Kendayan - Chapter 31

Alif L±mM³m

Nianlah ayat-ayat al-Quran nang mangandung hikmah

Sabage patunjuk man Rahmat ka’ urakng- urakng nang babuat kabaikatn

(Ialah) uarakng-urakng nang ngarajaatn salat, ngaluaratn zakat man iaka’koa ngayakini’ adanya naherat

Iaka’koa lah urakng-urakng nang tatap namu patunjuk dari Tuhannya man iaka’koa lah urakng-urakng nang baruntukng

Man ka’ antara talino (ada) urakng nang make omongan kosong nto’ nyasatatn (talino) ka’ maraga Allah tampa ilmu man nyadiatn olo’-olo’atn. Iaka’koa akan namu siksa nang miah hina

Man kade’ dibacaatn ka’ ia646 ayat-ayat Kami, ia bapaling man nyombongkatn diri’ seolah-olah ia nape’ nangaratnnya, saakan- akan ada jukut nyumbar ka’ kadua tarenyekng nya maka repoatni’lah ia mang siksa nang miah padih

Sabatolnya urakng-urakng nang ba iman man ngarajaatn kabaikatn, iaka’koa akan namu saruga-saruga nang barisi’ kanikmatatn

Iaka’koa kakal ka’ dalapm nya, sabage janji Allah nang banar. Man Ia Maha Pakasa Maha Bijaksana

Ia nyiptaatn langit nana’ ba tihakng ampahe nang kao tele’mang Ia nya laka’atn gunung- gunung (ka’ atas) tanah ai’supaya ia (tanah) nana’ ngoyangkatn kita’ man ngambang- biakatn sagala macam janis laok bagarak man banyawa ka’ dunia. Man Kami turuntatn ai’ ujatn dari langit, lalu Kami tumuhatn ka’ ia sagala macam tumuh- tumuhatn nang baik

Nianlah ciptaatn Allah, maka tele’atn lah dikita ka’ aku ahe nang udah dipajoati di jukot (nang kita’sambah) salain Allah. Sabanarnya urakng-urakng nang zalim koa barada ka’ dalapm kasasatatn nang nyata

Man sungguh, udah Kami bare’atn hikmah ka’ Luqman, ialah, “Basyukurlah ka’ Allah! man sae ma’an basyukur, (ka’ Allah) maka sabatolnya ia basyukur nto’ diri’nya babaro; man sae ma’an nana’ basyukur (kufur) maka sabatolnya Allah Maha Kaya, Maha Tapuji”

Man (ingatlah) katika Luqman bakata ka’ anaknya, katika ia mare’ palajaran ka’ anak- nya, ”Wahe anak ku! Amelah kao nyakutuatn Allah, sabatolnya nyakutuatn (Allah), ”ialah banar-banar kazaliman nang aya”

Man Kami parentahatn ka’ Talino, (babuat baik) ka’ kadua urakng tuhanya. uwe’nya udah mabuntingannya dalapm kaada’an lamah nang batambah-tambah, man nyu- su’i’nya dalapm omor dua tahutn. 647 Basyu- kurlah ka’ Aku man ka’ kadua urakng tuhanyu. ngge ka’ Akulahkita’ ka’ koa di pulangkatni’

Man kade’ kaduanya maksa koa nto’ nyakutuatn Aku mang sagala ahe nang kao nana’ ada ilmu tantang koa, maka amelah kao naati’ kaduanya, man pagauli’lah kaduanya ka’ dunia nang baik, man ikuti’lah maraga urakng nang notek ampus ka’ Aku. Laka’ koanggan ka’ Aku, tampat kambali kita’ maka akan Aku padahatni’ ka’ kita’ ahe nang udah kita’karajaatn

(Luqman bakata), ”Wahe anakku! sungguh, kade’ ada (jukut nang di pamuat) sabarat bege’ sawi, nang ada ka’ dalapm batu ato ka’ langit ato ka’ ai’ tanah, pasti Allah akan mare’nya (balasatn). Sabatolnya Allah Maha Alus, 648 Maha Taliti

Wahe anakku! karajaatnlah salat man suruhlah (talino) babuat nang edo’ (ma’ruf) man bai’atnlah (iaka’koa) dari nang mungkar, man basabarlah ka’ ahe nang nimpa’nyu, sabatolnya nang saparati koa tamasok pakara nang panting

Man amelah kao mamalingkatn muha dari talino (karana sombong) man amelah bajalatn ka’ tanah ai’ mang angkuh. Sungguh, Allah nana’ nyukai’ urakng- urakng nang sombong man ngalaga’atn diri’

Man sadarhanaatnlah dalapm bajalatn, 649 man sawe’atn lah suaranyu. Sabatolnya saburuk-buruk suara ialah suara kaladai”

Nana’ ke’ kao maratiatn bahoa’ Allah udah nundukatn ahe nang ada ka’ langit man ahe nang ada ka’ tanah ai’ nto’ (kapantingan nyu) man nyampuranaatn nikmat–Nya nto’ nyu lahir man batin. Tapi ka’ antara talino ada nang mantah tantang (kaesaatn) Allah tampa ilmu ato patunjuk man tampa kitab nang mare’ panarangan

