Kitab (al- Quran) ka’kao. Adapun urakng-urakng nang udah Kami bare’atn Kitab (Taurat man Injil) iaka’koa ba iman ka’(Al-Quran), man ka’antaranya ka’koa (urakng-urakng kafir Mekah) ada nang baiman ka’-ia. Man ngge urakng-urakng kafir nang ngingkari’ ayat- ayat Kami

Man kao (Muhammad) nana’ paranah maca kitab ahe pun sanape’nya(al-Quran) man kao nana’(suah) nulis sote’ pun Kitab mang kokot kanannyu; sakiranya (kao paranah maca man manulis), niscaya ragu urakng- urakng nang ngingkari’nya

Sabanarnya, (al-Quran) koa ialah ayat-ayat nang jalas ka’dalapm dada urakng-urakng nang bailmu.627 nggan urakng-urakng nang zalim nang nana’ pucaya’ ka’ ayat-ayat Kami

Man iaka’koa (urakng-urakng kafir Mekah) bakata, ”Ngahe nana’ dituruntatn Mukjizat- mukjizat dari Tuhannya?” kataatnlah (Muhammad), “Mukjizat–mukjizat koa tasarah ka’ Allah. Aku nggan saurakng nang mare’ paringatan nang jalas”

Ahe ke’ nana’ cukup ka’ iaka’koa bahwa’ Kami udah nuruntatn ka’ kao kitab (Al- Quran) nang dimacaatn ka’iaka’koa? sungguh, dalapm (Al-Quran) koa ada rahmat nang aya’ man palajaran ka’ urakng-urakng nang baiman

Kataatnlah (Muhammad),”cukuplah Allah manjadi saksi antara aku man kita’. Ia nau’an ahe nang ka’ langit man ka’ tanah ai’. Man urakng nang pacaya ka’ batil man 29. AL-‘ANK ingkar ka’ Allah, iaka’koalah urakng-urakng nang rugi

Man iaka’koa minta’ ka’ kao supaya capat dituruntatn siksa, kade’ buke’ karana waktunya nang udah ditatapatn,628 pasti atakng siksa ka’ iaka’koa, man (siksaatn) pasti akan atakng ka’iaka’koa mang tiba- tiba, sadangkan iaka’koa nana’ nyadari’nya

Iaka’koa minta ka’kao supaya capat dituruntatn siksaatn. Man sasungguhya naraka Jahanam koa pasti ngulilikngi’ urakng-urakng kafir

Ka’ ari (katika) siksaatn napo’i’ iaka’koa dari atas man dari babah pahanya ka’koa man (Allah) bakata (ka’iaka’koa), ”Rasaatnlah (balasan dari) ahe nang udah kita’ karajaatn!”

Wahe amba-amba-Ku nang baiman! sungguh tanah ai’ Ku luas, maka sambah lah Aku (nihan)

Satiap nang banyawa akan marasaatn mati. Satalah koa, nggan ka’ Kamilah kita’ samua dipulangkatn

Man urakng-urakng nang baiman man nang ngarajaatn kabaikatn, sungguh, iaka’koa tatap Kami tampatatn ka’ tampat- tampat nang tingi (ka’ dalapm saruga), nang ngalir ka’ babahnya sunge-sunge, iaka’koa kakal ka’ dalapmnya. Koalah sabaik-baik balasan ka’ urakng nang babuat baik

(Ialah) urakng-urakng nang basabar man batawakal ka’ Tuhannya

Man sangahe manyak sagana laok bagarak nang banyawa nang nana’ (bisa) ngicakng (ngurus) rajakinya babaro. Allah lah nang mare’ razaki ka’ia man ka’kita’. Ia Maha Nangar, Maha Nau’an

Man kade’ kao batanya ka’ iaka’koa, ”sae ke’ nang nyiptaatn langit man tanah ai’ mang nundukatn mata’ari man bulatn? ”Pasti iaka’ koa akan manjawab,”Allah”. Maka ngahe iaka’koa bisa dipalingkatn (dari kabanaratn)

Allah ngalapangan rajaki ka’ urakng nang Ia kahandaki’ ka’antara amba-amba–Nya man Ia (uga’) nang matasi’nya. Sungguh Allah Maha Nau’an sagala ahe pun

Man kade’ kao batanya’ ka’iaka’ koa, ”Sae ke’ nang nuruntatn ai’dari langit lalu mang (ai’) koa diidupatnnya tanah ai’ nang udah mati?” pasti iaka’ koa akan manjawab, ”Allah,” kataatnlah,”sagala puji nto’ Allah,” Tapi kamanyakatn, ”iaka’ koa nana’ bangaratiatn

Man kaidupatn dunia nian nggelah repo- repo man pamainan. Man sasungguhnya nagari naherat koalah kaidupatn nang sabanarnya, sakiranya iaka’ koa nau’an

Maka kade’ iaka’ koa naik ka’ kapal, iaka’ koa bado’a ka’ Allah mang panoh rasa pangabdian (ikhlas) ka’ Ia,629 tapi katika Allah nyalamatatn iaka’ koa sampe ka’ tabikng ai’, malah iaka’ koa (mulakngagi’) masakutuatn (Allah)

Biarlah iaka’ koa ngingkari’ nikmat nang udah Kami bare’atn ka’iaka’ koa man ka’atinya iaka’ koa (idup) basanang-sanang (dalapm kakafiratn). Maka nae iaka’ koa akan nau’an (akibat pabuatatnnya)

Nana’ ke’ iaka’ koa nele’atn, bahawa’ Kami udah nyadiatn (nagarinya ka’ koa) tanah baraseh nang aman, padahal talino ka’ saki- tarnya babangarampokatn. Ngahe (sasudah nyata kabanaran ) iaka’ koa masih pucaya’ ka’ nang jahat man ingkar ka’ nikmat Allah

Man sae ke’ nang labih zalim dari pada urakng nang ngada-ngadaatn alok-alok ka’ Allah ato urakng nang madah alok nang hak,630 katika (nang hak) koa atakng ka’ ia? Nana’ ke’ ka’ dalapm naraka Jahanam koa na’ada tampat nto’ urakng-urakng kafir

Man urakng-urakng nang bajihad nto’(ngago’ karidoatn) Kami, Kami akan nojokatn ka’iaka’ koa maraga-maraga Kami, Man sungguh Allah basama-sama urakng-urakng nang babuat baik. a