Back to Languages
Kendayan - Chapter 56 - Al-Waqiah
Translation by Unknown — Permalink
Verse 1 — Surah Al-Waqiah 56:1
Kade’ ari kiamattajadi
Verse 2 — Surah Al-Waqiah 56:2
Tajadinya nana’bisa di dustaatn (di sangkal)
Verse 3 — Surah Al-Waqiah 56:3
(kajadian koa) ngarendahatn (sotu golongan) man ningian (golongan nang lain)
Verse 4 — Surah Al-Waqiah 56:4
Kade’ bumi diguncangatn sadahsyat- dahsyatnya
Verse 5 — Surah Al-Waqiah 56:5
Man gunung-gungan diancur lolohatn saancur-ancurnya
Verse 6 — Surah Al-Waqiah 56:6
Maka jadilah ia dabu nang batarabangan
Verse 7 — Surah Al-Waqiah 56:7
Man kita’ manjadi tahu golongan
Verse 8 — Surah Al-Waqiah 56:8
Iakoa golongan kanan824, nta batol mulianya golongan kanan koa
Verse 9 — Surah Al-Waqiah 56:9
Man golongan keba’825ntabatol singsaranya golongan keba’ koa
Verse 10 — Surah Al-Waqiah 56:10
Man urakng-urakng nang paling dolo’ (baiman), iaka’koalah nang paling dolo’ (masok saruga)
Verse 11 — Surah Al-Waqiah 56:11
Iaka’koalah urakng nang samak (ka’ Allah)
Verse 12 — Surah Al-Waqiah 56:12
Ada ka’dalapm sarugaka’nikmatatn
Verse 13 — Surah Al-Waqiah 56:13
Sagolongan aya’ dari urakng-urakng nang duhiya
Verse 14 — Surah Al-Waqiah 56:14
Man sagolongan damak dari urakng-urakng nang iaka’koa
Verse 15 — Surah Al-Waqiah 56:15
Ia iaka’koa ka’ atas karusi-karusi nang batahtaatn amas man pamata
Verse 16 — Surah Al-Waqiah 56:16
Iaka’koa basanar ka’atasnyabaadap-adapatn
Verse 17 — Surah Al-Waqiah 56:17
Iaka’koa dingulilikngi’ dikamuda’-kamuda’ nang tatap muda’
Verse 18 — Surah Al-Waqiah 56:18
Mang ngicakng galas, cere’ man sloke’ (piala) barisi’ cocokatn nang di na’ap dari ai’ nang ngalir
Verse 19 — Surah Al-Waqiah 56:19
Iaka’koa nana’ ngalukng karananya man nana’ uga’ mabuk
Verse 20 — Surah Al-Waqiah 56:20
Man buah-buahan ahe pun nang iaka’koa pilih
Verse 21 — Surah Al-Waqiah 56:21
Man dageng burukng ahe pun nang iaka’koa mao’
Verse 22 — Surah Al-Waqiah 56:22
Man ada bidadari-bidadari nang bamata gagas
Verse 23 — Surah Al-Waqiah 56:23
Ampahe mutiara nang tasimpatn baik
Verse 24 — Surah Al-Waqiah 56:24
Sabage balasatn atas ahe nang iaka’koa karajaatn
Verse 25 — Surah Al-Waqiah 56:25
Ka’ naung iaka’koa nana’ nangar omongan nang sia-sia mao’pun nang nimulatn dosa
Verse 26 — Surah Al-Waqiah 56:26
Tapi iaka’koa nangar ucapatn salam
Verse 27 — Surah Al-Waqiah 56:27
Man golongan kanan. Ntabatol mulianya golongan kanan koa
Verse 28 — Surah Al-Waqiah 56:28
(Iaka’koa) ada ka’ antara puhutn bidara nang nana’ baduri
Verse 29 — Surah Al-Waqiah 56:29
Man puhutn pisang nang basusun-susun (buahnya)
Verse 30 — Surah Al-Waqiah 56:30
Man tono’atn nang tabantang luas
Verse 31 — Surah Al-Waqiah 56:31
Man ai’ nang ngalir tarus-manarus
Verse 32 — Surah Al-Waqiah 56:32
Man buah-buahan nang manyak
Verse 33 — Surah Al-Waqiah 56:33
Nang nana’ baranti babuah man nana’ dibai’atn na’apnya
Verse 34 — Surah Al-Waqiah 56:34
