Kendayan - Chapter 54 - Al-Qamar

Pas (ari kiamat) samakin samak, bulatn pun tabalah

Man kade’ iaka’koa (urakng-urakng musyrikin) nele’ soatu tanda (mukjijat), ia ka’kao bapaling man bakata, “(nian ialah) seher nang tarus manarus”

Man iaka’koa dah ngatoki’ (Muhammad) man mangikuti kamao’annya, padahal satiap urusan udah ada katatapatn nya

Man sungguh, udah atakng ka’ia ka’ ka’koa sangahe barita nang ka’ dalapmnya ada ancaman (atas kakafiratn)

(koalah) soatu nikmat nang sampurana, tapi paringatatn-paringatatn koa nana’ baguna (bagi iaka’koa)

Maka bapalinglah kao (Muhammad) dari iaka’koa ka’ ari (katika) panyaru’ (mala’ekat) ngincakng (iaka’koa) ka soatu nang nana’ ngarepoatn (ari pambalasatn)

Panele’atn iaka’koa ta tunduk, katika iaka’koa kaluar dari subur. Saakan - akan iaka’koa buntak nang batarabangan

Mang patuh iaka’koa sagara atakng ka’panyaru koa, urakng-urakng kafir bakata, “Nian ialah ari nang sulit”

Sanape’ iaka’koa, kaum Nuh uga’ udah ngaloki’ (Rasul), maka iaka’koa ngaloki’ amba Kami (Nuh) man bakata, “ ia urakng gila!” lalu diusirnya man ancaman

Maka ia (Nuh) ngadu ka’ Tuhannya, “Sasunggunya aku udah di kalahatn, maka tolonglah (aku)”

Lalu Kami buka’atn pintu-pintu langit mang (nuruntatn) ai’ nang tacurah

Man Kami jadiatn bumi nyamburatn mata- mata ai’ maka batamulah (ai’-ai’) koa sahingga (ngaruap nimbulatn) kaadaan (bancana) nang udah di tatapatn

Nang balayar mang pamalihara’an (pangawasan) Kami sabage balasatn bagi urakng nang udah di ingkari’ (kaumnya)

Man sungguh, kapal koa udah Kami jadiatn sabage tanda (palajaratn). Maka adake’ urakng nang mao naap palajaran

Maka nta batol dahsyatnya azab-Ku man paringatatn-Ku

Man sungguh, udah Kami mudahatn al- Quran nto’ paringatatn, maka ada ke’ urakng-urakng nang mao naap palajaratn

Kaum Ad pun udah babuat alek, maka nta niah dahsyatnya azab-Ku man paringatan- Ku

Sasungguhnya Kami udah niepatn nyan nang niah ka’ iaka’koa ka’ ari sial tarus manarus

Nang mamuat talino bagalimpangan, iaka’koa ampahe puhutn-puhutn kurma nang tumakng mang akar-akarnya

Maka nta niah dahsyatnya azab-Ku man paringatatn-Ku

Man sungguh, udah Kami mudahatn al- Quran nto’ paringatatn, maka adake’ urakng nang mao naap palajaran

Kaum samud pun udah mandustaatn paringatatn koa

Maka iaka’koa bakata, “ampahe diri’ akan ngikuti seko urakng talino (biasa) ka’ antara diri’? sungguh, kade ampakoa diri’ banar- banar udah sasat man gila

Ahe ke’ wahyu koa dituruntatn ka’ ia ka’ antara diri’? Pastilah ia (saleh) urakng nang miah pangalok (man) sombong”

Nae iaka’koa akan nau’an sae nang sabanarnya miah pangalak (man) sombong koa

Sasungguhnya Kami akan ngirimpatn onta nang bini sabage cobaan bagi iaka’koa, maka tungguhlah iaka’koa man basabarlah (saleh)

Man padahi’lah ka’ iaka’koa bahwa’ ai’ koa di bagi antara iaka’koa (mang onta bini koa) satiap urakng bahak namu giliran nyocok

Maka iaka’koa nyaru’ ayukng nya, lalu ia naap (onta koa) man munuhnya

Maka miah dahsyatnya azab-Ku man paringatatn-Ku

Kami kirimpatn atas iaka’koa sote’ suara nang karas manguntur, maka jadilah iaka’koa ampahe batakng-batakng karikng nang lapok

Man sungguh, udah kami mudahatn al- Quran nto’ paringatatn, maka adake’ urakng nang mao’ naap palajaran

Kaum Lut pun udah mandustaatn paringatatn koa

Sasungguhnya Kami kirimpatn ka’ ia ka’koa nyaru nang ngicakng batu-batu (nang ninihi’ iaka’koa) kacoali kaluarga Lut Kami salamatatn ia ka’koa ka’ akhir malam

Sabage nikmat dari Kami. Ampakoalah Kami mare’ balasatn ka’ urakng-urakng nang basukur

Man sungguh ia (Lut) udah maringatn iaka’koa akan ukuman kami, tapi iaka’koa mandustaatn paringatatn-Ku

Man sungguh, iaka’koa udah mujuknya (agar nyarahatn) tamunya (ka’iaka’koa), lalu kami buta’atn mata iaka’koa, maka rasatnlah azab-Ku man paringatatn-Ku

Man sungguh, ka’ ampagi ari nya iaka’koa banar-banar di timpa ajab nang tatap

Maka rasatnlah siksa-Ku. Man paringatatn- Ku

Man sungguh, udah Kami mudahatn al- Quran nto’ paringatatn, maka ada ke’ urakng nang mao naap palajaratn

Man sungguh paringatatn udah atakng ka’ kaluarga Fir’aun

Iaka’koa mustaatn mukjijat-mukjijat Kami samuanya, maka Kami azab iaka’koa mang azab dari nang Maha Pakasa, Maha Kuasa

Ahe ke’urakng-urakng kafir ka lingkungan kita’ (kaum musyrikin) labih baik dari iaka’koa, ato ke’ kita’ udah ada bajaminan kabebasatn (dari azab) dalapm kitab-kitab de’e

Ato iaka’koa bakata, “Kami nian golongan nang basatu nang pasti manang”

Golongan koa pasti akan di kalahatn man iaka’koa akan mundur ka’balakang

Bahkan ari kiamat koalah ari nang di janjiatn ka’iakoa man ari kiamat koa labih dahsyat man labih pahit

Sungguh urakng-urakng nang badosa barada dalapm kasasatatn (ka’dunia) man akan barada dalapm naraka (ka’naherat)

Ka’ ari iaka’ koadinyeret naraka ka muhananya, (dikataatn ka’iaka’koa), “rasakaatnlah dedelatn api naraka”

Sungguh, Kami ciptaatn sagala sasuatu manurut ukuran

Man parentah kami inggelah (mang) sote’ pakataatn ampahe besapatn mata

Man sungguh, udah Kami binasaatn urakng nang sarupa mang kita’ (kakafiratnya), maka adake’ urakng nang mao naap palajaran

Man sagala sasoatu nang udah ia ka’kao pamuat tacatat dalapm buku-buku catatan

Man sagala (sasuatu) nang enek maopun nang aya’ (samuanya) tatulis

Sungguh urakng-urakng nang batakwa barada ka’ taman-taman man sunge-sunge

Ka’ tampat nang di repoi’ ka’ isi Tuhan nang Maha Kuasa. a