Man kade’ dah di kataatn ka’ iaka’koa.” ikuti’lah ahe nang dituruntatn Allah.” Iaka’koa nyawap.” (nana’),tapi kami (nggan) ngikuti’ kabiasa’an nang kami tamui’ dari da’ne moyang kami.” Ahe ke’ iaka’koa (akan ngikutia’ ne’ moyang ka’koa). walaupun sabanarnya setan nyaru’ iaka’koa ka’ dalapm bara api nang miah nyala (naraka)

Man sae ma’an basarah diri’ ka’ Allah, padahal ia urakng nang babuat kabaikatn maka sabatolnya ia udah bapegang ka’ buhul (tali) nang kuat, nggan ka’ Allah aher sagala urusan

Man sae ma’an kapir maka kakapiratnya koa amelah nyadihatn kao (Muhammad). ngge ka’ Kami tampat kambali nyaka’koa, lalu Kami padahatn ka’ iaka’koa ahe nang udah iaka’koa karajaatn. Sabatolnya Allah Maha Nau’an Sagala isi ati

Kami biaratn iaka’koa basanang-sanang sabantar, laka’ koa’ Kami paksa iaka’koa (masok) ka’ dalapm siksa nang karas

Man sabatolnya, kade’ kao (Muhammad) tanya’an ka’ iaka’koa,” sae ke’ nang nyiptaatn langit man ai’ tanah?” tantu iaka’koa akan bajawab, “Allah.” kataatnlah, sagala puji nto’ Allah.” tapi kamanyakkatn iaka’koa nana’ nau’an

Nu’ Allahlah ahe nang ka’ langit man ka’ ai’ tanah. Sabatolnya Allah, Ialah nang Maha Kaya, Maha Tapuji

Man sa’andenya puhutn-puhutn ka’ tanah ai’ jadi pen man lautan (jadi ai’pen), ditambahatn tujuh lautan (agi’) salaka’ (karikng) nya, pasti nana’ akan abis-abisnya (ditulisatn) kalimat-kalimat Allah. 650 “sabatolnya Allah Maha Pakasa, Maha Bijaksana

Nyiptaatn man mangkitatn kita’ (bagi Allah) nggelah ampahe (nyiptaatn man mangkitatn) sete’ jiwa ngihan (mudah). Sabatolnya Allah Maha Nangar, Maha Nele’

Nana’ ke’ kao maratiatn, bahoa’ Allah masokatn malam ka’ dalapm siakng man masokkatn siakng ka’ dalapm malam, man Ia nundukkatn mata’ari man bulatn, masing- masing baredar sampe ka’ waktu nang ditantuatn. Sungguh, Allah Maha Taliti ahe nang kao karajaatn

Ampakoalah. Karana sabatolnya Allah, Ialah (Tuhan) nang sabanarnya, man ahe ma’an nang iaka’koa saru’ salain Allah ialah batil. Man sabatolnya Allah, Ialah nang Maha Tinggi, Maha Aya’

Nana’ ke’ kao maratiatn bahoa’ sabatolnya kapal koa balayar ka’ laut mang nikmat Allah, supaya ditele’atn-Nya ka’ kita’ sabagian dari tanda-tanda (kaaya’atn)-Nya. Sungguh, ka’ nang ampakoa tadapat tanda- tanda (kaaya’atn)-Nya satiap urakng nang miah sabar man manyak basyukur

Man kade’ iaka’koa digulong ombak nang aya’ ampahe gunung, iaka’koa nyaru’ Allah mang tulus ikhlas ba’agama ka’ Ia. Tatapi katika Allah nyalamatatn iaka’koa sampe ka’ tabikng, lalu sabagian iaka’koa tatap nampuh maraga nang lurus. 651 Adapun nang ngingkari’ ayat-ayat Kami nggelah panghianat nang nana’ batarima’ kasih

Wahe talino! Bataqwalah ka’ Tuhannyu man gali’lah ka’ ari nang (katika koa) saurakng apa’ nana’ bisa nolong naknya, man saurakng anak nana’ dapat (uga’) nolong apa’nya saebet pun. Sungguh, janji Allah pasti banar maka amelah sakali-sakali kita’ tapadaya di kaidupatn dunia, man amelah sampe kao tapadaya di da’ panipu dalapm (na’ati) Allah

Sabatolnya nggan ka’ sisi Allah ilmu tantang ari Kiamat; man Ia nang nuruntatn ujatn, man nau’ani’ ahe nang ada ka’ dalapm rahim. Man nana’ ada saurakng pun nang bisa nau’an (mang pasti) ahe nang akan dikarajaatn ampagi. 652 Man nana’ ada saurakng pun nangbisa nau’an ka’ tanah ai’ mae ia akan mati. Sungguh, Allah Maha Nau’an, Maha Kanal. a