Man kasor-kasor nang tabal agi’ ampuk
Verse 35 — Surah Al-Waqiah 56:35
Kami nyiptaatn ka’koa (bidadari-bidadari koa) sacara langsung
Verse 36 — Surah Al-Waqiah 56:36
Lalu Kami jadiatn iaka’koa parawan- parawan
Verse 37 — Surah Al-Waqiah 56:37
Nang panoh cinta (man) sabaya omornya
Verse 38 — Surah Al-Waqiah 56:38
Nto’ golongan kanan
Verse 39 — Surah Al-Waqiah 56:39
Sagolongan aya’ dari urakng-urakng nang duhinya
Verse 40 — Surah Al-Waqiah 56:40
Man sagolongan aya’ uga’ dari urakng na iaka’koa
Verse 41 — Surah Al-Waqiah 56:41
Man gologan keba’, ntabatol singsaranya golongan keba’ koa
Verse 42 — Surah Al-Waqiah 56:42
(Iaka’koa) dalapm siksa’an nyaru nang m angat man ai’ nang ningkorak
Verse 43 — Surah Al-Waqiah 56:43
Man tono’atn asap nang itapm
Verse 44 — Surah Al-Waqiah 56:44
Nana’ dingin man nana’ ngarepoatn
Verse 45 — Surah Al-Waqiah 56:45
Sasungguhnya iaka’koa sanape koa (de’e idup bamewah-mewah)
Verse 46 — Surah Al-Waqiah 56:46
Man iaka’koa tarus-manarus ngarajaatn dosa nang aya’
Verse 47 — Surah Al-Waqiah 56:47
Man iaka’koa bakata “kade’ kami udah mati, manjadi tanah man tulakng-tulakng ahe ke’ ke’ Kami banar-banar akan di bangkiatn agi’
Verse 48 — Surah Al-Waqiah 56:48
Ahe ke’ ene’nange kami nang duhinya (dibangkitatn agi’)?”
Verse 49 — Surah Al-Waqiah 56:49
Kataatnlah,“(Ao’), sasungguhnya urakng urakng nang dahinya man nang nae
Verse 50 — Surah Al-Waqiah 56:50
Pasti samua akan dikumpulatn ka’ waktu tatantu, ka’ari nang udah di maklumi
Verse 51 — Surah Al-Waqiah 56:51
Laka’koa sasungguhnya kita’, wahe urak urakng nang sasat agi’nustaatn
Verse 52 — Surah Al-Waqiah 56:52
Pasti akan makan puhutn zaqqum
Verse 53 — Surah Al-Waqiah 56:53
maka akan binsi’ parutkita’ mang ia(zaqqum)
Verse 54 — Surah Al-Waqiah 56:54
laka’koakita’ akan nyocok ai’ nang miah angat
Verse 55 — Surah Al-Waqiah 56:55
Maka kita’ nyocok ampahe onta (nang niah miah) nyocok
Verse 56 — Surah Al-Waqiah 56:56
Koalah palantaratn nto’nya ka’koa ka’ ari pambalasatn
Verse 57 — Surah Al-Waqiah 56:57
Kami udah nyiptaatn kita’, jahe kita’ nana’ manaratn (ari bangkit)
Verse 58 — Surah Al-Waqiah 56:58
Maka ada ke’ kita’maratiatn, tantang (banih talino) nang koa pancaratn
Verse 59 — Surah Al-Waqiah 56:59
Kita’ ke’nang nyiptaatnya, ato ke’ Kami panciptanya
Verse 60 — Surah Al-Waqiah 56:60
Kami udah natuatn kamatiatn masing- masing kita’ man kami nana’ lamah
Verse 61 — Surah Al-Waqiah 56:61
Nto’ ngantiatn kita’mang urakng-urakng nang ampahe kita’ (ka’ dunia) man mangkitatn kita’nae (ka’naherat) dalapm kaa’da’an nang nana’ kita’tau’atn’
Verse 62 — Surah Al-Waqiah 56:62
Man sungguh kita’ udah nau’an pancitaatn patama, jahe kita’ nana’ na’ap palajaratn
Verse 63 — Surah Al-Waqiah 56:63
Paranah ke’ kita’ maratiatn banih nang kita’ tanam
Verse 64 — Surah Al-Waqiah 56:64
Kita’ ke’nang numbuhatnya ato ke’ Kami nang numbuhatn
Verse 65 — Surah Al-Waqiah 56:65
