Back to Languages
Kendayan - Chapter 75 - Al-Qiyamah
Translation by Unknown — Permalink
Verse 1 — Surah Al-Qiyamah 75:1
Aku (Allah) basumpah mang ari kiamat
Verse 2 — Surah Al-Qiyamah 75:2
Man aku basumpah demi nyawa nang salalu nyasali’ (diri’ nya babaro)
Verse 3 — Surah Al-Qiyamah 75:3
Ahe ke talino ngira, bahoa’ kami nana’ akan ngumpulatn (kambali) tulakng-tulakng nya
Verse 4 — Surah Al-Qiyamah 75:4
(Bahkan) kami mampu nyusun kambali jari’-jari’ nya nang sampurana
Verse 5 — Surah Al-Qiyamah 75:5
Tapi talino baka’inginan majoat kajahatan tarus manarus
Verse 6 — Surah Al-Qiyamah 75:6
Ia batanya’, “Mule ke’ ari kiamat koa?”
Verse 7 — Surah Al-Qiyamah 75:7
Maka kade’ dah tacolong mata (kagali’anan)
Verse 8 — Surah Al-Qiyamah 75:8
Man bulatn pun udah ilang cahanya
Verse 9 — Surah Al-Qiyamah 75:9
Lalu mata’ari mang bulatn di kumpulatn
Verse 10 — Surah Al-Qiyamah 75:10
Pada ari koa talino bakata, “ka’ mae tampat daria’”
Verse 11 — Surah Al-Qiyamah 75:11
Nana’! nana’ ada tampat balindung
Verse 12 — Surah Al-Qiyamah 75:12
Ngge ka’ Tuhannya tampat kambali pada ari koa
Verse 13 — Surah Al-Qiyamah 75:13
Pada ari koa di baritakan (di curitakan) ka’ talino ahe nang udah di karajaatn nya, man ahe nang di laleatn nya
Verse 14 — Surah Al-Qiyamah 75:14
Bahkan talino manjadi saksi atas diri’nya babaro
Verse 15 — Surah Al-Qiyamah 75:15
Man sakalipun ia ngamukakan alasan- alasannya
Verse 16 — Surah Al-Qiyamah 75:16
Ame kao (Muhammad) garakatn jilahnyu (nto’ maca Alquran) karana mao’ capat- capata’ (nguasaia’) nya
Verse 17 — Surah Al-Qiyamah 75:17
Sasungguhnya kami (Allah) nang akan ngumpulatnnya (ka’ dadanya) man macakannya
Verse 18 — Surah Al-Qiyamah 75:18
Kade’ dah kami salase macakannya maka tuna’an lah baca’annya koa
Verse 19 — Surah Al-Qiyamah 75:19
Kamodian sasungguhnya kami nang akan ngalasatn nya
Verse 20 — Surah Al-Qiyamah 75:20
Nana’ bahkan kita’ manyintai’ kaidupatn dunia
Verse 21 — Surah Al-Qiyamah 75:21
Man ngabeatn (nana’ paduli) ka’ kahidupan naherat
Verse 22 — Surah Al-Qiyamah 75:22
Muka-muka (urakng mukmin/islam) pada ari koa baseri-seri (repo)
Verse 23 — Surah Al-Qiyamah 75:23
Nele’ Tuhannya
Verse 24 — Surah Al-Qiyamah 75:24
Man muha-muha (urakng kapir) pada ari koa muram
Verse 25 — Surah Al-Qiyamah 75:25
Ia iaka’koa yakin bahwa’ akan di tinihatn (timpa’atn) malapataka nang miah dahsyat
Verse 26 — Surah Al-Qiyamah 75:26
Nana’ dah kade’ nyawa udah sampe ka’ karongkongan
Verse 27 — Surah Al-Qiyamah 75:27
Man di katakan (ka’ Ia), “sae nang bisa nyambuhatn”
Verse 28 — Surah Al-Qiyamah 75:28
Nang ta yakin bahwa’’ ngkoalah waktu papisahan (mang dunia)
Verse 29 — Surah Al-Qiyamah 75:29
Man batamu batis (keba’) mang batis (kanan)
Verse 30 — Surah Al-Qiyamah 75:30
Ka’ Tuhannyulah pada ari koa kita’ di kambaliatn
Verse 31 — Surah Al-Qiyamah 75:31
Karana Ia (de’e) nana’ manaratn (Al-Quran man Rasul) mang bai’ ngajarakan solat (sumbayang)
Verse 32 — Surah Al-Qiyamah 75:32
Tatapi justru ia madahnya alok (rasul koa) man bapaling (dari kabanaran)
Verse 33 — Surah Al-Qiyamah 75:33
Lalu Ia ampus ka’ kaluarganya mang kasombongan
Verse 34 — Surah Al-Qiyamah 75:34
Calakalah kao! maka calakalah
Verse 35 — Surah Al-Qiyamah 75:35
Sakali agi’ calakalah kao (talino)! maka calakalah
Verse 36 — Surah Al-Qiyamah 75:36
Ahe ke’ talino ngira, ia akan di biaratn ampakoangihan (tampa batanggong jawapatn)
Verse 37 — Surah Al-Qiyamah 75:37
Nana’ ke’ Ia (talino) mulannya ngge satetk mani nang di tumpahatn (ka’ dalapm rahem)
Verse 38 — Surah Al-Qiyamah 75:38
Lalu (mani koa) manjadi sasoatu nang malakat lalu Allah nyiptaatnnya (majoatnya) man nyampuranakan nya
Verse 39 — Surah Al-Qiyamah 75:39
Lalu ia majoat darinya koa (mani) sapasang laki-laki manang bini
Verse 40 — Surah Al-Qiyamah 75:40
Nana’ ke’ Allah nang babuat ampaikng bakoasa (uja’) man ngidupatn urakng mati. a