Sakiranya Kamimao’, niscaya Kami ancuratn sampe lumat, maka kita’ akan heran tacangang
Verse 66 — Surah Al-Waqiah 56:66
(sambil bakata), “Sungguh, kami banar- banar mandarita karugiatn
Verse 67 — Surah Al-Waqiah 56:67
Bahkan kami nana’ namu asil ahe pun
Verse 68 — Surah Al-Waqiah 56:68
Paranah ke’ kita’ maratiatn ai’ nang kita’ cocok
Verse 69 — Surah Al-Waqiah 56:69
Kita’ ke’ nang nuruntatnnya dari rahu’ ato ke’ Kami nang nuruntatn
Verse 70 — Surah Al-Waqiah 56:70
Sakiranya Kami mao’, niscaya Kami nyadiatnnya pada’, jahe kita’ nana’ basyukur
Verse 71 — Surah Al-Waqiah 56:71
Maka paranah ke’ kita’ maratiatn tantang api nang kita’ nyalahatn (mang kayu)
Verse 72 — Surah Al-Waqiah 56:72
Kita’ ke’ nag numuhatn kayu koa ato ke’ Kami nang numuhatn
Verse 73 — Surah Al-Waqiah 56:73
Kami nyadiatnya (api koa) nto’ paringata man bahan nang baguna nto’ musafir
Verse 74 — Surah Al-Waqiah 56:74
Maka batasbehlah mang (nyabut) dama Tuhannyu nang Maha aya’
Verse 75 — Surah Al-Waqiah 56:75
Lalu aku basumpah mang tampat baredarnya bintak-bintakng
Verse 76 — Surah Al-Waqiah 56:76
Man sasungguhnya koa banar-banar sum nang aya’ sakiranya kita’nau’an
Verse 77 — Surah Al-Waqiah 56:77
Man (nian) sasungguhnya Al-Qur’an nan miah mulia
Verse 78 — Surah Al-Waqiah 56:78
Dalapm kitab nang tapalihara (Lauh Mahfudz)
Verse 79 — Surah Al-Waqiah 56:79
Nana’ ada nang ngarene’nya salain amba amba nang di suciatn
Verse 80 — Surah Al-Waqiah 56:80
Dituruntatn dari Tuhan saluruh alam
Verse 81 — Surah Al-Waqiah 56:81
Ahe ke’ kita’ nganggap remeh barita nian (Al-Qur’an)
Verse 82 — Surah Al-Waqiah 56:82
Man kita’ nyadiatn rajaki nang kita’ tarim (dari Allah) justru nto’ nustaatn (-Nya)
Verse 83 — Surah Al-Waqiah 56:83
Maka kade’ ampakoa jahe (nana’ maian) waktu (nyawa) udah sampe ka’karongkongan
Verse 84 — Surah Al-Waqiah 56:84
Man kita’ waktu koa nele’
Verse 85 — Surah Al-Waqiah 56:85
Man Kami labih samak ka’ ia daripada ki tapi kita’ nana’ nele’
Verse 86 — Surah Al-Waqiah 56:86
Maka jahe kade’ kita’memang nana’ dikuasai (di Allah)
Verse 87 — Surah Al-Waqiah 56:87
Kita’ nana’ mulangkatnnya (nyawa koa) kade’kita’ urakng nang banar
Verse 88 — Surah Al-Waqiah 56:88
Kade’ ia (urakng nang mati) koa tamasok nang di samakatn (ka’ Allah)
Verse 89 — Surah Al-Waqiah 56:89
Maka ia namu katanangan man rajaki ma saruga (nang binsi’) kanikmatatn
Verse 90 — Surah Al-Waqiah 56:90
Man adapun kade’ ia tamasok golongan kanan
Verse 91 — Surah Al-Waqiah 56:91
Maka, “salamnto’nyu (wahe) dari golong kanan!” (sambut mala’ekat)
Verse 92 — Surah Al-Waqiah 56:92
Man adapun kade’ ia tamasok golongan urakng nang dustaatn man sasat
Verse 93 — Surah Al-Waqiah 56:93
Maka ia di sambut siraman ai’ nang ningkorak
Verse 94 — Surah Al-Waqiah 56:94
Man di tunu ka’ dalapm naraka
Verse 95 — Surah Al-Waqiah 56:95
Sungguh, nianlah kayakinan nang banar
Verse 96 — Surah Al-Waqiah 56:96
Maka batasbehlah mang (nyabut) dama Tuhannyu nang maha aya’. a